شينجياڭ فيلوسوفيا-قوعامدىق عىلىمدار تورابى
اۆتونوميالى رايوننىڭ جۇڭي شيپاگەرلىگىن، دارىگەرلىگىن جوعارى ساپالى دامىتۋ جينالىسى اشىلدى
   ۋاقىتى:2024-05-17   |  كەلۋ قاينارى: شينجياڭ گازەتى

  اۆتونوميالى رايوننىڭ جۇڭي شيپاگەرلىگىن، دارىگەرلىگىن جوعارى ساپالى دامىتۋ جينالىسى اشىلدى

  ما شيڭرۇي ماجىلىسكە قاتىناستى ٴارى اۆتونوميالى رايوندىق جۇڭي شيپاگەرلىگىن، دارىگەرلىگىن باسقارۋ مەكەمەسىنىڭ ماڭدايشالىعىن اشتى

  ەركىن تۇنياز، يۇي يانحۇڭ ٴسوز سويلەدى

  انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 5 ـ ايدىڭ 15 ـ كۇنى ۇرىمجىدەن حابارلايدى. اۆتونوميالى رايوننىڭ جۇڭي شيپاگەرلىگىن، دارىگەرلىگىن جوعارى ساپالى دامىتۋ جينالىسى 5 ـ ايدىڭ 15 ـ كۇنى تۇستەن بۇرىن ۇرىمجىدە اشىلدى، اۆتونوميالى رايون مەملەكەتتىك جۇڭي شيپاگەرلىگىن، دارىگەرلىگىن باسقارۋ مەكەمەسىمەن بىرگە شينجياڭنىڭ جۇڭي شيپاگەرلىگىن، دارىگەرلىگىن جالعاستىرۋدى، جاڭالىق اشا دامىتۋدى ىلگەرىلەتۋدى جوسپارلادى. ٴماجىلىس اۆتونوميالى رايوندىق جۇڭي شيپاگەرلىگىن، دارىگەرلىگىن باسقارۋ مەكەمەسىنىڭ ماڭدايشالىعىن اشۋ سالتىن وتكىزدى ٴارى اۆتونوميالى رايوندىق 2 ـ كەزەكتى ايگىلى جۇڭي شيپاگەرلەرىن ماداقتادى ـ سيلادى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ٴارى اۆتونوميالى رايوندىق جۇڭي شيپاگەرلىگىن، دارىگەرلىگىن باسقارۋ مەكەمەسىنىڭ ماڭدايشالىعىن اشتى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، مەملەكەتتىك دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ مۇشەسى، مەملەكەتتىك جۇڭي شيپاگەرلىگىن، دارىگەرلىگىن باسقارۋ مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى يۇي يانحۇڭ بىرگە ماڭدايشالىق اشتى ٴارى ماجىلىستە ٴسوز سويلەدى.

