شينجياڭ فيلوسوفيا-قوعامدىق عىلىمدار تورابى
حۋاڭلۋگاڭ قىستاعى ۋىنگۋانگو جەمىس كاسىپ سالاسى تىزبەگىن قۇرادى
   ۋاقىتى:2024-06-26   |  كەلۋ قاينارى: شينجياڭ گازەتى

  حۋاڭلۋگاڭ قىستاعى ۋىنگۋانگو جەمىس كاسىپ سالاسى تىزبەگىن قۇرادى

  □ انار بۇلت \ شينجياڭ گازەتىنىڭ ٴتىلشىسى ۋي يۇڭگۇي، ەرىكتى ٴتىلشى جاڭ چاۋ

  5 ـ ايدىڭ 21 ـ كۇنى قۇمىل قالاسى يجوۋ رايونى داچۋانۋان اۋىلى حۋاڭلۋگاڭ قىستاعىنداعى ٴبىر جەمىس باعىندا قىستاق تۇرعىنى جوۋ شيڭۋىن ۋىنگۋانگو جەمىس اعاشىنىڭ ٴوسۋ جاعدايىن تەكسەرىپ ٴجۇردى. سامال جەل سوعىپ، بۇتاقتار مەن جاپىراقتار تەربەلىپ، بۇتاقتاردىڭ اراسىنان شيەنىڭ ۇلكەندىگىندەي جەمىستەر كورىنەدى. جوۋ شيڭۋىن قۋانا بىلاي دەدى: ”جەمىستىڭ ٴوسۋى بۇرىنعى جىلدارداعىدان جاقسى، جەمىسى ۇلكەن، مول جەمىس بەردى، بيىل مول ٴونىم الاتىن جىل بولادى“.

  بۇل جەمىس باقشاسىنىڭ اۋدانى 10 مۋ، 1100 تۇپتەن استام ۋىنگۋانگو جەمىس اعاشى ەگىلگەن.

  2019 ـ جىلى حۋاڭلۋگاڭ قىستاعىنىڭ ”ەكى كوميتەتى“ اۋىل شارۋاشىلىعى تەحنيكاسى باۋلۋ كۋرسىن اشىپ، قىستاق تۇرعىندارىن گانسۋ ولكەسى باييىن قالاسى مەملەكەتتىك ۋىنگۋانگو جەمىس وسى زامانعى اۋىل شارۋاشىلىعى تۇتاس كاسىپ سالاسى تىزبەگىن ولشەمدەندىرۋدەن ۇلگى كورسەتۋ بازاسىنا بارىپ ۇيرەنۋگە، تەكسەرۋگە ۇيىمداستىردى. جوۋ شيڭۋىن وسى كۋرسقا قاتىناستى، ول ۋىنگۋانگو جەمىس اعاشىن ەگۋ، باپتاۋ تەحنيكاسىن مۇقيات ۇيرەندى ٴارى يگەردى. ۇيرەنۋ اياقتاعاننان كەيىن، جوۋ شيڭۋىن ٴبىر توپ ۋىنگۋانگو جەمىس اعاشىن ەنگىزىپ سىناق رەتىندە ەكتى.

  ”ۋىنگۋانگو جەمىسىنىڭ ۇرىعىنان ماي تارتۋعا، قابىعىن ٴدارى ماتەريالى ەتۋگە بولادى، جاپىراعىن مانەرلەپ شاي جاساۋعا دا بولادى، وتە تاماشا ەكونوميكالىق اعاش“. جوۋ شيڭۋىن بىلاي دەدى: 2020 ـ جىلى مەن 17 مۋ جەرگە ۋىنگۋانگو قالامشاسىن ٴوسىرۋ باقشاسىن سالىپ، 170 مىڭ ٴتۇپ قالامشانى ٴساتتى جەتىلدىردىم، قازىر 70 مىڭ تۇپتەن استامى ساتىلدى. قالامشا جەتىلدىرۋمەن بىرگە، ٴوزىم دە 10 مۋ جەرگە ەكتىم، 2023 ـ جىلى 800 كيلوگرام ۋىنگۋانگو جەمىس ۇرىعىن الدىم.

