شينجياڭ فيلوسوفيا-قوعامدىق عىلىمدار تورابى
دەمالىس كەزىندە شينجياڭدا شەكارا اتتاعان ساياحات دۋماندى بولدى
   ۋاقىتى:2024-05-06   |  كەلۋ قاينارى: شينجياڭ گازەتى

دەمالىس كەزىندە شينجياڭدا شەكارا اتتاعان ساياحات دۋماندى بولدى

انار بۇلت \ شينجياڭ گازەتىنىڭ ٴتىلشىسى بارشا تەگىس

  ”3 كۇن ۋاقىت قالدى، ٴبىز تاعى شىعىس قازاقستان وبلىسىنىڭ ايگىلى كورىنىس تۇيىندەرىنە بارىپ ساياحاتتايمىز“... 5 ـ ايدىڭ 3 ـ كۇنى قارامايلى قالاسىنان كەلگەن ساياحاتشى جاۋ گاڭ الەۋمەتتىك جەلى تۇعىرىندا شەكارا اتتاعان ساياحاتتىڭ جاعدايىن جاريالادى. 4 ـ ايدىڭ 30 ـ كۇنى جاۋ گاڭ مەن 40 كاسىپتەس سەرىگى 13 جەكەلىك اۆتوكولىك اترەتىن ۇيىمداستىرىپ، جەمەنەي شەكارا وتكەلىنەن شىعىپ قازاقستانعا بارىپ، 6 كۇندىك شەكارا اتتاعان ساياحاتتى باستادى.

  ”تاياۋدا ٴوز اۆتوكولىگىمەن ساياحاتتايتىن 100 ساياحاتشى توپقا ٴبولىنىپ جەمەنەي شەكارا وتكەلىنەن شىعىپ، شەتەلدىڭ جاراتىلىستىق كورىنىسىن تاماشالايدى“. شينجياڭ توفىڭ حالىقارالىق ساياحات كووپەراتيۆى شەكتى سەرىكتەستىگىنىڭ باس ديرەكتورى سۇي شۋجۋان بىلاي دەدى: بيىل جۇڭگونىڭ ”قازاقستان ساياحات جىلى“، جۇڭگو ازاماتتارىنىڭ قازاقستانعا ساياحاتتاۋ ىنتاسى كۇن سايىن كۇشەيىپ كەلەدى. جەمەنەي شەكارا وتكەلى ٴوزىنىڭ ”ٴبىر كەدەندە 4 ەلگە تۇتاسۋ“ سىندى وڭىرلىك ورىن ارتىقشىلىعىنان پايدالانىپ، اناعۇرلىم كوپ ساياحاتشىنى وسى ارادان شەكارادان شىعىپ قازاقستانعا بارۋعا باۋرادى. ”1 ـ مامىر“ دەمالىسىندا توفىڭ حالىقارالىق ساياحات كووپەراتيۆى قارامايلى قالاسىنان 40 ساياحاتشىنى جەمەنەي شەكارا وتكەلى ارقىلى مەملەكەت قاقپاسىنان شىعىپ شەكارا اتتاپ ساياحاتتاپ، وزگە ەلدىڭ سالت ـ ساناسىن سەزىنۋگە ۇيىمداستىردى.

  شينجياڭ 8 مەملەكەتپەن شەكارالاسادى، كەدەننەن وتۋگە جانە جان ـ جاقتى شەكارا اتتاعان ساياحاتقا قىزمەت وتەۋدىڭ قولايلىلىعى ٴتىپتى دە كوپ ادامنىڭ ”1 ـ مامىر“ كەزىندە شەكارا اتتاپ ساياحاتتاۋدى، زات ساتىپ الۋ ساياحاتىن تاڭداۋىنا مۇمكىندىك جاسادى.

  5 ـ ايدىڭ 3 ـ كۇنى قاشقار شەكارا اتتاعان ەلەكتروندى ساۋدا كورمەسى ساۋدا ورتالىعىندا الارماندار وزدەرى ۇناتاتىن شەكارا اتتاعان كەدەن باجىسى الىنبايتىن، تاۋارلاردى تاڭداۋمەن قاربالاس بولىپ جاتتى. ”مەن بۇل جەردىڭ كونە الارمانىمىن، كەدەن باجىسى الىنبايتىن ەرىن بوياۋى جانە بەتىمايلاردى ۇنەمى كەلىپ الىپ تۇرامىن“، ـ دەدى قاشقار قالاسىنىڭ تۇرعىنى گۇلبوستان سامەتجان. قاشقار شەكارا اتتاعان ەلەكتروندى ساۋدا كورمە ساۋدا ورتالىعىنداعى كەدەن باجىسى الىنبايتىن كوپتەگەن تاۋار ەۆروپا، امەريكا، جاپونيا، كورەيا، شىعىس وڭتۇستىك ازيا سياقتى ەلدەر مەن وڭىرلەردەن كەلگەن، جوعارى دەڭگەيلى بەزەنۋ بۇيىمدارى، قىزىل اراق، ازىق ـ تۇلىك، كۇندەلىكتى تۇتىنۋ سياقتى 3000نان استام ٴتۇردى قامتيدى.

  ” 1ـ مامىر“ دەمالىسىندا قورعاس شەكارا وتكەلى دە ەرەكشە دۋمانعا بولەندى.

