شينجياڭ فيلوسوفيا-قوعامدىق عىلىمدار تورابى
جۇڭگو مەملەكەت باسشىسى ديپلوماتياسىنىڭ تارتىمدىلىعى مەن جاۋاپكەرشىلىك ارقالاۋى
   ۋاقىتى:2024-05-13   |  كەلۋ قاينارى: شينجياڭ گازەتى

  □ شينحۋا اگەنتتىگىنىڭ تىلشىلەرى حان لياڭ، سۇن حاۋ

  ازيا _ ەۆروپا ۇلى قۇرلىعىندا اۋقىم وزگەرىسى تەز بولدى؛ جۇڭگو ديپلوماتياسى تاعى دا جاڭا جورىققا قادام تاستادى.

  5 كۇن 6 تۇندە 3 ەلدىڭ 4 جەرىندە 10 مىڭ شاقىرىم جول باسىپ، 3 رەتكى مەملەكەتتىك ساپاردا بولىپ، ونداعان ەكى جاقتى جانە كوپ جاقتى قيمىلدارعا قاتىناستى، ٴتوراعا شي جينپيڭنىڭ ەۆروپاعا ساپارى ”تارتىمدىلىق ورلەۋىن“ كوتەرىپ، تالاي ـ تالاي ونەگەلى ساتتەردى ورنەكتەپ، ديپلوماتيانىڭ ٴبىر ـ بىرلەگەن ادەمى اڭگىمەلەرىن جازدى.

  كوكتەم شۋاعىمەن كوركى كوز تارتقان سەنا وزەنى جاعالاۋىنان اق قارعا ورانعان پيرەنەي تاۋى سىلەمدەرىنە دەيىن، دارقان پەيىلدى بالقان تۇبەگىنەن كۇلىمدەپ كۇن نۇرى توگىلگەن بۋداپەشتكە دەيىن، جول بويى قاشاندا الدان شىققان قىزۋ ىنتا ـ ىقىلاس پەن دوستىق سۇيىسپەنشىلىكتى سەزىنۋگە بولادى.

  دەن قويا ورنالاستىرۋلار، جۇرەكتى جىلىتار ناقتى جۇمىستار جۇڭگونىڭ ساپارعا بارعان ەلدەرمەن دوستىعىنىڭ تاتۋلىعى مەن تەرەڭدىگىن كورسەتىپ، دۇنيە ٴجۇزى جۇڭگو مەملەكەت باسشىسى ديپلوماتياسىنىڭ تارتىمدىلىعى مەن جاۋاپكەرشىلىك ارقالاۋىنا كۋا بولدى.

  شىن كوڭىلمەن ارالاسىپ، بارىنە تەڭ مامىلە جاساۋ، سۇيىسپەنشىلىككە ٴمان بەرىپ، ادامگەرشىلىكتى دارىپتەپ، شىن پەيىلمەن بەرەكەلى بولۋ _ جۇڭگو مەملەكەت باسشىسى ديپلوماتياسىنىڭ كىسىلىك تارتىمدىلىعى ٴارى جۇڭگو ديپلوماتياسىنىڭ ايقىن قاسيەتى.

  نيتستساداعى كەشكى كەڭەستەن يۇييۋانداعى شاي كەڭەسىنە دەيىن، سۇڭيۋاندا ديدارلاسۋدان وسى رەتكى ايالدامادا بۇكپەسىز اڭگىمەلەسۋگە دەيىن، سوڭعى جىلدارى ٴتوراعا شي جينپيڭ فرانسيا زۇڭتۇڭى ماكرونمەن ٴبىر قىدىرۋ تىڭ تىنىس تانىتقان ىقپالداسۋلاردا ٴوزارا ٴتۇسىنىسۋدى ۇزدىكسىز ارتتىرىپ، جۇڭگو _ فرانسيا دوستىق سۇيىسپەنشىلىگىن تەرەڭدەتىپ، ”اسقار تاۋ، اعىندى سۋدا سىرلاس دوسقا كەزدەسۋ“ سىندى ادەمى اڭگىمەنى جالعاستىرا جازدى.

