شينجياڭ فيلوسوفيا-قوعامدىق عىلىمدار تورابى
شي جينپيڭ بەلگرادقا بارىپ، سەربياداعى مەملەكەتتىك ساپارىن باستادى
   ۋاقىتى:2024-05-10   |  كەلۋ قاينارى: شينجياڭ گازەتى

  جەرگىلىكتى ۋاقىت 5 ـ ايدىڭ 7 ـ كۇنى كەشتە مەملەكەت ٴتوراعاسى شي جينپيڭ ارناۋلى ۇشاقپەن بەلگرادقا جەتىپ، سەربيا زۇڭتۇڭى ۆۋچيچتىڭ ۇسىنىسىمەن سەربيادا مەملەكەتتىك ساپاردا بولدى. شي جينپيڭ ارناۋلى ۇشاقپەن بەلگرادتاعى نيكولاي تەسلا حالىقارالىق اۋەجايىنا جەتكەندە، سەربيا زۇڭتۇڭى ۆۋچيچ پەن حانىمى، جۇڭگومەن سەلبەستىك جاساۋ مەملەكەتتىك كوميتەتىنىڭ ٴتوراعاسى، بۇرىنعى زۇڭتۇڭ نيكوليچ پەن حانىمى، پارلامەنت باستىعى برنابيچ، زۇڭلي ۆۋچەۆيچ جانە سىرتقى ىستەر مينيسترى جۇريچ قاتارلىلار قىزۋ ىقىلاسپەن قارسى الدى.

□ سۋرەتتى شينحۋا اگەنتتىگىنىڭ ٴتىلشىسى حۋاڭ جيڭۋىن تۇسىرگەن

  شينحۋا اگەنتتىگىنىڭ 5 ـ ايدىڭ 7 ـ كۇنى بەلگرادتان بەرگەن حابارى (تىلشىلەر ليۋ حۋا، شى جۇڭيۇي). جەرگىلىكتى ۋاقىت 5 ـ ايدىڭ 7 ـ كۇنى كەشتە مەملەكەت ٴتوراعاسى شي جينپيڭ ارناۋلى ۇشاقپەن بەلگرادقا جەتىپ، سەربيا زۇڭتۇڭى ۆۋچيچتىڭ ۇسىنىسىمەن سەربيادا مەملەكەتتىك ساپاردا بولدى.

  شي جينپيڭ وتىرعان ارناۋلى ۇشاق سەربيانىڭ اۋە كەڭىستىگىنە كىرگەننەن كەيىن، سەربيا اۋە ارمياسىنىڭ 2 سوعىس ۇشاعى اۋە كەڭىستىگىنە كوتەرىلىپ قورعادى. شي جينپيڭ ارناۋلى ۇشاقپەن بەلگرادتاعى نيكولاي تەسلا حالىقارالىق اۋەجايىنا جەتكەندە، سەربيا زۇڭتۇڭى ۆۋچيچ پەن حانىمى، جۇڭگومەن سەلبەستىك جاساۋ مەملەكەتتىك كوميتەتىنىڭ ٴتوراعاسى، بۇرىنعى زۇڭتۇڭ نيكوليچ پەن حانىمى، پارلامەنت باستىعى برنابيچ، زۇڭلي ۆۋچەۆيچ جانە سىرتقى ىستەر مينيسترى جۇريچ قاتارلىلار قىزۋ ىقىلاسپەن قارسى الدى.

  ۆۋچيچ اۋەجايدا شي جينپيڭگە ارناپ وزگەشە ەرەكشەلىككە يە قوناقتاردى قارسى الۋ سالتىن وتكىزدى. سەربيانىڭ جاس وسپىرىمدەرى شي جينپيڭ مەن پىڭ لييۋانعا گۇل ۇسىندى، جۇڭگو _ سەربيا ەكى ەلدىڭ مەملەكەت تۋلارىن بۇلعاپ، ٴساندى ۇلتتىق كيىم كيگەن سەربيا بۇقاراسى ٴان ايتىپ، ٴبي بيلەپ، قىزۋ قارسى الدى.

