جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ 2023 ـ جىلعى مەملەكەتتىك عىلىم ـ تەحنيكا سيلىعىن بەرۋ جونىندەگى قاۋلىسى
(2024 ـ جىلى 6 ـ ايدىڭ 24 ـ كۇنى)
جۇڭگو ۇلگىسىندەگى وسىزامانداندىرۋدىڭ تەتىگى عىلىم ـ تەحنيكانى وسىزامانداندىرۋدا، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ تەتىگى عىلىم ـ تەحنيكادا ٴوز كۇشىنە سۇيەنىپ، ٴوزىن الۋەتتەندىرۋدە. پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى عىلىم ـ تەحنيكادا جاڭالىق اشۋدى مەملەكەتتىڭ دامۋ جالپى جاعدايىندا وزەكتى ورىنعا قويۋعا تاباندى بولىپ، بۇكىل مەملەكەت بويىنشا جۇمىلاتىن جاڭاشا ٴتۇزىلىستى اقاۋسىزداندىرىپ، جوعارى دەڭگەيلى عىلىم ـ تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى جەدەل ىلگەرىلەتتى، ەلىمىزدىڭ عىلىم ـ تەحنيكا ىستەرىندە تاريحي تابىستارعا قول جەتكىزىلىپ، تاريحي وزگەرىستەر تۋىلدى، ەلىمىز جاڭالىقشىل ەلدەر قاتارىنا ٴوتتى. قالىڭ عىلىم ـ تەحنيكا قىزمەتكەرلەرى عىلىم ـ تەحنيكادا جاڭالىق اشۋعا قۇلشىنا ات سالىسىپ، ۇزدىكسىز تىڭ جەتىستىكتەرگە قول جەتكىزىپ، تىڭ سەرپىلىستى جۇزەگە اسىرىپ، جۇڭگو ۇلگىسىندەگى وسىزامانداندىرۋ قۇرىلىسىنا مىعىم تىرەك ازىرلەدى.
شي جينپيڭ جاڭا ٴداۋىر جۇڭگوشا سوتسياليزم يدەياسىن جانە پارتيا 20 ـ قۇرىلتايىنىڭ رۋحىن ىشكەرىلەي دايەكتىلەندىرۋ، مەملەكەتتى عىلىم ـ تەحنيكامەن، وقۋ ـ اعارتۋمەن گۇلدەندىرۋ ستراتەگياسىن، دارىندىلاردا قۋاتتى ەل ستراتەگياسىن، دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارۋ ٴۇشىن، جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس ەلىمىزدىڭ عىلىم ـ تەحنيكا ىستەرىنىڭ العا باسۋىنا، ەكونوميكالىق، قوعامدىق دامۋىنا، مەملەكەت قورعانىسىن وسىزامانداندىرۋ قۇرىلىسىنا كورنەكتى ۇلەس قوسقان عىلىم ـ تەحنيكا قىزمەتكەرلەرى مەن ۇيىمداردى سيلاۋدى ۇيعاردى.
«مەملەكەتكە ەڭبەك ٴسىڭىرىپ، داڭققا يە بولعانداردى ماراپاتتاۋ ەرەجەسىندەگى»، «مەملەكەتتىك عىلىم ـ تەحنيكا سيلىعىن بەرۋ ەرەجەسىندەگى» بەلگىلەمەلەرگە ساي، مەملەكەتتىك عىلىم ـ تەحنيكا سيلىعىن باعالاۋ كوميتەتىنىڭ ساراپتاۋىمەن، مەملەكەتتىك عىلىم ـ تەحنيكا سيلىعىن بەرۋ كوميتەتىنىڭ تەكسەرىپ تۇراقتاندىرۋىمەن جانە عىلىم ـ تەحنيكا مينيسترلىگىنىڭ تەكسەرىپ بەكىتۋىمەن پارتيا ورتالىق كوميتەتى، مەملەكەتتىك كەڭەس لي دىرىن اكادەميككە، شۋە چيكۇن اكادەميككە مەملەكەتتىك ەڭ جوعارى عىلىم ـ تەحنيكا سيلىعىن بەرۋدى بەكىتتى ٴارى مەملەكەت ٴتوراعاسى شي جينپيڭنىڭ قول قويۋىنا جولدادى؛ پارتيا ورتالىق كوميتەتى، مەملەكەتتىك كەڭەس ”توپولوگيالىق ەلەكتروندى ماتەريالداردى ەسەپتەۋ ـ مەجەلەۋگە“ مەملەكەتتىك جاراتىلىستىق عىلىم سيلىعىنىڭ 1 ـ دارەجەلى سيلىعىن بەرۋدى، ”ٴۇش ولشەمدى كوپ بەينەنىڭ شەكتەۋلى