شينجياڭ فيلوسوفيا-قوعامدىق عىلىمدار تورابى
باس شۋجي شي جينپيڭنىڭ ماڭىزدى سوزدەرىنىڭ رۋحىن جەتكىزدى، ۇيرەندى، دايەكتىلەندىردى لي چياڭ زۇڭليدىڭ شينجياڭدا تەكسەرۋ ـ زەرتتەۋ جۇرگىزگەندە سويلەگەن ٴسوزىنىڭ تالاپتارىن دايەكتىلەندىردى، تياناقتاندىردى
   ۋاقىتى:2024-05-13   |  كەلۋ قاينارى: شينجياڭ گازەتى

  اۆتونوميالى رايوندىق پارتكوم تۇراقتى كوميتەتى ٴماجىلىس اشتى

  باس شۋجي شي جينپيڭنىڭ ماڭىزدى سوزدەرىنىڭ رۋحىن جەتكىزدى، ۇيرەندى، دايەكتىلەندىردى

لي چياڭ زۇڭليدىڭ شينجياڭدا تەكسەرۋ ـ زەرتتەۋ جۇرگىزگەندە سويلەگەن ٴسوزىنىڭ تالاپتارىن دايەكتىلەندىردى، تياناقتاندىردى

  ما شيڭرۇي ٴماجىلىستى باسقاردى

  انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 5 ـ ايدىڭ 11 ـ كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 5 ـ ايدىڭ 11 ـ كۇنى تۇستەن بۇرىن ٴماجىلىس اشىپ، باس شۋجي شي جينپيڭنىڭ فرانسيادا، سەربيادا، ۆەنگريادا مەملەكەتتىك ساپاردا بولعان كەزىندە سويلەگەن ماڭىزدى سوزدەرىنىڭ رۋحىن جەتكىزدى، ۇيرەندى، دايەكتىلەندىردى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭنىڭ شينجياڭدا تەكسەرۋ ـ زەرتتەۋ جۇرگىزگەندە سويلەگەن ٴسوزىنىڭ تالاپتارىن دايەكتىلەندىردى، تياناقتاندىردى، ورتالىقتىڭ جاڭا داۋىردەگى ەرىكتى قىزمەت وتەۋ جۇيەسىن اقاۋسىزداندىرۋ، كەمەلدەندىرۋ قىزمەتىنە قاتىستى ورنالاستىرۋلارىن دايەكتىلەندىرۋدى اقىلداستى. اۆتونوميالى رايوندىق پارتكومنىڭ شۋجيى ما شيڭرۇي ٴماجىلىستى باسقاردى.

  ٴماجىلىس مىنالاردى باسا دارىپتەدى: ”ەكى كەلەلى جاعدايدى“ كوكەيدەن شىعارماي، ”مەملەكەتتىڭ زور ٴىسىن“ ەستە بەرىك ساقتاپ، شي جينپيڭ ديپلوماتيا يدەياسىن ىشكەرىلەي ۇيرەنىپ، ۇعىنىپ، باس شۋجي شي جينپيڭنىڭ ساپار كەزىندەگى سويلەگەن ماڭىزدى سوزدەرىنىڭ رۋحىن مۇقيات ٴتۇسىنىپ، يگەرىپ، شينجياڭنىڭ ازيا ـ ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن تۇلعالاۋىن تياناق ەتىپ، دامۋ مەن حاۋىپسىزدىكتى، ەسىك اشۋ مەن ورنىقتىلىقتى اناعۇرلىم ويداعىداي ٴبىر تۇتاس جوسپارلاپ، جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ ٴتۇيىندى مىندەتتەرىن جەدەل ىلگەرىلەتىپ، شينجياڭ ەركىن ساۋدا سىناق رايونىن قۇرۋ تاريحي ورايىن مىقتى يگەرىپ جانە ودان ويداعىداي پايدالانىپ، شينجياڭنىڭ سىرتقا ەسىك اشۋداعى بەلسەندى كۇيىن ۇزدىكسىز بەكەمدەۋ جانە دارەجەسىن جوعارىلاتۋ، ”ٴبىر بەلدەۋ، ٴبىر جولدى“ بىرگە قۇراتىن ەلدەرمەن، اسىرەسە، ورتا ازياداعى بەس ەلمەن جان ـ جاقتى ناقتى ىستەر سەلبەستىگىن ۇزدىكسىز تەرەڭدەتۋدى، ناقتىلاندىرۋدى ىلگەرىلەتىپ، شينجياڭنىڭ جوعارى دەڭگەيلى سىرتقا ەسىك اشۋدا جاڭا ونىمدىلىككە قول جەتكىزۋدى ىلگەرىلەتۋ كەرەك. ”شاقىرىپ اكەلۋ“، ”سىرتقا شىعارۋ“ سەرپىنىن ۇزدىكسىز زورايتىپ، جۇڭگونىڭ شينجياڭىنىڭ حيكاياسىن بەلسەنە ويداعىداي بايانداپ، سىرتقا قاراتىلعان دوستىق اۋىس ـ كۇيىستى، سەلبەستىكتى كەڭەيتىپ، شينجياڭنىڭ جوعارى ساپالى دامۋىنا جانە جوعارى دەڭگەيلى ەسىك اشۋىنا اناعۇرلىم ٴتيىمدى سىرتقى ورتا ازىرلەۋ قاجەت.

