قوزعاۋشى كۇش ۇزدىكسىز تاسقىندادى، تۇراقتى مۇلىككە قارجى قوسۋدىڭ ٴونىمى ايتارلىقتاي بولدى
انار بۇلت \ شينجياڭ گازەتىنىڭ ٴتىلشىسى شى شين
شينجياڭ ەكونوميكاسىنىڭ ٴبىرىنشى ماۋسىمداعى ساندى مالىمەتتەرىندە تۇراقتى مۇلىككە قارجى قوسۋدىڭ ٴونىمى ايتارلىقتاي بولعاندىعى كورسەتىلدى.
اۆتونوميالى رايوندىق ساناق مەكەمەسىنىڭ تاياۋدا جاريالاعان ساندى مالىمەتىنە نەگىزدەلگەندە، ٴبىرىنشى ماۋسىمدا بۇكىل رايوننىڭ تۇراقتى مۇلىككە قارجى قوسۋ جالپى سوماسى (شارۋا وتباسىلارى قامتىلمايدى) سايكەس مەزگىلدەگىدەن %12.8 ارتقان.
كەلەلى نىسانداردىڭ ”قوزعالتقىشى“ ىسكە قوسىلىپ، ارتۋدى ورنىقتىرۋدىڭ ”ورنىقتىرعىشىن“ بەكەمدەپ، جوعارى ساپالى قارجى قوسۋدىڭ شينجياڭنىڭ جوعارى ساپالى دامۋىن دەمەۋدەگى قوزعاۋشى كۇشى ۇزدىكسىز تاسقىندادى.
جاڭا ەنەرگيا كاسىپ سالاسىنىڭ قارجى قوسۋعا دەم بەرۋى زور كولەمدە ارتتى
4 ـ ايدىڭ 24 ـ كۇنى ٴۇرىمجى قالاسى ميدۇڭ رايونىنىڭ سولتۇستىك بولىگىنە ورنالاسقان قۇمدى ٴشول فوتوۆولت بازاسى نىسانىنىڭ قۇرىلىس باسىنان تاقىلداتىپ ۇرعىلاعان، دانەكەرلەگەن داۋىستار ەمىس ـ ەمىس ەستىلدى، اۆتوكولىكتەر، ماشينالار تىنىمسىز ٴجۇرىپ، سان مىڭداعان قۇرىلىسشىلار قازىق ىرگەتاس، بولشەكتەر جانە فوتوۆولت تاقتاسى سياقتىلاردى ورناتۋ جۇمىستارىمەن قاربالاس ٴجۇر.
ميدۇڭ رايونىنىڭ سولتۇستىك بولىگىندەگى قۇمدى شولدە كۇن ەنەرگياسى بايلىعى مول، ساۋلە شاشۋ كۇشەمەلىلىگى زور، كۇننىڭ تۇسەتىن ۋاقىتى ۇزاق. ٴۇرىمجى وسى جەرگە جالپى جەر اۋدانى ٴبىر ميلليون 30 مىڭ مۋ كەلەتىن فوتوۆولت بازاسىن جوسپارلاپ سالدى، جوسپارلاپ سالىناتىن جالپى اگراگات سيىمدىلىعى 20 ميلليون كيلوۆات، قازىر 7 فوتوۆولت نىسانى اتقارىلىپ، اگراگات كولەمى 9 ميلليون 400 مىڭ كيلوۆات بولىپ، 40 ميلليارد يۋاننان استام قارجى قوسىلادى دەپ مەجەلەنۋدە.
قازىر جۇڭگو جاسىل ەلەكتر سەرىكتەستىگى 3 ميلليون 500 مىڭ كيلوۆات، مەملەكەتتىك ەلەكتر توبى ٴبىر ميلليون 600 مىڭ كيلوۆات، شينجياڭ بوگۋاڭ ٴبىر ميلليون كيلوۆات سياقتى فوتوۆولت نىساندارى قازىرگى ۋاقىتتاعى قۇرىلىس جۇرگىزۋدىڭ ”التىن مەزگىلىن“ مىقتاپ يگەرىپ، نىسان قۇرىلىسىن بار كۇشپەن ىلگەرىلەتۋدە.
ميدۇڭ رايونىنىڭ سولتۇستىك بولىگىندەگى قۇمدى ٴشول فوتوۆولت بازاسىنىڭ كورىنىسى شينجياڭنىڭ جاڭا ەنەرگيا كاسىپ سالاسىنىڭ قاۋىرت دامىعان بەتالىسىن ايگىلەدى.
