مەملەكەتتىك عىلىم ـ تەحنيكا جينالىسى، مەملەكەتتىك عىلىم ـ تەحنيكا سيلىعىن بەرۋ جينالىسى، ەكى اكادەميانىڭ اكادەميكتەر جينالىسى بەيجيڭدە اشىلدى
شي جينپيڭ مەملەكەتتىك ەڭ جوعارى عىلىم ـ تەحنيكا سيلىعىنىڭ يەگەرلەرى قاتارلىلارعا سيلىق بەردى ٴارى ماڭىزدى ٴسوز سويلەپ بىلاي دەپ باسا دارىپتەدى: عىلىم ـ تەحنيكا گۇلدەنسە، ۇلت گۇلدەنەدى، عىلىم ـ تەحنيكا قۇدىرەتتەنسە، مەملەكەت قۇدىرەتتەنەدى. جۇڭگو ۇلگىسىندەگى وسىزامانداندىرۋدا عىلىم ـ تەحنيكانىڭ وسىزاماندانۋىن تىرەك ەتۋگە سۇيەنۋ، جوعارى ساپالى دامۋدى جۇزەگە اسىرۋدا عىلىم ـ تەحنيكادا جاڭالىق اشۋ ارقىلى جاڭا قوزعاۋشى قۋاتتى جەتىلدىرۋگە سۇيەنۋ كەرەك. عىلىم ـ تەحنيكانىڭ ستراتەگيالىق جەتەكشىلىك ورنى مەن ٴتۇبىرلى تىرەكتىك رولىن، ٴسوزسىز، تولىق تانىپ، 2035 ـ جىلى عىلىم ـ تەحنيكادا قۋاتتى ەل قۇرۋ ستراتەگيالىق نىساناسىن كوزدەپ، جوعارى دەڭگەيدە جوبالاۋ مەن ٴبىر تۇتاس جوسپارلاۋدى كۇشەيتىپ، جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى جەدەل جۇزەگە اسىرۋ كەرەك
لي چياڭ باسقاردى، ديڭ شۋەشياڭ سيلاۋ قاۋلىسىن وقىدى، جاۋ لىجي، ۋاڭ حۋنيڭ، ساي چي، لي شي قاتىناستى
6 - ايدىڭ 24 - كۇنى مەملەكەتتىك عىلىم - تەحنيكا جينالىسى، مەملەكەتتىك عىلىم - تەحنيكا سيلىعىن بەرۋ جينالىسى جانە جۇڭگو عىلىم اكادەمياسىنىڭ 21 - رەتكى اكادەميكتەر جينالىسى، جۇڭگو ينجەنەريا اكادەمياسىنىڭ 17 - رەتكى اكادەميكتەر جينالىسى بەيجيڭ حالىق سارايىندا سالتاناتپەن اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى ياۋ داۋي تۇسىرگەن
6 - ايدىڭ 24 - كۇنى مەملەكەتتىك عىلىم - تەحنيكا جينالىسى، مەملەكەتتىك عىلىم - تەحنيكا سيلىعىن بەرۋ جينالىسى جانە جۇڭگو عىلىم اكادەمياسىنىڭ 21 - رەتكى اكادەميكتەر جينالىسى، جۇڭگو ينجەنەريا اكادەمياسىنىڭ 17 - رەتكى اكادەميكتەر جينالىسى بەيجيڭ حالىق سارايىندا سالتاناتپەن اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2023 - جىلدىق مەملەكەتتىك ەڭ جوعارى عىلىم - تەحنيكا سيلىعىنا يە بولعان ۋحان داشۋەسىندەگى لي دىرىن اكادەميككە (وڭدا) جانە چيڭحۋا داشۋەسىندەگى شۋە چيكۇن اكادەميككە (سولدا) سيلىق بەردى.
□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
6 - ايدىڭ 24 - كۇنى مەملەكەتتىك عىلىم - تەحنيكا جينالىسى، مەملەكەتتىك عىلىم - تەحنيكا سيلىعىن بەرۋ جينالىسى جانە جۇڭگو عىلىم اكادەمياسىنىڭ 21 - رەتكى اكادەميكتەر جينالىسى، جۇڭگو ينجەنەريا اكادەمياسىنىڭ 17 - رەتكى اكادەميكتەر جينالىسى بەيجيڭ حالىق سارايىندا سالتاناتپەن اشىلدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتارلىلار جينالىسقا قاتىناستى.
□سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 6 ـ ايدىڭ 24 ـ كۇنى بەيجيڭنەن بەرگەن حابارى. مەملەكەتتىك عىلىم ـ تەحنيكا جينالىسى، مەملەكەتتىك عىلىم ـ تەحنيكا سيلىعىن بەرۋ جينالىسى جانە جۇڭگو عىلىم اكادەمياسىنىڭ 21 ـ رەتكى اكادەميكتەر جينالىسى، جۇڭگو ينجەنەريا اكادەمياسىنىڭ 17 ـ رەتكى اكادەميكتەر جينالىسى 6 ـ ايدىڭ 24 ـ كۇنى تۇستەن بۇرىن حالىق سارايىندا سالتاناتپەن اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ جينالىسقا قاتىناسىپ، مەملەكەتتىك ەڭ جوعارى عىلىم ـ تەحنيكا سيلىعىنىڭ يەگەرلەرى قاتارلىلارعا سيلىق بەردى ٴارى ماڭىزدى ٴسوز سويلەدى. ول بىلاي دەپ باسا دارىپتەدى: عىلىم ـ تەحنيكا گۇلدەنسە، ۇلت گۇلدەنەدى، عىلىم ـ تەحنيكا قۇدىرەتتەنسە، مەملەكەت قۇدىرەتتەنەدى. جۇڭگو ۇلگىسىندەگى وسىزامانداندىرۋدا عىلىم ـ تەحنيكانىڭ وسىزاماندانۋىن تىرەك ەتۋگە سۇيەنۋ، جوعارى ساپالى دامۋدى جۇزەگە اسىرۋدا عىلىم ـ تەحنيكادا جاڭالىق اشۋ ارقىلى جاڭا قوزعاۋشى قۋاتتى جەتىلدىرۋگە سۇيەنۋ كەرەك. عىلىم ـ تەحنيكانىڭ ستراتەگيالىق جەتەكشىلىك ورنى مەن ٴتۇبىرلى تىرەكتىك رولىن، ٴسوزسىز، تولىق تانىپ، 2035 ـ جىلى عىلىم ـ تەحنيكادا قۋاتتى ەل قۇرۋ ستراتەگيالىق نىساناسىن كوزدەپ، جوعارى دەڭگەيدە جوبالاۋ مەن ٴبىر تۇتاس جوسپارلاۋدى كۇشەيتىپ، جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى جەدەل جۇزەگە اسىرۋ كەرەك.
لي چياڭ جينالىستى باسقاردى، ديڭ شۋەشياڭ سيلاۋ قاۋلىسىن وقىدى، جاۋ لىجي، ۋاڭ حۋنيڭ، ساي چي، لي شي قاتىناستى.
تۇستەن بۇرىن ساعات 10دا جينالىس باستالدى. ازاتتىق ارميا اسكەري وركەسترى «ەرىكتىلەر مارشىن» ورىندادى، بۇكىل الاڭداعىلار ورىندارىنان تۇرىپ مەملەكەت ٴانىن اسقاقتاتا شىرقادى.
ديڭ شۋەشياڭ «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ 2023 ـ جىلعى مەملەكەتتىك عىلىم ـ تەحنيكا سيلىعىن بەرۋ جونىندەگى قاۋلىسىن» وقىدى.
سالتاناتتى سالتتىڭ دابىلى قاعىلدى، شي جينپيڭ الدىمەن 2023 ـ جىلعى مەملەكەتتىك ەڭ جوعارى عىلىم ـ تەحنيكا سيلىعىنا يە بولعان ۋحان داشۋەسىندەگى لي دىرىن اكادەميككە جانە چيڭحۋا داشۋەسىندەگى شۋە چيكۇن اكادەميككە مەدال، كۋالىك بەردى، ولاردى ىستىق ىقىلاسپەن قول الىسىپ قۇتتىقتادى. ىلە ـ شالا شي جينپيڭ قاتارلى پارتيا مەن مەملەكەت باسشىلارى ەڭ جوعارى سيلىقتىڭ ەكى يەگەرىمەن بىرگە مەملەكەتتىك جاراتىلىستىق عىلىمدار سيلىعىنا، مەملەكەتتىك تەحنيكالىق تاپقىرلىق سيلىعىنا، مەملەكەتتىك عىلىم ـ تەحنيكا العاباسارلىعى سيلىعىنا جانە جۇڭحۋا حالىق رەسپۋبليكاسىنىڭ حالىقارالىق عىلىم ـ تەحنيكا سەلبەستىگى سيلىعىنا يە بولعانداردىڭ ۋاكىلدەرىنە كۋالىك بەردى.
