شي جينپيڭ نيڭشيادا قىزمەت تەكسەرگەندە بىلاي دەپ باسا دارىپتەدى
حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋدى الدىمەن اتقارۋ ٴوڭىرىن قۇرىپ، جۇڭگو ۇلگىسىندەگى وسىزامانداندىرۋ قۇرىلىسىندا نيڭشيا تاراۋىن ويداعىداي جازۋ كەرەك
6 ـ ايدىڭ 19 ـ كۇنىنەن 20 ـ كۇنىنە دەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ نيڭشيادا قىزمەت تەكسەردى. سۋرەتتە: 6 ـ ايدىڭ 19 ـ كۇنى تۇستەن كەيىن شي جينپيڭ يىنچۋان قالاسى جينفىڭ رايونى چاڭچىڭ حۋايۋان الەۋمەتتىك اۋماعى پارتيا مۇشەلەرى مەن بۇقاراعا قىزمەت وتەۋ ورتالىعىنىڭ الەۋمەتتىك اۋماق دەنساۋلىق ساقتاۋ پۋنكتىندە ەمدەۋ قىزمەتكەرلەرىمەن ىقىلاسپەن اڭگىمەلەسۋدە.
□ سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن
6 ـ ايدىڭ 19 ـ كۇنىنەن 20 ـ كۇنىنە دەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ نيڭشيادا قىزمەت تەكسەردى. سۋرەتتە: 6 ـ ايدىڭ 19 ـ كۇنى تۇستەن كەيىن شي جينپيڭ يىنچۋان قالاسى جينفىڭ رايونى چاڭچىڭ حۋايۋان الەۋمەتتىك اۋماعىندا قىزمەت تەكسەرگەندە، الەۋمەتتىك اۋماق تۇرعىندارىمەن ىقىلاسپەن اڭگىمەلەسۋدە.
□ سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن
شينحۋا اگەنتتىگىنىڭ 6 ـ ايدىڭ 21 ـ كۇنى يىنچۋاننان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ جۋىقتا نيڭشيادا قىزمەت تەكسەرگەندە بىلاي دەپ باسا دارىپتەدى: نيڭشيا جاڭا دامۋ ۇستانىمىن ىشكەرىلەي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى، حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋدى الدىمەن اتقارۋ ٴوڭىرى قۇرىلىسىن جەتەكشى ەتىپ، جوعارى ساپالى دامۋ مەن جوعارى دەڭگەيدە قورعاۋ، رەفورمانى جاپپاي تەرەڭدەتۋ مەن ەسىك اشۋدى كەڭەيتۋ، جاڭاشا قالا ـ قالاشىقتاندىرۋ مەن اۋىل ـ قىستاقتى گۇلدەندىرۋ، ۇلتتار ىنتىماعى مەن بىرگە بايۋ سياقتى قىزمەتتەردى ٴبىر تۇتاس جوسپارلاپ ىلگەرىلەتىپ، ەكونوميكاسى گۇلدەنىپ ـ كوركەيگەن، ۇلتتارى ىنتىماقتى، قورشاعان ورتاسى كوركەم، حالقى باي كورىكتى جاڭا نيڭشيانى جەدەل قۇرىپ، جۇڭگو ۇلگىسىندەگى وسىزامانداندىرۋدىڭ نيڭشيا تاراۋىن قۇلشىنا جازۋ كەرەك.
6 ـ ايدىڭ 19 ـ كۇنى شي جينپيڭ چيڭحايداعى قىزمەت تەكسەرۋىن اياقتاتقاننان كەيىن نيڭشياعا كەلدى. سول كۇنى تۇستەن كەيىن، ول نيڭشيا حۇيزۋ اۆتونوميالى رايوندىق پارتكومنىڭ شۋجيى لياڭ يانشۇننىڭ جانە اۆتونوميالى رايوندىق ۇكىمەتتىڭ ٴتوراعاسى جاڭ يۇيپۋدىڭ سەرىك بولۋىندا يىنچۋان قالاسىندا تەكسەرۋ ـ زەرتتەۋ جۇرگىزدى.