  شي جينپيڭ جازباشا ٴسوز سويلەدى. شي جينپيڭ بىلاي دەپ اتاپ كورسەتتى: جۇڭگو مەن سەربيانىڭ ٴداستۇرلى دوستىعى تەرەڭ، ەكى ەل قارىم ـ قاتىناسى حالىقارالىق الماعايىپ وزگەرىستەردىڭ سىنىنان ٴوتىپ، مەملەكەت پەن مەملەكەت قارىم ـ قاتىناسىنىڭ تيپتىك ۇلگىسىن ورناتتى. 2016 ـ جىلى ەكى ەل جان ـ جاقتى ستراتەگيالىق سەرىكتەستىك قارىم ـ قاتىناس ورناتقاننان بەرى، ەكى جاقتى قارىم ـ قاتىناس قارىشتاپ دامىپ، تاريحي تابىستارعا قول جەتكىزدى. ەكى ەلدىڭ ساياسي ٴوزارا سەنىمدىلىگى بولاتتاي بەرىك، ”ٴبىر بەلدەۋ، ٴبىر جولدى“ جوعارى ساپامەن بىرگە قۇرۋدىڭ تابىسى مول بولىپ، ادامداردىڭ بارىس ـ كەلىسى اناعۇرلىم جيىلەپ، قۇرىشتاي بەرىك دوستىعى جۇرت جۇرەگىنە تەرەڭ ۇيالادى. جۇڭگو مەن سەربيانىڭ سەلبەستىگى تەڭدىك، ٴوزارا پايدا جەتكىزۋ نەگىزىندە قۇرىلعان، ەكى ەلدىڭ ٴتۇبىرلى مۇددەسى مەن ۇزاق بولاشاقتىق مۇددەسىنە ۇيلەسەدى. جۇڭگو جاق سەربيا جاقپەن بىرگە اۋەلگى ماقساتتى ۇمىتپاي، قول ۇستاسا العا باسىپ، قوزعاۋشى كۇشى اناعۇرلىم قۋاتتى، سالاسى اناعۇرلىم كەڭ، ساپاسى اناعۇرلىم جوعارى سەلبەستىك جاڭا جاعدايىن اشۋدى قالايدى. مەن وسى رەتكى ساپاردى وراي ەتىپ، ۆۋچيچ زۇڭتۇڭمەن ەكى جاقتى قارىم ـ قاتىناس، سونداي ـ اق باسقا دا ورتاق كوڭىل ٴبولىپ وتىرعان ماسەلەلەر جونىندە ىشكەرىلەي پىكىر اۋىستىرىپ، دوستىقتى بىرگە تىلگە تيەك ەتىپ، سەلبەستىكتى بىرگە اقىلداسىپ، دامۋدى بىرگە جوسپارلاپ، ەكى ەل قارىم ـ قاتىناسى دامۋىنىڭ جاڭا ۇلى جوباسىن جاساۋدى ٴۇمىت ەتەمىن. مەن وسى رەتكى ساپاردىڭ، ٴسوز جوق، سۇبەلى تابىستارعا قول جەتكىزىپ، جۇڭگو ـ سەربيا قارىم ـ قاتىناسى دامۋىنىڭ تىڭ تاراۋىن جازاتىندىعىنا سەنەمىن.

  ٴتوراعا شي جينپيڭنىڭ حانىمى پىڭ لييۋان، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترلىگىنىڭ مينيسترى ۋاڭ ي قاتارلى ساپارلاستارى وسى ۇشاقپەن بىرگە باردى.

  جۇڭگونىڭ سەربيادا تۇراتىن باس ەلشىسى لي ميڭ دە اۋەجايعا بارىپ قارسى الدى.

  شي جينپيڭ اۋەجايدان شىعىپ اۆتوكولىكپەن ٴوزى تۇسەتىن قوناق ۇيگە بارا جاتقان جولدا بەلگراد شات ـ شادىمان، قۋانىشتى بەينەگە شومدى. جۇڭگو _ سەربيا ەكى ەلدىڭ مەملەكەت تۋلارى بارلىق جەردە جەلبىرەپ، كوپتەگەن جەردە ”جۇڭگو قىزىلى“ جارقىرادى، ۇلكەن ەلەكتروندى ەكراندا ”سۇيىكتى جۇڭگولىق دوستاردى قىزۋ قارسى الامىز“ دەگەن جازۋ تولاسسىز قويىلدى. سەربيادا مەكەندەنگەن جۇڭگولىق حۋارىن، حۋاچياۋلار جانە سول ارادا وقىپ جاتقان جۇڭگولىق وقۋشىلار، سونداي ـ اق سەربيا بۇقاراسى ٴوز ەرىكتەرىمەن جولدىڭ ەكى جاعىندا كۇتىپ تۇرىپ، جۇڭگو مەن سەربيا ەكى ەلدىڭ مەملەكەت تۋلارىن بۇلعاپ، شي جينپيڭنىڭ ساپارلاي كەلگەندىگىن قىزۋ قارسى الدى.

جالعانىم

جاۋاپتى رەداكتورى: 沙衣力克·达拉力汉