بەيبىت قاتار تۇرۋدىڭ بەس پرينسيبى جاريالانعاندىعىنىڭ 70 جىلدىعىن ەسكە ٴتۇسىرۋ جينالىسى بەيجيڭدە سالتاناتپەن وتكىزىلدى
شي جينپيڭ جينالىسقا قاتىناستى ٴارى ماڭىزدى ٴسوز سويلەدى
6 - ايدىڭ 28 - كۇنى تۇستەن بۇرىن بەيبىت قاتار تۇرۋدىڭ بەس پرينسيبى جاريالانعاندىعىنىڭ 70 جىلدىعىن ەسكە ءتۇسىرۋ جينالىسى بەيجيڭ حالىق سارايىندا سالتاناتپەن وتكىزىلدى. مەملەكەت ءتوراعاسى شي جينپيڭ ەسكە ءتۇسىرۋ جينالىسىنا قاتىناستى ءارى «بەيبىت قاتار تۇرۋدىڭ بەس پرينسيبىن اسقاقتاتىپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرايىق» دەگەن تاقىرىپتا ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى جاڭ ليڭ تۇسىرگەن
6 - ايدىڭ 28 - كۇنى تۇستەن بۇرىن بەيبىت قاتار تۇرۋدىڭ بەس پرينسيبى جاريالانعاندىعىنىڭ 70 جىلدىعىن ەسكە ءتۇسىرۋ جينالىسى بەيجيڭ حالىق سارايىندا سالتاناتپەن وتكىزىلدى. مەملەكەت ءتوراعاسى شي جينپيڭ ەسكە ءتۇسىرۋ جينالىسىنا قاتىناستى ءارى «بەيبىت قاتار تۇرۋدىڭ بەس پرينسيبىن اسقاقتاتىپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرايىق» دەگەن تاقىرىپتا ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن
شينحۋا اگەنتتىگىنىڭ 6 ـ ايدىڭ 28 ـ كۇنى بەيجيڭنەن بەرگەن حابارى (تىلشىلەر سۇن ي، ما جويان). 6 ـ ايدىڭ 28 ـ كۇنى تۇستەن بۇرىن بەيبىت قاتار تۇرۋدىڭ بەس پرينسيبى جاريالانعاندىعىنىڭ 70 جىلدىعىن ەسكە ٴتۇسىرۋ جينالىسى بەيجيڭ حالىق سارايىندا سالتاناتپەن وتكىزىلدى. مەملەكەت ٴتوراعاسى شي جينپيڭ ەسكە ٴتۇسىرۋ جينالىسىنا قاتىناستى ٴارى «بەيبىت قاتار تۇرۋدىڭ بەس پرينسيبىن اسقاقتاتىپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرايىق» دەگەن تاقىرىپتا ماڭىزدى ٴسوز سويلەدى.
جاز ورتاسى، اسپان شايداي اشىق. حالىق سارايىنىڭ جينسى زالى ايبىندى دا شۇعىلالى بەينەگە شومىپ، سيلى قوناقتارعا تولدى.
تۇستەن بۇرىن ساعات 10 مولشەرىندە ايبىندى «بەيبىتشىلىك _ تاعدىرلاس ورتاق تۇلعا» مۋزيكا ٴۇنى ىشىندە شي جينپيڭ جينسى زالىنا كىردى.
شي جينپيڭ ەسكە ٴتۇسىرۋ جينالىسىنا قاتىناسقان ٴار ەلدىڭ ساياسي قايراتكەرلەرىمەن ٴبىر ـ بىردەن قول الىسىپ، ىقىلاسپەن اڭگىمەلەستى.
دۋ قول شاپالاق ٴۇنى ىشىندە شي جينپيڭ ماڭىزدى ٴسوز سويلەدى.
