شينجياڭ فيلوسوفيا-قوعامدىق عىلىمدار تورابى
«ٴبىر باعىتقا قاراي ىلگەرىلەۋدىڭ كۇشى _ ٴتوراعا شي جينپيڭنىڭ سەربيادا، ۆەنگريادا مەملەكەتتىك ساپاردا بولعاندىعى جونىندە ەستەلىك»
   ۋاقىتى:2024-05-14   |  كەلۋ قاينارى: شينجياڭ گازەتى

  شينحۋا اگەنتتىگى حالىق گازەتىنىڭ اۆتورلى ماقالاسىن جاريالادى

«ٴبىر باعىتقا قاراي ىلگەرىلەۋدىڭ كۇشى _ ٴتوراعا شي جينپيڭنىڭ سەربيادا، ۆەنگريادا مەملەكەتتىك ساپاردا بولعاندىعى جونىندە ەستەلىك»

     شينحۋا اگەنتتىگىنىڭ 5 ـ ايدىڭ 12 ـ كۇنى بەيجيڭنەن بەرگەن حابارى. شينحۋا اگەنتتىگى 5 ـ ايدىڭ 12 ـ كۇنى حالىق گازەتىنىڭ «ٴبىر باعىتقا قاراي ىلگەرىلەۋدىڭ كۇشى _ ٴتوراعا شي جينپيڭنىڭ سەربيادا، ۆەنگريادا مەملەكەتتىك ساپاردا بولعاندىعى جونىندە ەستەلىك» اتتى اۆتورلى ماقالاسىن جاريالادى.

  ماقالادا بىلاي دەلىندى: كوك تورعىنداي دۋناي وزەنى ۆەنگريانىڭ سولتۇستىك شەكاراسىندا بۇرىلىپ، شىعىستان وڭتۇستىككە قاراي اعىپ، بۋداپەشتتى كەسىپ ٴوتىپ، ارى قاراي سەربيانىڭ بەلگرادىن قۇشاعىنا الىپ، ۇزاقتان بەرى تىنباي اعۋدا.

  بيىل جۇڭگو مەملەكەت باسشىسىنىڭ شەتەلدەگى ساپارىنىڭ بەتاشارى ەۆروپادان باستالدى. جاز باسىنان بەرگى وسى ٴبىر اپتادا كەڭ ـ بايتاق ازيا _ ەۆروپا قۇرلىعىن باسىپ وتكەن ٴتوراعا شي جينپيڭ الدىمەن فرانسياعا باردى، ارى قاراي سەربياعا ۇشىپ، سودان كەيىن ۆەنگرياعا جەتتى.

  جۇڭگو _ ەۆروپا وداعى قارىم ـ قاتىناسى تاعى ٴبىر رەت دۇنيە ٴجۇزىنىڭ جارىعى كۇشتى شامىنىڭ استىنا قويىلدى. تاياۋدان بەرى ەۆروپادان بەيجيڭگە دەيىنگى اۆياتسيا جەلىسىن بويلاپ، ەۆروپا مەملەكەتتەرىنىڭ ساياسي قايراتكەرلەرى بىرىنەن سوڭ ٴبىرى كەلىپ جاتتى. وسى رەت ٴتوراعا شي جينپيڭ سوناۋ الىستاعى ەۆروپاعا باردى.

  ماقالادا بىلاي دەپ اتاپ كورسەتىلدى: مەيىرلى دە اسەرلى كورىنىستەرگە قاراپ، ورتاق تانىم مەن سەلبەستىكتىڭ تاراۋلارىن اشىپ، زەر سالساڭىز، تەرەڭدە كومەسكى جاتقانى شىعىس، باتىس وركەنيەتىنىڭ ٴوزارا ۇلگى الىپ ٴبىرىن ـ ٴبىرى نۇرلاندىرۋى، تاۋ ـ وزەندى باسىپ ٴبىر باعىتقا قاراي ىلگەرىلەۋ، ”جۇڭگو ۇلگىسىندەگى وسىزامانداندىرۋدىڭ دۇنيە جۇزىنە وراسان زور وراي اكەلۋىنىڭ“ ايبىندى كارتيناسى.

  ماقالا 3 بولىككە بولىنگەن، مەملەكەتتەر قارىم ـ قاتىناسىنىڭ كورسەتكىسىن قالاي بەلگىلەيمىز؟ ٴداۋىر ورايىنىڭ جىلدامدىعىنا قالاي ىلەسەمىز؟ ەكى ٴىرى وركەنيەتتىڭ ولشەمىن قالاي ۇزارتامىز؟

  ماقالانىڭ ەڭ سوڭىندا بىلاي دەلىندى: بۋداپەشت، ۆيلتۋ تاعامجايى. قوناعاسى بەرىپ اتتاندىرۋ داستارقانىندا جۇڭگو كوممۋنيستىك پارتياسىنىڭ 100 جىلدىق تاريحىن ەسكە الىپ، قيىن ـ قىستاۋ كۇندەردى بىرگە وتكىزسە دە مويىماس تاباندىلىقپەن العا باسۋ جولىن ەسكە الىپ، ٴتوراعا شي جينپيڭ بەرىك تە بەكەم تۇردە بىلاي دەدى: ” ٴبىزدىڭ العا باسۋ جولىنداعى حاۋىپ ـ قاتەرلەردى، سىن ـ سايىستاردى ۇزدىكسىز جەڭىپ، جۇڭگونىڭ ۇزاق ۋاقىت ورنىقتىلىعىن جانە دامۋىن ساقتاپ، جۇڭگو حالقىن بارعان سايىن جاقسى تۇرمىسقا كەنەلتىپ قانا قويماي، دۇنيە ٴجۇزىنىڭ بەيبىتشىلىگى مەن دامۋىنا اناعۇرلىم زور ۇلەس قوسۋعا سەنىمىمىز كامىل“.

  كوز جەتەر جەردە، بۋدا قامال تاۋىنىڭ ەتەگىندە دۋناي وزەنى كۇندىز ـ ٴتۇنى تىنىمسىز اعىپ، بۋىرقانا العا ىلگەرىلەۋدە. ۇلكەن وزەن ـ داريالار نە قارسى اعىنعا كەزدەسەدى، نە حاۋىپتى قايراڭعا جولىعادى، الايدا ولاردىڭ تەڭىزگە قۇيىلار جولىن ەشكىم دە بوگەي المايدى.

جالعانىم


جاۋاپتى رەداكتورى: 沙衣力克·达拉力汉