  ”پيرەنەس ولكەسىنىڭ تۋرمالەت تاۋ ساعاسىندا ٴسىزدى كۇتىپ العاندىعىما وتە قۋانىشتىمىن، بۇل جەردىڭ مەن ٴۇشىن ماڭىزى بولەك“، ”سىزدەردىڭ دوس، ادال پەيىلدە اۋىس ـ كۇيىس جاساعاندارىڭىزعا العىس ايتامىن، بۇل ٴبىز ەكى ەلدىڭ جانە دۇنيە ٴجۇزىنىڭ تەپە ـ تەڭدىگى جونىنەن ايرىقشا ماڭىزدى“... ماكرون زۇڭتۇڭ الەۋمەتتىك جەلى مەدياسىنداعى اككاۋنتىندا ىركەس ـ تىركەس جۇڭگو تىلىندە كوپتەگەن جولداما جاريالاپ، ٴتوراعا شي جينپيڭنىڭ فرانسيادا مول ناتيجەلى ساپاردا بولعاندىعىنا العىس ايتتى.

  ”مەملەكەتتەر ۇلكەن ـ كىشى، كۇشتى ـ ٴالسىز، باي ـ كەدەي بولىپ بولىنبەيدى، بارلىعى حالىقارالىق قوعامنىڭ تەرەزەسى تەڭ مۇشەسى“ _ بۇل ٴتوراعا شي جينپيڭنىڭ دايەكتى جالعاستىرىپ، باستان ـ اياق باستاماشىلدىقپەن دارىپتەپ كەلە جاتقان مەملەكەت پەن مەملەكەتتىڭ بارىس ـ كەلىس جولى.

  ”ٴتوراعا شي جينپيڭ، سىزگە ايتايىن دەگەنىم، ٴسىز بۇكىل دۇنيە ٴجۇزى حالقىنىڭ قۇرمەتىنە بولەنىپ وتىرسىز، سەربيا حالقىنىڭ سىزگە قۇرمەتى شىن نيەتتەن شىققان“، ـ دەدى سەربيا زۇڭتۇڭى ۆۋچيچ قارسى الۋ سالتىندا. 10 مىڭنان استام قارسى الۋشىلاردىڭ اراسىنداعى ٴوزارا مىقتاپ بايلانعان بەس جۇلدىزدى قىزىل تۋ مەن سەربيا مەملەكەت تۋى جۇڭگو مەن سەربيانىڭ قۇرىشتاي بەرىك دوستىعىنىڭ جاندى كۋاسى بولدى.

  ”جۇڭگو سەربيانىڭ ەڭ مىزعىماس دوسى“، ـ دەدى ۋۆچيچ زۇڭتۇڭ ٴتوراعا شي جينپيڭمەن كەڭەسكەندە تەبىرەنىپ، ـ ”سەربيا شاعىن ەل، ايتسەدە جۇڭگو سەربيانىڭ يەلىك ۇقىعى مەن تەرريتوريا تۇتاستىعىنا باستان ـ اياق تولىق قۇرمەت ەتىپ، سەربيانىڭ ەكونوميكالىق، قوعامدىق دامۋىنا قىمباتتى قولداۋ كورسەتىپ كەلەدى“. ال ٴتوراعا شي جينپيڭ سەربيا جاقتىڭ دەن قويا ورنالاستىرعاندىعىنا جانە سالتاناتپەن قارسى العاندىعىنا اسەرلەنىپ: ”سەربيا حالقىنىڭ جۇڭگو حالقىنىڭ جاقسى دوسى ەكەندىگىن، جۇڭگوعا شىنايى دوستىق سۇيىسپەنشىلىگى بار ەكەندىگىن تەرەڭ دە شىنايى سەزىندىم“، ـ دەدى.