قىزۋ قول شاپالاق ٴۇنى ىشىندە شي جينپيڭ ماڭىزدى ٴسوز سويلەدى. ول بىلاي دەپ اتاپ كورسەتتى: پارتيا 18 ـ قۇرىلتايىنان بەرى، پارتيا ورتالىق كوميتەتى دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي ىلگەرىلەتتى، اتقاردى، جاڭالىقشىل ەلدى جەدەل قۇرۋ ستراتەگيالىق مىندەتىن العا قويدى، عىلىم ـ تەحنيكا ٴتۇزىلىسى رەفورماسىن ۇزدىكسىز تەرەڭدەتتى، عىلىم ـ تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى پارمەندى ىلگەرىلەتتى، ەلىمىز نەگىزدىك الدىڭعى لەكتەگى زەرتتەۋلەردە تىڭ جەتىستىكتەردى جۇزەگە اسىردى، ستراتەگيالىق جوعارى تەحنيكا سالاسىندا تىڭ شارىقتاۋدى كۇتىپ الدى، جاڭالىق اشۋ ارقىلى دەم بەرۋمەن جوعارى ساپالى دامۋدا جاڭا ناتيجەلەرگە قول جەتكىزۋگە جەتەكشىلىك ەتتى، عىلىم ـ تەحنيكا ٴتۇزىلىسى رەفورماسىندا جاڭا جاعداي اشىلدى، حالىقارالىق اشىق سەلبەستىكتە تىڭ ىلگەرىلەۋشىلىكتەرگە قول جەتكىزىلدى، عىلىم ـ تەحنيكا ىستەرىندە تاريحي تابىستارعا قول جەتكىزىلىپ، تاريحي سيپاتتى وزگەرىستەر تۋىلدى.
شي جينپيڭ بىلاي دەپ باسا دارىپتەدى: جاڭا داۋىردەگى عىلىم ـ تەحنيكا ىستەرىنىڭ دامۋ امالياتىندا ٴبىز زاڭدىلىق سيپاتتى تانىمدى ۇزدىكسىز تەرەڭدەتىپ، كوپتەگەن ماڭىزدى تاجىريبە توپتادىق، باستىسى، مىنالار: پارتيانىڭ جالپى بەتتىك باسشىلىعىنا تاباندى بولۋ، جۇڭگوشا ەرەكشەلىككە يە دەربەس جاڭالىق اشۋ جولىمەن جۇرۋگە تاباندى بولۋ، دامۋعا جاڭالىق اشۋ ارقىلى جەتەكشىلىك ەتۋگە تاباندى بولۋ، ”ٴتورتتى بەتكە الۋ“ ستراتەگيالىق باعدارىنا تاباندى بولۋ، رەفورمانى تەرەڭدەتۋ ارقىلى جاڭالىق اشۋدىڭ جالىندى كۇشىن تاسقىنداتۋعا تاباندى بولۋ، وقۋ ـ اعارتۋ، عىلىم ـ تەحنيكا دارىندىلارىنىڭ ۇتىمدى اينالىمىن ىلگەرىلەتۋگە تاباندى بولۋ، جاڭالىق اشۋ مادەنيەتىن جەتىلدىرۋگە تاباندى بولۋ، عىلىم ـ تەحنيكا اشىق سەلبەستىگى ارقىلى ادامزاتقا باقىت جاراتۋعا تاباندى بولۋ. وسى تاجىريبەلەرگە، ٴسوزسىز، ۇزاق ۋاقىت تاباندى بولۋ ٴارى اماليات بارىسىندا ۇزدىكسىز بايىتۋ، دامىتۋ كەرەك.