اۆتونوميالى رايوندىق ساناق مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى حاۋ جۇنچيڭ بىلاي دەپ تانىستىردى: بيىل جىل باسىنان بەرى بۇكىل رايوندا جوعارىدان تومەنگە دەيىن مەملەكەتتىڭ جاڭا ەنەرگيانى زور كۇشپەن دامىتۋ ورايىن مىقتى يگەرىپ، جاڭا ەنەرگيا نىسان قۇرىلىسىن جەدەل ورنالاستىرىپ، كولەمدى جەل، جارىق بازاسى جانە جەل مەن جارىقتان پايدالانىپ سۋتەگىن ٴوندىرۋ سياقتى نىسان قۇرىلىستارىن ۇزدىكسىز جەدەل ىلگەرىلەتىپ، بۇكىل رايون بويىنشا قارجى قوسۋدىڭ ٴبىرشاما تەز ارتۋىن جەتەكتەدى.
ساندى مالىمەت ەڭ يلاندىرۋ قۋاتىنا يە. ٴبىرىنشى ماۋسىمدا، بۇكىل رايوندا جەل كۇشى، فوتوۆولت ارقىلى ەلەكتر تاراتۋ قۇرىلىس نىساندارىنا قارجى قوسۋ سايكەس مەزگىلدەگىدەن %93.2 ارتىپ، تۇراقتى مۇلىككە قارجى قوسۋدىڭ 8.3 پايىز ارتۋىن جەبەدى. مۇنىڭ ىشىندە: جەل كۇشىمەن ەلەكتر تاراتۋ جانە فوتوۆولتتىق ەلەكتر تاراتۋ نىساندارىنا قارجى قوسۋ سايكەس مەزگىلدەگىدەن جەكە ـ جەكە %46.5 جانە 1.2 ەسە ارتىپ، تۇراقتى مۇلىككە قارجى قوسۋدىڭ ارتۋىن جەكە ـ جەكە 1.5 جانە 6.8 پايىز جەبەدى.
ٴىرى نىساندارعا قارجى قوسۋدىڭ ”ورنىقتىرعىشتىق“ رولى كورنەكتى بولدى
ٴبىرىنشى ماۋسىم اسىلىندە نىسان قۇرىلىسىندا ٴداستۇرلى ”سايابىر مەزگىل“ سانالاتىن، الايدا شينجياڭ الدىمەن قيمىلداپ، ەرتە باستان يگەرىپ، بارلىق ٴتيىمدى ورايدى قولدان جىبەرمەي يگەرىپ، بارلىق ٴتيىمدى شارت ـ جاعدايدان پايدالانىپ، كەلەلى نىسانداردى جەدەل ىلگەرىلەتۋگە دەم بەردى.
2 ـ ايدىڭ 26 ـ كۇنى شينجياڭ 2024 ـ جىلعى ٴبىرىنشى ماۋسىمداعى بۇكىل رايوننىڭ كەلەلى نىسانداردى ورنالاستىرۋ ٴماجىلىسىن وتكىزدى، بۇل بۇرىنعى جىلدارداعىدان جارتى اي بۇرىن باستالىپ، اۆتونوميالى رايوندىق پارتكوم مەن ۇكىمەتتىڭ نىسان قۇرىلىسىن ”ەرتە“، ”تەز“، ”جوعارى“ ىلگەرىلەتۋ سەنىمى مەن بەكىمىن كورنەكتىلەندىردى.
سول كۇنى شينجياڭداعى ەڭ ۇلكەن جىلۋ مەن ەلەكتردى بىرگە ٴوندىرۋ نىسانى _ قاشقار حۋاديان 660000 × 2 كيلوۆاتتىق جىلۋ مەن ەلەكتردى بىرگە ٴوندىرۋ نىسانى، شينجياڭ جيڭحۇي جاڭا ماتەريال شەكتى سەرىكتەستىگىنىڭ جىلىنا 100 مىڭ توننا جوعارى ساپتىقتاعى كوپ كريستالدى كرەمني ٴوندىرۋ نىسانى، كۇشار _ ارال _ مارالباسى 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى سياقتى 72 نىشاندىق كەلەلى نىسان قۇرىلىس باستادى.