  5 ـ ايدىڭ 8 ـ كۇنى كەشتە ٴتوراعا شي جينپيڭ وتىرعان ارناۋلى ۇشاق بۋداپەشتكە جەتتى، ۆەنگريا زۇڭليى وربان جانە ونىڭ حانىمى، سىرتقى ىستەر مينيسترى سيجارتو قاتارلى ۇكىمەتتىڭ جوعارى دارەجەلى ٴمانساپتىلارى قىزۋ ىقىلاسپەن قارسى الدى. وربان زۇڭلي ٴتوراعا شي جينپيڭ مەن حانىمىنا: سىزدەردىڭ ”ۇيگە كەلگەندەرىڭىزدى“ قارسى الامىز، ٴبىز مۇنى اسا زور داڭق سەزىنەمىز، ـ دەدى. ٴبىر اۋىز ”ۇيگە كەلگەندەرىڭىزدى“ دەگەن ٴسوز بىلايعى جۇرتقا جۇڭگو _ ۆەنگريا قارىم ـ قاتىناسىنىڭ ادەتتەگىدەي ەمەس ەكەندىگىن ۇعىندىرادى. شىن كوڭىلمەن ارالاسۋشىلاردىڭ بايلانىسى ۇزاققا جالعاسادى. جىلداردىڭ سىنى مەن حالىقارالىق الماعايىپ وزگەرىستەردىڭ سىناعىنان وتكەن دوستىق اناعۇرلىم باعالى بولماق.

  ”جۇڭگو حالقى وزدەرى جاقسى تۇرمىس كەشىرۋدى ٴۇمىت ەتىپ قانا قالماي، ٴار ەل حالقىنىڭ دا جاقسى تۇرمىس كەشىرۋىن ٴۇمىت ەتەدى“. بۇل ٴتوراعا شي جينپيڭنىڭ بۇلجىمايتىن سەنىمى جانە نىساناسى.

  ٴارى بۇلجىماي ٴوزىن دامىتىپ، ٴارى قۇشاعىن ايقارا اشىپ، دۇنيە ٴجۇزىن باقىتقا كەنەلتىپ، قاشاندا حالىقتىڭ قۇت ـ ىرىسىن كوكەيدە ساقتاپ، سەلبەستىك جاساپ، تەڭ يگىلىككە كەنەلۋدى دارىپتەپ، بىرگە دامۋدى ىلگەرىلەتۋ _ جۇڭگو مەملەكەت باسشىسى ديپلوماتياسىنىڭ ىنتا ـ ىقىلاسى، تارتىمدىلىعى، سونداي ـ اق جۇڭگو ديپلوماتياسىنىڭ مەيىرلى نەگىزگى ٴتۇسى. مۇنداي اق نيەتتى حالىقشىلدىق ىنتا ـ ىقىلاس ٴتوراعا شي جينپيڭدى دۇنيە جۇزىندەگى ٴار ەلدىڭ ەرەكشە قۇرمەتتەۋى مەن قادىرلەۋىنە بولەدى.

  فرانسيادا جۇڭگو _ فرانسيا ونەركاسىپ ساۋدا سالاسىنىڭ قايراتكەرلەرى جونىندە ٴتوراعا شي جينپيڭ بىلاي دەپ باسا دارىپتەدى: جۇڭگو جوعارى دەڭگەيدە ەسىك اشۋ ارقىلى تەرەڭ قاتپارلى رەفورمانى جەبەپ، جوعارى ساپالى دامۋدى ىلگەرىلەتىپ، جاڭاشا وندىرگىش كۇشتەردى جەدەل دامىتىپ، فرانسيانى قامتىعان دۇنيە جۇزىندەگى ەلدەرگە اناعۇرلىم كوپ سەلبەستىك جاساپ، تەڭ يگىلىككە كەنەلۋ ورايىن ازىرلەيدى. ول مىنانى ٴبىلدىردى: جۇڭگو جاق ۇزدىكسىز ”فرانسيانىڭ ەگىس الاڭىنان جۇڭگو داستارقانىنا دەيىنگى“ تۇتاس تىزبەكتە جىلدام سايكەسۋ مەحانيزمىنەن بەلسەنە پايدالانىپ، ىرىمشىك، شوشقانىڭ ٴسۇرى سانى، ٴجۇزىم شارابى سياقتى فرانسيانىڭ اناعۇرلىم كوپ ساپالى اۋىل شارۋاشىلىعى ونىمدەرىنىڭ جۇڭگو بۇقاراسىنىڭ داستارقانىنا قويىلۋىنا مۇمكىندىك بەرەدى. ”جۇڭگو _ فرانسيا ەكى ەلدىڭ دوستىعى ٴارى جۇڭگو _ فرانسيا حالىقتارىنىڭ قۇتى، ٴارى دۇنيە ٴجۇزى حالقىنىڭ باعى“. شىن ىقىلاستى سوزدەر، ناقتى شارالار ۇزاق ۋاقىت ٴارى ىقىلاستى شاپالاق ۇنىنە بولەندى.

