شينجياڭ ساياحات كاسىبىنىڭ جوعارى ساپالى دامۋىنىڭ ورنىقتى قاداممەن الىسقا جەتۋىن ىلگەرىلەتتى
□ انار بۇلت \ شينجياڭ گازەتىنىڭ ٴتىلشىسى رىن جياڭ
5 ـ ايداعى شينجياڭدا گۇلدەر جايقالا اشىلىپ، اسپان شايداي اشىق بولدى، بۇل ٴبىر جىلداعى ەڭ تاماشا مەزگىل، شينجياڭنىڭ جەر ـ جەرىندەگى كورىنىس وڭىرىندە ساياحاتشىلار كۇن سايىن كوبەيىپ، ادامدار تاۋ ـ وزەندەردى قۇماردان شىعا ساياحاتتاپ، كوشەلەردى ارالاپ، بايىرعى قالانىڭ ٴىشى ـ سىرتىندا سەيىلدەپ، تاماشا تۇرمىستان مەيلىنشە ٴلاززات الدى.
”ساياحات كاسىبى شاعىننان زورايىپ، السىزدەن كۇشەيىپ، كۇن وتكەن سايىن جاڭادان گۇلدەنگەن ستراتەگيالىق تىرەكتى كاسىپ سالاسىنا جانە كورنەكتى ٴداۋىر ەرەكشەلىگىنە يە حالىق تۇرمىسى كاسىپ سالاسىنا، باقىت كاسىپ سالاسىنا اينالدى“، باس شۋجي شي جينپيڭ تاياۋدا ساياحات قىزمەتى جونىندە ماڭىزدى نۇسقاۋ بەردى. رەفورما جاساپ، ەسىك اشقاننان، اسىرەسە، پارتيا 18 ـ قۇرىلتايىنان بەرى، شينجياڭنىڭ ساياحاتىنىڭ دامۋى ٴارقايسى باۋىرلاس ولكەمەن بىرگە جەدەل دامۋ ارناسىنا ٴتۇسىپ، كورىكتى شينجياڭ ساياحات بايلىعى ٴىرى رايوننان ساياحات ەكونوميكاسى قۋاتتى رايونعا قاراي قادام تاستاۋدا.
جوعارى ساپالى دامىعان ساياحات كاسىبى ادامداردىڭ تاماشا تۇرمىسقا دەگەن جاڭا ٴۇمىتىن كۇن سايىن قاناعاتتاندىرىپ، شينجياڭنىڭ ەكونوميكاسىنىڭ، قوعامىنىڭ دامۋىن پارمەندى ىلگەرىلەتىپ، شينجياڭداعى ٴار ۇلت بۇقاراسىنا باقىت، بايلىق جاراتتى.
باقىت كاسىپ سالاسىندا باقىت گۇلى قۇلپىردى
تۇتاس رايوندا ەل ٴىشى ـ سىرتىنان جالپى 8 ميلليون 559 مىڭ 400 ساياحاتشى (رەت) قابىلدانىپ، ساياحات كىرىسى 8 ميلليارد 78 ميلليون يۋانعا جەتتى _ بيىل ” 1 ـ مامىر“ دەمالىسىندا شينجياڭنىڭ ساياحاتى بارىنشا جاندانىپ، شينجياڭنىڭ ٴىشى ـ سىرتىنان كەلگەن ساياحاتشىلار ٴيىن تىرەستى.
ونىمدەرمەن قامداۋ مول بولىپ، بازارلاردا ادامدار قايشالىستى؛ ٴوز كولىگىمەن ساياحاتتاۋ، ەرەكشە ساياحات قىزۋ ورلەۋگە كوتەرىلدى؛ مادەنيەت پەن ساياحات تەرەڭدەي توعىسىپ، قيمىل سەزىنۋى باي مازمۇندى بولدى... ” 1 ـ مامىر“ دەمالىسىندا ساياحاتتىڭ بارىنشا جاندانۋى شينجياڭنىڭ ساياحات كاسىبىنىڭ جوعارى ساپالى دامۋىنىڭ ٴبىر ىقشام كورىنىسى.
قازىرگى تاڭدا ساياحات كاسىبى كۇن وتكەن سايىن ادامداردىڭ تاماشا تۇرمىسقا دەگەن جاڭا ٴۇمىتىن قاناعاتتاندىراتىن ماڭىزدى مازمۇنعا اينالدى.
