شينجياڭ فيلوسوفيا-قوعامدىق عىلىمدار تورابى
ٴتىپتى دە كوپ ادامدى ۇلى قورعاندى تۇسىنۋگە، ۇلى قورعاندى قورعاۋعا باستاپ، اتا ـ بابالارىمىز قالدىرعان وسى باعالى بايلىقتى ۇرپاقتان ـ ۇرپاققا جالعاستىرۋىمىز كەرەك
   ۋاقىتى:2024-05-17   |  كەلۋ قاينارى: شينجياڭ گازەتى

 شي جينپيڭ جاۋاپ حات جازىپ، بەيجيڭ قالاسى باداليڭ ۇلى قورعانىنىڭ باۋرايىنداعى اۋىلداستاردى ىنتالاندىردى

  ٴتىپتى دە كوپ ادامدى ۇلى قورعاندى تۇسىنۋگە، ۇلى قورعاندى قورعاۋعا باستاپ، اتا ـ بابالارىمىز قالدىرعان وسى باعالى بايلىقتى ۇرپاقتان ـ ۇرپاققا جالعاستىرۋىمىز كەرەك

  جاۋاپ حات

  بەيجيڭ قالاسى يانچيڭ رايونى باداليڭ قالاشىعى شىشيا قىستاعىنداعى اۋىلداستار:

  سالەمەتسىزدەر مە! حاتتارىڭىزدى تاپسىرىپ الدىم. جۋىق جىلداردان بەرى سىزدەر وزدىكتەرىڭىزدەن ۇلى قورعاندى قورعاپ، ۇلى قورعان مادەنيەتىن جالعاستىردىڭىزدار، سونداي ـ اق ۇلى قورعان بايلىعىنا سۇيەنىپ بايۋ جولىنا تۇستىڭىزدەر، مەن بۇعان قاتتى قۋاندىم.

  ۇلى قورعان _ جۇڭحۋا ۇلتىنىڭ ۋاكىلدىك بەلگىسى جانە جۇڭحۋا وركەنيەتىنىڭ ماڭىزدى سيمۆولى، وعان جۇڭحۋا ۇلتىنىڭ تالىقپاي تالپىناتىن كۇرەسكەرلىك رۋحى جانە ەل بىرلىگىنەن بەرىك قامال تۇرعىزاتىن، قايىسپاس قايسار وتانشىلدىق سۇيىسپەنشىلىگى سىڭگەن. وسى تاريحي مادەنيەت مۇراسىن ويداعىداي قورعاۋ، ويداعىداي جالعاستىرۋ _ ٴبىزدىڭ ورتاق جاۋاپكەرشىلىگىمىز. كوپشىلىكتىڭ ۇزدىكسىز قۇلشىنىپ، ۇزدىكسىز قاجىماي كۇش سالىپ، ۇلى قورعاندى اتا مەكەندى قورعاعانداي ويداعىداي قورعاپ، ۇلى قورعان مادەنيەتىن اسقاقتاتىپ، ۇلى قورعان حيكاياسىن ويداعىداي بايانداپ، ٴتىپتى دە كوپ ادامدى ۇلى قورعاندى تۇسىنۋگە، ۇلى قورعاندى قورعاۋعا باستاپ، اتا ـ بابالارىمىز قالدىرعان وسى باعالى بايلىقتى ۇرپاقتان ـ ۇرپاققا جالعاستىرىپ، سوتسياليستىك مادەنيەتتە قۋاتتى ەل قۇرۋعا، جۇڭگو ۇلگىسىندەگى وسىزامانداندىرۋدى ىلگەرىلەتۋگە ۇلەس قوسۋىن ٴۇمىت ەتەمىن.

  كوپشىلىكتىڭ تۇرمىسىنىڭ بارعان سايىن شالقي ٴتۇسۋىن تىلەيمىن!

  شي جينپيڭ

  2024 ـ جىلى 5 ـ ايدىڭ 14 ـ كۇنى

  (شينحۋا اگەنتتىگىنىڭ 5 ـ ايدىڭ 15 ـ كۇنى بەيجيڭنەن بەرگەن حابارى)

  شينحۋا اگەنتتىگىنىڭ 5 ـ ايدىڭ 15 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 5 ـ ايدىڭ 14 ـ كۇنى بەيجيڭ قالاسى يانچيڭ رايونى باداليڭ قالاشىعى شىشيا قىستاعىنداعى اۋىلداستارعا جاۋاپ حات جازىپ، ولارعا ىقىلاستى سالەم جولدادى ٴارى شىنايى ٴۇمىت ارتتى.