  جۇڭگوعا قادام تاستاپ، بولاشاقپەن قاۋىشتى. دۋناي وزەنى مەن ساۆا وزەنىنىڭ توعىسقان جەرىندەگى سەربيادا ادامدار جۇڭگو ورايىنىڭ مولدىعىنا قۋاندى، ونان دا ماڭىزدىسى، ناعىز دوستاردىڭ دوستىق سۇيسىپەنشىلىگىن ٴتۇسىندى. اۋەجايدان كوشەگە دەيىن ”ٴتوراعا شي جينپيڭ، سىزگە العىس ايتامىز!“ دەگەن الىپ جازبا ۇراندار سەربيا حالقىنىڭ شىنايى سۇيىسپەنشىلىگىن بەينەلەدى.

  وسى رەتكى ساپار كەزىندە ەكى ەلدىڭ مەملەكەت باسشىلارى جۇڭگو _ سەربيا جالپى بەتتىك ستراتەگيالىق سەرىكتەستىك قارىم ـ قاتىناسىن تەرەڭدەتىپ جانە دەڭگەيىن كوتەرىپ، جاڭا داۋىردەگى جۇڭگو _ سەربيا تاعدىرلاس ورتاق تۇلعاسىن قۇرۋدى جاريالادى. رەسمي كۇشكە يە بولعالى تۇرعان جۇڭگو _ سەربيا ەركىن ساۋدا كەلىسىمى ٴسوز بولعاندا، ۆۋچيچ زۇڭتۇڭ كوكىرەك تولى ىنتىزارلىقپەن بىلاي دەدى: ”ەركىن ساۋدا كەلىسىمى ٴبىزدىڭ شارۋالارعا دامۋ ورايىن اكەلىپ، جۇڭگو بازارىنا ەكسپورت ەتۋگە قامتاماسىزدىق ازىرلەيدى، بۇل نەتكەن زور وراي دەسەڭىزشى! جۇڭگو ٴبىزدىڭ ناعىز دوسىمىز“.

  ”ٴبىر زاۆودتى قۇتقارىپ، ٴبىر قالانى وزگەرتىپ، بۇقارانى باقىتقا كەنەلتتى“، سيمەدەرەۆو بولات زاۆودىنىڭ تىڭ تىنىس قاۋلاتقان حيكاياسىن ايتقاندا، ۋۆچيچ زۇڭتۇڭ جۇڭگو _ سەربيا سەلبەستىگىنىڭ تاماشا بولاشاعىنا ٴۇمىت ارتىپ بىلاي دەدى: ”ٴبىز قول ۇستاسىپ تالاي ٴىس تىندىرامىز، ٴبىزدىڭ سەلبەستىگىمىزدىڭ شەگى بولمايدى“.

  ٴتوراعا شي جينپيڭ كۇلىمسىرەي باسىن يزەدى. ”ەكى جاقتىڭ سەلبەستىگى وزدەرىنىڭ دامىپ گۇلدەنۋىنە قۋاتتى قوزعاۋشى كۇش ۇستەپ، ەكى ەل حالقىنا ناقتى يگىلىك اكەلدى“. ٴتوراعا شي جينپيڭ بىلاي دەدى: ”ەكى جاق جاڭا داۋىردەگى جۇڭگو _ سەربيا تاعدىرلاس ورتاق تۇلعاسىن قۇرۋ ارقىلى ’ٴبىر بەلدەۋ، ٴبىر جولدى‘ جوعارى ساپالى بىرگە قۇرۋدى جانە جۇڭگو _ ورتا، شىعىس ەۆروپا ەلدەرى سەلبەستىگىن ۇزدىكسىز تەرەڭدەتىپ، كەڭەيتىپ، ەكى ەلدىڭ وزدەرىنىڭ وسىزامانداندىرۋ ۇردىسىنە دەم بەرۋى كەرەك“.