شي جينپيڭ بىلاي دەپ اتاپ كورسەتتى: دۇنيە جۇزىندە 100 جىلدا بولماعان زور وزگەرىس جەدەل قۇبىلۋدا، جاڭا كەزەكتى عىلىم ـ تەحنيكا توڭكەرىسى مەن كاسىپ سالاسى وزگەرىسى ىشكەرىلەي دامىپ، الەمدىك ٴتارتىپ پەن دامۋ جۇيەسى قايتادان تەرەڭ سومدالۋدا. ەلىمىز عىلىم ـ تەحنيكا ىستەرىنىڭ دامۋىندا ٴالى دە ٴبىرسىپىرا ولقىلىقتار، ٴالسىز تۇستار ورىن تەۋىپ وتىر، ٴسوزسىز، كوكەي تەستىلىك سەزىمدى اناعۇرلىم كۇشەيتىپ، عىلىم ـ تەحنيكادا جاڭالىق اشۋ تەبىنىن اناعۇرلىم ارتتىرىپ، عىلىم ـ تەحنيكا باسەكەسى مەن بولاشاق دامۋدىڭ بيىك تۇرعىسىن الدىمەن يەلەۋ كەرەك.
شي جينپيڭ بىلاي دەپ باسا دارىپتەدى: جاڭاشا بۇكىل مەملەكەتتىك ٴتۇزىلىس ابزالدىلىعىن تولىق ساۋلەلەندىرىپ، پارتيا ورتالىق كوميتەتىنىڭ عىلىم ـ تەحنيكا قىزمەتىنە شوعىرلى ٴبىر تۇتاس باسشىلىق ەتۋ ٴتۇزىلىسىن كەمەلدەندىرىپ، سايكەستى، جوعارى ٴونىمدى شەشىم جاساۋ، قولباسشىلىق ەتۋ جۇيەسى مەن ۇيىمداستىرۋ، اتقارۋ جۇيەسىن قۇرۋ كەرەك. بازاردىڭ عىلىم ـ تەحنيكا بايلىعىن جايعاستىرۋداعى شەشۋشى رولىن تولىق ساۋلەلەندىرىپ، ۇكىمەتتىڭ رولىن اناعۇرلىم ويداعىداي ساۋلەلەندىرىپ، ٴوندىرىس، وقىتۋ، زەرتتەۋ سىندى ٴار بۋىننىڭ بەلسەندىلىگىن جۇمىلدىرىپ، شەشۋشى، وزەكتى تەحنيكالاردان قامال الۋدى بىرگە ىلگەرىلەتەتىن قىزمەت جۇيەسىن قالىپتاستىرۋ كەرەك. مەملەكەتتىڭ ستراتەگيالىق عىلىم ـ تەحنيكا كۇشى قۇرىلىسىن كۇشەيتىپ، نەگىزدىك زەرتتەۋدى ۇيىمداستىرۋ دەڭگەيىن جوعارىلاتىپ، ەرىكتى ىزدەنىس جاساۋعا ىنتالاندىرىپ، عىلىم ـ تەحنيكادا جاڭالىق اشۋدىڭ نەگىزى مەن تاعانىن بەكەمدەۋ كەرەك.
شي جينپيڭ بىلاي دەپ اتاپ كورسەتتى: عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭ توعىسۋىن ىلگەرىلەتىپ، جاڭاشا وندىرگىش كۇشتەردى دامىتۋعا دەم بەرۋ كەرەك. نازاردى وسىزاماندانعان كاسىپ سالاسى جۇيەسى قۇرىلىسىنداعى ٴتۇيىندى سالالار مەن ٴالسىز بۋىندارعا شوعىرلاندىرىپ، جوعارى ساپالى عىلىم ـ تەحنيكا قامداۋىن ارتتىرىپ، جاڭادان گۇلدەنگەن كاسىپ سالاسى مەن بولاشاق كاسىپ سالاسىن جەتىلدىرىپ، دامىتىپ، جاڭا تەحنيكادان بەلسەنە پايدالانىپ ٴداستۇرلى كاسىپ سالاسىن جاڭالاۋ، دارەجەسىن جوعارىلاتۋ كەرەك. كاسىپورىننىڭ عىلىم ـ تەحنيكادا جاڭالىق اشۋداعى نەگىزگى تۇلعالىق ورنىن كۇشەيتىپ، عىلىم ـ تەحنيكا جەتىستىكەرىن كادەگە جاراتۋدى، پايدالانۋدى جەبەۋ كەرەك. عىلىم ـ تەحنيكا فينانسى سىندى وسى ٴىستى جاقسى ىستەۋ كەرەك.