  شي جينپيڭ جاۋاپ حاتىندا بىلاي دەدى: جۋىق جىلداردان بەرى سىزدەر وزدىكتەرىڭىزدەن ۇلى قورعاندى قورعاپ، ۇلى قورعان مادەنيەتىن جالعاستىردىڭىزدار، سونداي ـ اق ۇلى قورعان بايلىعىنا سۇيەنىپ بايۋ جولىنا تۇستىڭىزدەر، مەن بۇعان قاتتى قۋاندىم.

  شي جينپيڭ بىلاي دەپ باسا دارىپتەدى: ۇلى قورعان _ جۇڭحۋا ۇلتىنىڭ ۋاكىلدىك بەلگىسى جانە جۇڭحۋا وركەنيەتىنىڭ ماڭىزدى سيمۆولى، وعان جۇڭحۋا ۇلتىنىڭ تالىقپاي تالپىناتىن كۇرەسكەرلىك رۋحى جانە ەل بىرلىگىنەن بەرىك قامال تۇرعىزاتىن، قايىسپاس قايسار وتانشىلدىق سۇيىسپەنشىلىگى سىڭگەن. وسى تاريحي مادەنيەت مۇراسىن ويداعىداي قورعاۋ، ويداعىداي جالعاستىرۋ _ ٴبىزدىڭ ورتاق جاۋاپكەرشىلىگىمىز. كوپشىلىكتىڭ ۇزدىكسىز قۇلشىنىپ، ۇزدىكسىز قاجىماي كۇش سالىپ، ۇلى قورعاندى اتا مەكەندى قورعاعانداي ويداعىداي قورعاپ، ۇلى قورعان مادەنيەتىن اسقاقتاتىپ، ۇلى قورعان حيكاياسىن ويداعىداي بايانداپ، ٴتىپتى دە كوپ ادامدى ۇلى قورعاندى تۇسىنۋگە، ۇلى قورعاندى قورعاۋعا باستاپ، اتا ـ بابالارىمىز قالدىرعان وسى باعالى بايلىقتى ۇرپاقتان ـ ۇرپاققا جالعاستىرىپ، سوتسياليستىك مادەنيەتتە قۋاتتى ەل قۇرۋعا، جۇڭگو ۇلگىسىندەگى وسىزامانداندىرۋدى ىلگەرىلەتۋگە ۇلەس قوسۋىن ٴۇمىت ەتەمىن.

  ۇلى قورعان ەلىمىزدە قازىر ساقتالىپ وتىرعان كولەمى ەڭ ۇلكەن مادەنيەت مۇراسى. 1984 ـ جىلى دىڭ شياۋپيڭ، شي جۇڭشۇن قاتارلى باسشى جولداستار استاناداعى كەيبىر ورىندار باستاعان ”جۇڭحۋانى ٴسۇيىپ، ۇلى قورعاندى جوندەۋ“ قيمىلىنا ارناۋ ٴسوز جازىپ، ەل ٴىشى ـ سىرتىنداعى جۇڭحۋا پەرزەنتتەرىنىڭ ۇلى قورعاندى قورعاۋ قىزۋ ىنتاسىن قوزعاعان ەدى. پارتيا 18 ـ قۇرىلتايىنان بەرى باس شۋجي شي جينپيڭ ۇلى قورعاننىڭ مادەنيەت قۇنىن اشۋ جانە مادەني ەسكەرتكىش مۇرالارىن جالعاستىرۋ، قورعاۋ قىزمەتىنە ايرىقشا ٴمان بەردى، كوپ رەت ماڭىزدى نۇسقاۋ بەرىپ، ۇلى قورعان مەملەكەتتىك مادەنيەت باقشاسى قۇرىلىسىن ىلگەرىلەتۋگە جەتەكشىلىك ەتتى. تاياۋدا بەيجيڭ قالاسى باداليڭ ۇلى قورعانىنىڭ باۋرايىنداعى شىشيا قىستاعىنىڭ تۇرعىندارى باس شۋجي شي جينپيڭگە حات جازىپ، وزدىكتەرىنەن ۇلى قورعاندى قورعاۋ قىزمەتىنە ات سالىسۋى جانە قىستاقتىڭ دامۋ وزگەرىسى سياقتى جاعدايلاردى مالىمدەپ، ۇلى قورعاندى ۇزدىكسىز قورعاۋ، ۇلى قورعان مادەنيەتىن جالعاستىرۋ بەكىمدەرىن ٴبىلدىردى.

جالعانىم


جاۋاپتى رەداكتورى: 沙衣力克·达拉力汉