شينجياڭ فيلوسوفيا-قوعامدىق عىلىمدار تورابى
باتىسقا ەسىك اشۋدىڭ الدىڭعى شەبىن تۇلعالاۋدى كوزدە ۇستاپ، حالىقارالانعان جوعارى دەڭگەيلى ەمدەۋ قۇرىلىمىن جوعارى ساپالى، جوعارى ٴونىمدى قۇرۋ كەرەك
   ۋاقىتى:2024-05-17   |  كەلۋ قاينارى: شينجياڭ گازەتى

  ما شيڭرۇي، ەركىن تۇنياز شينجياڭ حالىقارالىق ەمدەۋ ورتالىعىندا تەكسەرۋ ـ زەرتتەۋ جۇرگىزدى، جەتەكشىلىك ەتتى

  باتىسقا ەسىك اشۋدىڭ الدىڭعى شەبىن تۇلعالاۋدى كوزدە ۇستاپ، حالىقارالانعان جوعارى دەڭگەيلى ەمدەۋ قۇرىلىمىن جوعارى ساپالى، جوعارى ٴونىمدى قۇرۋ كەرەك

  حى جۇڭيوۋ تەكسەرۋ ـ زەرتتەۋگە قاتىناستى

  5 ـ ايدىڭ 15 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز، مەملەكەتتىك دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ مۇشەسى، مەملەكەتتىك جۇڭي شيپاگەرلىگىن، دارىگەرلىگىن باسقارۋ مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى يۇي يانحۇڭ قاتارلىلار شينجياڭ حالىقارالىق ەمدەۋ ورتالىعىندا (شينجياڭ حالىقارالىق شيپاحاناسى) نىسان قۇرىلىسىنىڭ جاعدايى جونىندەگى تانىستىرۋدى تىڭدادى، جۇڭگو ينجەنەريا اكادەمياسىنىڭ اكادەميگى حان دىمينمەن ىشكەرىلەي پىكىر اۋىستىرىپ، قاتىستى جاعدايلاردى ەگجەي ـ تەگجەيلى ۇعىستى.

  □ سۋرەتتى انار بۇلت\ شينجياڭ گازەتىنىڭ ٴتىلشىسى سۇي جىجيان تۇسىرگەن

  انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 5 ـ ايدىڭ 15 ـ كۇنى ۇرىمجىدەن حابارلايدى. 5 ـ ايدىڭ 15 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز سالىنىپ جاتقان شينجياڭ حالىقارالىق ەمدەۋ ورتالىعىنا (شينجياڭ حالىقارالىق شيپاحاناسى) كەلىپ، نىسان قۇرىلىسىنىڭ اياق الىسىن ىشكەرىلەي ۇعىستى، قاتىستى ماسەلەلەردى جۇمىس باسىندا سايكەستىرىپ شەشىپ، نىسان قۇرىلىسىنىڭ ٴتۇرلى قىزمەتتەرىن جوعارى ساپالى، جوعارى ٴونىمدى ويداعىداي ىستەۋدى ىلگەرىلەتتى.

  اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى حى جۇڭيوۋ تەكسەرۋ ـ زەرتتەۋگە قاتىناستى. مەملەكەتتىك دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ مۇشەسى، مەملەكەتتىك جۇڭي شيپاگەرلىگىن، دارىگەرلىگىن باسقارۋ مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى يۇي يانحۇڭ جۇمىس باسىنا بىرگە بارىپ، جاعداي ۇعىستى.

  شينجياڭ حالىقارالىق ەمدەۋ ورتالىعى (شينجياڭ حالىقارالىق شيپاحاناسى) ٴۇرىمجى قالاسى شۇيموگوۋ رايونى حىماچۋان جاڭا رايونىنا ورنالاسقان، ول ەل ىشىندەگى اكادەميكتەر ۇجىمىنا جانە شينجياڭ مەديتسينا داشۋەسىنىڭ ەمدەۋ بايلىعىنا سۇيەنە وتىرىپ شينجياڭدى تياناق ەتكەن، ورتا ازياعا جانە توڭىرەكتەگى ەلدەرگە باعىتتالعان جوعارى دەڭگەيلى ەمدەۋ قۇرىلىمىن تۇلعالايدى، قازىر قۇرىلىس جەدەل جۇرگىزىلۋدە، جوسپار بويىنشا بيىل جىل سوڭىندا سىناق رەتىندە ىسكە قوسىلادى.

  ما شيڭرۇي، ەركىن تۇنياز قاتارلىلار نىسان قۇرىلىسىنىڭ جۇمىس باسىنا كەلىپ، شيپاحانانىڭ سالىنۋ اياق الىسى جونىندەگى تانىستىرۋدى تىڭدادى، جۇڭگو ينجەنەريا اكادەمياسىنىڭ اكادەميگى حان دىمينمەن جانە قاتىستى جاۋاپتى جولداستارمەن ىشكەرىلەي پىكىر اۋىستىردى، سونداي ـ اق سالىنىپ جاتقان امبولاتوريا عيماراتى، كەڭسە عيماراتى سياقتىلارعا كىرىپ ناقتى ورىندا تەكسەرىپ كورىپ، نىساننىڭ اياق الىسىن ەگجەي ـ تەگجەيلى ۇعىستى، قۇرىلىس بارىسىندا كەزدەسكەن قيىنشىلىقتاردى، ماسەلەلەردى جۇمىس باسىندا سايكەستىرىپ شەشۋدى ىلگەرىلەتتى.

