شي جينپيڭ چيڭحايدا قىزمەت تەكسەرگەندە بىلاي دەپ باسا دارىپتەدى
چيڭحاي ـ شيزاڭ ٴۇستىرتىنىڭ ەكولوگياسىن قورعاۋدى جانە جوعارى ساپالى دامۋىن ۇزدىكسىز ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ چيڭحاي تاراۋىن قۇلشىنا جازۋ كەرەك
6 ـ ايدىڭ 18 ـ كۇنىنەن 19 ـ كۇنىنە دەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ چيڭحايدا قىزمەت تەكسەردى. سۋرەتتە: 6 ـ ايدىڭ 18 ـ كۇنى تۇستەن كەيىن شي جينپيڭ گولو شينيڭ ۇلتتار ورتا مەكتەبىندە قىزمەت تەكسەرگەن كەزدە وقىتۋشى ـ وقۋشىلارمەن ىستىق ىقىلاسپەن اۋىس ـ كۇيىس جاساۋدا.
□ سۋرەتتى شينحۋا اگەنتتىگىنىڭ ٴتىلشىسى يان يان تۇسىرگەن
6 ـ ايدىڭ 18 ـ كۇنىنەن 19 ـ كۇنىنە دەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ چيڭحايدا قىزمەت تەكسەردى. سۋرەتتە: 6 ـ ايدىڭ 18 ـ كۇنى تۇستەن كەيىن شي جينپيڭ شينيڭ قالاسىنىڭ چىڭجۇڭ رايونىنا ورنالاسقان حۇڭجۋە بۇتحاناسىندا قىزمەت تەكسەرۋدە.
□ سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن
شينحۋا اگەنتتىگىنىڭ 6 ـ ايدىڭ 20 ـ كۇنى شينيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ جۋىقتا چيڭحايدا قىزمەت تەكسەرگەندە بىلاي دەپ باسا دارىپتەدى: چيڭحاي پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، بۇكىل ەلدىڭ دامۋ كەلەلى جاعدايىنداعى چيڭحايدىڭ ستراتەگيالىق ورنىن مىقتاپ يگەرىپ، ٴوز باسىمدىعىن تولىق ساۋلەلەندىرىپ، رەفورمانى تەرەڭدەتۋگە، ەسىك اشۋدى كەڭەيتۋگە تاباندى بولىپ، ەكولوگيانى الدىمەن ويلاسۋعا، جاسىل دامۋعا تاباندى بولىپ، ۇلتتار ىنتىماعىنا، بىرگە بايۋعا تاباندى بولىپ، چيڭحاي _ شيزاڭ ٴۇستىرتىنىڭ ەكولوگياسىن قورعاۋدى جانە جوعارى ساپالى دامۋىن ىلگەرىلەتۋدە اناعۇرلىم زور ىلگەرىلەۋشىلىككە قول جەتكىزىپ، جۇڭگو ۇلگىسىندەگى وسىزامانداندىرۋدىڭ چيڭحاي تاراۋىن قۇلشىنا جازۋى كەرەك.
6 ـ ايدىڭ 18 ـ كۇنىنەن 19 ـ كۇنىنە دەيىن، شي جينپيڭ چيڭحاي ولكەلىك پارتكومنىڭ شۋجيى چىن گاڭنىڭ جانە ولكە باستىعى ۋ شياۋجۇننىڭ سەرىك بولۋىندا، شينيڭ قالاسىنداعى مەكتەپ، ٴدىني ورىن سياقتىلاردى ىشكەرىلەي ارالاپ تەكسەرۋ ـ زەرتتەۋ جۇرگىزدى.
