شينجياڭ فيلوسوفيا-قوعامدىق عىلىمدار تورابى
باس شۋجي شي جينپيڭنىڭ ساياحات قىزمەتى جونىندەگى ماڭىزدى نۇسقاۋىنىڭ جانە تاياۋداعى ماڭىزدى قۇتتىقتاۋ حاتىنىڭ، جاۋاپ حاتىنىڭ رۋحىن جەتكىزدى، ۇيرەندى، دايەكتىلەندىردى
   ۋاقىتى:2024-05-24   |  كەلۋ قاينارى: شينجياڭ گازەتى

 اۆتونوميالى رايوندىق پارتكوم تۇراقتى كوميتەتى ٴماجىلىس اشتى

  باس شۋجي شي جينپيڭنىڭ ساياحات قىزمەتى جونىندەگى ماڭىزدى نۇسقاۋىنىڭ جانە تاياۋداعى ماڭىزدى قۇتتىقتاۋ حاتىنىڭ، جاۋاپ حاتىنىڭ رۋحىن جەتكىزدى، ۇيرەندى، دايەكتىلەندىردى

  رايونىمىزدىڭ پارتيا ٴتارتىبىن ۇيرەنۋ تاربيەسى قىزمەتىن اقىلداستى، ورنالاستىردى

  ما شيڭرۇي ٴماجىلىستى باسقاردى

  انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 5 ـ ايدىڭ 22 ـ كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 5 ـ ايدىڭ 22 ـ كۇنى تۇستەن بۇرىن ٴماجىلىس اشىپ، باس شۋجي شي جينپيڭنىڭ ساياحات قىزمەتى جونىندەگى ماڭىزدى نۇسقاۋىنىڭ رۋحىن جانە تاياۋداعى ماڭىزدى قۇتتىقتاۋ حاتىنىڭ، جاۋاپ حاتىنىڭ رۋحىن جەتكىزدى، ۇيرەندى، دايەكتىلەندىردى، ورتالىقتىڭ الەۋمەتتىك اۋماق قىزمەتكەرلەر قوسىنى قۇرىلىسىن كۇشەيتۋ جونىندەگى ورنالاستىرۋلارىن، تالاپتارىن دايەكتىلەندىردى، تياناقتاندىردى، رايونىمىزدىڭ پارتيا ٴتارتىبىن ۇيرەنۋ تاربيەسى قىزمەتىن اقىلداستى، ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ٴماجىلىستى باسقاردى.