  ”بيىلعى ٴوسۋ جاعدايىنان قاراعاندا، وسى 10 مۋ جەردەن مەجەمەن 2000 كيلوگرام ۋىنگۋانگو جەمىس ۇرىعى الىنادى“. جوۋ شيڭۋىن بىلاي دەدى: ”ۋىنگۋانگو جەمىس ۇرىعىنىڭ ماي شىعارۋ مولشەرى 60 _ %70 بولادى، ٴبىر كيلوگرام ۋىنگۋانگو جەمىس ۇرىعىنىڭ بازار باعاسى 400 يۋانعا جەتەدى، ونىمدىلىگى دەگەنمەن ەرەكشە جوعارى“.

  ۋىنگۋانگو جەمىس اعاشى _ ەلىمىزدە بولاتىن ازىقتىق مايلى ەرەكشە اعاش ٴتۇرى، سونداي ـ اق سولتۇستىكتەگى سۋدىڭ سارقىلۋىنىڭ، توپىراقتىڭ شايىلۋىنىڭ الدىن الاتىن جانە ەكولوگيالىق ورتانى وزگەرتەتىن اسىل اعاش ٴتۇرى. ۋىنگۋانگو جەمىس اعاشىنىڭ سۋىققا ٴتوزىمدى، قۋاڭشىلىققا شىدامدى، قۇنارسىز توپىراققا ۇيلەسىمدى بولۋ سياقتى باسىمدىقتارى بار، جاپىراعىن، جەمىسىن، گۇلىن تۇگەلدەي وڭدەپ پايدالانۋعا بولادى، ٴبىرشاما جوعارى ازىقتىق، دارىلىك، تاماشالاۋ جانە ەكولوگيالىق قۇنعا يە.

  سوڭعى جىلدارى حۋاڭلۋگاڭ قىستاعى ۋىنگۋانگو جەمىس كاسىپ سالاسى تىزبەگىن ارقاۋ ەتىپ، ۋىنگۋانگو جەمىس ەگىمشىلىك بازاسىن، قالامشا ٴوسىرۋ بازاسىن قۇرىپ، ۋىنگۋانگو جەمىس اعاشىن قورشاعان ورتانى جاقسارتاتىن جاسىل اعاشقا، ەكولوگيالىق اعاشقا، ەكونوميكالىق ونىمدىلىكتى جوعارىلاتاتىن بايۋ اعاشىنا، كىرىس كىرگىزۋ اعاشىنا اينالدىردى. قازىر حۋاڭلۋگاڭ قىستاعىندا ۋىنگۋانگو جەمىس اعاشى ەگىلگەن جەر اۋدانى 2019 ـ جىلعى 100 مۋدان ارتىپ، 600 مۋدان استى.

  ”ەگىس كولەمىنىڭ كەڭەيۋىنە ىلەسە، كەيىنگى وڭدەۋ بۋىندارى دا دەر كەزىندە ىلەسۋ كەرەك. قازىر ٴبىزدىڭ قىزمەت ٴتۇيىنىمىز _ كوپشىلىكتى بوس جەرلەردەن پايدالانىپ ۋىنگۋانگو جەمىس اعاشىن ەگۋ كولەمىن كەڭەيتۋگە شابىتتاندىرىپ، كاسىپ سالاسى تىزبەگىن ەرتەرەك قالىپتاستىرىپ، كوپشىلىكتى كىرىستى ارتتىرىپ، بايۋعا جەتەكتەۋ نىساناسىن جۇزەگە اسىرۋ“، ـ دەدى حۋاڭلۋگاڭ قىستاعى پارتيا باس ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى ما جينگاڭ.

  ”تاياۋدا مەنىڭ شاعىن نىسانام ۋىنگۋانگو جەمىس ۇرىعىنان ماي تارتۋ ماشيناسىن ساتىپ الۋ ٴارى ۋىنگۋانگو جەمىس مايىن بىرتىندەپ جالپىلاستىرۋ. مەنىڭشە، ۋىنگۋانگو جەمىس كاسىپ سالاسى حۋاڭلۋگاڭ قىستاعىندا، ٴسوز جوق، دامي الادى“، ـ دەدى جوۋ شيڭۋىن.

جالعانىم


جاۋاپتى رەداكتورى: 沙衣力克·达拉力汉