شي جينپيڭ بىلاي دەپ باسا دارىپتەدى: عىلىم ـ تەحنيكا ٴتۇزىلىس ـ مەحانيزم رەفورماسىن جاپپاي تەرەڭدەتىپ، ٴتۇرلى جاڭالىق اشۋ تۇعىرلارى قۇرىلىسىن ٴبىر تۇتاس جوسپارلاپ، جاڭالىق اشۋ بايلىعىن ساپالى ورنالاستىرۋدى كۇشەيتۋ كەرەك. وڭىرلىك عىلىم ـ تەحنيكادا جاڭالىق اشۋ ورنالاسىمىن كەمەلدەندىرىپ، عىلىم ـ تەحنيكا جوسپارىن باسقارۋدى جاقسارتىپ، عىلىم ـ تەحنيكادا جاڭالىق اشۋ ۇسىنىلىمىنىڭ ونىمدىلىگىن جوعارىلاتۋ كەرەك. عىلمي زەرتتەۋ قيمىلدارىنىڭ زاڭدىلىعىنا ۇيلەسەتىن تۇرگە ٴبولىپ باعالاۋ جۇيەسى مەن تەكسەرۋ مەحانيزمىن اقاۋسىزداندىرۋدى جەدەلدەتىپ، ىنتالاندىرۋ ٴتۇزىمىن كەمەلدەندىرىپ، جاڭالىق اشۋدىڭ جالىندى كۇشىن جارىققا شىعارۋ كەرەك.
شي جينپيڭ بىلاي دەپ اتاپ كورسەتتى: وقۋ ـ اعارتۋ، عىلىم ـ تەحنيكا دارىندىلارى ٴتۇزىلىس ـ مەحانيزمىن ٴبىر تۇلعالاندىرۋ رەفورماسىن تەرەڭدەتىپ، عىلىم ـ تەحنيكا مەن وقۋ ـ اعارتۋدىڭ سەلبەسىپ ادام تاربيەلەۋ مەحانيزمىن كەمەلدەندىرىپ، كولەمى زور، قۇرىلىمى ۇيلەسىمدى، ساپاسى تاڭداۋلى جاڭالىق اشۋ ۇلگىسىندەگى دارىندىلار قوسىنىن جەدەل تاربيەلەۋ، جەتىلدىرۋ كەرەك. جوعارى مەكتەپتەردىڭ ٴپان ورنالاستىرۋىن ساپالىلاندىرىپ، دارىندى تاربيەلەۋ ۇلگىسىندە جاڭالىق اشىپ، دارىندىلاردى دەربەس تاربيەلەۋ ورەسى مەن ساپاسىن جوعارىلاتۋ كەرەك. مەملەكەتتىڭ ستراتەگيالىق دارىندىلار كۇشىن جەدەل قۇرىپ، ۇزدىك ينجەنەرلەردى، ٴىرى ەل ۇستالارىن، جوعارى تەحنيكالىق دارىندىلاردى كۇش سالا تاربيەلەۋ، جەتىلدىرۋ كەرەك. جاس عىلىم ـ تەحنيكا دارىندىلارىن تاربيەلەۋدى كۇشەيتىپ، عالىمدار رۋحىن زور كۇشپەن اسقاقتاتىپ، قالىڭ عىلمي زەرتتەۋ قىزمەتكەرلەرىن ۇلى مۇرات ورناتۋعا، وتاندى سۇيۋگە، ٴوزىن ارناۋعا، جاڭالىق اشۋدى مۇرات ەتۋگە ىنتالاندىرۋ كەرەك.
