شينحۋا اگەنتتىگىنىڭ 5 ـ ايدىڭ 26 ـ كۇنى بەيجيڭنەن بەرگەن حابارى. تاياۋدا مەملەكەت ٴتوراعاسى شي جينپيڭ اراب بىرىككەن امىرلىگىنىڭ جۇڭگو ٴتىلى وقىتۋىنداعى ”100 مەكتەپ نىسانىنىڭ“ وقۋشىلار ۋاكىلدەرىنە جاۋاپ حات جازىپ، ولاردى جۇڭگو ٴتىلىن جاقسى ۇيرەنىپ، جۇڭگونى ٴتۇسىنىپ، جۇڭگو مەن اراب بىرىككەن امىرلىگىنىڭ دوستىعىن جەبەۋگە ۇلەس قوسۋعا شابىتتاندىردى.
شي جينپيڭ مىنالاردى ٴبىلدىردى: مەن سىزدەردىڭ حاتتارىڭىزدى وقىپ شىعىپ، ٴسوز ـ سويلەمدەرىڭىزدەن، سۋرەتتەرىڭىزدەن كوپشىلىكتىڭ جۇڭگو مادەنيەتى جونىندەگى قىزۋ ىنتاسىن، ەكى ەل دوستىعى جونىندەگى ٴۇمىتىن سەزىندىم. 5 جىلدىڭ الدىندا، مەن مۇحاممەد زۇڭتۇڭمەن بىرگە اراب بىرىككەن امىرلىگىنىڭ جۇڭگو ٴتىلى وقىتۋىنداعى ”100 مەكتەپ نىسانىن“ باستاعان بولاتىنبىز، قازىر ”جۇڭگو ٴتىلىن ۇيرەنۋدىڭ“ اراب بىرىككەن امىرلىگىندە جاڭا سالتقا اينالعاندىعىن، جۇڭگو مەن اراب بىرىككەن امىرلىگىنىڭ اۋىس ـ كۇيىس جاسايتىن سىزدەر سياقتى ٴبىر توپ كىشكەنتاي ەلشىلەرىن تاربيەلەپ شىققاندىعىن كورىپ قاتتى قۋاندىم.
شي جينپيڭ بىلاي دەپ اتاپ كورسەتتى: سىزدەر حاتتارىڭىزدا جۇڭگو مەن اراب بىرىككەن امىرلىگىنىڭ ”قول ۇستاسقانىنا“ 40 جىل بولدى، جۇڭگو مەن اراب بىرىككەن امىرلىگىنىڭ ماڭگى جاقسى دوس بولۋىن ٴۇمىت ەتەمىز دەپسىزدەر، جۇڭگو حالقىنىڭ تىلەگى دە وسىنداي. جاستار مەن ورەندەر جۇڭگو مەن اراب ەلدەرىنىڭ دوستىق قارىم ـ قاتىناسىنىڭ بولاشاعىنا ۋاكىلدىك ەتەدى. سىزدەردىڭ جۇڭگوعا كەلىپ مىسىق ايۋدى كورۋلەرىڭىزدى، ۇلى قورعانعا شىعۋلارىڭىزدى، ەسەيگەننەن كەيىن جۇڭگوعا كەلىپ داشۋە وقۋلارىڭىزدى قارسى الامىز، سونداي ـ اق ٴتىپتى دە كوپ اراب بىرىككەن امىرلىگى جاستارى مەن ورەندەرىنىڭ جۇڭگو ٴتىلىن ۇيرەنۋىن، جۇڭگونى ٴتۇسىنۋىن، جۇڭگونىڭ جاستارىمەن جانە ورەندەرىمەن بىرگە اۋىس ـ كۇيىس جاساپ، سىرلاسىپ، ٴوزارا ۇيرەنىپ، ٴوزارا ۇلگى الىپ، دوستىق تۇقىمىن جۇرەككە تامىر تارتقىزىپ، جۇڭگو مەن اراب بىرىككەن امىرلىگى قارىم ـ قاتىناسىنىڭ اناعۇرلىم كوركەم بولاشاعىن اشۋعا ۇلەس قوسۋىن قارسى الامىز.
2019 ـ جىلى 7 ـ ايدا ٴتوراعا شي جينپيڭ مەن سول كەزدەگى اراب بىرىككەن امىرلىگىنىڭ ابۋدابي پاتشا مۇراگەرى مۇحاممەدتىڭ بىرگە كۋا بولۋىندا، جۇڭگو مەن اراب بىرىككەن امىرلىگى بەيجيڭدە ەسكەرتپە حاتقا قول قويىپ، اراب بىرىككەن امىرلىگىنىڭ جۇڭگو ٴتىلى وقىتۋىنداعى ”100 مەكتەپ نىسانىن“ رەسمي باستاعان بولاتىن. قازىرگە دەيىن اراب بىرىككەن امىرلىگىندە 171 مەكتەپتە جۇڭگو ٴتىلى ساباعى اشىلدى، 71 مىڭ وقۋشى جۇڭگو ٴتىلىن ۇيرەندى. تاياۋدا اراب بىرىككەن امىرلىگىندەگى”100 مەكتەپ نىسانى“ بويىنشا ۇلگى كورسەتۋ مەكتەبى _ حامدان مەكتەبى مەن ياس مەكتەبىندەگى ورتا، باستاۋىش مەكتەپ وقۋشىلارىنىڭ 40 ۋاكىلى جەكە ـ جەكە جۇڭگو تىلىندە ٴتوراعا شي جينپيڭگە حات جولداپ، جۇڭگو مادەنيەتى جونىندەگى قۇشتارلىقتارى مەن قىزۋ ىنتالارىن، جۇڭگو مەن اراب بىرىككەن امىرلىگى دوستىعىنىڭ ەلشىسى بولۋعا بەل بايلايتىندىقتارىن ٴبىلدىردى.