  ٴماجىلىس مىنالاردى باسا دارىپتەدى: ساياحات كاسىبىن دامىتۋ شينجياڭنىڭ جوعارى ساپالى دامۋى مەن باياندى تىنىشتىعى جونىنەن ايرىقشا ماڭىزدى مانگە يە. باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، شينجياڭنىڭ بوگەنايى بولەك ساياحات بايلىعى باسىمدىعىن ويداعىداي ساۋلەلەندىرىپ، اناعۇرلىم جوعارى دەڭگەيدە، اناعۇرلىم ناقتى شارالارمەن ساياحات ارقىلى شينجياڭدى گۇلدەندىرۋ ستراتەگياسىن جوسپارلاپ ىلگەرىلەتىپ، ساياحاتتا قۋاتتى ەل قۇرۋدى جەدەلدەتۋگە شينجياڭ كۇش ـ قۋاتىن ارناۋ كەرەك. وسى زامانعى ساياحات جۇيەسىن كەمەلدەندىرىپ، تۋراشىلدىقتان اينىماي جاڭالىق اشۋعا، ساپانى جوعارىلاتىپ، ونىمدىلىكتى ارتتىرۋعا، توعىسا دامۋعا تاباندى بولىپ، جوعارى ساپالى ساياحاتپەن قامداۋدى كۇشەيتىپ، ساياحات كاسىپ كۇيىن جانە ەرەكشەلىگىن بايىتىپ، نەگىزدىك قۇرىلعىنى ۇزدىكسىز كەمەلەندىرىپ، بازار ٴتارتىبىن ساپالىلاندىرىپ، قىزمەت وتەۋ ساپاسىن جوعارىلاتىپ، شينجياڭنىڭ ساياحات كاسىبى دامۋىنىڭ جالپى تۇلعالىق دەڭگەيىن ۇزدىكسىز جوعارىلاتۋ كەرەك. ساياحاتتى اشىق ۇستاۋ تەبىنىن كۇشەيتىپ، ”شينجياڭ جاقسى جەر“ ماركا وبرازىن سومداۋدى تۇتقا ەتىپ، ”شاقىرىپ اكەلۋ“ مەن ”سىرتقا شىعارۋدى“ ٴوزارا ۇشتاستىرۋعا تاباندى بولىپ، ورتا ازيا سياقتى توڭىرەكتەگى ەلدەرمەن مادەنيەت، ساياحات اۋىس ـ كۇيىسىن، سەلبەستىگىن تەرەڭدەتىپ، ٴتىپتى دە كوپ شەتەلدىك ساياحاتشىلاردى شينجياڭعا كەلىپ ساياحاتتاۋعا باۋراپ، جۇڭگو شينجياڭ حيكاياسىن اسەرلى ويداعىداي بايانداۋ كەرەك. حالىق تۇرمىسىن جاقسارتۋعا جانە جۇرت تىلەگىن ۇيىستىرۋعا قىزمەت وتەپ، ساياحات ارقىلى حالىقتى بايىتۋ، حالىقتى يگىلىككە كەنەلتۋدى اناعۇرلىم كورنەكتىلەندىرىپ، ٴتىپتى دە كوپ بۇقارانى جۇمىستانىپ كىرىستەرىن ارتتىرۋعا باستاپ، ساياحاتتى جوعارى ساپالى دامىتۋ بارىسىندا ارالاسۋدى، ىشتەسۋدى، توعىسۋدى جەبەۋگە اناعۇرلىم ٴمان بەرىپ، جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى تۇردە بەرىك ورناتىپ، ساياحاتتىڭ كوپىرلىك، دانەكەرلىك رولىن شىنايى ويداعىداي ساۋلەلەندىرۋ كەرەك. ٴار دارەجەلى پارتكوم مەن ۇكىمەت ساياحاتتىڭ جوعارى ساپالى دامۋىن ىلگەرىلەتۋ جاۋاپكەرشىلىگىن مۇقيات ارقالاپ، جۇيەلى جوسپارلاۋ مەن تۇيىندە سەرپىلىس جاساۋدى كۇشەيتىپ، ساياحاتتى دامىتۋ بارىسىنداعى شەشۋشى قيىن ماسەلەلەردى كۇش سالا شەشىپ، ساياحات قاتىناسى، تۇزدە ساياحاتتاۋ سياقتىلارداعى ٴتۇرلى حاۋىپ ـ قاتەر، كومەسكى كىناراتتاردان ويداعىداي ساقتانىپ، شينجياڭ ساياحات كاسىبىنىڭ جوعارى ساپالى دامۋىنىڭ تىڭ تاراۋىن جازۋى كەرەك.