يىنچۋان قالاسىنىڭ جينفىڭ رايونى چاڭچىڭ حۋايۋان الەۋمەتتىك اۋماعى _ كوپ ۇلت شوعىرلى قونىستانعان كولەمدى الەۋمەتتىك اۋماق. شي جينپيڭ الدىمەن الەۋمەتتىك اۋماقتىڭ پارتيا مۇشەلەرى مەن بۇقاراعا قىزمەت وتەۋ ورتالىعىنا بارىپ، حالىققا قولايلى قىزمەت وتەۋ زالىنا، الەۋمەتتىك اۋماق دەنساۋلىق ساقتاۋ پۋنكتىنە، مەيىر جەتكىزۋ ەرەن بازارىنا كىرىپ، الەۋمەتتىك اۋماق قىزمەتى جونىندەگى تانىستىرۋدى تىڭدادى، الەۋمەتتىك اۋماقتىڭ نەگىزگى ساتى پارتيا ۇيىمىنىڭ رولىن ساۋلەلەندىرۋ، كورشىلەستەر قيمىلىن ورىستەتۋ جانە حالىققا قولايلى، حالىققا ٴتيىمدى قىزمەت وتەۋ سياقتى جاعدايلارىن تاپتەشتەي ۇعىستى. وسىدان سوڭ، ول الەۋمەتتىك اۋماق قيمىل ۇيىنە كەلىپ، تۇرعىنداردىڭ قيما سۋرەت جاسامپازدىعىن، ٴبي جاتتىعۋىن قىزىعا كورىپ، كوپشىلىكپەن ىقىلاسپەن اڭگىمەلەسىپ، زەينەتكە شىققان تۇرعىنداردى قارتايعاندا كۇتىمدەلۋگە، قارتايعاندا كوڭىلدى جۇرۋگە ٴارى قارتايعاندا دا رولىن ساۋلەلەندىرۋگە شابىتتاندىردى. شي جينپيڭ بىلاي دەپ اتاپ كورسەتتى: الەۋمەتتىك اۋماق پارتيا ۇيىمى _ پارتيانىڭ نەگىزگى ساتى بۇقاراسىمەن بايلانىس جاساۋداعى جۇيكە ۇشى، الەۋمەتتىك اۋماقتا باسشىلىق رولىن ساۋلەلەندىرۋى كەرەك. الەۋمەتتىك اۋماق پارتيا ۇيىمىن ويداعىداي قۇرعاندا، كۇشەيتىپ قۇرعاندا، الەۋمەتتىك اۋماق قىزمەتىندە تىرەك بولادى. پارتيا قۇرىلىسى ارقىلى جەتەكشىلىك ەتۋگە تاباندى بولىپ، تۇرعىنداردىڭ شۇعىل، قيىن، ۋايىمداعان، ٴزارۋ ماسەلەلەرىن شەشۋدى مىقتاپ ارقاۋ ەتىپ، بۇقاراعا قىزمەت وتەۋدىڭ ٴتۇرلى قىزمەتتەرىن ىشكەرىلەي، ەگجەي ـ تەگجەيلى، تىڭعىلىقتى ىستەۋ كەرەك.