  ٴماجىلىس مىنالاردى باسا دارىپتەدى: جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ شينجياڭعا كەلىپ تەكسەرۋ ـ زەرتتەۋ جۇرگىزىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە كوڭىل ٴبولۋىن، قامقورلىعىن جانە كورىكتى شينجياڭ قۇرۋ جونىندەگى زور ٴۇمىتىن، ماڭىزدى تاپسىرماسىن الا كەلدى. باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ جانە جاڭا داۋىردە باتىس بولىكتى قاۋىرت اشۋدى ىلگەرىلەتۋ اڭگىمە ماجىلىسىندە سويلەگەن ماڭىزدى ٴسوزىنىڭ رۋحىن مۇقيات دايەكتىلەندىرىپ، لي چياڭ زۇڭليدىڭ قىزمەت تالاپتارىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋدى تىعىز ارقاۋ ەتىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىن كوزدەي وتىرىپ ٴتۇرلى ٴتۇيىندى قىزمەتتەردە تىڭ بەلەسكە كوتەرىلۋدى نىق قاداممەن ىلگەرىلەتۋ كەرەك. شينجياڭنىڭ ارتىقشىلىقتارىن، شارت ـ جاعدايىن تياناق ەتىپ، ەرەكشە، باسىمدىققا يە كاسىپ سالالارىن دامىتۋدى نەگىزگى قامال الۋ بەتالىسى ەتۋگە تاباندى بولۋ كەرەك. ”سەگىز ٴىرى كاسىپ سالاسى شوعىرىن“ ارقاۋ ەتىپ، مۇناي ـ گاز، كومىر، كومىر قاباتى گازى سياقتى بايلىقتىڭ ٴونىم مولشەرىن ورنىقتىرىپ، ٴونىم مولشەرىن ارتتىرۋدا ۇزدىكسىز تىڭ سەرپىلىسكە قول جەتكىزۋدى جەدەل ىلگەرىلەتۋ، باسىمدىققا يە بايلىقتى سول جەردە وڭدەۋ، كادەگە جاراتۋ سەرپىنىن زورايتۋ، كومىردەن ولەفين جاساۋ، كومىردەن مۇناي ـ گاز جاساۋ سياقتى ٴتۇيىندى كاسىپ سالاسىن ارقاۋ ەتىپ ۇزدىكسىز تىزبەكتى ۇزارتۋ، تىزبەكتى تولىقتاۋ، تىزبەكتى كۇشەيتۋ، استىق جانە ماڭىزدى اۋىل شارۋاشىلىق ونىمدەرىمەن قامداۋ كومەسكى كۇشىن ۇزدىكسىز اشىپ جانە كەڭەيتىپ، ازىق ـ تۇلىك كاسىپ سالاسىن بەلسەنە دامىتىپ، شينجياڭنىڭ مەملەكەتتىڭ استىق، ەنەرگيا جانە شەشۋشى كەن ونىمدەرى بايلىعى حاۋىپسىزدىگىن قامتاماسىز ەتۋ قابىلەتىن ۇزدىكسىز جوعارىلاتىپ، ەرەكشە، باسىمدىققا يە كاسىپ سالالارىن دامىتۋدىڭ ۇلاسپالىلىعى مەن باسەكەلىك قۋاتىن ارتتىرۋ كەرەك. شينجياڭنىڭ وڭىرلىك ورىن باسىمدىعىن تولىق ساۋلەلەندىرىپ، ازيا ـ ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن قۇلشىنا قۇرۋ كەرەك. ەكى بازاردان، ەكى ٴتۇرلى بايلىقتان تولىق، ويداعىداي پايدالانىپ، جەلى بويىنداعى كاسىپ سالاسى باقشا رايونىنىڭ كوتەرىمدىلىك قابىلەتىن زور كۇشپەن جوعارىلاتىپ، كاسىپ سالاسىنىڭ شوعىرلانۋ دارەجەسىن جانە ٴونىمنىڭ قوسىمشا قۇنىن جوعارىلاتىپ، شەكارا وتكەلىنىڭ تاسىمال قابىلەتىن جانە ونىمدىلىگىن ۇزدىكسىز جوعارىلاتۋ جاعىندا كۇش سالىپ، ورتا ازياداعى ەلدەرمەن ٴارقايسى سالاداعى اۋىس ـ كۇيىس، سەلبەستىك كولەمىن جەدەل كەڭەيتىپ، شىعىس، ورتا، باتىس بولىك سەلبەستىگىن تەرەڭدەتىپ، كاسىپ سالاسىن قابىلداۋ قىزمەتىن ويداعىداي ىستەپ، جاڭا دامۋ ارناسىنا بەلسەنە قىزمەت وتەۋ جانە ونىمەن توعىسۋ كەرەك. حالىق تۇرمىسىن جاقسارتۋدى، جۇرت تىلەگىن ۇيىستىرۋدى شىعار ٴتۇيىن جانە تابان تىرەر تياناق ەتۋگە تاباندى بولىپ، شينجياڭداعى ٴار ۇلت بۇقاراسىنىڭ تۇرمىس ورەسىن ۇزدىكسىز جوعارىلاتۋ كەرەك. جوعارى ساپالى دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، كەدەيلىكتەن ارىلتۋدان قامال الۋ جەتىستىكتەرىن ۇزدىكسىز بەكەمدەپ، كەڭەيتىپ، اۋىل ـ قىستاقتى جاپپاي گۇلدەندىرۋ مەن جاڭاشا قالا ـ قالاشىقتاندىرۋدى ٴبىر تۇتاس جوسپارلاپ ىلگەرىلەتىپ، ەگىنشى ـ مالشىلاردىڭ كىرىس دەڭگەيىن بارىنشا جوعارىلاتىپ، حالىق تۇرمىسى ناقتى ىستەرىن بار كۇشپەن ويداعىداي يگەرىپ، جوعارى ساپالى دامۋ جەتىستىكتەرىنەن ٴار ۇلت بۇقاراسىن اناعۇرلىم ويداعىداي يگىلىكتەندىرۋدى ىلگەرىلەتۋ؛ نەگىزگى ساتى باعدارىن بەرىك ورناتىپ، مىقتى يگەرىپ، قوعامنىڭ كەلەلى جاعدايىنىڭ ورنىقتىلىعىن باتىل قورعاپ، نەگىزگى ساتى قىزمەت كۇشىن نىعايتىپ، باسقارۋ قابىلەتىن ۇزدىكسىز جوعارىلاتىپ، شينجياڭنىڭ جوعارى ساپالى دامۋ جانە باياندى تىنىشتىق نەگىزىن بەكەمدەۋ كەرەك.