شي جينپيڭ بىلاي دەپ اتاپ كورسەتتى: تاياۋ زامانعى، وسى زامانعى ادامزات قوعامى دامۋىنىڭ تاريحي ۇردىسىندە مەملەكەت پەن مەملەكەت قارىم ـ قاتىناسىن ٴبىر جاقتى ەتۋ، دۇنيە ٴجۇزىنىڭ بەيبىتشىلىگى مەن تىنىشتىعىن بىرگە قورعاۋ، بۇكىل ادامزاتتىڭ دامۋى مەن العا باسۋىن جەبەۋ باستان ـ اياق ٴار ەلدىڭ قاجىماي ـ تالماي ىزدەنىس جاسايتىن كەلەلى تاقىرىبى بولىپ كەلدى. 70 جىلدىڭ الدىندا ۇلت تاۋەلسىزدىگى مەن ازاتتىق قوزعالىسى تولاسسىز تۋىلىپ، دۇنيە جۇزىندە وتارلىق جۇيەنىڭ ويرانى شىقتى. قىرعي قاباق سوعىسىنىڭ قارا بۇلتى دۇنيە ٴجۇزىن تورلاپ، ”وكتەمدىكتىڭ ٴوزى اقيقات“ دەيتىن اۋەن ٴورشي ٴتۇستى، ەندى عانا تاۋەلسىزدىككە قول جەتكىزگەن جاڭادان دۇنيەگە كەلگەن مەملەكەتتەر مەملەكەتتىڭ يەلىك ۇقىعىن قورعاۋدى، ۇلت ەكونوميكاسىن دامىتۋدى اڭسادى. جۇڭگو باسشىلارى ٴبىر ـ ٴبىرىنىڭ يەلىك ۇقىعى مەن تەرريتوريا تۇتاستىعىنا قۇرمەت ەتۋ، ٴبىر ـ بىرىنە سۇعاناقتىق جاساماۋ، ٴبىر ـ ٴبىرىنىڭ ىشكى ىسىنە كيلىكپەۋ، تەڭدىك نەگىزىندە ٴوزارا تيىمدىلىك جەتكىزۋ، بەيبىت قاتار تۇرۋ سىندى بەس پرينسيپتى تۇڭعىش رەت تولىق العا قويدى ٴارى ونى جۇڭگو _ ٴۇندىستان، جۇڭگو _ بيرما بىرلەسكەن مالىمدەمەسىنە ەنگىزىپ، بەس پرينسيپتى مەملەكەتتەر ارا قارىم ـ قاتىناسقا جەتەكشىلىك ەتۋدىڭ نەگىزگى ولشەمى ەتىپ تۇراقتاندىرۋدى بىرگە دارىپتەدى. بۇل حالىقارالىق قارىم ـ قاتىناس تاريحىنداعى ۇلى باستاماعا اينالدى، ول ٴداۋىر بولگىش كەلەلى مانگە يە.
70 جىلدان بەرى بەيبىت قاتار تۇرۋدىڭ بەس پرينسيبى ۋاقىت پەن كەڭىستىكتەن اتتاپ ٴوتىپ، ارازدىقتان اتتاپ ٴوتىپ، ۇزاق جىلدار بارىسىندا بارعان سايىن بەكەمدەلىپ، ۋاقىت وتكەن سايىن جاڭارىپ، اشىق، سيىسىمدى، جاپپاي قولدانىلاتىن حالىقارالىق قارىم ـ قاتىناستىڭ نەگىزگى ولشەمى مەن حالىقارالىق زاڭنىڭ نەگىزگى پرينسيبىنە اينالىپ، حالىقارالىق قارىم ـ قاتىناس پەن حالىقارالىق زاڭمەن باسقارۋعا تاريحي ۇلگى ورناتىپ، تۇرلىشە قوعامدىق تۇزىمدەگى ەلدەردىڭ قارىم ـ قاتىناس ورناتۋىنا جانە ونى دامىتۋىنا دۇرىس جەتەكشىلىك ازىرلەدى، وركەندەپ كەلە جاتقان ەلدەردىڭ ىنتىماقتاسا سەلبەسۋىنە، بىرلەسىپ ٴوزىن الۋەتتەندىرۋىنە قۇدىرەتتى بىرىككەن كۇش توپتادى، حالىقارالىق ٴتارتىپ رەفورماسىنا جانە ونى كەمەلدەندىرۋگە تاريحي اقىل ـ پاراسات ارنادى، ادامزاتتىڭ العا باسۋ ىستەرىنە وشپەس تاريحي ۇلەس قوستى.
