”جۇڭگوعا بىرگە نازار سالايىق“ اتىنداعى شينجياڭ ساپارى تىلشىلىك ۇيىرمەسى وڭتۇستىك شينجياڭعا باردى
قاشقاردىڭ جىلدام دامۋى ولاردى تاڭ قالدىردى
□ انار بۇلت \ شينجياڭ گازەتىنىڭ ٴتىلشىسى سۇڭ ۋيگو
6 ـ ايدىڭ 21 ـ كۇنىنەن 22 ـ كۇنىنە دەيىن ”جۇڭگوعا بىرگە نازار سالايىق“ اتىنداعى شينجياڭ ساپارى تىلشىلىك ۇيىرمەسىنىڭ مۇشەلەرى قاشقار قالاسىندا تىلشىلىك جاساعاندا ”ٴبىر بەلدەۋ، ٴبىر جولدى“ بىرگە قۇرۋ باستاماسىنداعى قاشقار ورايىن كوردى، قاشقاردىڭ سوڭعى جىلدارداعى جىلدام دامۋى ولاردى تاڭ قالدىردى.
”جۇڭگو (شينجياڭ) ەركىن ساۋدا سىناق رايونى قاشقار اۋماعى فۋنكتسيا ٴبولىسى بويىنشا حالىقارالىق ساۋدا ـ زات اينالىمى ارناسى بولۋ باسىمدىعىنا سۇيەنىپ، سىرتقا باعىتتالعان ەكونوميكانى زورايتتى، كۇشەيتتى... “ قاشقار قورعامالى باجى اۋماعى پارتيا باس ياچەيكاسىنىڭ شۋجيى، باسقارۋ كوميتەتىنىڭ ورىنباسار مەڭگەرۋشىسى گى حۇڭلياڭنىڭ تانىستىرۋى كوپتەگەن ەل مەدياسى تىلشىلەرىنىڭ نازارىن اۋداردى، ەلەكتروندى ەكرانداعى ”ٴبىر بەلدەۋ، ٴبىر جولدىڭ“ تانىستىرۋ ماتەريالىن كورىپ، كوپشىلىك جابال قولدارىنداعى فوتو اپپاراتتارىن، قول تەلەفوندارىن كوتەرىپ سۋرەتكە ٴتۇسىردى.
قاشقار كەشەندى قورعامالى باجى اۋماعى شەكارا اتتاعان ەلەكتروندى ساۋدا يمپورت ـ ەكسپورت تاۋارلارىن كورسەتۋ، ساۋدالاۋ ورتالىعىندا تىلشىلىك ۇيىرمەسىنىڭ مۇشەلەرى وسى ارادا قويىلعان جۇڭگو جانە ورتا ازيا، ەۆروپا ـ امەريكا سياقتى جەرلەردەن اكەلىنگەن 3000 نەشە ٴتۇرلى تاۋاردى كوردى، وسى ساۋدا ورتالىعى تاعى كوپ تۇيىندە بىرگە ارەكەتتەنۋ، باسقا جەردە زات الۋ، باجىدان اۋاشا جىلدام ساتىپ الۋ، جىلدام اكەلۋ سياقتى زات ساتىپ الۋ جاڭا شارالارىن جۇزەگە اسىرىپتى، كوپشلىك جابال باس بارماقتارىن شىعارىپ القادى: ”وتە قولايلى ەكەن!“
پاكيستان مەملەكەتتىك تەلەۆيزياسىنىڭ اقپارات جاۋاپتىسى، اعا ٴتىلشىسى مير سالام حان جەگساي شەتەلدىك ساۋداگەرلەردىڭ قاشقار كەشەندى قورعامالى باجى اۋماعىنا بارىپ، قارجى قوسۋ، ساۋدامەن اينالىسۋىنا قاتىستى ساياساتتاردى ارنايى ۇعىستى. مير سالام حان جەگساي بىلاي دەدى: ”ٴبىر بەلدەۋ، ٴبىر جولدى“ بىرگە قۇرۋ باستاماسىنىڭ العا قويىلۋىمەن ٴتىپتى دە كوپ پاكيستاندىق جۇڭگونىڭ قاشقارىنا كەلىپ ساۋدا ىستەپ، ەكى ەلدىڭ ەكونوميكا جاعىنداعى بارىس ـ كەلىسىن ىلگەرىلەتىپ قالماستان، ەكى ەل حالقىنىڭ قارىم ـ قاتىناسىن دا ٴونىمدى جەبەدى.