شي جينپيڭ الەۋمەتتىك اۋماق تۇرعىنى جاۋ شوۋچىڭنىڭ ۇيىنە بارىپ، وتباسىنداعىلارىمەن قورالانا وتىرىپ اڭگىمە دۇكەنىن قۇرىپ، ولاردىڭ جۇمىستانۋ، كىرىس، ەمدەۋ قامسىزداندىرۋىن ەسەپتەن كوتەرۋ، بالالارىنىڭ وقۋعا ٴتۇسۋى سياقتى جاعدايلارىن ۇعىسىپ، ولاردىڭ باقىتتى تۇرمىسىن القادى، بالالاردى احىلاق، اقىل ـ وي، دەنە، ەستەتيكا، ەڭبەك جاعىنان جان ـ جاقتى جەتىلۋگە شابىتتاندىردى. جاۋ شوۋچىڭ باس شۋجيگە جەرگىلىكتى پارتكوم مەن ۇكىمەتتىڭ الەۋمەتتىك اۋماق قۇرىلىسىنا ەرەكشە كوڭىل بولەتىندىگىن، اسىرەسە، كونە، ەسكى شاعىن اۋماقتاردى جاڭالاۋ، تۇرعىنداردىڭ مادەنيەت، دەنە تاربيە تۇرمىسىن بايىتۋ سياقتى جاقتاردا وتە كوپ ناقتى ىستەر ىستەگەندىگىن، ٴار ۇلت بۇقاراسىنىڭ الەۋمەتتىك اۋماقتا تاتۋ ـ ٴتاتتى وتەتىندىگىن، تۇرمىستارىنىڭ وتە ٴجايلى ەكەندىگىن ايتتى. شي جينپيڭ بىلاي دەپ باسا دارىپتەدى: پارتيامىز بۇكىل ىنتا ـ پەيىلىمەن حالىق ٴۇشىن قىزمەت ىستەيتىن پارتيا، مەن ٴار ۇلت بۇقاراسىن، بارلىق وتباسىن ەستەن شىعارعان ەمەسپىن. سىزدەردىڭ وتباسىلارىڭىزدى اناعۇرلىم جاقسى كوركەيتىپ، تۇرمىستارىڭىزدى بارعان سايىن شالقىتا تۇسۋلەرىڭىزدى ٴۇمىت ەتەمىن.
كەشقۇرىم شاق، الەۋمەتتىك اۋماق الاڭى ەرەكشە دۋمانعا بولەندى، تۇرعىندار باس شۋجيدىڭ كەلگەندىگىن كورىپ تۇس ـ تۇستان قاۋمالاپ كەلىپ، قىزۋ شاپالاق سوعىپ قارسى الدى. شي جينپيڭ كوپشىلىككە ىقىلاسپەن بىلاي دەدى: اراعا 4 جىل سالىپ، ٴار ۇلت كادر ـ بۇقاراسىنا امانداسۋ ٴۇشىن، نيڭشياعا تاعى دا كەلدىم، كوپشىلىكتى كورگەنىمە ەرەكشە قۋانىشتىمىن! جۇڭحۋا ۇلتى _ ۇلكەن شاڭىراق، ٴار ۇلت حالقى اناردىڭ دانىندەي تىعىز ۇيىسۋى كەرەك. جۇڭحۋا ۇلتى ورتاق تۇلعا تانىمىن ۇزدىكسىز بەكەمدەپ، ٴار ۇلتتىڭ تىلەگىن تىعىز بايلانىستىرىپ، ٴار جاقتىڭ كۇشىن كەڭ كولەمدە ۇيىستىرىپ، جۇڭگو ۇلگىسىندەگى وسىزامانداندىرۋدى بىرگە ىلگەرىلەتۋ، جۇڭحۋا ۇلتىنىڭ ۇلى گۇلدەنۋى سىندى كەلەلى ٴىستى بىرگە ورىنداۋ كەرەك.
6 ـ ايدىڭ 20 ـ كۇنى تۇستەن بۇرىن، شي جينپيڭ نيڭشيا حۇيزۋ اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭداپ، نيڭشيانىڭ قىزمەتتە قول جەتكىزگەن ناتيجەلەرىن تۇراقتاندىردى.
