شينجياڭ فيلوسوفيا-قوعامدىق عىلىمدار تورابى
الدىڭعى 4 ايدا شينجياڭنىڭ سىرتقى ساۋدا يمپورت ـ ەكسپورت جالپـى قۇنىنىڭ ارتۋ قارقىنى مەملەكەت بويىنشا 2 ـ ورىندى ۇستادى
   ۋاقىتى:2024-05-17   |  كەلۋ قاينارى: شينجياڭ گازەتى

  الدىڭعى 4 ايدا شينجياڭنىڭ سىرتقى ساۋدا يمپورت ـ ەكسپورت جالپـى قۇنىنىڭ ارتۋ قارقىنى مەملەكەت بويىنشا 2 ـ ورىندى ۇستادى

  ٴبىر ايداعى كولەمى تۇڭعىش رەت 40 ميلليارد يۋاننان استى

     انار بۇلت \ شينجياڭ گازەتىنىڭ ٴتىلشىسى چىن چياڭۋي 5 ـ ايدىڭ 15 ـ كۇنى ۇرىمجىدەن حابارلايدى. ٴۇرىمجى كەدەنىنەن ۇعىسۋىمىزشا، الدىڭعى 4 ايدا شينجياڭنىڭ سىرتقى ساۋدا يمپورت ـ ەكسپورت جالپى قۇنى 137 ميلليارد 900 ميلليون يۋان بولىپ، سايكەس مەزگىلدەگىدەن %49.5 ارتىپ، ارتۋ قارقىنى مەملەكەت بويىنشا 2 ـ ورىندى ۇستاعان. 4 ـ ايدا شينجياڭنىڭ سىرتقى ساۋدا يمپورت ـ ەكسپورت جالپى قۇنى 44 ميلليارد 280 ميلليون يۋان بولىپ، سايكەس مەزگىلدەگىدەن %66.1 ارتقان، جەكە ٴبىر ايداعى كولەمى تۇڭعىش رەت 40 ميلليارد يۋاننان اسقان.

  ٴۇرىمجى كەدەنىنىڭ تالداۋىنا قاراعاندا، الدىڭعى 4 ايدا شينجياڭنىڭ سىرتقى ساۋداسىندا، نەگىزىنەن، سىرتقى ساۋدا تۇلعالارىنىڭ ومىرشەڭدىك كۇشى ٴونىمدى جارىققا شىعۋ، كەشەندى قورعامالى باجى اۋماعىنىڭ يمپورت ـ ەكسپورتى جىلدام ارتۋ، ماشينا ـ ەلەكتر جابدىقتارى ونىمدەرىنىڭ ەكسپورتى ۇزدىكسىز شالقىعان جاعدايدى ساقتاۋ سياقتى ەرەكشەلىكتەر بەينەلەنگەن.

  جۇڭگو (شينجياڭ) ەركىن ساۋدا سىناق رايونى قۇرىلىسىنىڭ ۇتىمدى ورايىنان پايدالانىپ، قورعاس، قاشقار، ٴۇرىمجى سىندى 3 اۋماقتىڭ اشىق ەكونوميكاسى جارىسا دامىدى. الدىڭعى 4 ايدا ىلە قازاق اۆتونوميالى وبلىسىنىڭ يمپورت ـ ەكسپورت قۇنى سايكەس مەزگىلدەگىدەن %129.7 ارتىپ، سول تۇستاعى شينجياڭنىڭ سىرتقى ساۋدا يمپورت ـ ەكسپورت جالپى قۇنىنىڭ %26.1ىن ۇستاپ، شينجياڭ بويىنشا 1 ـ ورىندا تۇردى. قاشقار ايماعى مەن ٴۇرىمجى قالاسىنىڭ سىرتقى ساۋدا كولەمى جەكە ـ جەكە 2 ـ، 3 ـ ورىندى ۇستادى. قاشقار، قورعاس، الاتاۋ ساعاسى، ٴۇرىمجى سىندى 4 كەشەندى قورعامالى باجى اۋماعىنىڭ جالپى يمپورت ـ ەكسپورت قۇنى سايكەس مەزگىلدەگىدەن %44.1 ارتىپ، سول تۇستاعى شينجياڭنىڭ سىرتقى ساۋدا يمپورت ـ ەكسپورت جالپى قۇنىنىڭ %40.5ىن ۇستادى.