  ٴماجىلىس باس شۋجي شي جينپيڭنىڭ تۇڭعىش كەزەكتى ”جۇڭگو _ لاتىن امەريكاسى جانە كارايب ەلدەرى عارىش سەلبەستىك تالقى مىنبەرىنە“، 8 ـ كەزەكتى جۇڭگو _ رەسەي كورمەسىنە، 33 ـ كەزەكتى اراب ەلدەرى وداعى باسشىلارى القالار كەڭەسى ماجىلىسىنە جولداعان ماڭىزدى قۇتتىقتاۋ حاتتارىنىڭ رۋحىن جانە سيمەدەرەۆو بولات زاۆودىنداعى جۇمىسشى ـ قىزمەتكەرلەرگە قايتارعان ماڭىزدى جاۋاپ حاتىنىڭ رۋحىن جەتكىزىپ، ۇيرەنىپ، دايەكتىلەندىرىپ، مىنالاردى باسا دارىپتەدى: مەملەكەتتىڭ سىرتقا ەسىك اشۋ سەلبەستىگىنىڭ جالپى تۇلعالىق ورنالاستىرۋىنا قىزمەت وتەۋدى كوزدەپ، شينجياڭنىڭ وڭىرلىك ورىن باسىمدىعىن ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەل ىلگەرىلەتىپ، ”ٴبىر بەلدەۋ، ٴبىر جولدى“ بىرگە قۇراتىن ەلدەرمەن ەكونوميكا ـ ساۋدا، كاسىپ سالاسى، گۋمانيتارلىق ىستەر سياقتى سالالارداعى اۋىس ـ كۇيىستى، سەلبەستىكتى ۇزدىكسىز تەرەڭدەتىپ، ”شاقىرىپ اكەلۋ“، ”سىرتقا شىعارۋ“ قىزمەتىنىڭ ونىمدىلىگىن ىشكەرىلەي جوسپارلاپ جوعارىلاتىپ، ٴىسلام ەلدەرى، لاتىن امەريكاسى ەلدەرى، اراب ەلدەرى سياقتىلارداعى ٴار سالا قايراتكەرلەرىن شينجياڭدا ەكسكۋرسيالاۋدا، ساپاردا بولۋعا بەلسەندى ۇسىنىس ەتىپ، شينجياڭنىڭ اشىق تا سەنىمدى تاماشا وبرازىن ايگىلەپ، ”ٴبىر بەلدەۋ، ٴبىر جولدى“ بىرگە قۇرۋدىڭ جوعارى ساپالى دامۋىنا كۇش قوسۋ كەرەك.

  ٴماجىلىس مىنالاردى باسا دارىپتەدى: نەگىزگى ساتى كادرلارى _ نەگىزگى ساتى قوعامىن باسقارۋداعى شەشۋشى فاكتور. الەۋمەتتىك اۋماق قىزمەتكەرلەرى قوسىنى قۇرىلىسىن كۇشەيتۋدىڭ شينجياڭدى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدەگى ماڭىزدى ٴمانىن تەرەڭ تانىپ، ورتالىقتىڭ ورنالاستىرۋلارىن، تالاپتارىن ىشكەرىلەي دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، الەۋمەتتىك اۋماق قىزمەتكەرلەرى قوسىنى قۇرىلىسىن نەگىزگى ساتىنى باسقارۋدى كۇشەيتۋدىڭ نەگىزدىك قىزمەتى ەتۋگە تاباندى بولىپ، كۇشتەردى سايكەستىرۋدى ۇزدىكسىز ساپالىلاندىرىپ، قىزمەت قابىلەتىن جوعارىلاتىپ، تەجەۋ مەن شابىتتاندىرۋعا تەڭ ٴمان بەرۋگە تاباندى بولىپ، ساياسيدا تاباندى، ساپاسى تاڭداۋلى، كاسىپتى قادىرلەپ ۇلەس قوساتىن، قۇرىلىمى ۇيلەسىمدى، بۇقارا رازى بولاتىن شينجياڭ الەۋمەتتىك اۋماق قىزمەتكەرلەرى قوسىنىن جەدەل قۇرىپ، شينجياڭنىڭ نەگىزگى ساتىنى باسقارۋ دەڭگەيىن جوعارىلاتۋعا دارىندىلار جاعىنان مىعىم تىرەك ازىرلەۋ كەرەك.