شينجياڭ ساياحات كووپەراتيۆى قوعامىنىڭ باستىعى ۋ فىڭ بۇل جونىندە تەرەڭ اسەرگە بولەندى. 1987 ـ جىلى شينجياڭداعى ٴبىر جوعارى مەكتەپتى ەندى عانا ٴبىتىرىپ، ساياحات كووپەراتيۆىنە قابىلدانعانىندا كۇتىپ العان ساياحاتشىلارى تۇگەلدەي شەكارادان كىرگەن ساياحاتشىلار بولاتىن، وتكەن عاسىردىڭ 90 ـ جىلدارىنا اياق باسقاندا عانا ەل ىشىندەگى ساياحاتشىلار بىرتىندەپ بوي كورسەتە باستادى، ”ول كەزدە ساياحاتتاۋ كوپ ادام جونىنەن قول جەتپەس ارمان بولىپ سەزىلەتىن“.
30 نەشە جىلدان كەيىنگى بۇگىنگى تاڭدا ساياحاتتاۋ الدەقاشان ”جاي بۇقارانىڭ وتباسىنان ويىپ ورىن الدى“. 2023 ـ جىلى شينجياڭ قابىلداعان ساياحاتشى سانى 265 ميلليون ادام (رەت) بولىپ، تاريحتاعى تىڭ ورەنى جاراتتى؛ ساياحات كىرىسى 296 ميلليارد 715 ميلليون يۋان بولدى. بيىل شينجياڭ 300 ميلليون ادام (رەت) ساياحاتشى قابىلداۋ نىساناسىن جۇزەگە اسىرۋعا كۇش سالادى.
”دۇنيە ٴجۇزى سونشاما ۇلكەن، مەنىڭ ارالاپ كورگىم كەلەدى“. ەكونوميكانىڭ جوعارى ساپالى دامۋى ”ەل ارالاپ، جەر كورۋ“ سىندى ارمانعا قول جەتكىزۋگە مۇمكىندىك جاسادى. تاياۋدا قىزۋ قويىلىپ جاتقان قىسقا تەلەفيلم «التايىمنىڭ» ارقاسىندا ٴبىر اپتا ۋاقىت ىشىندە ـ اق التايعا كەلىپ ساياحاتتايتىن ادام سانى كۇرت كوبەيدى. شيەچىڭ، تۇڭچىڭ سياقتى تۇعىرلاردا ”التاي“، ”شينجياڭ“ سياقتىلاردى ىزدەۋ قىزعىندىلىعى بارىنشا ارتتى.
”ەل ارالاپ، جەر كورگىسى كەلسە بولعانى” “دەرەۋ قامدانىپ ٴجۇرىپ كەتۋ“ وسى زامانعى ساياحات كاسىبى جۇيەسىنىڭ كۇن سايىن كەمەلدەنگەندىگىنىڭ ارقاسى ەدى.
حيكىمەت كوركەم تابيعات كورىنىسى، مايەكتى تاريحي مادەنيەت، قويۋ، باي مازمۇندى ۇلتتىق سالت ـ سانا... شينجياڭنىڭ مول ٴارى وزگەشە ساياحات بايلىقتارى تيانشان الابىنداعى ساياحات كورىنىس وڭىرىنە بىرتىندەپ اينالدى ٴارى سانى دا ۇزدىكسىز كوبەيىپ، ٴتۇرى دە اناعۇرلىم كوپ نەگىزدى بولىپ، ادامداردىڭ ساياحاتتىڭ دامۋ پايداسىنان تولىق يگىلىكتەنۋىنە مۇمكىندىك جاسادى.
شينجياڭنىڭ ساياحات كورىنىس رايونىنىڭ ٴتۇرى مول، اسقار تاۋ، وزەن ـ كولدەردىڭ تابيعات كورىنىسىنەن تارتىپ تاريحي مادەنيەت مايەگىنە تولى گۋمانيتارلىق ەجەلگى ەسكەرتكىشتەرگە دەيىن قامتىلادى. تاياۋ جىلداردا اۋىل ـ قىستاق ساياحاتى، ەرەكشە ساياحات، قار ـ مۇز ساياحاتى، قىزىل ساياحات سياقتىلار تولاسسىز دامىپ، ٴونىم جۇيەسى بارعان سايىن كەمەلدەندى؛ تاماشالاۋ، كوڭىل اشۋ، دەمالۋ، وقىتۋدى زەرتتەۋ، دەنە تاربيە جارىسى سياقتى كوپ ساتىلى ستەرەولدى سۇرانىس شينجياڭ ساياحاتىنىڭ كاسىپ كۇيىن بارىنشا مولايتىپ، بارعان سايىن كوبەيگەن ەرەكشە ساياحات تىڭنان بوي كوتەردى. مايتاۋ، كۇشار تاس جولى، G219 شەكارا ساياحاتى كورىنىس جولى، قۇلجا _ موڭعۇلكۇرە تاس جولى، كۇنلۇن تاس جولى، پانلۇڭ بايىرعى جولى، S101 تيانشان جاعراپيالىق سۋرەت ٴدالىزى سياقتى ساياحات سارا تۋىندىلارى لەنياسى جارىققا شىعىپ، كەمەلدەنىپ، شينجياڭدى جەر ـ جەردەگى ٴوز كولىگىمەن ساياحاتتاۋشىلاردىڭ جەر ۇيىعىنا اينالدىردى.