  ەركىن تۇنياز اۆتونوميالى رايوندىق پارتكوم مەن ۇكىمەت اتىنان مەملەكەتتىك جۇڭي شيپاگەرلىگىن، دارىگەرلىگىن باسقارۋ مەكەمەسىنىڭ شينجياڭ قىزمەتىنە كوڭىل ٴبولىپ، قولداۋ كورسەتكەندىگىنە العىس ايتتى. ول بىلاي دەپ اتاپ كورسەتتى: باس شۋجي شي جينپيڭنىڭ جانە پارتيا ورتالىق كوميتەتىنىڭ جۇڭي شيپاگەرلىگى، دارىگەرلىگى ىستەرىن دامىتۋ جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، يدەيانى ونان ارى ازات ەتىپ، تۋراشىلدىقتان اينىماي جاڭالىق اشىپ، اناعۇرلىم پارمەندى شارالار قولدانىپ، شينجياڭنىڭ جۇڭي شيپاگەرلىگى، دارىگەرلىگى ىستەرىن جالعاستىرۋدى، جاڭالىق اشا دامىتۋدى ىلگەرىلەتۋدى جۇيەلى جوبالاۋ كەرەك. جۇڭي شيپاگەرلىگى، دارىگەرلىگى كەلەلى ينجەنەريا نىساندارىن ىشكەرىلەي اتقارىپ، جۇڭي شيپاگەرلىگى، دارىگەرلىگى بويىنشا قىزمەت وتەۋ شەبىن كۇشەيتىپ قۇرىپ، جۇڭي شيپاگەرلىگى مەن باتىسشا شيپاگەرلىكتى سايكەستى دامىتۋدى ىلگەرىلەتىپ، ساپالى، جوعارى ٴونىمدى جۇڭي شيپاگەرلىگى، دارىگەرلىگى قىزمەت وتەۋى جۇيەسىن قۇرۋ كەرەك. جوعارى يقۋاتتى جاڭالىق اشۋ تۇعىرى قۇرىلىسى مەن عىلىم ـ تەحنيكا جەتىستىكتەرىن كادەگە جاراتۋدى ىلگەرىلەتىپ، جۇڭي شيپاگەرلىگىن، دارىگەرلىگىن جالعاستىرۋدان، دامىتۋدان ۇلگى كورسەتۋدى تۇيىندە سىناق ەتۋدى ورىستەتىپ، از ساندى ۇلتتار شيپاگەرلىگىن، دارىگەرلىگىن جالعاستىرۋدى، قورعاۋدى كۇشەيتىپ، جۇڭي شيپاگەرلىگى، دارىگەرلىگى عىلىم ـ تەحنيكاسىندا جاڭالىق اشۋ ونىمدىلىگىن جوعارىلاتۋ كەرەك. جۇڭي شيپاگەرلىگى، دارىگەرلىگى كاسىپ سالاسى تىزبەگىن اقاۋسىزداندىرىپ، كەمەلدەندىرىپ، كاسىپ سالالانۋ دەڭگەيىن جوعارىلاتىپ، جۇڭي شيپاگەرلىگى، دارىگەرلىگى كاسىبىنىڭ جوعارى ساپالى دامۋىن ىلگەرىلەتۋ كەرەك. جىبەك جولى ەكونوميكالىق بەلدەۋى وزەكتى رايونى ەمدەۋ قىزمەت وتەۋى ورتالىعىن قۇرۋدى ارقاۋ ەتىپ، جۇڭي شيپاگەرلىگى، دارىگەرلىگى مادەنيەتىن تاراتۋ مەن اشىق دامىتۋدى ىلگەرىلەتۋ كەرەك. جۇڭي شيپاگەرلىگى، دارىگەرلىگى دارىندىلارىن ەنگىزۋدى، باۋلۋدى كۇشەيتىپ، جۇڭي شيپاگەرلىگى، دارىگەرلىگى وقۋ ورىندارى قۇرىلىسى مەن دارىندىلاردىڭ نەگىزگى ساتىعا قىزمەت وتەۋ تەبىنىن ارتتىرىپ، جۇڭي شيپاگەرلىگى، دارىگەرلىگى ەرەكشە دارىندىلار قوسىنىن جەتىلدىرۋ جانە قۇرۋ كەرەك. جەر ـ جەر، قاتىستى تاراۋلار ۇيىمدىق باسشىلىقتى كۇشەيتىپ، ساياسات، فاكتور سياقتىلار جاعىنان قولداۋ كورسەتۋ سەرپىنىن ارتتىرىپ، شينجياڭنىڭ جۇڭي شيپاگەرلىگى، دارىگەرلىگى ىستەرىنىڭ جوعارى ساپالى دامۋىن كۇش بىرىكتىرە ىلگەرىلەتۋى كەرەك.

  يۇي يانحۇڭ بىلاي دەپ اتاپ كورسەتتى: اۆتونوميالى رايوندىق پارتكوم مەن ۇكىمەتتىڭ ٴبىر تۇتاس جوسپارلاپ ىلگەرىلەتۋىندە، شينجياڭنىڭ جۇڭي شيپاگەرلىگى، دارىگەرلىگى ىستەرى بەلسەندى ىلگەرىلەۋشىلىككە قول جەتكىزدى. شينجياڭنىڭ باس شۋجي شي جينپيڭنىڭ جۇڭي شيپاگەرلىگى، دارىگەرلىگى قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋگە تاباندى بولىپ، جاۋھاردى جالعاستىرىپ، تۋراشىلدىقتان اينىماي جاڭالىق اشىپ، جۇڭي شيپاگەرلىگى، دارىگەرلىگى ىستەرى مەن كاسىپ سالاسىنىڭ جوعارى ساپالى دامۋىن جەدەل ىلگەرىلەتۋىن ٴۇمىت ەتەمىن. پارتيانىڭ جۇڭي شيپاگەرلىگى، دارىگەرلىگى قىزمەتىنە باسشىلىعىن جاپپاي كۇشەيتىپ، جۇڭي شيپاگەرلىگىن، دارىگەرلىگىن باسقارۋ ٴتۇزىلىس مەحانيزمىن ونان ارى ورناتۋ جانە اقاۋسىزداندىرۋ كەرەك. ابزال جۇڭي شيپاگەرلىگى، دارىگەرلىگى بايلىعىنىڭ ساپاسىن جوعارىلاتىپ، سيىمدىلىعىن ارتتىرۋدى جانە وڭىرلىك بىركەلكى ورنالاستىرۋدى ىلگەرىلەتىپ، الدىن الۋ، دەنساۋلىق ساقتاۋ، اۋرۋدى ەمدەۋ جانە ساۋىقتىرۋ ٴبىر تۇلعالانعان جۇڭي شيپاگەرلىگى، دارىگەرلىگى قىزمەت وتەۋ جۇيەسىن جەدەل قۇرىپ، ٴار ۇلت حالىق بۇقاراسىنىڭ سالاماتتىعى مەن قۇت ـ ىرىسىن ونان ارى ارتتىرۋ كەرەك. كەلەلى ورايدى مىقتى يگەرىپ، بايلىقتى، وڭىرلىك ورىن باسىمدىعىن جانە كاسىپ سالاسى نەگىزىن تياناق ەتىپ، جۇڭي شيپاگەرلىگى، دارىگەرلىگى كاسىپ سالاسىن جەرگىلىكتى جاعدايعا قاراي دامىتىپ، زورايتىپ، ەكونوميكالىق، قوعامدىق دامۋعا ۇلەس قوسۋ دەڭگەيىن ونان ارى جوعارىلاتۋ كەرەك. جۇڭي شيپاگەرلىگى، دارىگەرلىگى دارىندىلار قوسىنىن جەتىلدىرىپ، زورايتىپ، جۇڭي شيپاگەرلىگى، دارىگەرلىگى وقۋ ورىندارى قۇرىلىسىن ىلگەرىلەتىپ، جوعارى دەڭگەيدەگى جۇڭي شيپاگەرلىگى، دارىگەرلىگى عىلمي زەرتتەۋ تۇعىرىن قالىپتاستىرىپ، جۇڭي شيپاگەرلىگىنىڭ، دارىگەرلىگىنىڭ جوعارى ساپالى دامۋ تىرەگىن ونان ارى بەكەمدەۋ كەرەك. جۇڭي شيپاگەرلىگى، دارىگەرلىگى مادەنيەتىن بارىنشا اسقاقتاتىپ، شينجياڭدى مادەنيەتپەن نارلەندىرۋ بارىسىندا رولىن ونان ارى ساۋلەلەندىرۋ كەرەك.