  بۋداپەشتتە ٴتوراعا شي جينپيڭ وربان زۇڭليمەن بىرگە جۇڭگو _ ۆەنگريا قارىم ـ قاتىناسىن جاڭا داۋىردەگى بارلىق جاعدايدا بىردەي جالپى بەتتىك ستراتەگيالىق سەرىكتەستىك قارىم ـ قاتىناسى دەڭگەيىنە كوتەرۋدى جاريالادى. وربان زۇڭلي مىنانى ٴبىلدىردى: ۆەنگريا مەن جۇڭگونىڭ ”ٴبىر بەلدەۋ، ٴبىر جولدى“ بىرگە قۇرۋدا وراسان زور تابىسقا قول جەتكىزىپ، ۆەنگرياعا جۇمىس ورنىن ازىرلەپ، حالىق تۇرمىسىن جاقسارتتى، ”اناعۇرلىم كوپ جۇڭگو كاسىپورىندارىنىڭ ۆەنگرياعا كەلىپ قارجى قوسىپ، سەلبەستىك جاساۋىن قارسى الامىز“. ٴتوراعا شي جينپيڭ بىلاي دەدى: ۆەنگريانىڭ جۇڭگو ۇلگىسىندەگى وسىزامانداندىرۋ جولىنداعى ساپارلاسقا اينالۋىن قارسى الامىز، ۆەنگريا جاقتىڭ ماڭىزدى رولىن ۇزدىكسىز ساۋلەلەندىرىپ، ”جۇڭگو _ ورتا، شىعىس ەۆروپا ەلدەرى سەلبەستىگىن ىلگەرىلەتىپ، ٴار ەل حالقىن اناعۇرلىم ويداعىداي باقىتقا كەنەلتۋىن ٴۇمىت ەتەمىز“.

  ٴبىرىن ـ ٴبىرى تابىسقا جەتەلەپ، سەلبەستىك جاساپ، تەڭ يگىلىككە كەنەلدى. دارقان قۇشاقپەن ٴار ەلدى جۇڭگو ۇلگىسىندەگى وسىزامانداندىرۋ ورايىنان ورتاقتاسۋعا ۇسىنىس ەتىپ، ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدى قۋاتتى سەلبەستىكپەن ىلگەرىلەتتى، ونداعى وي _ بىرگە دامۋ، باقىتقا كەنەلەتىن _ دۇنيە ٴجۇزى حالقى.

  قازىرگى ۋاقىتتا دۇنيە ٴجۇزىنىڭ جەر ـ جەرىندە بىلىققان جايتتەر ٴجيى بەلەڭ بەرىپ، قولامتالى ماسەلەلەر كۇردەلى دە قيىن بولىپ، حاۋىپ ـ قاتەرلەر، سىن ـ سايىستار بىرىنەن سوڭ ٴبىرى تۋىندادى. 100 جىلدىق وزگەرىستەگى ۋاقىت ـ كەڭىستىك جاعدايىندا جۇڭگو _ ەۆروپا قارىم ـ قاتىناسىنا ۇڭىلسەڭىز، ٴتوراعا شي جينپيڭنىڭ وسى رەتكى ەۆروپا ساپارىنىڭ داۋىرلىك قۇنى مەن دۇنيە جۇزىلىك ماڭىزىن تىپتەن تۇسىنە الاسىز.

  ادامزاتتىڭ تاعدىرلاس ورتاق تۇلعاسىن قۇرۋ ۇستانىمى ارقىلى ٴداۋىردىڭ العا باسۋ بەت الىسىنا جەتەكشىلىك ەتىپ، ٴتوراعا شي جينپيڭ ساپارعا شىققان كەزدە بەيبىت دامۋ قيسىنىن، سەلبەستىك جاساپ، تەڭ يگىلىككە كەنەلۋ جولىن، ناقتى جاۋاپكەرشىلىك ارقالاۋ شاراسىن ىشكەرىلەي ٴتۇسىندىرىپ، الاساپىران دۇنيە جۇزىنە باعالى سەنىم جانە كۇش قوسىپ، ادامزاتقا ورتاق سىن ـ سايىستارعا توتەپ بەرۋ ٴۇشىن جۇڭگو پاراساتىن جانە جوباسىن ازىرلەدى. بۇل جۇڭگو مەملەكەت باسشىسى ديپلوماتياسىنىڭ يدەيالىق تارتىمدىلىعى ٴارى جۇڭگو ديپلوماتياسىنىڭ بورىشىن، جاۋاپكەرشىلىگىن ايگىلەۋ بولىپ تابىلادى.