6 ـ ايدىڭ 18 ـ كۇنى تۇستەن كەيىن شي جينپيڭ الدىمەن گولو شينيڭ ۇلتتار ورتا مەكتەبىندە قىزمەت تەكسەردى. بۇل گولو زاڭزۋ اۆتونوميالى وبلىسىنا قاراستى جاتاقتى ورتا مەكتەپ، شاڭحاي قالاسى قارجى قوسىپ كومەكتەسىپ سالعان. شي جينپيڭ شاڭحاي سياقتى شىعىس بولىكتەگى وڭىرلەردىڭ چيڭحايدىڭ وقۋ ـ اعارتۋىنا كومەكتەسۋ قىزمەتى جانە مەكتەپ قۇرىلىسى جاعدايى جونىندەگى تانىستىرۋدى تىڭداپ، وقۋشىلار قۇرامى، ساباق ورنالاستىرۋى، دەنە تاربيە جاتتىعۋى، پۋتۇڭحۋا دەڭگەيى سياقتى جاعدايلاردى ەگجەي ـ تەگجەيلى سۇرادى، اسحاناعا، جاتاق عيماراتىنا كىرىپ وقۋشىلاردىڭ تاماقتانۋ جانە جاتىن ورىن شارت ـ جاعدايىن تەكسەرىپ كوردى، اسحانا قىزمەتكەرلەرىنە وقۋشىلاردىڭ تاماقتانۋ حاۋىپسىزدىگىنە، قورەكتى، ٴدامدى بولۋىنا، ٴسوز جوق، شىنايى كەپىلدىك ەتۋدى تاپسىردى. وسىدان كەيىن، ول ورتا مەكتەپ 1 ـ جىلدىق (1) كلاسىنا بارىپ، ”جاڭا ٴداۋىر، جاڭا مەكەن“ نەگىزگى تاقىرىبىنداعى يدەيا ـ ساياسي ساباعىن تىڭداپ كوردى. مەكتەپتىڭ يدەيا ـ ساياسي ساباعى مازمۇنىن كۇندەلىكتى وقۋ ـ وقىتۋمەن توعىستىرعانىن ۇعىسىپ، بالالار ايتقان جاڭا داۋىردەگى مەكەندەرىندەگى قۋانىشتى وزگەرىستى ەستىپ، بالالاردىڭ سىزعان سۋرەتتەرىن كورىپ، شي جينپيڭ ەرەكشە قۋاندى. ول بىلاي دەدى: وقۋ ـ اعارتۋدى قامتىعان شىعىس ـ باتىس بولىك ىستەستىگىندە جانە باعىتتامالى كومەكتەسۋدە كورنەكتى ونىمدىلىككە قول جەتكىزۋ جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليستىك ٴتۇزىمنىڭ ابزالدىلىعىن تولىق ايگىلەدى، جۇڭحۋا ۇلتى ۇلى شاڭىراعىنىڭ مەيىرىن تولىق ايگىلەدى. جۇڭحۋا ۇلتى ورتاق تۇلعا تانىمىن بەكەمدەۋدى مەكتەپتىڭ يدەيا ـ ساياسي ساباعىنىڭ ماڭىزدى ٴتۇيىنى ەتىپ، جۇڭگو كوممۋنيستىك پارتياسى مەن جۇڭگوشا سوتسياليزم حيكاياسىن ويداعىداي بايانداپ، جاڭا داۋىردە جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ حيكاياسىن ويداعىداي بايانداپ، جۇڭحۋا ۇلتى ورتاق تۇلعا جانە ۇلتتار ىنتىماعى، العاباسارلىعى حيكاياسىن ويداعىداي بايانداپ، جۇڭحۋا ۇلتى ورتاق تۇلعا تانىمىن كىشكەنتايىنان باستاپ بالالاردىڭ جۇرەگىنە ۇيالاتۋ كەرەك.
وقىتۋ عيماراتىنىڭ الدىنداعى الاڭدا وقىتۋشى ـ وقۋشىلار قاۋمالاي كەلىپ، جارقىن ۇنمەن باس شۋجيگە امانداستى. شي جينپيڭ ىستىق ىقىلاسپەن كوپشىلىككە بىلاي دەدى: مەن شينيڭگە كەلگەن ٴبىرىنشى بەكەتىمدە الدىمەن وقىتۋشىلار مەن وقۋشىلارعا امانداسا كەلدىم. شاڭحاي كومەكتەسىپ سالعان بۇل ورتا مەكتەپتىڭ گولو مال شارۋاشىلىق وڭىرىنەن كەلگەن ٴار ۇلت بالالارىن تاربيەلەۋ ونىمدىلىگى كورنەكتى بولىپتى، مۇنىڭ ماڭىزى تەرەڭ. بالالاردىڭ بۇل ارانىڭ تاماشا شارت ـ جاعدايىن ەسەلەپ قاستەرلەپ، كوكەيىندە العىس سەزىمىن ۇيالاتىپ، جاقسى ۇيرەنىپ، احىلاق، اقىل ـ وي، دەنە، ەستەتيكا، ەڭبەك جاعىنان جان ـ جاقتى جەتىلىپ، جۇڭگوشا سوتسياليزم ىستەرىنىڭ ٴىزباسارلارى جانە قۇرۋشىلارى بولۋعا بەل بايلاپ، ومىردە كەرەمەتتەر جاراتۋ ورايىنا يە بولۋعا قۇلشىنۋىن ٴۇمىت ەتەمىن. ول بالالاردىڭ وقۋىنىڭ تابىستى بولۋىن، اقاۋسىز ەسەيىپ ـ ەرجەتۋىن تىلەدى.
