انار بۇلت \ شينجياڭ گازەتىنىڭ ٴتىلشىسى لي ياڭ 6 ـ ايدىڭ 22 ـ كۇنى حوتاننان حابارلايدى. 6 ـ ايدىڭ 22 ـ كۇنى 2024 ـ جىلعى شينجياڭنىڭ كەن شارۋاشىلىعى ۇقىعىن وتكەرمەلەۋ نىساندارىن تانىستىرۋ ٴماجىلىسى حوتان قالاسىندا وتكىزىلدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز تانىستىرۋ ماجىلىسىنە قاتىناستى ٴارى ارناۋ ٴسوز سويلەدى.
ەركىن تۇنياز مىنالاردى ٴبىلدىردى: شينجياڭنىڭ كەن بايلىعى مول، بايىرعى ازيا جانە تەتىس سىندى ەكى ۇلكەن كەن قالىپتاساتىن ٴوڭىردى ەندەي وتكەن، ەجەلدەن ”مۇنايلى ويپات“، ”كومىر كەنىشى“ اتالىپ كەلەدى، كەزەكتە 153 ٴتۇرلى كەن بايقالدى، تەكسەرىپ انىقتالعان بايلىق قورى 103 ٴتۇرلى بولىپ، جەكە ـ جەكە بۇكىل ەلدىڭ %88ىن جانە %63ىن يەلەدى. مۇناي ـ تابيعي گاز، كومىر، كومىر قاباتى گازى سياقتى بايلىقتار ەرەكشە مول. تاياۋ جىلداردان بەرى بايلىق ارتىقشىلىعىن تولىق ساۋلەلەندىرىپ، مەملەكەت قاجەتىن، شينجياڭ قابىلەتىن تياناق ەتىپ، مۇناي ـ تابيعي گاز ٴوندىرۋ، وڭدەۋ، كومىر، كومىر ەلەكتر، كومىر حيميا ونەركاسىبى، جاسىل كەن، جاڭا ەنەرگيا، جاڭا ماتەريال سياقتى ستراتەگيالىق سيپاتتى جاڭادان گۇلدەنگەن كاسىپ سالاسى شوعىرى قۇرىلىسىن ۇزدىكسىز تەزدەتىپ، جاڭا كەزەكتى كەن ىزدەۋدە تىڭ تابىسقا جەتۋ ستراتەگيالىق ارەكەتىن ىشكەرىلەي ىلگەرىلەتىپ، كەن ۇقىعىن وتكەرمەلەۋ تەبىنىن ارتتىردى. شينجياڭنىڭ كومىرىن سىرتقا تاسۋ، شينجياڭنىڭ ەلەكترىن سىرتقا جەتكىزۋ سياقتىلاردىڭ ٴونىمى كورنەكتى بولىپ، مەملەكەتتىڭ ەنەرگيا بايلىعى، شەشۋشى كەن ونىمدەرى، قامداۋ تىزبەگى، كاسىپ سالاسى تىزبەگى حاۋىپسىزدىگىن قامتاماسىز ەتۋگە شينجياڭ ۇلەسىن قوستى. شينجياڭنىڭ دامۋى ىلۋدە ٴبىر كەزدەسەتىن تاريحي ورايعا ٴدوپ كەلىپ وتىر، وزگەشە ساياسات باسىمدىعى، وڭىرلىك ورىن باسىمدىعى، بايلىق باسىمدىعى سياقتىلار قاباتتالۋ اسەرىن كۇن سايىن جارىققا شىعارۋدا. كوپشىلىكتىڭ شينجياڭعا كەلىپ قارجى قوسىپ، شارۋاشىلىقتارىن كوركەيتىپ، شينجياڭنىڭ كەن بايلىعىن بارلاۋعا، اشۋعا بەلسەنە ات سالىسىپ، شينجياڭدا نىسان ورنالاستىرۋ جانە قارجى قوسۋ تەبىنىن ارتتىرۋىن ىقىلاسپەن قارسى الامىز. ٴبىز الداعى جەردە بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن بار كۇشپەن تۇلعالاپ، كاسىپورىنداردىڭ شينجياڭدا الاڭسىز قارجى قوسۋىنا، ويداعىداي دامۋىنا بار كۇشپەن قولداۋ كورسەتەمىز. ٴار جاقپەن بىرگە شينجياڭنىڭ كەن بايلىعىن بارلاۋ ـ اشۋ ىستەرىنىڭ جاڭا پاراعىن قول ۇستاسا جازۋدى شىن نيەتپەن ٴۇمىت ەتەمىز.