شي جينپيڭ بىلاي دەپ باسا دارىپتەدى: 70 جىلدان كەيىنگى بۇگىنگى تاڭدا، ”قانداي دۇنيە ٴجۇزىن قۇرۋ، وسى دۇنيە ٴجۇزىن قالاي قۇرۋ كەرەك“ دەگەن كەلەلى تاقىرىپ الدىندا، جۇڭگو تاعى دا ادامزاتتىڭ تاعدىرلاس ورتاق تۇلعاسىن قۇرۋ سىندى ٴداۋىر جاۋابىن بەردى. ادامزاتتىڭ تاعدىرلاس ورتاق تۇلعاسىن قۇرۋ ۇستانىمى مەن بەيبىت قاتار تۇرۋدىڭ بەس پرينسيبى تامىرلاس، بارلىعى جاقىنىنا مەيىرىمدى، كورشىمەن تاتۋ بولاتىن، سەنىمدىلىكتى دارىپتەپ بەرەكە ورناتاتىن، بارلىق ەل تاتۋ ـ ٴتاتتى وتەتىن جۇڭحۋانىڭ تاڭداۋلى ٴداستۇرلى مادەنيەتىنە تامىر تارتقان، ٴبارى دە جۇڭگو ديپلوماتياسىنىڭ سەنىمدى بولۋ، ٴوز كۇشىنە سۇيەنۋ، ادىلەتتىلىككە تاباندى بولۋ، السىزدەردى سۇيەمەلدەۋ، ىزگىلىكتى دارىپتەۋ سىندى رۋحاني قاسيەتىن ايگىلەدى، ٴبارى دە جۇڭگو كوممۋنيستەرىنىڭ ادامزاتقا تىڭ دا اناعۇرلىم زور ۇلەس قوسۋ سىندى الەمدىك سۇيىسپەنشىلىگىن بەينەلەدى، ٴبارى دە جۇڭگونىڭ بەيبىت دامۋ جولىمەن جۇرۋگە تاباندى بولۋ بەرىك بەكىمىن كورسەتەدى، ول _ جاڭا جاعدايدا بەيبىت قاتار تۇرۋدىڭ بەس پرينسيبىن ەڭ جاقسى جالعاستىرعاندىق، اسقاقتاتقاندىق، جوعارىلاتقاندىق. بۇل ۇستانىم مەملەكەت پەن مەملەكەتتىڭ تاعدىرى توعىسقان، بەينەت پەن زەينەتتى بىرگە وتكەرگەن وبيەكتيۆ رەالدىقتى تياناق ەتىپ، تەڭدىك پەن قاتار ٴومىر ٴسۇرۋدىڭ جاڭا تيپتىك ۇلگىسىن ورناتتى؛ بەيبىتشىلىك، دامۋ، سەلبەسىپ تەڭ يگىلىككە كەنەلۋ سىندى ٴداۋىر اعىمىنا سايكەسىپ، بەيبىتشىلىك پەن العا باسۋدىڭ جاڭا ٴورىسىن اشتى؛ دۇنيە ٴجۇزىنىڭ كوپ ۇيەكتەنۋى مەن ەكونوميكانىڭ جاھاندانۋىنىڭ تاريحي ۇلكەن اۋقىمىن كوزدە ۇستاپ، دامۋ مەن حاۋىپسىزدىكتىڭ جاڭا امالياتىن بايىتتى.
شي جينپيڭ بىلاي دەپ اتاپ كورسەتتى: بەيبىتشىلىك پە، الدە سوعىس پا، گۇلدەنۋ مە، الدە قۇلدىراۋ ما، ىنتىماقتاسۋ ما، الدە قارسىلاسۋ ما دەگەن تاريحي تالعام الدىندا، ٴبىز بەيبىت قاتار تۇرۋ بەس پرينسيبىنىڭ رۋحاني ٴمانىن اسقاقتاتۋدى بۇرىنعى ٴارقانداي كەزدەگىدەن دە اناعۇرلىم قاجەت ەتىپ وتىرمىز، ادامزاتتىڭ تاعدىرلاس ورتاق تۇلعاسىن قۇرۋ سىندى وسكەلەڭ نىساناعا قاراي قاجىماي ـ تالماي قۇلشىنۋىمىز كەرەك.
_ ٴبىز يەلىك ۇقىق تەڭدىگى پرينسيبىنە تاباندى بولۋىمىز كەرەك. تەپە ـ تەڭ، ٴتارتىپتى دۇنيە ٴجۇزىنىڭ كوپ ۇيەكتەنۋىن دارىپتەپ، ٴار ەلدىڭ كوپ ۇيەكتەنۋ جۇيەسىنەن ٴوز ورنىن تابۋىنا، بارلىعىنىڭ حالىقارالىق زاڭعا بويسۇنۋ العى شارتىندا ٴتيىستى رولىن ساۋلەلەندىرۋىنە شىنايى كەپىلدىك ەتۋىمىز، دۇنيە ٴجۇزىنىڭ كوپ ۇيەكتەنۋ اياق الىسىنىڭ جالپى تۇلعالىق ورنىقتىلىعى مەن سىندارلى بولۋىنا شىنايى كەپىلدىك ەتۋىمىز كەرەك.
_ ٴبىز ٴوزارا قۇرمەت ەتۋ نەگىزىن بەكەمدەۋىمىز كەرەك. ٴبىر ـ ٴبىرىنىڭ وزەكتى مۇددەسى مەن ٴجىتى قاداعالاپ وتىرعان كەلەلى ماسەلەلەرىنە قۇرمەت ەتۋىمىز، ٴار ەل حالقىنىڭ دەربەس تاڭداعان دامۋ جولى مەن ٴتۇزىم ۇلگىسىنە قۇرمەت ەتۋىمىز، باسقا ەلدىڭ ىشكى ىسىنە كيلىكپەۋ سىندى ”التىن قاعيدانى“ بىرگە ويداعىداي قورعاۋىمىز، ٴوز ەركىن باسقالارعا زورلاپ تاڭۋعا بىرگە قارسى تۇرۋىمىز، شەپ قۇرىپ قارسىلاسۋمەن جانە ٴتۇرلى ”شاعىن شەڭبەرلەرمەن“ اينالىسۋعا قارسى تۇرۋىمىز، باسقا ەلدەردى ٴبىر تاراپتى تاڭداپ سول جاقتا تۇرۋعا زورلاۋعا قارسى تۇرۋىمىز كەرەك.
_ ٴبىز بەيبىتشىلىك، حاۋىپسىزدىك تىلەگىن جۇزەگە اسىرۋىمىز كەرەك. بەيبىتشىلىكتى قورعاۋ جاۋاپكەرشىلىگىن بىرگە ارقالاپ، بەيبىت دامۋ جولىمەن بىرگە ٴجۇرىپ، بەيبىتشىلىكتى بىرگە جوسپارلاپ، بەيبىتشىلىكتى بىرگە قورعاپ، بەيبىتشىلىكتەن بىرگە يگىلىكتەنۋىمىز كەرەك. الەمدىك حاۋىپسىزدىك باستاماسىن امالياتتا ايگىلەپ، سەلبەستىك ارقىلى دامۋدى جەبەپ، سەلبەستىك ارقىلى حاۋىپسىزدىكتى جەبەپ، اناعۇرلىم بىركەلكى، ٴونىمدى، باياندى حاۋىپسىزدىك جۇلگەسىن ورناتۋىمىز كەرەك.
_ ٴبىز بىرگە گۇلدەنۋدىڭ قوزعاۋشى كۇشىن توپتاۋىمىز كەرەك. جالپىعا ٴتيىمدى، سيىسىمدى ەكونوميكانىڭ جاھاندانۋىن دارىپتەپ، ”ٴبىر بەلدەۋ، ٴبىر جولدى“ جوعارى ساپامەن بىرگە قۇرۋدى ىلگەرىلەتىپ، الەمدىك دامۋ باستاماسىن امالياتتا ايگىلەپ، ٴار ەل حالقىن دامۋ جەتىستىكتەرىنەن بىرگە يگىلىكتەندىرىپ، دامۋدى، گۇلدەنۋدى بىرگە جوسپارلاۋىمىز كەرەك.
_ ٴبىز ادىلدىك، ادىلەتتىلىك ۇستانىمىنان جازباۋىمىز كەرەك. بىرگە اقىلداسۋ، بىرگە قۇرۋ، بىرگە يگىلىكتەنۋ سىندى الەمدىك باسقارۋ كوزقاراسىن دارىپتەپ، ناعىز كوپ جاقتىلىقتى امالياتتا ايگىلەپ، حالىقارالىق ەرەجەنى ٴار ەل بىرگە جازۋعا، بىرگە قورعاۋعا تاباندى بولىپ، دۇنيە جۇزىندەگى ىستەردى ٴار ەل اقىلداسىپ ٴبىتىرۋىمىز كەرەك.
_ ٴبىز اشىق، سيىسىمدى پەيىلدى ايگىلەۋىمىز كەرەك. الەمدىك وركەنيەت باستاماسىن امالياتتا ايگىلەپ، ٴار ەل حالقىنىڭ ٴوزارا ٴتۇسىنىسۋىن، ەتەنە بولۋىن جەبەپ، ٴتۇرلى وركەنيەتتەردىڭ سيىسىمدى بولۋىن، ٴوزارا ۇلگى الۋىن جەبەۋىمىز كەرەك. مىناۋ دۇنيە ٴجۇزى ٴار ەلدىڭ بىرگە دامۋىن، بىرگە العا باسۋىن بۇكىلدەي قۇشاعىنا سيعىزا الادى. تۇرلىشە وركەنيەتتەردىڭ تەڭ تۇرعىدا مامىلە جاساۋ، ٴوزارا ۇيرەنۋ، ٴوزارا ۇلگى الۋ بارىسىندا ٴبارىن قامتىپ، ٴبىر ـ بىرىنە كورىك قوسۋىنا ابدەن بولادى.