وسىدان كەيىن، شي جينپيڭ شينيڭ قالاسىنىڭ چىڭجۇڭ رايونىنداعى حۇڭجۇە بۇتحاناسىنا باردى. بۇتحانانىڭ الدىنداعى اۋلادا حۇڭجۇە بۇتحاناسى دەموكراتيالىق باسقارۋ كوميتەتىنىڭ جاۋاپتىسى باس شۋجيگە حادا ۇسىندى، موناحتار تۇتانعىش تۇعىر كوتەرىپ، اسىل كۇندىك ۇستاپ باس شۋجيدى قارسى الدى. شي جينپيڭ چيڭحاي ولكەسى ۇلتتار ىنتىماعى، العاباسارلىعى تاربيەسى بازاسى كورمەسى سياقتىلاردى ەكسكۋرسيالاپ، بۇتحانانىڭ تاريحي وزگەرىسىن، اعا بۋىن توڭكەرىسشىلەردىڭ ۇلت قىزمەتىنە جانە ٴدىن قىزمەتىنە كوڭىل ٴبولۋ، ونى ىلگەرىلەتۋ جاعدايىن ۇعىستى. ول ۇلكەن زالعا كىرىپ، بۇتحانانىڭ كۇندەلىكتى باسقارۋدى كۇشەيتۋ، ۇلتتار ىنتىماعىن، العاباسارلىعىن جەبەۋ سياقتى جاعدايلارى جونىندەگى تانىستىرۋدى تىڭدادى. شي جينپيڭ بىلاي دەپ اتاپ كورسەتتى: حۇڭجۇە بۇتحاناسى سىندى وسى مىڭ جىلدىق بايىرعى بۇتحانا تاريحتاعى ورتالىق ۇكىمەتتەر مەن شيزاڭ بۇددا ٴدىنى بايلانىسىن نىعايتۋ جاعىندا ماڭىزدى كوپىرلىك، دانەكەرلىك رول اتقاردى. وسى باعالى تاريحي مادەنيەت مۇراسىن ويداعىداي قورعاپ، جۇڭحۋا ۇلتى ورتاق تۇلعا تانىمىن بەكەمدەۋگە، ۇلتتار ىنتىماعىن، العاباسارلىعىن جەبەۋگە جاڭا ۇلەس قوسۋ كەرەك. اعا بۋىن توڭكەرىسشىلەردەن ۇيرەنىپ، جاڭا داۋىردەگى پارتيانىڭ بىرلىكساپ قىزمەتىن، ۇلت قىزمەتىن، ٴدىن قىزمەتىن اناعۇرلىم ويداعىداي ىستەۋ كەرەك. شي جينپيڭ بىلاي دەپ باسا دارىپتەدى: جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ دىنگە سەنەتىن قالىڭ بۇقارانى قامتىعان بۇكىل ەلدەگى ٴار ۇلت حالقىنىڭ ىنتىماقتاسا كۇرەس جاساۋىن قاجەت ەتەدى. چيڭحايداعى شيزاڭ بۇددا ٴدىنى سالاسىنىڭ وتاندى ٴسۇيۋ، ٴدىندى قاستەرلەۋ تاڭداۋلى ٴداستۇرىن اسقاقتاتىپ، دىندەردىڭ ۇيلەسىمدىلىگىن، قوعامنىڭ جاراسىمدىلىعىن، ۇلتتاردىڭ تاتۋلىعىن جەبەپ، جۇڭگو ۇلگىسىندەگى وسىزامانداندىرۋ بارىسىندا بەلسەندى رول ساۋلەلەندىرۋىن ٴۇمىت ەتەمىن.
6 ـ ايدىڭ 19 ـ كۇنى تۇستەن بۇرىن شي جينپيڭ چيڭحاي ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، چيڭحايدىڭ ٴتۇرلى قىزمەتتەردە قول جەتكىزگەن ناتيجەلەرىن تۇراقتاندىردى.