شي جينپيڭ بىلاي دەپ باسا دارىپتەدى: ادامزاتتىڭ تاعدىرلاس ورتاق تۇلعاسىن قۇرۋ ۇستانىمىن ىشكەرىلەي امالياتتا ايگىلەپ، ەسىك اشۋ، سەلبەستىك ورناتۋ بارىسىندا ٴوز كۇشىنە سۇيەنۋدى، ٴوزىن الۋەتتەندىرۋدى جۇزەگە اسىرۋ كەرەك. حالىقارالىق عىلىم ـ تەحنيكا سەلبەستىگى باستاماسىن ىشكەرىلەي امالياتتا ايگىلەپ، ۇكىمەتتىك جانە حالىقتىق اۋىس ـ كۇيىس، سەلبەستىك ارناسىن اناعۇرلىم كەڭەيتىپ، ”ٴبىر بەلدەۋ، ٴبىر جولدى“ بىرگە قۇرۋ سياقتى تۇعىرلاردىڭ رولىن ساۋلەلەندىرىپ، ٴار ەل عىلمي زەرتتەۋ قىزمەتكەرلەرىنىڭ بىرلەسىپ قامال الۋىن قولداۋ كەرەك. الەمدىك جاڭالىق اشۋ تورىمەن بەلسەنە توعىسىپ، الەمدىك عىلىم ـ تەحنيكانى باسقارۋعا تەرەڭدەي ات سالىسىپ، الەمدىك سىن ـ سايىستارعا بىرگە توتەپ بەرىپ، عىلىم ـ تەحنيكا ارقىلى ادامزاتقا اناعۇرلىم جاقسى باقىت جاراتۋ كەرەك.
شي جينپيڭ مىنانى ٴبىلدىردى: ەكى اكادەميا اكادەميكتەرىنىڭ عىلىم ـ تەحنيكانىڭ الدىڭعى لەگىندەگى ٴورىس اشۋشى، كەلەلى مىندەتتى ارقالاۋشى، جاس دارىندىلاردىڭ جەتىلۋىندەگى جەتەكتەۋشى، عالىمدار رۋحىنىڭ ۇلگى كورسەتۋشىسى بولىپ، ەلىمىزدىڭ عىلىم ـ تەحنيكا ىستەرىنىڭ دامۋىنا تاعى دا جاڭا ۇلەس قوسۋىن ٴۇمىت ەتەمىن. قالىڭ عىلىم ـ تەحنيكا قىزمەتكەرلەرى عىلىم ـ تەحنيكا جاعىنداعى تالپىنىستارىن سانالىلىقپەن عىلىم ـ تەحنيكادا قۋاتتى ەل قۇرۋ ۇلى ىسىمەن توعىستىرىپ، ٴداۋىردىڭ، حالىقتىڭ ٴۇمىتىن اقتايتىن جاڭا ناتيجە جاراتۋى كەرەك. ٴار دارەجەلى پارتكومدار مەن ۇكىمەتتەر عىلىم ـ تەحنيكا قىزمەتىنە ۇيىمدىق باسشىلىقتى شىن مانىندە كۇشەيتىپ، قىزمەت وتەۋ قامتاماسىزدىعىن كۇش سالا ويداعىداي ىستەۋى كەرەك.
لي چياڭ جينالىستى باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ٴسوزى جاقىنعى جىلداردان بەرى ەلىمىزدىڭ عىلىم ـ تەحنيكادا جاڭالىق اشۋدا، دامۋدا قول جەتكىزگەن تاريحي تابىستارىن تولىق تۇراقتاندىرىپ، جاڭا داۋىردەگى عىلىم ـ تەحنيكا ىستەرى دامۋىنداعى ماڭىزدى تاجىريبەلەردى تەرەڭ قورىتىندىلاپ، عىلىم ـ تەحنيكادا جاڭالىق اشۋدىڭ جۇڭگو ۇلگىسىندەگى وسىزامانداندىرۋدى ىلگەرىلەتۋ، ەكىنشى 100 جىلدىق كۇرەس نىساناسىن جۇزەگە اسىرۋ ۇلى ۇردىسىندەگى ماڭىزدى رولىن ەگجەي ـ تەگجەيلى بايىمداپ، جاڭا جاعدايدا عىلىم ـ تەحنيكادا قۋاتتى ەل قۇرۋدى جەدەلدەتۋدىڭ نەگىزگى مازمۇنى مەن باستى مىندەتىن جۇيەلى ٴتۇسىندىرىپ، جاڭا داۋىردە عىلىم ـ تەحنيكا قىزمەتىن ويداعىداي ىستەۋگە العا باسۋ بەتالىسىن ايقىن كورسەتتى، ىشكەرىلەي ۇيرەنۋ، ٴتۇسىنۋ، مۇقيات دايەكتىلەندىرۋ، تياناقتاندىرۋ كەرەك. جاڭا جورىقتا جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى جۇزەگە اسىرۋدا، عىلىم ـ تەحنيكادا قۋاتتى ەل قۇرۋدا بورىش داڭقتى، جاۋاپكەرشىلىك اۋىر، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، عىلىم ـ تەحنيكا قىزمەتىن جاقسى ىستەۋ سانالىلىعى مەن تاباندىلىعىن اناعۇرلىم كۇشەيتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋ كەرەك.
جينالىستا لي دىرىن مەن شۋە چيكۇن بارلىق سيلىق يەگەرلەرى اتىنان ٴسوز سويلەدى.
جينالىس الدىندا شي جينپيڭ قاتارلى باسشى جولداستار مەملەكەتتىك عىلىم ـ تەحنيكا سيلىعى يەگەرلەرىنىڭ ۋاكىلدەرىمەن ىقىلاسپەن كەزدەستى ٴارى كوپشىلىكپەن بىرگە ەستەلىك سۋرەتكە ٴتۇستى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار جينالىسقا قاتىناستى.
ٴارقايسى ولكە، اۆتونوميالى رايون، توتە قاراستى قالالاردىڭ جانە جوسپارى بولەك جاسالاتىن قالالاردىڭ، شينجياڭ ٴوندىرىس ـ قۇرىلىس بيڭتۋانىنىڭ، ورتالىق پەن مەملەكەت ورگاندارىنىڭ قاتىستى تاراۋلارىنىڭ، قاتىستى حالىقتىق ۇيىمداردىڭ، ارميانىڭ قاتىستى ورىندارىنىڭ نەگىزگى جاۋاپتى جولداستارى، ەكى اكادەميانىڭ اكادەميكتەرى، ٴىشىنارا شەتەلدىك اكادەميكتەر، مەملەكەتتىك عىلىم ـ تەحنيكا سيلىعى يەگەرلەرىنىڭ ۋاكىلدەرى قاتارلىلاردان 3000داي ادام جينالىسقا قاتىناستى.
2023 ـ جىلعى مەملەكەتتىك عىلىم ـ تەحنيكا سيلىعى بويىنشا جالپى 250 نىسان، 12 عىلىم ـ تەحنيكا مامانى باعالاندى. مۇنىڭ ىشىندە 2 ادام مەملەكەتتىك ەڭ جوعارى عىلىم ـ تەحنيكا سيلىعىنا يە بولدى؛ 49 ٴتۇر مەملەكەتتىك جاراتىلىستىق عىلىمدار سيلىعىنا، مۇنىڭ ىشىندە ٴبىرٴتۇر 1 ـ دارەجەلى سيلىققا، 48 ٴتۇر 2 ـ دارەجەلى سيلىققا؛ 62 ٴتۇر مەملەكەتتىك تەحنيكالىق تاپقىرلىق سيلىعىنا، مۇنىڭ ىشىندە 8 ٴتۇر 1 ـ دارەجەلى سيلىققا، 54 ءتۇر 2 ـ دارەجەلى سيلىققا؛ 139 ٴتۇر مەملەكەتتىك عىلىم ـ تەحنيكا العاباسارلىعى سيلىعىنا، مۇنىڭ ىشىندە 3 ٴتۇر ەرەكشە سيلىققا، 16 ٴتۇر 1 ـ دارەجەلى سيلىققا، 120 ٴتۇر 2 ـ دارەجەلى سيلىققا يە بولدى؛ شەتەلدىك 10 مامانعا جۇڭحۋا حالىق رەسپۋبليكاسىنىڭ حالىقارالىق عىلىم ـ تەحنيكا سەلبەستىگى سيلىعى بەرىلدى.