  پاريج جۇڭگو _ فرانسيا كاسىپورىنشىلار كوميتەتى 6 ـ رەتكى ٴماجىلىسىنىڭ جابىلۋ سالتىندا ٴتوراعا شي جينپيڭ جۇڭگو مەن فرانسيانىڭ، جۇڭگو مەن ەۆروپانىڭ ٴوزارا تيىمدىلىك جەتكىزۋ سەلبەستىگىن تەرەڭدەتىپ، جاسىلعا ويىسۋدى ىلگەرىلەتىپ، كليمات وزگەرىسى سياقتى الەمدىك سىن ـ سايىستارعا قول ۇستاسا توتەپ بەرۋ ۇندەۋىن تاستاپ، ماجىلىسكە قاتىناسقان ۋاكىلدەردىڭ كۇشتى ۇندەستىگىن تۋدىردى.

  ”ٴتوراعا شي جينپيڭنىڭ ٴسوزى ادامزاتتىڭ كەلەشەگىن كوزدەپ، ادامعا تەرەڭ اسەر قالدىردى، ٴبىز سەلبەستىكتى ۇزدىكسىز كۇشەيتۋگە ٴتيىسپىز“. ”ەۆروپا مەن جۇڭگونىڭ اراسىندا سەلبەستىكتى كۇشەيتۋ قاجەت، ويتكەنى ٴبىز ادامزاتتىڭ ورتاق بولاشاعىن قول ۇستاسا اشامىز“. كوپتەگەن فرانسيا كاسىپورىنشىلارى ٴتوراعا شي جينپيڭنىڭ ادامزاتتىڭ ورتاق كەلەشەگىن كوزدەگەن الەمگە دەگەن ىنتا ـ ىقىلاسىنا تەبىرەندى.

  ”جۇڭگو كوممۋنيستىك پارتياسى جۇڭگو حالقىن باقىتقا كەنەلتۋدى كوزدەۋمەن بىرگە، دۇنيە ٴجۇزى حالقىن دا باقىتقا كەنەلتۋدى كوزدەيدى“، ”ٴتوراعا شي جينپيڭنىڭ پارمەندى باسشىلىعىندا، جۇڭگو كۇللى الەمدى جالت قاراتقان تابىستارعا قول جەتكىزىپ، دۇنيە ٴجۇزىنىڭ دامۋى مەن العا باسۋىنداعى ماياكقا اينالىپ، حالىقارالىق ىستەردە كۇن سايىن ماڭىزدى باسشىلىق رول ساۋلەلەندىرۋدە“. جۇڭگونىڭ ٴىرى ەلدىك جاۋاپكەرشىلىك ارقالاۋىن جانە حالىقارالىق ىقپالىن تىلگە تيەك ەتكەندە، ۆۋچيچ زۇڭتۇڭ شىن جۇرەكتەن القادى.

  ”ۆەنگريا جاق ٴتوراعا شي جينپيڭ العا قويعان جەلىلەس الەمدىك باستامالاردى قولدايدى، جۇڭگو جاقتىڭ دۇنيە ٴجۇزىنىڭ بەيبىتشىلىگىن جەبەۋدە ساۋلەلەندىرگەن ماڭىزدى رولىن القايدى“. ”ۆەنگريا جاق جۇڭگو جاقپەن كوپ جاقتى بايلانىستى، ىستەستىكتى كۇشەيتۋدى، دۇنيە ٴجۇزىنىڭ بەيبىتشىلىگى مەن ورنىقتىلىعىن بىرگە قورعاۋدى قالايدى“. ۆەنگريا زۇڭليى وربان ٴتوراعا شي جينپيڭ ورتاعا قويعان الەمدىك ٴۇش ۇلكەن باستاماسىن باتىل قولدايتىندىعىن ٴبىلدىردى. ول بىلاي دەدى: سوڭعى جارتى جىلدا ەۆروپا وداعىنىڭ كەزەكتى ٴتوراعا ەلى رەتىندە، ۆەنگريا جاق ەۆروپا _ جۇڭگو قارىم ـ قاتىناسىنىڭ اقاۋسىز دامۋىن جانە ورتا، شىعىس ەۆروپا ەلدەرىنىڭ جۇڭگومەن سەلبەستىگىن ىلگەرىلەتۋ ٴۇشىن بەلسەندى قۇلشىنىس جاساۋدى قالايدى.