جوعارى ساپالى دامۋدىڭ جاڭا قوزعالتقىشىن تۇلعالادى
قازىر اراسان اۋدانى ماڭىنداعى اراسان بۇراتالا مەملەكەتتىك سازدىق باقشاسىندا تۇرىپ توڭىرەككە كوز جىبەرسەڭىز، ەرەكشەلىككە يە قۇرىلىستاردىڭ قاۋىرت جۇمىس جۇرگىزىپ جاتقانىن كورەسىز. بۇلاردىڭ بارلىعى سالىنىپ جاتقان جوعارى ولشەمدى قوناق سارايلارى ەدى.
بىلتىر جىل باسىنان بەرى شينجياڭنىڭ كوپ جەرىندە جوعارى ولشەمدى قوناق سارايلارى قۇرىلىسى ارت ـ ارتىنان جۇمىس باستادى. ٴۇرىمجى قالاسى، التاي ايماعى، بۇراتالا موڭعۇل اۆتونوميالى وبلىسى، سانجى حۇيزۋ اۆتونوميالى وبلىسى، بايىنعولين موڭعۇل اۆتونوميالى وبلىسى، قاشقار ايماعى قاتارلى جەرلەردىڭ بارلىعىندا بەس جۇلدىز دارەجەسى ولشەمىندەگى جانە كولەمدى ىسكە قوسىلعان قوناق سارايلار بار، ماركالار ۋيندحام، حيلتون، شەراتون، ريتزكارلتون قاتارلى بىرەگەي حالىقارالىق قوناق ساراي ماركالارىن قامتيدى. 2023 ـ جىلى تۇتاس شينجياڭدا جالپى 130 قوناق ساراي قۇرىلىس نىسانى بار بولىپ، جالپى 40 ميلليارد يۋان قارجى قوسىلدى، مۇندا 5 جۇلدىز دارەجەلى 33 قوناق ساراي بار. قازىر قوناق ساراي نىسانى قۇرىلىسى جەدەل ىلگەرىلەتىلۋدە.
جوعارى ولشەمدى قوناق ساراي قۇرىلىسىنىڭ جىلدامدىقتى ارتتىرۋى _ شينجياڭنىڭ مادەنيەت ـ ساياحات كاسىبىنىڭ قارجى قوسۋ بيىگىنە اينالعاندىعىنىڭ ٴبىر بەينەسى، شينجياڭنىڭ جەر ـ جەرىنىڭ مادەنيەت ـ ساياحات ٴتۇيىندى نىساندارىن ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدەگى ماڭىزدى قوزعالتقىش ەتۋگە تاباندى بولىپ، ٴبىر توپ كەلەلى كاسىپ سالالانعان نىساندار جونىنەن كەلىسىم جاسالىپ، تياناقتانۋدى جەدەل جەبەۋدەگى جەتىستىكتەرىنىڭ ٴبىرى.