ساناق ساندى مالىمەتتەرىندە كورسەتىلۋىنشە، ٴبىرىنشى ماۋسىمدا شينجياڭ جوسپارىنداعى جالپى قوسىلاتىن قارجىسى 100 ميلليون يۋان جانە ودان جوعارى بولاتىن سالىنىپ جاتقان نىسان 1251 بولىپ، ورىندالعان قارجى قوسۋ سوماسى سايكەس مەزگىلدەگىدەن %21.6 ارتقان، تۇراقتى مۇلىككە قوسىلعان قارجى سالىستىرماسىنىڭ %75.1ىن يەلەپ، تۇراقتى مۇلىككە قارجى قوسۋدى 15 پايىز ارتتىرعان.
”ٴىرى نىساندارعا قارجى قوسۋدىڭ ’ورنىقتىرعىشتىق‘ رولى ونان ارى كورنەكتىلەندى“. اۆتونوميالى رايوندىق دامۋ جانە رەفورما كوميتەتى نىسان قۇرىلىسى باسقارماسىنىڭ باستىعى ۋاڭ حۋان مىنانى ٴبىلدىردى: قارجى قوسۋ كولەمى زور، شارپۋ كولەمى كەڭ، جەتەكتەۋ رولى كۇشتى ٴبىر توپ كەلەلى نىسان جەدەل اتقارىلىپ، بۇكىل رايون ەكونوميكاسىنىڭ جوعارى ساپالى دامۋىنا پارمەندى تىرەك ازىرلەيدى.
مەملەكەتتىڭ كەلەلى ستراتەگياسىن ارقاۋ ەتىپ، ورتالىقتىڭ مەجە ەسەبى ىشىندەگى قارجى قوسۋ باعدارىمەن تىعىز جاناسىپ، نازاردى وسى زامانعى نەگىزدىك قۇرىلعىلار قۇرىلىسى، ”سەگىز ٴىرى كاسىپ سالاسى شوعىرى“، قوعامدىق حالىق تۇرمىسىن قامتاماسىزداندىرۋ سياقتى ٴتۇيىندى سالالارعا شوعىرلاندىرىپ، اۆتونوميالى رايوندىق دامۋ جانە رەفورما كوميتەتى 2024 ـ جىلعى شينجياڭنىڭ ٴتۇيىندى نىساندارىنىڭ ٴتىزىمىن ايقىندادى.
بيىل شينجياڭ 430 ٴتۇيىندى نىساندى اتقارىپ، جيىنى 3 تريلليون 300 ميلليارد يۋان قارجى قوستى، 350 ميلليارد يۋاننان استام قارجى قوسۋدى ورىنداۋدى جوسپارلاپ وتىر. 2023 ـ جىلمەن سالىستىرعاندا، نىسان سانىنان 30ى كوبەيىپ، جالپى قوسىلاتىن قارجى 607 ميلليارد 700 ميلليون يۋان ارتىپ، جىلدىق جوسپارداعى قارجى قوسۋدى 50 ميلليارد يۋاننان استام ارتتىرعان.
جوعارى تەحنيكالىق كاسىپ سالالارىنا قارجى قوسۋ جىلدام ارتتى
3 ـ ايدىڭ 28 ـ كۇنى جالپى قوسىلاتىن قارجىسى 170 ميلليارد يۋان بولعان قۇمىل ەنەرگيادان شوعىرلى جاڭالىق اشۋ بازاسىنىڭ نەگىزدىك قۇرىلعىلار قۇرىلىسى نىسانى باركول قازاق اۆتونوميالى اۋدانىنىڭ ساقابۇلاق باقشا رايونىندا قۇرىلىس باستاپ سالىندى. نىسان سالىنىپ بولعاننان كەيىن، جەرگىلىكتى ورىننىڭ جۇمىستاندىرۋىن جەبەۋدە، جوعارعى، تومەنگى بۋىنداعى كاسىپ سالالارىنىڭ بىرلەسىپ ارەكەتتەنىپ دامۋىندا ماڭىزدى رول اتقارادى، سونداي ـ اق شينجياڭدا كومىردەن جوعارى ٴونىمدى پايدالانۋ ۇلگىسىن قالىپتاستىرادى.
”ٴبىرىنشى ماۋسىمداعى شينجياڭنىڭ جوعارى تەحنيكالى كاسىپ سالالارىنا قارجى قوسۋى جىلدام ارتىپ، جاڭالىق اشا دامۋدىڭ تەبىنى كۇشەيدى“. حاۋ جۇنچيڭ بىلاي دەدى: باسىمدىققا، ەرەكشەلىككە يە وسى زامانعى كاسىپ سالاسى جۇيەسىن جەدەل قۇرۋدى ارقاۋ ەتىپ، شينجياڭ كاسىپ سالالارى قۇرىلىمىندا تيبىن وزگەرتىپ، دارەجەسىن جوعارىلاتۋدى بەلسەنە ىلگەرىلەتىپ، ٴبىر توپ جوعارى تەحنيكالى جاساۋ كاسىبى نىساندارىنىڭ قۇرىلىسى جەدەلدەتىلىپ، جوعارى ساپالى دامۋعا قارجى قوسۋعا دەم بەرەدى.