شي جينپيڭ بىلاي دەپ اتاپ كورسەتتى: چيڭحاي ەكولوگيالىق حاۋىپسىزدىكتى قورعاۋ سىندى كەلەلى بورىش ارقالاپ وتىر، كاسىپ سالاسىن دامىتۋدا، ٴسوز جوق، ىستەۋگە تيىستىلەرىن ىستەۋگە، ىستەمەۋگە تيىستىلەرىن ىستەمەۋگە تاباندى بولىپ، جەرگىلىكتى ورىننىڭ ەرەكشەلىگى مەن باسىمدىعىن ايگىلەيتىن وسىزاماندانعان كاسىپ سالاسى جۇيەسىن كۇش سالا جەتىلدىرۋى كەرەك. بايلىق فاكتورىن ٴونىمدى شوعىرلاندىرىپ، دۇنيە جۇزىلىك دەڭگەيدەگى تۇزدى كول كاسىپ سالاسى بازاسىن جەدەل قۇرىپ، مەملەكەتتىڭ تازا ەنەرگيا كاسىپ سالاسى بيىگىن، حالىقارالىق ەكولوگيالىق ساياحات نىسانالى جەرىن، جاسىل، ورگانيكالى ەگىن، مال شارۋاشىلىق ونىمدەرىن سىرتقا شىعاراتىن جەردى تۇلعالاۋ كەرەك. عىلىم ـ تەحنيكالىق زەرتتەۋ ـ اشۋدى جانە جەتىستىكتەردى كادەگە جاراتۋدى بىردەي يگەرۋگە تاباندى بولىپ، جاڭا تەحنيكانى كەڭ كولەمدە قولدانىپ، جەرگىلىكتى ورىننىڭ جاعدايىنا قاراي ٴداستۇرلى كاسىپ سالالارىن جاڭالاپ، دەڭگەيىن جوعارىلاتىپ، ستراتەگيالىق سيپاتتى جاڭادان گۇلدەنگەن كاسىپ سالالارىن دامىتىپ، جاڭاشا وندىرگىش كۇشتەردى جەتىلدىرۋ كەرەك. رەفورمانى ونان ارى جاپپاي تەرەڭدەتىپ، ەسىك اشۋدى كەڭەيتىپ، شارۋاشىلىق ـ ساۋدا ورتاسىن ساپالىلاندىرىپ، چاڭجياڭ ەكونوميكالىق بەلدەۋىن دامىتۋ سياقتى كەلەلى ستراتەگيالارمەن بەلسەنە ٴتۇيىلىسىپ، جاسىل جىبەك جولى قۇرىلىسىن ىلگەرىلەتۋ كەرەك. ولكە ىشىندەگى وڭىرلەردىڭ سايكەسە دامۋىن ٴبىر تۇتاس جوسپارلاپ، شينيڭنىڭ، حايدۇڭنىڭ، حايشيدىڭ تىرەكتىك رولىن ويداعىداي ساۋلەلەندىرىپ، جەرگىلىكتى ورىننىڭ جاعدايىنا قاراي اۋدان ٴوڭىرى ەكونوميكاسىن، ەرەكشەلىككە يە كاسىپ سالاسىن دامىتۋ كەرەك.