  ٴماجىلىس ورتالىق كوميتەت پارتيا قۇرىلىسى قىزمەتى باسشىلىق گرۋپپاسىنىڭ باس شۋجي شي جينپيڭنىڭ ماڭىزدى ٴسوزىنىڭ رۋحىن مۇقيات ۇيرەنىپ، دايەكتىلەندىرىپ، پارتيا ٴتارتىبىن ۇيرەنۋ تاربيەسىن تىڭعىلىقتى ورىستەتۋ جونىندەگى قاتىستى ورنالاستىرۋلارىن، تالاپتارىن جەتكىزىپ، ۇيرەنىپ، اۆتونوميالى رايوننىڭ پارتيا ٴتارتىبىن ۇيرەنۋ تاربيەسى قىزمەتىنىڭ اياق الىسى جونىندەگى مالىمەتتى تىڭداپ، پارتيا ٴتارتىبىن ۇيرەنۋ تاربيەسى قىزمەتىن تەرەڭدەتۋدى اقىلداستى، ورنالاستىردى. ٴماجىلىس مىنالاردى باسا دارىپتەدى: باس شۋجي شي جينپيڭنىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، پارتيا ٴتارتىبىن ۇيرەنۋ تاربيەسىن ورىستەتۋدى بيىلعى جىلعى پارتيا قۇرىلىسى قىزمەتىندەگى ماڭىزدى ساياسي مىندەت ەتۋگە تاباندى بولىپ، نازاردى جاڭادان وزگەرىس ەنگىزىلگەن «جۇڭگو كوممۋنيستىك پارتياسىنىڭ ٴتارتىپ جازاسى ەرەجەسىنە» شوعىرلاندىرىپ، باسشى كادرلار باستاماشى بولۋعا تاباندى بولىپ، تاراۋ بويىنشا، تارماق بويىنشا ۇيرەنۋگە، ٴىس جۇزىندىكپەن بايلانىستىرا ۇيرەنۋگە تاباندى بولىپ، دەلو مىسالى ارقىلى ۇيرەنۋدى جەبەپ، تاربيە ارقىلى ۇيرەنۋگە كومەكتەسىپ، ٴىشىنارا پارتيا مۇشەلەرىنىڭ، كادرلاردىڭ پارتيا ەرەجەسىن، پارتيا ٴتارتىبىن كوڭىل تورىنە قويماۋ، تۇسىنبەۋ، يگەرمەۋ سياقتى ماسەلەلەردى شەشۋىن شىنايى ىلگەرىلەتۋ كەرەك. شىنايى ۇيرەنۋگە، شىنايى ۇعىنۋعا، شىنايى سەنۋگە، شىنايى پايدالانۋعا تاباندى بولىپ، ناقتى ونىمدىلىگىن كورنەكتىلەندىرىپ، فورماشىلدىقتان قاتاڭ ساقتانىپ، ۇيرەنۋ تاربيەسىنىڭ بوسقا كەتۋىنەن، ٴولى كوشىرۋدەن، قول ۇشىمەن ىستەۋدەن باتىل ساقتانىپ، ”ساپاسىز قىزىلدان“، ”ساپالى قارادان“ باتىل ساقتانىپ، ۇيرەنۋ ونىمدىلىگىن ”ەكىنى قورعاۋدى“ باتىل ورىنداۋدا شىنايى ايگىلەۋ، تارتىپكە، ەرەجەگە قاتاڭ بويسۇنۋ، ٴتارتىپ سانالىلىعىن كۇشەيتۋ جاعىندا ايگىلەۋ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن قۇلشىنا ىلگەرىلەتۋدە جاڭا ونىمدىلىك، جاڭا بەينە كورسەتۋ جاعىندا ايگىلەۋ كەرەك. ۇيىمدىق باسشىلىقتى اناعۇرلىم كۇشەيتىپ، قىزمەت مەحانيزمىن اقاۋسىزداندىرىپ، باقىلاۋدى، جەتەكشىلىك ەتۋدى كۇشەيتىپ، نەگىزگى ساتىنىڭ اۋىرتپالىعىن جەڭىلدەتۋگە باسا ٴمان بەرىپ، تۇتاس رايوننىڭ پارتيا ٴتارتىبىن ۇيرەنۋ تاربيەسىندە ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك.

جالعانىم


جاۋاپتى رەداكتورى: 沙衣力克·达拉力汉