شينجياڭ فيلوسوفيا-قوعامدىق عىلىمدار تورابى
شينجياڭدا كوكتەمگى ەگىس جۇمىسىنىڭ %80تەن استامى اياقتادى
   ۋاقىتى:2024-05-11   |  كەلۋ قاينارى: شينجياڭ گازەتى

 جازدىق ٴبيداي ەگۋ جوسپار مىندەتى نورمادان اسىرا ورىندالدى

  انار بۇلت \ شينجياڭ گازەتىنىڭ ٴتىلشىسى ليۋ ي 5 ـ ايدىڭ 9 ـ كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسىنەن ۇعىسۋىمىزشا، جۋىردا شينجياڭنىڭ كوكتەمگى ەگىس جۇمىسىنىڭ اياق الىسى ٴساتتى بولعان. قازىرگە دەيىن تۇتاس رايون بويىنشا ەگىلىپ بولعان ٴتۇرلى ەگىس داقىلدارىنىڭ جەر اۋدانى 61 ميلليون مۋدان اسىپ، بىلتىرعى سول تۇستاعىدان 2 ميلليون مۋدان استام ارتىپ، تۇقىم سەبىلگەن جەر %80تەن اسقان. مۇنىڭ ىشىندە جازدىق ٴبيداي، ماقتا ەگۋ جۇمىسى نەگىزىنەن اياقتاپ، جۇگەرى ەگۋ جۇمىسى اياقتاۋعا تاياعان.

  كوكتەمگى ەگىس مەزگىلىندە ٴار دارەجەلى اۋىل شارۋاشىلىعى، اۋىل ـ قىستاق تاراۋلارى ەگىس ٴساتىن مىقتى يگەرىپ، اۋىل شارۋاشىلىق ماتەريالدارىن، اۋىل شارۋاشىلىق ماشينالارىن دايىنداۋدى دەر كەزىندە ويداعىداي ىستەپ، استىق ٴوندىرۋ مىندەتىن اۋداندارعا، قالالارعا، اۋىل ـ قىستاقتارعا جانە ناقتى جەر بولىكتەرىنە دەيىن قاز ـ قالپىندا تياناقتاندىرىپ، استىق حاۋىپسىزدىگى نەگىزىن پارمەندى بەكەمدەدى.

  اۋىل شارۋاشىلىق جاعدايى جونىندەگى ورنالاستىرۋدا كورسەتىلۋىنشە، كەزەكتە تۇتاس شينجياڭنىڭ استىق داقىلدارىن ەگۋ اياق الىسى ٴساتتى بولىپ، 2 ميلليون 700 مىڭ مۋدان استام جەرگە جازدىق ٴبيداي ەگىلىپ، جوسپارداعى نىسانا نورمادان اسىرا ورىندالعان، سولتۇستىك شينجياڭداعى، شىعىس شينجياڭداعى ٴىشىنارا سۋىق، سالقىن وڭىرلەردە ٴالى دە ەگىلۋدە. جۇگەرى، كۇرىش، تۇينەك جەمىستىلەر سياقتى استىق داقىلدارىن ەگۋ قىزمەتى دە ٴساتتى ىلگەرىلەتىلۋدە، مەجەمەن 5 ـ ايدىڭ ورتا شەنىندە جاپپاي اياقتايدى.

  بيىل جىل باسىنان بەرى شينجياڭنىڭ جەر ـ جەرى، تاراۋلار كوكتەمگى اۋىل شارۋاشىلىق ٴوندىرىسى مەن اۋىل شارۋاشىلىعىندا اپاتتان ساقتانۋ، اپات شىعىنىن ازايتۋ، اپاتتان قۇتقارۋدى شىن مانىندە ماڭىزدى كەڭەستىك كۇن تارتىپكە قويىپ، كوپ تاراۋ سايكەسىپ بىرلەسىپ ارەكەتتەنۋ مەحانيزمىن اقاۋسىزداندىرىپ، كوكتەمگى اۋىل شارۋاشىلىق وندىرىسىندەگى ٴتۇيىندى مىندەتتەردىڭ تياناقتانۋىن ىلگەرىلەتتى. ٴار دارەجەلى دامۋ جانە رەفورما، قازىنا، اۋىل شارۋاشىلىعى، اۋىل ـ قىستاق، سۋ يگىلىگى، قامداۋ ـ ساتۋ، اۋا رايى، فينانس، بازاردى باقىلاۋ ـ باسقارۋ، قاتىناس ـ تاسىمال سياقتى تاراۋلار ٴوز مىندەتىن وتەپ، تىعىز سەلبەسىپ، قىزمەت وتەۋدى ىرىقتىلىقپەن ويداعىداي ىستەپ، نازاردى نەگىزگى ساتى مەن بۇقارانىڭ اڭىسى كۇشتى كورنەكتى ماسەلەلەرگە شوعىرلاندىرىپ، ساياساتتىق قولداۋ مەن فاكتور قامتاماسىزدىعىن كۇشەيتىپ، بار كۇشتى سالا وتىرىپ بوگەتتى تۇيىندەردى اشىپ، قيىن تۇيىندەردى شەشىپ، كەسىرلى تۇيىندەردى جويىپ، كوكتەمگى اۋىل شارۋاشىلىعى ٴوندىرىسىنىڭ ٴتارتىپتى ورىستەتىلۋىنە شىنايى كەپىلدىك ەتتى. اسىرەسە، كوكتەمدە ٴجيى بولاتىن تومەن تەمپەراتۋرالى سۋىق جانە بوراندى اۋا رايىنا مەڭزەس، اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسى اۋا رايى تاراۋلارىمەن بايلانىس جاساپ، كەڭەسۋدى كۇشەيتىپ، اپاتتان ساقتاندىرۋ ينفورماتسياسىن دەر كەزىندە تاراتىپ، ناقتى اپاتتان ساقتانۋ، اپات شىعىنىن ازايتۋ شاراسىن العا قويدى. سونىمەن بىرگە ٴار دارەجەلى اۋىل شارۋاشىلىعى تەحنيكتەرى اتىز ـ ارىق باسىنا بارىپ شارۋالاردىڭ جەرگىلىكتى جاعدايعا، مايسا جاعدايىنا قاراي ۇستەمە تىڭايتقىش بەرۋ، تامشىلاتىپ سۋارۋ، دەرت ـ دەربەز بەن زياندى جاندىكتەردەن ساقتانۋ ـ جويۋ سياقتى ەگىنجاي باسقارۋ قىزمەتىن ويداعىداي ىستەۋىنە جەتەكشىلىك ەتىپ، مايسا جاعدايىن وزگەرتىپ، دارەجەسىن ٴوسىرۋدى جەبەدى.

  كەزەكتە شينجياڭدا ٴبيدايدىڭ ٴوسۋ جاعدايى بۇرىنعى جىلدارداعىدان جاقسى، استىق جيناۋ ماشينالارى تولىق دايىندالىپ، جازعى استىقتان تاعى دا مول ٴونىم الۋعا پايدالى شارت ـ جاعداي ازىرلەدى.

جالعانىم


جاۋاپتى رەداكتورى: 沙衣力克·达拉力汉