  ”نەگىزگى تاقىرىپتىق سەرۋەندەگى موماقان قۋىرشاقتار، بايىرعى ۇلگىدەگى حانفۋ كورمەسى، تارتىمدى كۇلدىرگى ويىنى جانە سيقىر ونەرى وتە قىزىقتى ەكەن“. قازاقستاننىڭ الماتى وبلىسىنان كەلگەن ازات بايبول: مەن حانفۋ كيىپ ەستەلىك سۋرەتكە ٴتۇسىپ، جۇڭگونىڭ ٴداستۇرلى مادەنيەتىنىڭ وزگەشە باۋرامدىلىعىن سەزىنبەكشىمىن، ـ دەدى.

  5 ـ ايدىڭ 1 ـ كۇنىنەن بەرى، جۇڭگو _ قازاقستان قورعاس حالىقارالىق شەكارالىق سەلبەستىك ورتالىعىندا ەل اتتاعان تارتىمدى سيقىر ونەرى كونسەرتتەرى، قۋىرشاق كەيپىندە سەرۋەندەۋ جانە الىپ ويىنشىقتار ٴوزارا ىقپالداستىق قيمىلى كوپتەگەن جۇڭگولىق، شەتەلدىك ساياحاتشىنى باۋرادى. ساياحاتشىلاردىڭ قىزىل، كوك ەكى ٴتۇستى مەملەكەت شەكاراسىنىڭ الدىندا سۋرەتكە ٴتۇسىپ، ”ٴبىر قاداممەن ەكى ەلگە ٴوتۋ“ عاجايىپ سەزىمىن سەزىنۋىنە، جۇڭگو _ قازاقستان ەكى ەل ازاماتتارى مەن 3 ـ ەل ازاماتتارىنىڭ كۇشكە يە كۋالىكتەرىمەن ۆيزاسىز كىرىپ ـ شىعىپ، ساۋدا كەڭەسىن جانە تاۋار ساۋداسىن جاساۋىنا بولادى. 5 ـ ايدىڭ 1 ـ كۇنىنەن 2 ـ كۇنىنە دەيىن جۇڭگو _ قازاقستان قورعاس حالىقارالىق شەكارالىق سەلبەستىك ورتالىعىنا كىرىپ ـ شىققاندار 50 مىڭ ادامنان (رەت) استى.

  ۇعىسۋعا قاراعاندا، ”1 ـ مامىر“ دەمالىسىندا قورعاس قالاسى ”قالا شاتتىعى ماۋسىمى 1 · ـ مامىردا شاتتىققا بولەنۋدى“ نەگىزگى تاقىرىپ ەتىپ، ”جىبەك جولى مۋزيكالى ٴبيى“ كولەمدى ٴبي تەاترى، ”گۇلمەن جايقالعان جاستىق كوكتەم“ مۋزيكا مەرەكەسى، كوڭىلدى سەرۋەندەۋ، ۋاقىت پەن كەڭىستىكتەن ٴوتىپ ەسكىنى جاڭعىرتۋ باس قوسۋى سياقتى جەلىلەس مادەنيەت ـ ساياحات ەرەكشە قيمىلدارىن ۇسىنعان.

  بيىل جىل باسىنان بەرى قورعاس قالاسى شينجياڭ ەركىن ساۋدا سىناق رايونى، جۇڭگو ـ قازاقستان ەكى ەلدىڭ ٴوزارا ۆيزاسىز ساياحاتتاۋ كەلىسىمى ارتىقشىلىعىنان پايدالانىپ، ”شەكارا اتتاعان ساياحات سەلبەستىك ٴوڭىرىن قۇرۋ“ قۇرىلىسىن مىقتاپ ارقاۋ ەتىپ، جالپى وڭىرلىك ساياحاتتى، شەكارا اتتاعان ساياحاتتى زور كۇشپەن دامىتىپ، شينجياڭنىڭ ٴىشى ـ سىرتىنداعى ٴارقايسى ۇلكەن ساياحات سەرىكتەستىكتەرىمەن بىرلەسىپ، ”شينجياڭ + ورتا ازيا“ جەكە اۆتوكولىكپەن ساياحاتتاۋ جانە توپتىق ساياحاتتاۋ ونىمدەرىن ۇسىنىپ، جۇلدىز دارەجەلى قوناق ۇيلەر، اس ـ سۋ، كوڭىل اشۋ، ساۋدا قۇرىلعىلارى، فينانستىق قىزمەت وتەۋ سياقتى سالالارداعى 30عا جۋىق ٴتۇيىندى نىساندى، 3500دەن استام ساۋداگەردى ىرگە تەبۋگە باۋراپ، جۇڭگو _ قازاقستان ەكى ەلدىڭ ەكونوميكا ـ ساۋدا بارىس ـ كەلىسىنىڭ جانە گۋمانيتارلىق اۋىس ـ كۇيىسىنىڭ ماڭىزدى تۇعىرىنا اينالدى.

  قورعاس شەكارالىق قورعانىس تەكسەرۋ پۋنكتىنىڭ ساناعىنا قاراعاندا، بيىل 1 ـ ماۋسىمدا قورعاس وتكەلىنەن شەكارادان كىرىپ ـ شىققاندار 220 مىڭ ادامعا (رەت) جەتىپ، سايكەس مەزگىلدەگىدەن %211 ارتقان، ٴار كۇنى شەكارادان كىرىپ ـ شىققاندار 1600 ادامنان (رەت) اسىپ، ەڭ كوپ بولعاندا ٴبىر كۇندە 3000 ادامعا (رەت) جەتكەن.

جالعانىم


جاۋاپتى رەداكتورى: 沙衣力克·达拉力汉