انار بۇلت \ شينجياڭ گازەتىنىڭ ٴتىلشىسى شى شين 5 ـ ايدىڭ 18 ـ كۇنى ۇرىمجىدەن حابارلايدى. جاقىندا اۆتونوميالى رايوندىق دامۋ جانە رەفورما كوميتەتى سياقتى 4 تاراۋ «شينجياڭ ۇيعۇر اۆتونوميالى رايونىنىڭ 2024 ـ جىلعى تۇتىنۋ اياسىن ۇزدىكسىز كەڭەيتۋ قىزمەتىن اتقارۋ جوباسىن» (تومەندە قىسقارتىلىپ «اتقارۋ جوباسى» دەلىنەدى) باسىپ تاراتىپ، تۇتىنۋدىڭ ”موتورىن“ وتالدىرىپ، جوعارى ساپالى دامۋدىڭ ۇزاق مەزگىلدىك قوزعاۋشى كۇشىن ۇزدىكسىز كۇشەيتتى.
«اتقارۋ جوباسى» 2024 ـ جىلى بۇكىل رايوننىڭ قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسىنىڭ سايكەس مەزگىلدەگىدەن %8 ارتۋىن قۇلشىنا جۇزەگە اسىرۋدى نىسانا ەتىپ، تۇتىنۋ قۋاتىن ارتتىرۋعا كۇش سالىپ، تۇتىنۋ شارت ـ جاعدايىن جاقسارتىپ، تۇتىنۋ جاعدايىندا جاڭالىق اشىپ، تۇتىنۋدىڭ كومەسكى كۇشىن قاۋلاتىپ، ٴونىمدى قارجى قوسۋدى كەڭەيتىپ، تۇتىنۋ مەن قارجى قوسۋدىڭ ٴبىرىن ـ ٴبىرى جەبەيتىن ۇتىمدى اينالىمىن قالىپتاستىرىپ، تۇتىنۋدىڭ ىندەتتەن كەيىنگى قالپىنا كەلۋدەن تىنباي كەڭەيۋگە قاراي بۇرىلىس جاساۋىن ىلگەرىلەتەدى.
«اتقارۋ جوباسىندا» ٴونىمدى قارجى قوسۋدى ارتتىرىپ، تۇتىنۋ اياسىن كەڭەيتۋ، ٴداستۇرلى تۇتىنۋدى ورنىقتىرۋ جانە كەڭەيتۋ، كونەنى جاڭاعا اۋىستىرۋدى بەلسەنە ىلگەرىلەتۋ، مادەنيەت، كوڭىل اشۋ ساياحاتتىق تۇتىنۋىنىڭ دەڭگەيىن جوعارىلاتۋ، مادەنيەت، كوڭىل اشۋ تۇتىنۋىن جەبەۋ سياقتى 16 تارماقتى شارا العا قويىلدى.
تۇتىنۋ _ ەكونوميكانى باقىلايتىن بارومەتر، سونداي ـ اق ەكونوميكا اينالىمىنىڭ ”ورنىقتىرعىشى“ جانە ”تاعان تاسى“. ساياساتتىڭ دەم بەرۋى، تەحنيكانىڭ قۋات ۇستەۋى جانە كاسىپ كۇيىندە جاڭالىق اشۋ سياقتى كوپ ٴتۇرلى فاكتوردىڭ جەبەۋىندە، شينجياڭنىڭ تۇتىنۋ بازارىنىڭ جالىندى كۇشى ارتا ٴتۇستى. ”1 ـ مامىر“ دەمالىسى كەزىندە ساۋدا ىستەرى تاراۋلارى ٴتۇيىندى تۇردە قاداعالاعان 94 بولشەك ساتۋ، اس ـ سۋ كاسىپورنىنىڭ جۇزەگە اسىرعان تاۋار ساتىلىم سوماسى 307 ميلليون 447 مىڭ 700 يۋان بولىپ، 2023 ـ جىلداعى سول تۇستاعىدان %4.6 ارتتى؛ اس ـ سۋ تۇرىندە جۇزەگە اسىرعان ساتىلىم سوماسى 3 ميلليون 569 مىڭ 900 يۋان بولىپ، 2023 ـ جىلداعى سول تۇستاعىدان %11.4 ارتتى.
كەلەسى قادامدا، اۆتونوميالى رايوندىق دامۋ جانە رەفورما كوميتەتى قاتىستى تاراۋلارمەن بىرگە اۆتونوميالى رايوننىڭ تۇتىنۋدى جەبەۋ ٴتۇزىلىس ـ مەحانيزمى تاراۋلار بىرلەسكەن كەڭەسى ٴتۇزىمىن كەمەلدەندىرۋ رولىن تولىق ساۋلەلەندىرىپ، سايكەسۋدى، سەلبەسۋدى كۇشەيتىپ، مەرزىمدى ۋاقىتتا كەڭەس وتكىزىپ ورنالاستىرۋ جاساپ، جەتەكشىلىك ەتۋدى، قىزمەت وتەۋدى جاقسى ىستەپ، ٴتۇرلى ساياساتتىڭ، شارالاردىڭ تياناقتانىپ، ونىمدىلىك كورسەتۋىن شىنايى ىلگەرىلەتەدى.