شي جينپيڭ بىلاي دەپ باسا دارىپتەدى: چيڭحاي _ شيزاڭ ٴۇستىرتىنىڭ ەكولوگيالىق جۇيەسى مول، الۋان ٴتۇرلى ٴارى وتە ٴالسىز، ەكولوگيالىق ورتانى قورعاۋدى كۇشەيتىپ، ەكولوگيالىق فۋنكتسيانى ەڭ زور دارەجەدە كۇشەيتۋ _ وسى ٴوڭىردىڭ باستى مىندەتى. قاي ـ قاشان دا ەكولوگيانى الدىمەن ويلاسۋعا، جاسىل دامۋعا تاباندى بولىپ، چيڭحاي _ شيزاڭ ٴۇستىرتى ەكولوگياسىن قورعاۋ زاڭىن مۇقيات اتقارىپ، تۇلعالىق فۋنكتسيالىق وڭىرلەر جوباسىنىڭ تالابىن جاپپاي تياناقتاندىرىپ، چيڭحاي _ شيزاڭ ٴۇستىرتىن ەكولوگيالىق وركەنيەتتىڭ بيىگى ەتىپ قۇرىپ شىعۋ كەرەك. تاۋ، سۋ، ورمان، ەگىنجاي، كول، جايلىم، قۇمدىقتى ٴبىر تۇلعالاندىرا قورعاۋ مەن جۇيەلى وڭاۋعا تاباندى بولىپ، ماڭىزدى ەكولوگيالىق جۇيەنى قورعاۋ مەن قالپىنا كەلتىرۋ كەلەلى ينجەنەرياسىن جەدەل اتقارىپ، ەكولوگيالىق ورتانى قورعاۋ ونىمدىلىگىن بەكەمدەۋ، جوعارىلاتۋ كەرەك. ەڭ ماڭىزدىسى _ ٴۇش وزەن قاينارى سىندى وسى ”جۇڭحۋا سۋ مۇناراسىن“ ويداعىداي قورعاپ، ورگانيزمدەردىڭ الۋان تۇرلىلىگىن قورعاپ، سۋ قاينارىن ساقتاۋ قابىلەتىن جوعارىلاتۋ كەرەك. مەملەكەت باقشاسىن نەگىزگى تۇلعا ەتكەن جاراتىلىستىق قورىق جۇيەسى قۇرىلىسىن كۇشەيتىپ، مەملەكەت بويىنشا ۋاكىلدىك سيپاتقا جانە دۇنيە جۇزىلىك ىقپالعا يە جاراتىلىستىق قورىق ۇلگىسىن تۇلعالاۋ كەرەك. ٴتۇيىندى سالادا ەنەرگيا ۇنەمدەپ، كومىر قىشقىل گازىن ازايتۋدى ٴتارتىپتى ىلگەرىلەتىپ، ەكولوگياعا جاراسىمدى كاسىپ سالاسىن دامىتىپ، جاڭاشا ەنەرگيا جۇيەسىن جەدەل قۇرۋ كەرەك.
شي جينپيڭ بىلاي دەپ اتاپ كورسەتتى: حالىق تۇرمىسىن شىنايى قامتاماسىز ەتىپ جانە جاقسارتىپ، بار كۇشتى سالىپ، شاماعا قاراي ىستەپ، حالىق قالاۋىنان شىعاتىن، حالىق تۇرمىسىنا يگىلىك اكەلەتىن، جۇرت جۇرەگىن جىلىتاتىن ناقتى ىستەردى كوبىرەك ىستەپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن تىڭعىلىقتى شەشۋ كەرەك. نەگىزگى الەۋمەتتىك قىزمەت وتەۋ قۇرىلعىلارىن ورنالاستىرۋدى ٴبىر تۇتاس جوسپارلاپ، نەگىزگى الەۋمەتتىك قىزمەت وتەۋدىڭ بىركەلكىلىگىن، قولجەتىمدىگىن كۇش سالا كۇشەيتۋ كەرەك. اۋىل ـ قىستاقتى گۇلدەندىرۋدە ەگىنشى ـ مالشىلاردىڭ كىرىسىن ارتتىرۋ سىندى ماڭىزدى ٴتۇيىندى كورنەكتىلەندىرىپ، ٴۇستىرت ەرەكشەلىگىنە يە تۇقىم شارۋاشىلىعىن گۇلدەندىرۋ ارەكەتىن جەدەل ىلگەرىلەتىپ، جاسىل، ورگانيكالى ەگىن، مال شارۋاشىلىعىن دامىتىپ، ٴۇستىرت جەرگىلىكتى ەرەكشە ٴونىم ماركالارىن قالىپتاستىرۋ كەرەك. ٴۇستىرت كورىكتى اۋىل ـ قىستاق قۇرىلىسىن ىلگەرىلەتىپ، ەسكى سالت ـ سانانى وزگەرتۋدى ىلگەرىلەتۋ كەرەك. قايتا كەدەيلەسۋدەن ساقتانۋدى قاداعالاۋ، كومەكتەسۋ ـ سۇيەمەلدەۋ مەحانيزمىن تياناقتاندىرىپ، كولەمدى قايتا كەدەيلەسۋدىڭ تۋىلماۋىنا شىنايى كەپىلدىك ەتۋ كەرەك. جيشىشان جەر سىلكىنىسى اپاتىنان كەيىنگى قالپىنا كەلتىرۋ، قايتا قۇرۋ قىزمەتىن ۇزدىكسىز ويداعىداي ىستەپ، اپاتتان ساقتانۋ، اپات شىعىنىن ازايتۋ، اپاتتان قۇتقارۋ قابىلەتى قۇرىلىسىن كۇشەيتۋ كەرەك.