شي جينپيڭ بىلاي دەپ اتاپ كورسەتتى: نيڭشيانىڭ جاعراپيالىق ورتاسى مەن بايلىق ارتىقشىلىعى وزگەشە، ەرەكشەلەندىرىلگەن، پارىقتاندىرىلعان كاسىپ سالاسىن دامىتۋ جولىمەن ٴجۇرىپ، نيڭشيانىڭ باسىمدىعىن ايگىلەيتىن، ٴبىرشاما كۇشتى باسەكەلىك قۋاتقا يە وسىزاماندانعان كاسىپ سالاسى جۇيەسىن ورناتۋ كەرەك. نيڭشيانىڭ وسى زامانعى كومىر حيميا ونەركاسىبى مەن جاڭا ماتەريال كاسىپ سالاسىن، جەل ەلەكترى، فوتوۆولت، سۋتەگى ەنەرگياسى سياقتى تازا ەنەرگيا كاسىپ سالاسىن، ٴجۇزىم شارابى، الاقات سياقتى ەرەكشە كاسىپ سالالارىن قۇنتتاي ىستەپ، ٴۇرتىس دامىتۋ كەرەك. مادەنيەت پەن ساياحاتتىڭ تەرەڭدەي توعىسۋىن كۇشەيتىپ، ەرەكشە ساياحاتتى، جالپى وڭىرلىك ساياحاتتى بەلسەنە دامىتۋ كەرەك. عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسۋىن كۇشەيتىپ، عىلىم ـ تەحنيكا جەتىستىكتەرىن كادەگە جاراتۋ، پايدالانۋ تەبىنىن ارتتىرىپ، ٴداستۇرلى كاسىپ سالالارىنىڭ تيپ جاڭالاپ، دارەجەسىن ٴوسىرۋدى جەبەپ، ستراتەگيالىق سيپاتتى جاڭادان گۇلدەنگەن كاسىپ سالالارىن جەتىلدىرىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ كەرەك. نيڭشيانىڭ سولتۇستىك بولىگىندەگى حۋاڭحى وزەنىنىڭ سۋىن باستاپ سۋارىلاتىن ٴوڭىردىڭ، ورتا بولىگىندەگى قۋاڭ بەلدەۋلەردىڭ، وڭتۇستىك بولىگىندەگى تاۋلى وڭىرلەردىڭ وزىندىك ەرەكشەلىكتەرى بار، جەر ـ جەردىڭ كاسىپ سالالارىن دامىتۋ نەگىزىن، بايلىق ورتاسى سيىمدىلىعىن، اشۋ، وركەندەتۋ كومەسكى كۇشىن ٴدال يگەرىپ، ٴبىر تۇتاس جوسپارلاپ جوبالاۋ مەن كاسىپ سالاسى سەلبەستىگىن كۇشەيتىپ، تاۋ مەن وزەنگە بىردەي پايدا جەتكىزەتىن، قالا مەن اۋىلداردى توعىستىراتىن، وڭىرلەر بىرلەسىپ ارەكەتتەنەتىن دامۋ ارناسىن قالىپتاستىرۋدى ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: نيڭشيا ٴتۇيىندى سالالار رەفورماسىن تەرەڭدەتۋگە كۇش سالىپ، جەرگىلىكتى ەرەكشەلىككە يە رەفورما جونىندە ىزدەنىس جاساۋى كەرەك. بازار شارۋاشىلىعى نەگىزگى ٴتۇزىمىن كەمەلدەندىرىپ، بۇكىل ەلدىڭ ٴبىر تۇتاس ۇلكەن بازارى قۇرىلىسىنا بەلسەنە توعىسىپ، مەملەكەت مەنشىگىندەگى مال ـ مۇلىك، مەملەكەت مەنشىگىندەگى كاسىپورىندار رەفورماسىن ۇزدىكسىز ىلگەرىلەتىپ، حالىقتىق شارۋاشىلىقتىڭ دامۋىن جەبەۋ ساياساتىن مۇقيات تياناقتاندىرىپ، شارۋاشىلىق