”مەن كونەشار اۋدانىنداعى اۋىلعا قايتقان جوعارى مەكتەپ وقۋشىسىمىن، 2020 ـ جىلى 1 ـ ايدا ۇسىنىسپەن قاشقار جياڭگوگو اۋىل شارۋاشىلىق عىلىم ـ تەحنيكا شەكتى سەرىكتەستىگىنە قىزمەتكە قابىلداندىم، 4 جىلدان استام ۋاقىتتان بەرى ورنىقتى قىزمەتكە يە بولۋمەن بىرگە، تاعى سەرىكتەستىكتىڭ جارناگەرى بولدىم، قازىر جىلدىق كىرىسىم 200 مىڭ يۋاننان اسادى ...“. وسى سەرىكتەستىكتىڭ قىزمەتكەرى مامەتالى تۇرسۇننىڭ جۇمىستانۋ، شارۋاشىلىق قۇرۋ كەشىرمەسى شەتەل مەديالارىنىڭ تىلشىلەرىن قىزىقتىردى.
قاشقار جياڭگوگو اۋىل شارۋاشىلىق عىلىم ـ تەحنيكا شەكتى سەرىكتەستىگىن ەكسكۋرسيالاۋ بارىسىندا شەتەل مەديالارىنىڭ تىلشىلەرى جەمىستەردىڭ جۋۋ، كەپتىرۋ، جاپىراقتاپ تۋراۋ سياقتى ٴوندىرىس تەحنولوگيالارىنان كەيىن جۇڭگونىڭ جەر ـ جەرىنە ساتىلاتىن تاۋارعا اينالعاندىعىن كورگەندە، بارلىعى اۋىز جاپپاي القادى.
يران «تەھران ۋاقىت گازەتى» ەكونوميكا بەتىنىڭ رەداكتورى ماحناز ابدي بىلاي دەدى: ”قاشقاردا ٴبىز جۇڭگو ۇكىمەتىنىڭ حالىقتىڭ تۇرمىسىن جاقسارتۋ ٴۇشىن كوپتەگەن ساياسات شىعارىپ، قىرۋار قارجى قوسقاندىعىن كوردىك، بۇل حالىق جونىنەن باقىتتى سەزىنۋ بولىپ تابىلادى“.
6 ـ ايدىڭ 22 ـ كۇنى ”جۇڭگوعا بىرگە نازار سالايىق“ اتىنداعى شينجياڭ ساپارى تىلشىلىك ۇيىرمەسى جاڭاشار اۋدانىنا ورنالاسقان شينجياڭ قاشقار (شاندۇڭ شۇيفا) وسى زامانعى كوكونىس كاسىپ سالاسى باقشاسىنا كەلگەندە، باقشاداعى قىزاناقتى توپىراقسىز ٴوسىرۋ مالديۆ دارۇيس تەلەۆيزياسىنىڭ جۇرگىزۋشىسى، فيلم جاساۋشىسى يبىراھيم حۋلەردىڭ نازارىن اۋداردى.
يبىراھيم حۋلەر توپىراقسىز ٴوسىرۋ تەحنيكاسىن ەگجەي ـ تەگجەيلى ۇعىسقاننان كەيىن، بيىل جۇڭگوعا قاتىستى ٴبىر كىتاپ شىعارۋدى جوسپارلادى، وسى رەت شينجياڭعا كەلىپ تىلشىلىك جاساۋ وعان كوپتەگەن ماتەريال ازىرلەپ بەردى، ول شينجياڭنىڭ قاشقارىنان كورگەن ـ بىلگەندەرىن حابارلاپ، مالديۆ حالقىنا قاشقاردىڭ جەدەل دامۋىن كورسەتپەك ەكەن.
”وراي بولسا، كەلەسى جولى ۇيىمدەگىلەردى ەرتىپ شىعارعان كىتابىمدى الىپ، تاعى دا كەلىپ قاشقاردى كورەمىن“، ـ دەدى يبىراھيم حۋلەر.