  ٴماجىلىس مىنالاردى باسا دارىپتەدى: جاڭا داۋىردەگى ەرىكتى قىزمەت وتەۋ جۇيەسىن اقاۋسىزداندىرۋدىڭ كەلەلى ٴمانىن تەرەڭ ٴتۇسىنىپ، پارتيا ورتالىق كوميتەتىنىڭ ٴتۇرلى ورنالاستىرۋلارىن، تالاپتارىن دالمە ـ ٴدال يگەرىپ، شينجياڭنىڭ ەرىكتى قىزمەت وتەۋ باسشىلىق ٴتۇزىلىسىن جانە قىزمەت مەحانيزمىن ونان ارى اقاۋسىزداندىرىپ، ەرىكتى قىزمەت وتەۋگە جۇمىلدىرۋ قابىلەتىن جەدەل جوعارىلاتىپ، ەرىكتى قىزمەت وتەۋدى جۇيەلىلەندىرە، ۇيىمدى تۇردە، ارنايىلاندىرا، ۇدايىلاندىرا ورىستەتۋدى ىلگەرىلەتۋ كەرەك. شينجياڭنىڭ دامۋ ٴىس جۇزىندىگىمەن ۇشتاستىرىپ، ەرىكتى قىزمەت وتەۋ سالاسىن ۇزدىكسىز كەڭەيتىپ، قامداۋ مازمۇنىن مولايتىپ، قىزمەت وتەۋ ساپاسىن، ونىمدىلىگىن جوعارىلاتىپ، دالمە ـ ٴدال، جوعارى ٴونىمدى ەرىكتى قىزمەت وتەۋ قامداۋ جۇيەسىن قۇرۋ كەرەك. قولداۋدى، قامتاماسىزداندىرۋدى كۇشەيتىپ، ۇگىت تەبىنىن ارتتىرىپ، تۇتاس قوعام كوڭىل بولەتىن، قولدايتىن، ات سالىساتىن ەرىكتى قىزمەت وتەۋ قويۋ رايىن قالىپتاستىرىپ، ەرىكتى قىزمەت وتەۋ قوسىنىن كوپ ارنامەن زورايتىپ، شينجياڭنىڭ ەرىكتى قىزمەت وتەۋ ىستەرىنىڭ جوعارى ساپالى دامۋىن پارمەندى ىلگەرىلەتۋ كەرەك.

جالعانىم


جاۋاپتى رەداكتورى: 沙衣力克·达拉力汉