ٴبىرىنشى ماۋسىمدا بۇكىل شينجياڭداعى تۇڭعىش زەردەلى ەسەپتەۋ ورتالىعى _ جۇڭگو جىلجىمالى حابارلاسۋى (قارامايلى) بۇلتتىق ەسەپتەۋ زەردەلى ەسەپتەۋ ورتالىعى قارامايلى بۇلتتىق ەسەپتەۋ كاسىپ سالاسى باقشاسىندا ىسكە قوسىلدى، ەلىمىزدەگى تۇڭعىش 10 مىڭ مەتر دارەجەسىندەگى ەرەكشە تەرەڭ ۇڭعىما شينجياڭدا دۇنيەگە كەلدى، شينجياڭ بۇكىل الەمدە تۇڭعىش رەت ”ەكى ٴتۇرلى گازدى بىرگە الۋدى“ جۇزەگە اسىردى ...
وسىعان سايكەس، ٴبىرىنشى ماۋسىمدا بۇكىل رايونداعى جوعارى تەحنيكالى كاسىپ سالالارىنا قارجى قوسۋ بويىنشا قۇرىلىس جۇرگىزىلگەن نىسان 121 بولىپ، جوعارى تەحنيكالى كاسىپ سالاسىنا قارجى قوسۋ سايكەس مەزگىلدەگىدەن %34.2 ارتىپ، تۇراقتى مۇلىككە قارجى قوسۋدىڭ ارتۋ قارقىنىنان 21.4 پايىز جوعارى بولدى. مۇنىڭ ىشىندە، جوعارى تەحنيكالى جاساۋ كاسىبى مەن جوعارى تەحنيكالى قىزمەت وتەۋ كاسىبىنە قارجى قوسۋ سايكەس مەزگىلدەگىدەن جەكە ـ جەكە %74.5 جانە %19.4 ارتتى.
جوعارى تەحنيكالى كاسىپ سالاسىنا قارجى قوسۋدىڭ، جوعارى تەحنيكالى جاساۋ كاسىبىنە قارجى قوسۋدىڭ ٴبىرشاما تەز ارتۋى شينجياڭنىڭ جاڭاشا وندىرگىش كۇشتەرىنىڭ دامۋ بەتالىسى جىلدام قالىپتاسىپ كەلە جاتقاندىعىن اڭعارتادى.
قارجى قوسۋدى ورنىقتىرۋ ەكونوميكانىڭ مەزەتتىك ارتۋىن جەتەكتەۋ ٴۇشىن ەمەس، قايتا ۇزاق بولاشاقتىق تۇرعىدان جوعارى ساپالى دامۋدىڭ نەگىزىن بەكەمدەۋ ٴۇشىن بولىپ تابىلادى.
بيىل شينجياڭ نازاردى وسىزاماندانعان كاسىپ سالاسى جۇيەسىن ورناتۋعا شوعىرلاندىردى، مۇناي، گاز ٴوندىرۋ، وڭدەۋ، كومىر، كومىر ەلەكتر، كومىر حيميا، جاسىل كەن كاسىبى، جاڭا ەنەرگيا، جاڭا ماتەريال سياقتى سالالاردا 191 ٴتۇيىندى نىسان ورنالاستىرىپ، كاسىپ سالاسىن جاڭالىق اشا دامىتۋداعى ىزدەنىس امالياتىن تولىق ايگىلەدى، مۇنىڭ تۇتاس جىلداعى قارجى قوسۋدىڭ ارتۋىنا اناعۇرلىم زور ۇلەس قوساتىندىعى داۋسىز.
ەكىنشى ماۋسىم _ شينجياڭداعى نىسان قۇرىلىسىنىڭ ”التىن مەزگىلى“ جانە ”شەشۋشى مەزگىلى“. حاۋ جۇنچيڭ بىلاي دەدى: كەلەسى كەزەڭدە كەلەلى نىسانداردىڭ تياناقتانۋ، سالىنۋ اياق الىسىن جەدەلدەتىپ، شينجياڭنىڭ قارجى قوسۋىنىڭ جوعارى ساپالى دامۋىن ىلگەرىلەتۋگە بەرىك نەگىز قالايمىز.