ـ ساۋدا ورتاسىن ساپالىلاندىرىپ، قوعامدىق قارجى قوسۋدىڭ ومىرشەڭدىك كۇشىن مازداتۋ كەرەك. ىشكە، سىرتقا ەسىك اشۋدى ۇشتاستىرۋعا تاباندى بولىپ، ”ٴبىر بەلدەۋ، ٴبىر جولدى“ بىرگە قۇرۋ جانە باتىس بولىك قۇرلىق، تەڭىز جاڭا ارناسى قۇرىلىسىنا بەلسەنە ات سالىسىپ، اراب ەلدەرىمەن ەكونوميكا ـ ساۋدا سەلبەستىگىن تەرەڭدەتىپ، ىشكى قۇرلىقتىق ەسىك اشۋ دەڭگەيىن جوعارىلاتۋ كەرەك. حۋاڭحى وزەنى مەن حىلانشان تاۋىنىڭ، ليۋپانشان تاۋىنىڭ، لوشان تاۋىنىڭ ەكولوگيالىق ورتاسىن جاقسى قورعاۋ _ نيڭشيانىڭ رەفورمانى، دامۋدى جوسپارلاۋداعى ولشەم سىزىعى، بايلىق ورتاسى فاكتورلارىن بازارلاندىرا ورنالاستىرۋ رەفورماسىن تەرەڭدەتىپ، ەكولوگيالىق ونىمدەردىڭ قۇنىن ىسكە اسىرۋ مەحانيزمى مەن ەكولوگيانى قورعاۋ تولەمى مەحانيزمىن كەمەلدەندىرىپ، سۋ بايلىعىن باسقارۋدىڭ ەڭ قاتاڭ ٴتۇزىمىن اتقارۋ كەرەك. حۋاڭحى وزەنىنىڭ ”تاعا فورمالى يىنىنەن“ قامال الۋ شايقاسىن ويداعىداي جۇرگىزىپ، ورمان، جايلىم، سازدىق، شولەيت ەكولوگياسىن قورعاۋدى، قالپىنا كەلتىرۋدى جانە سورتاڭ جەرلەردى جالپىلىق وڭاۋدى ٴبىر تۇتاس جوسپارلاپ ىلگەرىلەتىپ، ”سولتۇستىكتەگى جياڭنان القابىنىڭ“ بارعان سايىن كورىكتەنە تۇسۋىنە مۇمكىندىك جاساۋ كەرەك.
شي جينپيڭ بىلاي دەپ اتاپ كورسەتتى: جالپىعا ٴتيىمدى، نەگىزدىك سيپاتتى، ەڭ تومەنگى شەكتەن تۇسىرمەيتىن حالىق تۇرمىسى ىستەرى قۇرىلىسىن كۇشەيتىپ، حالىق بۇقاراسىنىڭ شۇعىل، قيىن، ۋايىمداعان، ٴزارۋ ماسەلەلەرىن كۇش سالا شەشىپ، ٴار ۇلت حالقىنىڭ بىرگە بايۋىن تىڭعىلىقتى ىلگەرىلەتۋ كەرەك. جۇمىستاندىرۋدى كورنەكتى ورىنعا قويىپ، جوعارى مەكتەپتەن وقۋ بىتىرگەن وقۋشىلار، شارۋا جۇمىسكەرلەر، قوسىننان بوساعان اسكەريلەر سياقتى ٴتۇيىندى قاۋىمدى جۇمىستاندىرۋ قىزمەتىن تىڭعىلىقتى ويداعىداي ىستەۋ كەرەك. قالالاردى جاڭالاۋدى بەلسەنە ىلگەرىلەتىپ، كونە، ەسكى شاعىن اۋماقتاردى جاڭالاپ سالۋدى كۇشەيتۋ كەرەك. جان سانىنىڭ جىلجۋ اۋقىمىنا سايكەسىپ، قالا مەن اۋىلدىڭ توعىسا دامۋىن ىلگەرىلەتىپ، قالا مەن اۋىلداردىڭ كاسىپ سالاسىنىڭ دامۋىن، نەگىزدىك قۇرىلعىلارىنىڭ، الەۋمەتتىك قىزمەت وتەۋىنىڭ ٴبىر تۇلعالانۋىن جەبەۋ كەرەك. اۋىل ـ قىستاقتى گۇلدەندىرۋدى جاپپاي ىلگەرىلەتىپ، ٴبىر ميلليون كوشپەندى حالىقتىڭ بايۋ دەڭگەيىن كوتەرۋ ارەكەتىن ويداعىداي اتقارىپ، كورىكتى اۋىل ـ قىستاق قۇرىپ، اۋىل ـ قىستاقتاردىڭ ەسكىلىكتى سالتتى تاستاۋىن جەبەۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، تۇيىندە كومەكتەسۋ ـ سۇيەمەلدەۋدى، قوعامدىق كومەكتەسۋ ـ سۇيەمەلدەۋدى تەرەڭدەتىپ، كولەمدى قايتا كەدەيلەسۋدىڭ تۋىلۋىنان باتىل ساقتانۋ كەرەك. ٴوندىرىس حاۋىپسىزدىگىن ويداعىداي يگەرىپ، حاۋىپ ـ قاتەرلەردى، كومەسكى كىناراتتاردى ٴبىر ـ بىردەن تەكسەرۋدى جانە ساقتانۋ ـ تىزگىندەۋدى كۇشەيتىپ، حالىق بۇقاراسىنىڭ ٴومىرى مەن مال ـ مۇلىك حاۋىپسىزدىگىن شىنايى قورعاۋ كەرەك.
شي جينپيڭ بىلاي دەپ باسا دارىپتەدى: جاڭا داۋىردەگى پارتيانىڭ ۇلت قىزمەتى جونىندەگى كەلەلى باعىت ـ ساياساتتارىن جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋ جاعىندا ۇلگى كورسەتۋ رايونىن قۇلشىنا قۇرۋ كەرەك. ۇلت ىستەرىن زاڭ بويىنشا باسقارىپ، ٴوزارا كىرىكپەلى قوعامدىق قۇرىلىم مەن الەۋمەتتىك اۋماق ورتاسىن كۇش سالا قۇرىپ، ۇلتتاردىڭ جان ـ جاقتى كىرىگۋىنىڭ امالياتتىق جولىن ۇزدىكسىز كەڭەيتۋ كەرەك. جاڭا داۋىردەگى پارتيانىڭ ٴدىن قىزمەتى نازارياسى مەن باعىت ـ ساياساتىن جاپپاي دايەكتىلەندىرىپ، ٴدىن سالاسىنا باعىتتالعان يدەيالىق ـ ساياسي جەتەكشىلىكتى كۇشەيتۋ كەرەك.
شي جينپيڭ بىلاي دەپ اتاپ كورسەتتى: بۇكىل پارتيادا ورىستەتىلىپ جاتقان پارتيا ٴتارتىبىن ۇيرەنۋ تاربيەسىن مىقتى، ناقتى يگەرىپ، ناتيجە شىعارىپ، پارتيا مۇشەلەرىنىڭ، كادرلاردىڭ پارتيا ٴتارتىبىن، پارتيا قاعيداسىن مۇقيات ۇيرەنۋىن ىلگەرىلەتىپ، قاعيداعا قۇرمەت ەتىپ، تارتىپكە بويسۇنۋ العى شارتىندا الاڭسىز قىزمەت ىستەپ، ەمىن ـ ەركىن ٴىس تىندىرىپ، قايراتتانا العا ىلگەرىلەۋ، بەلسەنە ىسكەرلىك كورسەتۋ كەرەك. پارتيالىلىقتى، پارتيا ستيلىن، پارتيا ٴتارتىبىن تەڭ يگەرۋگە تاباندى بولىپ، ستيل قۇرىلىسىنىڭ ۇدايىلانعان، ۇزاق ۋاقىت ٴونىمدى ٴتۇزىم ـ مەحانيزمىن كەمەلدەندىرىپ، فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋدى ۇزدىكسىز تەرەڭدەتىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالى ىلگەرىلەتىپ، تاڭداۋلى پارتيا ستيلى ارقىلى جۇرت تىلەگىن توعىستىرۋ، قوعامدىق سالتقا جەتەكشىلىك ەتۋ كەرەك.
لي گانجيە، حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.