  ما شيڭرۇي بىلاي دەپ اتاپ كورسەتتى: شينجياڭ حالىقارالىق ەمدەۋ ورتالىعىن سالۋ _ شينجياڭنىڭ باس شۋجي شي جينپيڭنىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، جىبەك جولى ەكونوميكالىق بەلدەۋى وزەكتى رايونى ەمدەۋ قىزمەت وتەۋى ورتالىعىن جەدەل قۇرۋداعى بەلگى سيپاتتى نىسان. قاتىستى جاقتار دەڭگەيدى جوعارىلاتىپ، شينجياڭنىڭ ازيا _ ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن تۇلعالاۋىن كوزدە ۇستاپ، جوعارى ولشەمدە جوسپارلاۋعا، جوبالاۋعا، جوعارى ساپادا سالۋعا، قۇرىلىس جۇرگىزۋگە، جوعارى دەڭگەيدە باسقارۋعا، جۇمىس جۇرگىزۋگە تاباندى بولىپ، حالىقارالانعان، زەردەلىلەنگەن، ينفورماتسيالانعان ەمدەۋ قۇرىلىمىن سالۋ نىساناسىن، بەتالىسىن كوزدەپ، ٴتۇرلى قىزمەتتەردى بەلسەنە ىلگەرىلەتىپ، نىساننىڭ ۋاعىندا سالىنىپ بولىپ، ىسكە قوسىلۋىنا شىنايى كەپىلدىك ەتىپ، شينجياڭداعى ٴار ۇلت بۇقاراسى ٴۇشىن اناعۇرلىم جوعارى دەڭگەيلى ەمدەۋ قىزمەت وتەۋىن قۇلشىنا ازىرلەپ، حالىق تۇرمىسىنىڭ قۇت ـ ىرىسىن ارتتىرۋعا اناعۇرلىم ويداعىداي دەم بەرىپ، سىرتقا ەسىك اشۋدى كەڭەيتۋگە قىزمەت وتەۋى كەرەك.

  ما شيڭرۇي قاتىستى جاۋاپتى جولداستارعا بىلاي دەپ قاداعالاي تاپسىردى: جوبالاۋدى، سالۋدى جوعارى باستامادا ويداعىداي ىستەپ، جوبا جاساۋدى جانە قۇرىلىس جۇرگىزۋگە ۇيىمداستىرۋدى ساپالىلاندىرىپ، ساپا وتكەلىن، حاۋىپسىزدىك وتكەلىن قاتاڭ تۇردە ويداعىداي يگەرىپ، وسىزاماندانۋ دەڭگەيىنە جەتكەن، حالىقارالىق كوز ايانى بەينەلەيتىن، شينجياڭ ەرەكشەلىگىن ايگىلەيتىن بىرەگەي شيپاحانا تۇلعالاۋ كەرەك. قاتتى، جۇمساق بولشەك سىندى ەكى جاقتان كۇش سالۋعا تاباندى بولىپ، اسپاپتاردى، جابدىقتاردى جوعارى ولشەممەن ورنالاستىرىپ، نەگىزدىك قۇرىلعىلار دەڭگەيىن جوعارىلاتىپ، ساپالى ەمدەۋ بايلىعىن قۇلشىنا توپتاۋ؛ جوعارى ورەلى ەمدەۋ دارىندىلارى ۇجىمىن بەلسەنە ەنگىزىپ جانە جەتىلدىرىپ، شينجياڭ مەديتسينا داشۋەسى سياقتى مەديتسينالىق وقۋ ورىندارىمەن تىعىز سەلبەسۋدى كۇشەيتىپ، دياگنوز قويۋ، ەمدەۋ جانە عىلمي زەرتتەۋ قابىلەتىن جوعارىلاتىپ، جۇڭي شيپاگەرلىگىنىڭ، دارىگەرلىگىنىڭ وزگەشە باسىمدىق رولىن ساۋلەلەندىرۋگە ٴمان بەرۋ كەرەك. ٴتۇرلى سايكەستى قۇرىلعىلاردى جەدەل كەمەلدەندىرىپ، 2 ـ مەرزىمدىك نىسان قۇرىلىسىن جۇيەلى جوسپارلاپ، ىلگەرىلەتىپ، قارجىنىڭ قولدانىلۋ ونىمدىلىگىن جوعارىلاتۋ كەرەك. اۆتونوميالى رايونداعى قاتىستى تاراۋلار مەن ٴۇرىمجى قالاسى فاكتورلىق قولداۋ جانە ٴبىر تۇتاس جوسپارلاپ سايكەستىرۋ سەرپىنىن كۇشەيتۋى، قاتىستى جاۋاپتى جولداستار وزدەرى يگەرىپ، وزدەرى باسقارىپ، وزدەرى ىستەپ، نىسان قۇرىلىسىنىڭ ناقتى ونىمدىلىككە قول جەتكىزۋىن جوعارى ساپامەن ىلگەرىلەتۋى كەرەك.

  قايسار ابدۇكەرىم تەكسەرۋ ـ زەرتتەۋگە قاتىناستى.

جالعانىم


جاۋاپتى رەداكتورى: 沙衣力克·达拉力汉