شينجياڭ فيلوسوفيا-قوعامدىق عىلىمدار تورابى
اۆتونوميالى رايوندىق 14 ـ كەزەكتى حالىق قۇرىلتايـى تۇراقتى كوميتەتىنىڭ 11 ـ ٴماجىلىسى وتكىزىلدى
   ۋاقىتى:2024-05-30   |  كەلۋ قاينارى: شينجياڭ گازەتى

  انار بۇلت \ شينجياڭ گازەتىنىڭ ٴتىلشىسى جاڭ لەي 5 ـ ايدىڭ 28 ـ كۇنى ۇرىمجىدەن حابارلايدى. 5 ـ ايدىڭ 28 ـ كۇنى اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 11 ـ ٴماجىلىسى ۇرىمجىدە ٴبىرىنشى جالپى جيىنىن وتكىزدى.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل جيىندى باسقاردى.

  تۇراقتى كوميتەت قۇرامىنداعىلاردان 58 ادام جيىنعا قاتىناستى، بۇل زاڭدا بەلگىلەنگەن ادام سانىنا ۇيلەسەدى.

  جيىن اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتى 11 ـ ٴماجىلىسىنىڭ كەڭەستىك ٴتارتىبىن ماقۇلدادى، اۆتونوميالى رايوننىڭ جۇمىستاندىرۋدى جەبەۋ زاڭىن اتقارۋ ٴادىسىنىڭ وزگەرىس ەنگىزىلگەن جوباسىن، اۆتونوميالى رايوننىڭ اۋىل ـ قىستاق تاس جول ەرەجەسى جوباسىن، اۆتونوميالى رايوننىڭ عىلىم ـ تەحنيكا قوعامى ەرەجەسىنىڭ وزگەرىس ەنگىزىلگەن جوباسىن قاراۋ ناتيجەسى جونىندەگى باياندامالاردى تىڭدادى؛ اۆتونوميالى رايوننىڭ كەن بايلىعىن بارلاۋ ـ تەكسەرۋ ۇسىنىلىمىن باقىلاۋ ـ باسقارۋ بەلگىلەمەسى جوباسىن، اۆتونوميالى رايوننىڭ قالا ـ قالاشىق تۇرمىس قوقىر ـ قوقسىقتارىن باسقارۋ ەرەجەسى جوباسىن، اۆتونوميالى رايوننىڭ كۋالاندىرۋ ەرەجەسىن كۇشىنەن قالدىرۋ جونىندەگى، اۆتونوميالى رايوننىڭ جەكە شارۋاشىلىقتى، جەكەلەر باسقارۋىنداعى شارۋاشىلىقتى دامىتۋ ەرەجەسىن كۇشىنەن قالدىرۋ جونىندەگى تۇسىنىكتى تىڭدادى؛ اۆتونوميالى رايوندىق حالىق قۇرىلتايى تۇراقتى كوميتەتىنىڭ جاڭا داۋىردەگى پروكۋراتۋرا ورگاندارىنىڭ پروكۋرورلىق ۇسىنىس قىزمەتىن كۇشەيتۋ جونىندەگى قارار جوباسىن جانە اۆتونوميالى رايوننىڭ بايلىق سالىعىندا ناقتى قولدانىلاتىن سالىق مولشەرى، ەسەپتەپ جيۋ ٴتاسىلى، سونداي ـ اق سالىقتى ازايتۋ، كەشىرىم ەتۋ ٴادىسى جونىندەگى قاۋلىسىنىڭ وزگەرىس ەنگىزىلگەن جوباسى جونىندەگى تۇسىنىكتى تىڭدادى؛ اۆتونوميالى رايوندىق حالىق ۇكىمەتىنىڭ اۆتونوميالى رايوننىڭ 2023 ـ جىلعى جەرگىلىكتى ۇكىمەت قارىزىن باسقارۋ جاعدايى جونىندەگى، اۆتونوميالى رايوننىڭ كەدەيلىكتەن ارىلتۋدان قامال الۋ جەتىستىگىن بەكەمدەپ، كەڭەيتىپ، اۋىل ـ قىستاقتى گۇلدەندىرۋ قىزمەتىن ىلگەرىلەتۋ جاعدايى جونىندەگى، اۆتونوميالى رايوندىق حالىق قۇرىلتايى تۇراقتى