جاراتىلىستىق بايلىق مينيسترلىگىنىڭ كەن شارۋاشىلىعى ۇقىعىن باسقارۋ مەكەمەسىندەگى قاتىستى جاۋاپتى جولداس ارناۋ ٴسوز سويلەدى. جۇڭگو عىلىم اكادەمياسىنىڭ اكادەميگى شياۋ ۋىنجياۋ، جۇڭگو ينجەنەريا اكادەمياسىنىڭ اكادەميگى ماۋ جيڭۋىن جەكە ـ جەكە كەن بايلىعىن اشۋ ارقىلى ەكونوميكانىڭ، قوعامنىڭ جوعارى ساپالى دامۋىنا تىرەك بولۋ، كەن شارۋاشىلىعى جاعىنداعى عىلىم ـ تەحنيكالىق زەرتتەۋ ـ اشۋدىڭ بيىگىن جانە قوردى مولايتىپ، ٴونىمدى ارتتىرۋدىڭ شۇرايلى القابىن تۇلعالاۋ توڭىرەگىندە ٴسوز سويلەدى. جۇڭگو ينجەنەريا اكادەمياسىنىڭ اكادەميگى گو شۇيشىڭ قاتىناستى.
مەملەكەتتىك ەنەرگياعا قارجى قوسۋ توبى شەكتى جاۋاپكەرشىلىك سەرىكتەستىگى، جۇڭگو اليۋمين (شيۇڭ ـ ان) كەن شارۋاشىلىعى شەكتى جاۋاپكەرشىلىك سەرىكتەستىگى، زىجين كەن شارۋاشىلىعى توبى جارنا شەكتى سەرىكتەستىگى، شينفا توبى شەكتى سەرىكتەستىگى، حۋاۋي تەحنيكا شەكتى سەرىكتەستىگى، شينجياڭ ٴتۇستى مەتال ونەركاسىپ (توبى) شەكتى جاۋاپكەرشىلىك سەرىكتەستىگى، شينجياڭ گەولوگيا، كەن بايلىعى قارجى قوسۋ (توبى) شەكتى جاۋاپكەرشىلىك سەرىكتەستىگى سياقتى كاسىپورىنداردىڭ ۋاكىلدەرى ٴسوز سويلەدى.
ماجىلىستە جاراتىلىستىق بايلىق مينيسترلىگى، اۆتونوميالى رايون سىندى ەكى دارەجەلى كۋالىك تاراتۋ ۇقىق شەگىندە بەرىلەتىن كەن ۇقىعىن وتكەرمەلەۋ نىساندارى جانە بيڭتۋاننىڭ كەن ۇقىعىن وتكەرمەلەۋ نىساندارى تانىستىرىلدى.
حوتان ايماعى، بايىنعولين موڭعۇل اۆتونوميالى وبلىسى، اقسۋ ايماعى، قىزىلسۋ قىرعىز اۆتونوميالى وبلىسى، قاشقار ايماعى جەكە ـ جەكە ٴوز قاراستىلىعىنداعى وڭىرلەردىڭ كەن ۇقىعىن وتكەرمەلەۋ نىساندارىن تانىستىردى.
تانىستىرۋ ماجىلىسىندە قاتىستى ايماق، وبلىس، قالالار مەن 14 كاسىپورىن سول ورىندا كەلىسىمگە قول قويدى.
وسى رەتكى تانىستىرۋ ماجىلىسىندە كەن شارۋاشىلىعى ۇقىعىن وتكەرمەلەۋ نىساندارىنان 127 نىسان دايىندالدى، ولار التىن، مىس، مۇناي ـ تابيعي گاز، قورعاسىن، مىرىش، تەمىر، ليتي، مارگانەتس، بەنتونيت، ۆانادي، كومىر، حروم، فليۋوريت سياقتى كوپ كەن تۇرلەرىن قامتىپ، اۋدانى 22 مىڭ 600 شارشى كيلومەترگە جەتەدى، مۇنىڭ دەنى شينجياڭداعى باسىمدىققا يە كەندەر بولىپ تابىلادى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ٴتوراعاسى چىن ۋيجۇن تانىستىرۋ ٴماجىلىسىن باسقاردى.
باتۋ، حا زىڭيوۋ تانىستىرۋ ماجىلىسىنە قاتىناستى. اۆتونوميالى رايوننىڭ جانە بيڭتۋاننىڭ قاتىستى تاراۋلارى مەن ورىندارىنداعى جاۋاپتى جولداستار، ورتالىقتىڭ شينجياڭدا تۇراتىن قاتىستى ورىندارىنداعى جاۋاپتى جولداستار، ايماق، وبلىس، قالالارداعى نەگىزگى جاۋاپتى جولداستار، شينجياڭعا كومەكتەسەتىن ٴارقايسى ولكە، قالالاردىڭ قاتىستى تاراۋلارىنداعى جانە الدىڭعى شەپ قولباسشىلىق شتابىنداعى جاۋاپتى جولداستار، بۇكىل ەلدەگى 310نان اساتىن كەنگە ساياتىن كاسىپورىنداردىڭ جاۋاپتى جولداستارى ماجىلىسكە قاتىناستى.