  ماجىلىستەن بۇرىن اۆتونوميالى رايوندىق حالىق ۇكىمەتى مەن مەملەكەتتىك جۇڭي شيپاگەرلىگىن، دارىگەرلىگىن باسقارۋ مەكەمەسى شينجياڭنىڭ جۇڭي شيپاگەرلىگىن، دارىگەرلىگىن جوعارى ساپالى دامىتۋدى جەبەۋ سەلبەستىك كەلىسىمىنە قول قويدى، ەكى جاق جۇڭي شيپاگەرلىگى، دارىگەرلىگى جالپىلىق رەفورماسى، قىزمەت وتەۋ جۇيەسى قۇرىلىسى، دارىندىلاردى تاربيەلەۋ، از ۇلت شيپاگەرلىگىن، دارىگەرلىگىن دامىتۋ سياقتى جاقتاردا سەلبەستىكتى تەرەڭدەتىپ، شينجياڭنىڭ جۇڭي شيپاگەرلىگى، دارىگەرلىگى بايلىعى باسىمدىعىنىڭ كاسىپ سالاسى باسىمدىعىنا جەدەل اينالۋىن ىلگەرىلەتەدى، شينجياڭدى مادەنيەتپەن نارلەندىرۋ جانە جىبەك جولى ەكونوميكالىق بەلدەۋى وزەكتى رايونىنىڭ ەمدەۋ قىزمەت وتەۋ ورتالىعىن قۇرۋداعى ماڭىزدى رولىن اناعۇرلىم ويداعىداي ساۋلەلەندىرەدى.

  مەملەكەتتىك جۇڭي شيپاگەرلىگىن، دارىگەرلىگىن باسقارۋ مەكەمەسىنىڭ قاتىستى مەڭگەرمە ـ مەكەمەلەرىندەگى جاۋاپتى جولداستار قيمىلعا قاتىناستى.

  پيڭ شينلاي، ازەز مۇسا قيمىلعا قاتىناستى. ٴماجىلىستى قايسار ابدىكەرىم باسقاردى. اۆتونوميالى رايوننىڭ قاتىستى تاراۋلارىنداعى جانە ورىندارىنداعى جاۋاپتى جولداستار، ايماق، وبلىس، قالالارداعى سالاعا جاۋاپتى جولداستار جانە ايماق، اۋدان ەكى دارەجەلى جۇڭي شيپاگەرلىگى ەمدەۋ قۇرىلىمدارىنداعى جاۋاپتى جولداستار، اۆتونوميالى رايوننىڭ قاتىستى مەديتسينا وقۋ ورىندارىنىڭ، ەمدەۋ قۇرىلىمدارىنىڭ، ٴدارى ـ دارمەك كاسىپورىندارىنىڭ جاۋاپتىلارى جانە جۇڭي شيپاگەرلىگى، دارىگەرلىگى شيپاگەرلەرىنىڭ، وقىمىستىلارىنىڭ ۋاكىلدەرى ماجىلىسكە قاتىناستى.

جالعانىم


جاۋاپتى رەداكتورى: 沙衣力克·达拉力汉