  مەملەكەت پەن اۆتونوميالى رايون شىعارعان سىرتقى ساۋدانى جەبەۋ، كولەمدى ورنىقتىرۋ، قۇرىلىمدى ساپالىلاندىرۋ جونىندەگى ٴبىر قىدىرۋ ساياسات ـ شارالاردىڭ پايداسىنىڭ ناتيجەسىندە، الدىڭعى 4 ايدا شينجياڭنىڭ ٴتۇرلى سىرتقى ساۋدا تۇلعالارىنىڭ يمپورت ـ ەكسپورتىنىڭ بەلسەندىلىگى كورنەكتى جوعارىلادى. حالىقتىق كاسىپورىنداردىڭ يمپورت ـ ەكسپورت قۇنى سايكەس مەزگىلدەگىدەن %46.3 ارتىپ، سول تۇستاعى شينجياڭنىڭ سىرتقى ساۋدا يمپورت ـ ەكسپورت جالپى قۇنىنىڭ %92.7ىن ۇستادى؛ مەملەكەت مەنشىگىندەگى كاسىپورىندار مەن شەتەل ساۋداگەرلەرى قارجى قوسقان كاسىپورىنداردىڭ يمپورت ـ ەكسپورت قۇنى سايكەس مەزگىلدەگىدەن جەكە ـ جەكە %120.9 جانە %16 ارتتى.

  الدىڭعى 4 ايدا جۇڭگونىڭ شينجياڭى دۇنيە جۇزىندەگى 197 مەملەكەتپەن جانە وڭىرمەن ساۋدا بارىس ـ كەلىسىن جاسادى. جۇڭگو شينجياڭىنىڭ ورتا ازياداعى 5 ەلمەن يمپورت ـ ەكسپورت قۇنى سايكەس مەزگىلدەگىدەن %28.1 ارتىپ، سول تۇستاعى شينجياڭنىڭ سىرتقى ساۋدا يمپورت ـ ەكسپورت جالپى قۇنىنىڭ %67.4ىن ۇستادى، مۇنىڭ ىشىندە قازاقستانمەن يمپورت ـ ەكسپورت قۇنى سايكەس مەزگىلدەگىدەن %54.9 ارتتى. جۇڭگو شينجياڭىنىڭ ”ٴبىر بەلدەۋ، ٴبىر جولدى“ بىرگە قۇراتىن ەلدەرمەن يمپورت ـ ەكسپورت قۇنى سايكەس مەزگىلدەگىدەن %46.6 ارتىپ، سول تۇستاعى شينجياڭنىڭ سىرتقى ساۋدا يمپورت ـ ەكسپورت جالپى قۇنىنىڭ %91.5ىن يەلەدى؛ RCEPعا (وڭىرلىك جان ـ جاقتى ەكونوميكالىق سەرىكتەستىك قارىم ـ قاتىناس كەلىسىمى) مۇشە باسقا ەلدەرمەن اراداعى يمپورت ـ ەكسپورت قۇنى سايكەس مەزگىلدەگىدەن %258.6 ارتتى.

  الدىڭعى 4 ايدا شينجياڭنىڭ شەكارالىق شاعىن سومالى، ادەتتەگى ساۋدانى نەگىز ەتكەن ساۋدا قۇرىلىمى ورنىقتىلىقتى ساقتاپ، يمپورت ـ ەكسپورت قۇنى جەكە ـ جەكە سايكەس مەزگىلدەگىدەن %32.3، %111.9 ارتتى.

  قازىر ەل ٴىشى بازارىنىڭ سۇرانىسى جاقسارۋعا بەت الۋدا، الدىڭعى 4 ايدا شينجياڭ يمپورت ەتكەن پروكاتتالماعان مىس جانە مىس ماتەريالدارى قۇنى سايكەس مەزگىلدەگىدەن %156.2 ارتتى؛ اۋىل شارۋاشىلىق ونىمدەرىنىڭ يمپورت قۇنى سايكەس مەزگىلدەگىدەن %31.3 ارتتى.

  ەكسپورت تاۋارلارىنان قاراعاندا، الدىڭعى 4 ايدا شينجياڭنىڭ ماشينا ـ ەلەكتر ونىمدەرىنىڭ ەكسپورت قۇنى سايكەس مەزگىلدەگىدەن %61.4 ارتىپ، شينجياڭنىڭ سىرتقى ساۋدا ەكسپورتىنىڭ 20.1 پايىز ارتۋىن جەبەگەن. ەكسپورت ەتىلگەن ەلەكترلى اۆتوكولىك، ليتي باتارەياسى، فوتوۆولت ونىمدەرى سياقتى ”جاڭا ٴۇش ٴتۇرلى“ ٴونىمنىڭ قۇنى سايكەس مەزگىلدەگىدەن %152.1 ارتقان.

جالعانىم


جاۋاپتى رەداكتورى: 沙衣力克·达拉力汉