قاباتتالۋى“ قاتارلى 48 عىلىم ـ تەحنيكا جەتىستىگىنە مەملەكەتتىك جاراتىلىستىق عىلىم سيلىعىنىڭ 2 ـ دارەجەلى سيلىعىن بەرۋدى، ”ينتەگرالدى تىزبەكتەرگە قاتىستى حيميالىق، مەحانيكالىق جولمەن جارقىراتۋدىڭ شەشۋشى تەحنيكاسى جانە جابدىعى“ قاتارلى 8 عىلىم ـ تەحنيكا جەتىستىگىنە مەملەكەتتىك تەحنيكا تاپقىرلىعى سيلىعىنىڭ 1 ـ دارەجەلى سيلىعىن بەرۋدى، ”جاسىل بيولوگيالىق نەگىزدى ماتەريالدارمەن وراۋ ارقىلى تىڭايتقىش بەرۋ تەجەۋىشىن جاساۋ جانە ونى قولدانۋ“ سياقتى 54 ٴتۇرلى عىلىم ـ تەحنيكا جەتىستىگىنە مەملەكەتتىك تەحنيكالىق تاپقىرلىق سيلىعىنىڭ 2 ـ دارەجەلى سيلىعىن بەرۋدى، ”فۋشيڭ اتتى جوعارى قارقىندى پويەز“ قاتارلى 3 عىلىم ـ تەحنيكا جەتىستىگىنە مەملەكەتتىك عىلىم ـ تەحنيكا العاباسارلىعى سيلىعىنىڭ ەرەكشە سيلىعىن بەرۋدى، ’”شىنحاي 1 ـ ٴنومىرلى‘ ەرەن تەرەڭ سۋ استى ٴىرى گاز الابىن اشۋ ينجەنەرياسىنىڭ شەشۋشى تەحنيكاسى جانە ونىڭ قولدانىلۋى“ سياقتى 16 عىلىم ـ تەحنيكا جەتىستىگىنە مەملەكەتتىك عىلىم ـ تەحنيكا العاباسارلىعى سيلىعىنىڭ 1 ـ دارەجەلى سيلىعىن بەرۋدى، ”سۋىققا شىدامدى، جەلگە ٴتوزىمدى، جوعارى ٴونىمدى كاۋچۇك اعاشى سورتىن جەتىلدىرۋ جانە ونى قولدانۋ“ سياقتى 120 عىلىم ـ تەحنيكا جەتىستىگىنە مەملەكەتتىك عىلىم ـ تەحنيكا العاباسارلىعى سيلىعىنىڭ 2 ـ دارەجەلى سيلىعىن بەرۋدى، جون ەدۆارد حوپكروفت پروفەسسور قاتارلى 10 شەتەلدىك مامانعا جۇڭحۋا حالىق رەسپۋبليكاسىنىڭ حالىقارالىق عىلىم ـ تەحنيكا سەلبەستىگى سيلىعىن بەرۋدى بەكىتتى.
پارتيا ورتالىق كوميتەتى بىلاي دەپ ۇندەدى: بۇكىل ەلدەگى عىلىم ـ تەحنيكا قىزمەتكەرلەرى مەملەكەتتىك ەڭ جوعارى عىلىم ـ تەحنيكا سيلىعىنىڭ يەگەرلەرىنەن جانە بارلىق سيلىق يەگەرلەرىنەن ۇيرەنىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ” ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، عىلىم ـ تەحنيكادا قۋاتتى ەل قۇرۋ نىساناسىن كوزدەپ،” ٴتورتتى بەتكە الۋعا“ تاباندى بولىپ، وتاندى ٴسۇيۋ، جاڭالىق اشۋ، شىندىققا جۇگىنۋ، ٴوزىن ارناۋ، سايكەسۋ، ادام تاربيەلەۋ سىندى عالىمدار رۋحىن زور كۇشپەن ساۋلەلەندىرىپ، نەگىزدىك زەرتتەۋ مەن قولدانىلمالى نەگىزدىك زەرتتەۋدى كۇشەيتىپ، شەشۋشى، وزەكتى تەحنيكالاردان قامال الۋ شايقاسىن ويداعىداي جۇرگىزىپ، جوعارى دەڭگەيلى عىلىم ـ تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى جەدەل جۇزەگە اسىرىپ، عىلىم ـ تەحنيكادا جاڭالىق اشۋمەن جوعارى ساپالى دامۋعا، جوعارى دەڭگەيدەگى حاۋىپسىزدىكتى قامتاماسىز ەتۋگە، جاڭاشا وندىرگىش كۇشتەردى جەتىلدىرۋگە، دامىتۋعا تىرەك بولىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە تىڭ دا اناعۇرلىم زور ۇلەس قوسۋى كەرەك.
(شينحۋا اگەنتتىگىنىڭ 6 ـ ايدىڭ 24 ـ كۇنى بەيجيڭنەن بەرگەن حابارى)