شينحۋا اگەنتتىگىنىڭ 6 ـ ايدىڭ 24 ـ كۇنى بەيجيڭنەن بەرگەن حابارى. 6 ـ ايدىڭ 24 ـ كۇنى مەملەكەت ٴتوراعاسى شي جينپيڭ 2024 ـ جىلعى ”گۋليڭيۋان“ جۇڭگو _ امەريكا جاستار اۋىس ـ كۇيىس اپتالىعىنا قۇتتىقتاۋ حاتىن جولدادى.

　　شي جينپيڭ بىلاي دەپ اتاپ كورسەتتى: 100 جىلدى باستان كەشكەن گۋليڭ سۇيىسپەنشىلىگى جۇڭگو _ امەريكا حالىقتارى دوستىق بارىس ـ كەلىسىندەگى تاماشا ٴبىر حيكايا سانالادى، جۇڭگو مەن امەريكانىڭ ٴار سالاسىنداعى جاستاردىڭ فۋجوۋدا باس قوسىپ، گۋليڭ حيكاياسىن قايتالاي ەسكە الىپ، گۋليڭ سۇيىسپەنشىلىگىن جالعاستىرىپ، جۇڭگو مەن امەريكا ەكى ەل حالقى اراسىنداعى اۋىس ـ كۇيىستى جانە ٴتۇسىنىسۋدى نىعايتقاندىعىن كورىپ قاتتى قۋاندىم.

　　شي جينپيڭ بىلاي دەپ باسا دارىپتەدى: جاستار بارىنشا جالىندى كۇشكە تولى، ارمانعا ەڭ باي، جۇڭگو مەن امەريكا قارىم ـ قاتىناسىنىڭ بولاشاعى جاستاردا. سىزدەردىڭ ىشكەرىلەي اۋىس ـ كۇيىس جاساپ، دوستىقتى نىعايتىپ، ٴوزارا ٴبىلىسىپ، ەتەنە بولىپ، قول ۇستاسا ساپارلاس بولىپ، جۇڭگو _ امەريكا دوستىعىن جالعاستىرىپ، جۇڭگو _ امەريكا قارىم ـ قاتىناسىنىڭ اقاۋسىز، ورنىقتى دامۋىنا كۇش ـ قۋات قوسۋلارىڭىزدى، دۇنيە جۇزىندەگى ٴار ەل حالقىمەن بىرگە بەيبىتشىلىكتى بىرگە بەكەمدەپ، العا باسۋدى بىرگە جەبەپ، كوركەيىپ ـ گۇلدەنۋدى بىرگە جاراتۋلارىڭىزدى ٴۇمىت ەتەمىن.

　　2024 ـ جىلعى ”گۋليڭيۋان“ جۇڭگو ـ امەريكا جاستار اۋىس ـ كۇيىس اپتالىعىنىڭ شىمىلدىعى سول كۇنى فۋجيان ولكەسىنىڭ فۋجوۋ قالاسىندا اشىلدى، اپتالىقتى جۇڭگو حالىق شەتەلدەرمەن دوستىق قوعامى، فۋجيان ولكەلىك حالىق ۇكىمەتى، جۇڭحۋا مەملەكەتتىك جاستار بىرلەستىگى وتكىزدى.

جالعانىم