  دۇرىس تانىم سومداپ، جۇڭگو مەن ەۆروپانىڭ سەرىكتەستىك قارىم ـ قاتىناس سىندى دۇرىس ورىنعا تاباندى بولۋىنا باستاماشىلدىق ەتتى؛ ٴىرى ەلدىك جاۋاپكەرشىلىك ارقالاۋدى ايگىلەپ، دۇنيە ٴجۇزىنىڭ بەيبىتشىلىگىنە جۇڭگو جوباسىن ارنادى؛ ۇزاق بولاشاقتىق دامۋعا كوز جىبەرىپ، ٴارقايسى ەلمەن قول ۇستاسا ادامزاتتىڭ ورتاق سىن ـ سايىسىنا توتەپ بەردى. ٴار رەتكى شىن ىقىلاستى ۇندەۋدىڭ، ٴار رەتكى ىشكەرىلەي ٴتۇسىندىرۋدىڭ ارقاسىندا، جۇڭگو اقىل ـ پاراساتى، جۇڭگو جوباسى حالىقارالىق قوعامنىڭ بەلسەندى اڭىسىنا يە بولدى.

  ٴتوراعا شي جينپيڭنىڭ ەۆروپا ساپارى بەيبىتشىلىكتىڭ، ىنتىماقتىڭ، سەلبەستىكتىڭ كۇشتى ٴۇنىن تاراتىپ، ٴىرى ەل، ٴىرى پارتيا كوسەمىنىڭ الەمدىك كوز اياسىن، الەمدىك ىنتا ـ ىقىلاسىن جانە داۋىرلىك جاۋاپكەرشىلىك ارقالاۋىن تولىق بەينەلەدى. كۇشتى ۇندەستىك، تولىق شىنايى مويىنداۋ، باتىل قاداممەن بىرگە ساپارلاۋ ادامزاتتىڭ تاعدىرلاس ورتاق تۇلعاسىن بىرگە قۇرۋدىڭ قۋاتتى كۇشىن ۇيىستىردى.

  جۇڭگومەن اۋىس ـ كۇيىس، سەلبەستىك جاساسقان حيكايالار ارقىلى دۇنيە ٴجۇزى ارمان ٴۇشىن كۇرەس جۇرگىزگەن جۇڭگونى سەزىنۋدە، دارقان، داۋىرمەن بىرگە جۇرگەن جۇڭگونى سەزىنۋدە، ادامزاتتىڭ العا باسۋىن كوزدەگەن، دۇنيە ٴجۇزىنىڭ ۇلى بىرلىگىن كوزدەگەن جۇڭگونى سەزىنۋدە.

  ٴتوراعا شي جينپيڭنىڭ جوسپار جاساپ، جەتەكشىلىك ەتۋىندە جۇڭگوشا ٴىرى ەل ديپلوماتياسى، ٴسوز جوق، اناعۇرلىم تارتىمدى، شۇعىلالى ٴداۋىر جاڭا تاراۋىن جازىپ، اناعۇرلىم كوركەم دۇنيە ٴجۇزىن قۇرۋ ٴۇشىن، ادامزات وركەنيەتىنىڭ اناعۇرلىم نۇرلى بولاشاعى ٴۇشىن جاڭا دا اناعۇرلىم زور ۇلەس قوسادى.

  (شينحۋا اگەنتتىگىنىڭ 5 ـ ايدىڭ 11 ـ كۇنى بۋداپەشتتەن بەرگەن حابارى)

جالعانىم


جاۋاپتى رەداكتورى: 沙衣力克·达拉力汉