”ساياحات+ “دان ” +ساياحاتقا“ دەيىن ساياحات كاسىبى قۇددى ”تاستى ٴتۇرتىپ التىنعا اينالدىراتىن” “التىن ساۋساق“ ىسپەتتى ٴداستۇرلى كاسىپ سالاسىنا ۇزدىكسىز تىڭ ٴمان جانە ومىرشەڭدىك كۇش ۇستەدى. اۋىل ـ قىستاقتاردا ساياحات اۋىل ـ قىستاقتى گۇلدەندىرۋگە قۋات ۇستەپ، اۋىل ـ قىستاق ساياحات كورىنىسى شەكسىز دامىدى؛ قالادا ٴبىر ـ بىرلەگەن تۇنگى مادەنيەت جانە ساياحات تۇتىنۋى شوعىرلانعان اۋماقتار جارىققا شىعىپ، ادامداردىڭ ات باسىن تىرەيتىن، كوڭىل اشاتىن تاماشا جەرىنە اينالىپ، تۇتىنۋدىڭ ورلەۋى ناقتى دانەكەرگە يە بولدى؛ مەملەكەتتىك ونەركاسىپ ساياحاتتان ۇلگى كورسەتۋ بازاسى، مەملەكەتتىك مادەنيەت جانە ساياحات تۇتىنۋى سىناق ٴتۇيىنى قالاسى، مەملەكەتتىك مادەنيەت كاسىپ سالاسى جانە ساياحات كاسىپ سالاسى توعىسپالى دامۋىنان ۇلگى كورسەتۋ رايونىن قۇرۋ ورنى، مەملەكەتتىك مادەنيەت كاسىپ سالاسىنىڭ اۋىل ـ قىستاقتى گۇلدەندىرۋگە قۋات ۇستەۋ سىناق ٴتۇيىنى ٴوڭىرى... ساياحات كاسىبىنىڭ ەكونوميكالىق، قوعامدىق دامۋ بارىسىنداعى قۋاتتى باستاماشىلدىق رولى ساياحات كاسىبىنىڭ كۇن وتكەن سايىن جاڭادان گۇلدەنگەن ستراتەگيالىق سيپاتتى تىرەكتى كاسىپ سالاسىنا اينالۋىنا مۇمكىندىك جاسادى.
مادەنيەت ارقىلى ساياحاتتى تۇلعالاپ، ساياحات ارقىلى مادەنيەتتى ايگىلەپ، مادەنيەت پەن ساياحات تەرەڭدەي توعىسىپ، شينجياڭنىڭ ساياحات كاسىبى شەكسىز دامۋ كەڭستىگىن اشىپ، شەكسىز ويلاۋ كەڭىستىگىن قوستى. مۇراجايعا بارىپ ەكسكۋرسيالاپ، ٴان كەشىن قۋالاپ ساياحاتتادى؛ بەيزاتتىق مادەنيەت مۇرالار نىسانى قىزۋ قارسى الىنىپ، وقىتۋدى زەرتتەۋ ساياحاتى ونان ارى جاندانىپ، مادەنيەت ساياحاتقا رۋحاني ٴمان قوستى ٴارى ومىرشەڭدىك كۇش ۇستەدى. 2023 ـ جىلى 3 ـ كەزەكتى جۇڭگو شينجياڭ حالىقارالىق كوركەمونەر قوس جىلدىق كورمەسى، 6 ـ كەزەكتى جۇڭگو شينجياڭ حالىقارالىق ۇلتتار ٴبي فەستيۆالى، ”شينجياڭ جاقسى جەر“ شينجياڭعا باعىتتامالى كومەكتەسكەن 19 ولكە، قالانىڭ بەيزاتتىق مادەنيەت مۇرالارى كورمەسى قاتارلىلار مادەنيەت پەن ساياحاتتىڭ توعىسۋ ٴورىسىن ونان ارى كەڭەيتتى.
حالىق تۇرمىسى كاسىپ سالاسى ارقىلى شەكسىز باقىت جاراتتى
حوتانداعى تۋانچىڭ كورىنىس وڭىرىندە كەزىندە ۇيلەر جاتاعان دا ەسكى، تۇرعىنداردىڭ كوبى گۇل، قۇس، قۇرت ـ قۇمىرىسقا، بالىق ايىرباسىمەن اينالىساتىن كونە قالا رايونى ەدى. بۇگىندەرى حوتان ايماعىنىڭ بىردەن ـ ٴبىر ”تۋانجۋان“ قۇرىلىس ۇلگىسىن جانە ”ايۋاڭ“ ۇلگىسىندەگى ەرەكشەلىككە يە تۇرعىندار تۇراعى ۇلگىسىن ساقتاعان مەملەكەتتىك 4A دارەجەلى ساياحات كورىنىس وڭىرىنە اينالدى. بيىل اتالعان كورىنىس ٴوڭىرى اۆتونوميالى رايون دارەجەلى كەشكى مادەنيەت جانە ساياحاتتىق تۇتىنۋ شوعىرلانعان وڭىرگە اينالدى. ٴمامتىمىن عوپۇر بالا كەزىنەن وسى ارادا تۇرمىس كەشىرىپ، قازىر جاسى 80نەن استى، ول كورىنىس وڭىرىندە حوتان ەرەكشەلىگىندەگى ٴدارى شاي دۇكەنىن اشتى، گۋاڭدۇڭ، شانشي، شاڭحاي، بەيجيڭنەن كەلگەن ساياحاتشىلار تۇگەلدەي ونىڭ دۇكەنىنە باس سۇعىپ، كىرىسى ايتارلىقتاي جاقسى بولدى.