كوميتەتى قۇرامىنداعىلاردىڭ مىندەتتى وقۋ ـ اعارتۋ زاڭى بويىنشا زاڭ اتقارۋدى تەكسەرۋ مالىمەتىن قاراۋ پىكىرىن زەرتتەپ ٴبىر جايلى ەتۋ جاعدايى جونىندەگى، اۆتونوميالى رايوننىڭ 2023 ـ جىلعى قورشاعان ورتا جاعدايى جانە قورشاعان ورتانى قورعاۋ نىساناسىن ورىنداۋ جاعدايى جونىندەگى بايانداماسىن تىڭدادى؛ اۆتونوميالى رايوندىق حالىق قۇرىلتايى تۇراقتى كوميتەتى زاڭنىڭ اتقارىلۋىن تەكسەرۋ گرۋپپاسىنىڭ اۆتونوميالى رايوننىڭ ۇلتتار ىنتىماعىندا، العاباسارلىعىندا ۇلگى رايون قۇرۋ ەرەجەسىنىڭ اتقارىلۋ جاعدايىن تەكسەرۋ جونىندەگى جانە اۆتونوميالى رايوندىق حالىق قۇرىلتايى تۇراقتى كوميتەتىنىڭ جۇڭحۋا ۇلتى ورتاق تۇلعا تانىمىن بەرىك ورناتۋ ۇگىت ـ تاربيەسىن كۇشەيتۋ جونىندەگى قاۋلىسىنىڭ اتقارىلۋ جاعدايىن تەكسەرۋ جونىندەگى بايانداماسىن تىڭدادى؛ اۆتونوميالى رايوندىق حالىق قۇرىلتايى تۇراقتى كوميتەتى كوزدەن كەشىرۋ گرۋپپاسىنىڭ شارۋاشىلىق ـ ساۋدا ورتاسىن ساپالىلاندىرۋ ەرەجەسى جونىندەگى جانە اۆتونوميالى رايوننىڭ ۇكىمەتتىك قىزمەت وتەۋدى قولايلىلاندىرۋدى جەبەۋ ەرەجەسى جونىندەگى، ٴورت ٴسوندىرۋ، ورتتەن ساقتانۋ زاڭى جانە اۆتونوميالى رايوننىڭ ٴورت ٴسوندىرۋ، ورتتەن ساقتانۋ ەرەجەسى جونىندەگى زاڭنىڭ اتقارىلۋىن تەكسەرۋ مالىمەتىن قاراۋ پىكىرىنىڭ تياناقتانۋ جاعدايىن قاداعالاپ باقىلاۋ جونىندەگى كوزدەن كەشىرۋ بايانداماسىن تىڭدادى؛ اۆتونوميالى رايوندىق حالىق قۇرىلتايى قوعامدىق قۇرىلىس كوميتەتىنىڭ اۆتونوميالى رايوندىق 14 ـ كەزەكتى حالىق قۇرىلتايى 2 ـ ٴماجىلىسىنىڭ ٴتوراعالار القاسى قاراۋعا تاپسىرعان ۋاكىلدەر ورتاعا قويعان كەڭەستىك جوبالاردى قاراۋ ناتيجەسى جونىندەگى بايانداماسىن تىڭدادى؛ كادرلاردى مىندەتكە تاعايىنداۋ، مىندەتىنەن قالدىرۋ ىستەرى جونىندەگى تۇسىنىكتى تىڭدادى.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى ۋاڭ ميڭشان، لي نيڭپيڭ، توحتى ياقۇپ، ٴدىلشات قىدىرقان، پيڭ شينلاي، ۋاڭ گوحى، ٴمامتىمىن قادىر، باس حاتشى ٴمۇتالىپ روزى ماجىلىسكە قاتىناستى.

  اۆتونوميالى رايوننىڭ ورىنباسار ٴتوراعاسى مۇقيات جارمۇقامەت، اۆتونوميالى رايوندىق جوعارى حالىق سوتى مەكەمەسىنىڭ باستىعى ٴدىلشات سايىم، اۆتونوميالى رايوندىق حالىق پروكۋراتۋراسىنىڭ باس پروكۋرورى گاۋ جيميڭ، اۆتونوميالى رايوندىق باقىلاۋ ـ تەكسەرۋ كوميتەتىنىڭ قاتىستى جاۋاپتىلارى قاتارلىلار ماجىلىسكە سىرتتاي قاتىناستى.

جالعانىم


جاۋاپتى رەداكتورى: 沙衣力克·达拉力汉