جالپى سانى 1764كە جەتتى
انار بۇلت \ شينجياڭ گازەتىنىڭ ٴتىلشىسى ما ينيڭ 5 ـ ايدىڭ 19 ـ كۇنى ۇرىمجىدەن حابارلايدى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋىمىزشا، تاياۋدا 2024 ـ جىلعى اۆتونوميالى رايونداعى جاڭالىق اشۋ تيبىندەگى ورتا، شاعىن كاسىپورىنداردىڭ ٴتىزىمى جاريالانعان، بيولوگيالىق عىلىم ـ تەحنيكا، ينفورماتسيا تەحنيكاسى، اۋىل شارۋاشىلىعى، قورشاعان ورتانى قورعاۋ، ماشينا جاساۋ، جاڭا ەنەرگيا سياقتى كوپ سالاعا ساياتىن 621 ورتا، شاعىن كاسىپورىن تىزىمگە ەنگىزىلگەن.
جاڭالىق اشۋ تيبىندەگى ورتا، شاعىن كاسىپورىندار ٴبىرشاما جوعارى ماماندانۋ دەڭگەيى، ٴبىرشاما كۇشتى جاڭالىق اشۋ قابىلەتى جانە دامۋ كومەسكى كۇشى بار كاسىپورىنداردى مەڭزەيدى، ولار ساپالى ورتا، شاعىن كاسىپورىنداردى ساتىلاي جەتىلدىرۋدىڭ ٴبىر بۋىنى، سونداي ـ اق ساپالى ورتا، شاعىن كاسىپورىنداردىڭ نەگىزگى كۇشى، ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان ورتا، شاعىن كاسىپورىندى تۇراقتاندىرۋعا ٴوتىنىش بەرۋدە، ٴسوز جوق، الدىمەن جاڭالىق اشۋ تيبىندەگى ورتا، شاعىن كاسىپورىندار باعالاۋىنان ٴوتۋ كەرەك.
وسى رەت تىزىمگە ەنگىزىلگەن شينجياڭ چۇنچيۋ ۋىنچۋاڭ عىلىم ـ تەحنيكا جارنا شەكتى سەرىكتەستىگى _ شينجياڭداعى قازىرگى بىردەن ـ ٴبىر بلوكچين ينفورماتسيا قىزمەت وتەۋىن ەستەلىككە الۋ كۋالىگىن العان كاسىپورىن ٴارى مادەني ەسكەرتكىش كوركەمونەر تۋىندىلارىنان پايدالانىپ سيفرلى مۇلىك (NFT) وندىرەتىن، تيجارات ەتەتىن، تاراتىپ ساتاتىن بلوكچين كاسىپورنى. قازىر الدەقاشان شاڭحاي ساندى مالىمەت ايىرباس ورنىمەن جانە بەيجيڭ حالىقارالىق ۇلكەن ساندى مالىمەت ايىرباس ورنىمەن سيفرلى مۇلىك تاراتىپ ساتۋ سەلبەستىك كەلىسىمىن جاساستى.
بيولوگيالىق ٴدارى ـ دارمەك _ ەلىمىزدىڭ ”14 ـ بەسجىلدىق“ جوباسىنداعى ستراتەگيالىق جاڭادان گۇلدەنگەن كاسىپ سالاسىنىڭ نەگىزگى قامال الۋ بەتالىسى، بيولوگيالىق ٴدارى ـ دارمەك سىندى قىزعىندى جارىس جولىن كوزدەي وتىرىپ، شينجياڭداعى جاڭالىق اشۋ تيبىندەگى ورتا، شاعىن كاسىپورىندار قاۋىرت باسەكەگە تۇسۋدە. شينجياڭ شىڭميڭ حىلي جوعارى عىلىم ـ تەحنيكا جارنا شەكتى سەرىكتەستىگى _ جاساندى ەگىمشىلىك، جابايى وسىمدىكتەردى باعۋ، قورعاۋ، عىلمي زەرتتەۋ ـ اشۋ، بيولوگيالىق ايىرىپ الۋ ٴبىر تۇلعالاندىرىلعان جوعارى عىلىم ـ تەحنيكا سەرىكتەستىگى. بيىل سەرىكتەستىك شينجياڭ ەركىن ساۋدا سىناق رايونى ورايىنان پايدالانىپ، زەرتتەپ اشۋ سەرپىنىن زورايتىپ، 4 ۇلكەن ٴتۇر بويىنشا 9 ٴتۇرلى جاڭا ٴونىمدى جىل ورتاسىندا بازارعا سالىپ، جاڭا ٴونىم ارقىلى ورتا ازيا بازارى قاقپاسىن اشۋدى جوسپارلاپ وتىر.
قازىر اۆتونوميالى رايونداعى جاڭالىق اشۋ تيبىندەگى ورتا، شاعىن كاسىپورىن سانى 1764كە جەتتى، ساپالى كاسىپورىن كولەمى ۇزدىكسىز كەڭەيۋدە. بيىل جىل باسىنان بەرى شينجياڭداعى ٴار دارەجەلى ونەركاسىپ جانە ينفورماتسيالاندىرۋ تاراۋلارى ساپالى ورتا، شاعىن كاسىپورىنداردى ساتىلاي جەتىلدىرۋدى كۇشەيتىپ، جاڭالىق اشۋ تيبىندەگى ورتا، شاعىن كاسىپورىنداردى قولداۋ سەرپىنىن زورايتىپ، جاڭالىق اشۋ تيبىندەگى ورتا، شاعىن كاسىپورىنداردى ارنايىلانۋ، كەمەلدەنۋ، ەرەكشەلەنۋ، جاڭاشالانۋ بەتالىسىنا قاراي دامۋعا جەتەكتەپ، ولاردىڭ جاڭالىق اشۋ قابىلەتى مەن ماماندانۋ دەڭگەيىنىڭ جالپى تۇلعالىق جوعارىلاۋىن جەبەدى. سونىمەن بىرگە جاڭالىق اشۋ تيبىندەگى ورتا، شاعىن كاسىپورىندار دا ٴوز باسىمدىعىن ساۋلەلەندىرىپ، دەربەس جاڭالىق اشۋ قابىلەتىن ۇزدىكسىز جوعارىلاتىپ، كاسىپورىننىڭ وزەكتى باسەكەلىك قۋاتىن كۇشەيتىپ، باياندى دامۋدى جۇزەگە اسىردى.