ساياحات كەسەسىندەگى تاماقتان اۋىز ٴتيىپ، كىرىستى ارتتىرۋ جولىنا ٴتۇستى.
2023 ـ جىلى شينجياڭدا 563 ساياحات كووپەراتيۆى تىڭنان ارتىپ، 25 مىڭعا تاياۋ ساياحات جەتەكشىسى ساياحاتتىق قىزمەت وتەۋمەن شۇعىلدانۋ ارقىلى جۇمىستانۋدى، كىرىستى ارتتىرۋدى ىسكە اسىردى؛ بۇكىل شينجياڭدا ساياحات كاسىبى شارۋاشىلىعىمەن شۇعىلدانعان نەگىزگى تۇلعالار 370 مىڭنان اسىپ، ساياحاتقا قاتىستى ٴجۇرىس ـ تۇرىس، جاتار ورىن، اس ـ سۋ، ساياحاتتاۋ ـ ارالاۋ، زات ساتىپ الۋ، كوڭىل اشۋ سياقتىلار قىرۋار جۇمىستانۋ ورنىن ازىرلەدى. ال بارعان سايىن قىزا تۇسكەن اۋىل ـ قىستاق ساياحاتىندا جولاۋشى لەگى مولشەرى اۋىل شارۋاشىلىق ەرەكشە قوسىمشا ونىمدەرىن ساۋدالاۋ مولشەرىنە اينالىپ، ساياحات جاندانىپ، بارلىق ىستەردىڭ جولىن اشتى.
بىرلەسكەن مەملەكەتتەر ۇيىمى دۇنيە ٴجۇزى ساياحات ۇيىمىنىڭ ساناعىنا نەگىزدەلگەندە، ساياحات كاسىبى جەتەكشىلىك ەتۋ سيپاتى مەن بايلانىس دارەجەسى ەڭ جوعارى كاسىپ سالالارىنىڭ ٴبىرى بولىپ، جەتەكتەگەن قاتىستى كاسىپ سالاسى 110نان اسادى. ساياحات كىرىسى ٴبىر يۋان ارتسا، جەتەكتەگەن قاتىستى كاسىپ سالاسىنىڭ كىرىسى 4.5 يۋان ارتادى، ساياحات ۇسىنىلىمى ٴبىر يۋان ارتسا، جەتەكتەگەن باسقا كاسىپ سالاسىنا قوسىلعان ۇسىنىلىم 5 يۋان ارتادى. ٴبىر كاسىپ گۇلدەنسە، ٴجۇز كاسىپ وركەندەيدى، شينجياڭ ساياحاتىنىڭ جارىققا شىعارعان قۇدىرەتتى كوبەيتكىش ونىمدىلىگى جوعارى ساپالى دامۋدىڭ قوزعالتقىشىنا اينالدى، اسىرەسە، جۇمىستانۋدى كەڭەيتۋ، حالىقتى بايىتۋ، حالىققا تيىمدىلىك جەتكىزۋ ەرەكشەلىگى بىرتىندەپ ۇلعايىپ، اتى زاتىنا ساي حالىق تۇرمىسى كاسىپ سالاسىنا، باقىت كاسىپ سالاسىنا اينالدى.
شينجياڭ بارلىق ادام اڭسايتىن جەر، ول ”ولەڭ مەن قيىردىڭ“ تۇسىندىرمەسى. جۇڭگو وسى زامانعى ساياحات كاسىبى جۇيەسىن كۇش سالا كەمەلدەندىرىپ، ساياحاتتا قۋاتتى ەل قۇرىلىسىن جەدەلدەتىپ، ساياحات كاسىبىن تاماشا تۇرمىسقا اناعۇرلىم ويداعىداي قىزمەت ەتكىزگەن، ەكونوميكانىڭ دامۋىن جەدەلدەتكەن، رۋحاني مەكەندى ورناتقان، جۇڭگو وبرازىن ايگىلەگەن، مادەنيەت اۋىس ـ كۇيىسىن ارتتىرعان قۇدىرەتتى شىعىس جەلىنىڭ ىلگەرىلەتۋىندە، شينجياڭ ساياحاتى بىرتە ـ بىرتە جاڭادان گۇلدەنگەن ستراتەگيالىق سيپاتتى تىرەكتى كاسىپ سالاسىنىڭ جانە كورنەكتى داۋىرلىك سيپات ەرەكشەلىگىنە يە حالىق تۇرمىسى كاسىپ سالاسىنا، باقىتتى كاسىپ سالاسىنا اينالدى.