شي جينپيڭ بىلاي دەپ باسا دارىپتەدى: چيڭحاي _ ەلىمىزدەگى از ۇلتتار شوعىرلى ورنالاسقان ولكە، ۇلت قىزمەتىن جانە ٴدىن قىزمەتىن ۇزدىكسىز ويداعىداي ىستەۋ كەرەك. جاڭا داۋىردەگى پارتيانىڭ ۇلت قىزمەتى كەلەلى باعىت ـ ساياساتتارىن جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، ۇلتتار ىنتىماعىندا، العاباسارلىعىندا وزات بولۋ قىزمەتىن كەڭ كولەمدە ورىستەتىپ، ۇلتتاردىڭ جان ـ جاقتى كىرىگۋىن، كەڭ كولەمدە ارالاسۋىن، ىشتەسۋىن، توعىسۋىن جەبەۋ كەرەك. جاڭا داۋىردەگى پارتيانىڭ ٴدىن قىزمەتى نازارياسىن جانە باعىت ـ ساياساتىن جاپپاي دايەكتىلەندىرىپ، ەلىمىزدە ٴدىندى جۇڭگوشالاندىرۋ باعىتىنا تاباندى بولىپ، ٴدىن ىستەرىن باسقارۋدى، اسىرەسە، ٴدىني قيمىل الاڭ ـ ورىندارىن باسقارۋدى زاڭ بويىنشا كۇشەيتۋ كەرەك.
شي جينپيڭ بىلاي دەپ اتاپ كورسەتتى: قازىر پارتيا ٴتارتىبىن ۇيرەنۋ تاربيەسى ورىستەتىلۋدە، ناقتى يگەرىپ، شىنايى ۇيرەنىپ، جاقسى باستاپ، جاقسى اياقتاتىپ، ٴتارتىپتى ۇيرەنۋ، ٴتارتىپتى ٴبىلۋ، ٴتارتىپتى ايقىنداۋ ارقىلى تارتىپكە باعىنۋدى، تارتىپكە بويسۇنۋدى، ٴتارتىپتى اتقارۋدى جەبەۋ كەرەك. رەفورما جاساۋدى، جاڭالىق اشۋدى وزەك ەتكەن ٴداۋىر رۋحىن جانە چيڭحاي _ شيزاڭ ٴۇستىرتى رۋحىن بار كۇشپەن اسقاقتاتىپ، پارتيا مۇشەلەرىن، كادرلاردى يدەيانى اناعۇرلىم ازات ەتۋگە، كوزقاراستا بۇرىلىس جاساۋعا، جىگەرلەنە العا باسۋعا، جاۋاپكەرشىلىك ارقالاپ ىسكەرلىك كورسەتۋگە جىگەرلەندىرۋ كەرەك. پارتيالىلىقتى، پارتيا ستيلىن، پارتيا ٴتارتىبىن بىرگە يگەرۋگە، ستيلدى دۇرىستاۋدى، ٴتارتىپتى قاتايتۋدى، شىرىكتەسۋگە قارسى تۇرۋدى ساباقتاستىرۋعا تاباندى بولىپ، ستيل قۇرىلىسىن ۇدايىلاندىرۋدى، ۇزاق ٴونىمدى ەتۋدى ىلگەرىلەتىپ، فورماشىلدىقتى وڭاپ نەگىزگى ساتىنىڭ اۋىرتپاشىلىعىن جەڭىلدەتۋدى ۇزدىكسىز تەرەڭدەتۋ كەرەك. شىرىكتەسۋگە باتىلدىق ەتكىزبەۋ، شىرىكتەسۋگە مۇمكىندىك بەرمەۋ، شىرىكتەسۋدى ويىنا الدىرماۋ قىزمەت مەحانيزمىن كەمەلدەندىرىپ، ٴبىر تۇلعالى ىلگەرىلەتىپ، ستيلى پاك، سالتى دۇرىس ساياسي ەكولوگيا ارقىلى تۋراشىلدىققا تولى قوعامدىق ەكولوگيا قالىپتاستىرۋعا جەتەكشىلىك ەتۋ كەرەك.
لي گانجيە، حى ليفىڭ جانە ورتالىق پەن مەملەكەت ورگاندارىنداعى قاتىستى تاراۋلاردىڭ جاۋاپتى جولداستارى قىزمەت تەكسەرۋدە بىرگە بولدى.