شي جينپيڭ بىلاي دەپ باسا دارىپتەدى: 70 جىلدىق تاريحي دامۋ ىنتىماقتى، سەلبەستىكتى كۇشەيتۋدىڭ، بايلانىستى، تۇسىنىستىكتى ارتتىرۋدىڭ ٴار ەلدىڭ سىن ـ سايىستارعا بىرگە توتەپ بەرۋىنىڭ، بولاشاقتى بىرگە اشۋىنىڭ ٴونىمدى جولى ەكەندىگىن قايتا ـ قايتا دالەلدەدى. ”الەمنىڭ وڭتۇستىگىنىڭ“ ىقپالى كورنەكتى نىعايىپ، ادامزاتتىڭ العا باسۋىن ىلگەرىلەتۋدە ماڭىزدى رول اتقاردى. جاڭا تاريحي باستامادا ”الەمنىڭ وڭتۇستىگى“ اناعۇرلىم اشىق، سيىسىمدى بەينەمەن قول ۇستاسا بىرگە ىلگەرىلەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ الدىڭعى لەگىندە جۇرۋگە ٴتيىس.
ٴبىز بىرگە بەيبىتشىلىكتى قورعايتىن ورنىقتى كۇش بولىپ، مەملەكەتتەر اراسىنداعى الاۋىزدىقتار مەن تالاس ـ تارتىستاردى بەيبىت تاسىلمەن شەشۋدى ىلگەرىلەتىپ، حالىقارالىق، وڭىرلىك قولامتالى ماسەلەلەردى ساياسي جولمەن شەشۋگە سىندارلى ات سالىسۋىمىز؛ بىرگە اشىق دامۋدىڭ تىرەكتى كۇشى بولىپ، دامۋدىڭ حالىقارالىق كۇن تارتىپتە وزەكتى ورىنعا قايتا ورالۋىن ىلگەرىلەتىپ، الەمدىك دامۋ سەرىكتەرى قارىم ـ قاتىناسىن قايتا سەرپىلتىپ، تۇستىك ەلدەر سەلبەستىگىن جانە وڭتۇستىك پەن سولتۇستىكتىڭ تىلدەسۋىن تەرەڭدەتۋىمىز؛ بىرگە الەمدىك باسقارۋدىڭ قۇرۋشى كۇشى بولىپ، الەمدىك باسقارۋ جۇيەسى رەفورماسى مەن قۇرىلىسىنا بەلسەنە ات سالىسىپ، ٴار جاقتىڭ ورتاق مۇددەسىن قۇلشىنا كەڭەيتىپ، الەمدىك باسقارۋ جۇلگەسىنىڭ اناعۇرلىم بىركەلكى، ٴونىمدى بولۋىن ىلگەرىلەتۋىمىز؛ بىرگە وركەنيەتتەر ٴوزارا ۇلگى الۋىنىڭ جەبەۋشى كۇشى بولىپ، دۇنيە جۇزىندەگى ٴار ەلدىڭ تۇرلىشە وركەنيەتتەرىنىڭ بايلانىس جاساۋىن، تىلدەسۋىن كۇشەيتىپ، ەل باسقارۋ جونىندەگى اۋىس ـ كۇيىستى كۇشەيتىپ، وقۋ ـ اعارتۋ، عىلىم ـ تەحنيكا، مادەنيەت، جەرگىلىكتى ورىن، حالىق اراسى، جاستار سياقتى سالالارداعى بارىس ـ كەلىستى تەرەڭدەتۋىمىز كەرەك.
شي جينپيڭ مىنالاردى جاريالادى: ”الەمنىڭ وڭتۇستىگى“ سەلبەستىگىن ٴتىپتى دە ويداعىداي قولداۋ ٴۇشىن، جۇڭگو جاق ”الەمنىڭ وڭتۇستىگى“ زەرتتەۋ ورتالىعىن قۇرىپ، الداعى 5 جىلدا ”الەمنىڭ وڭتۇستىگىندەگى“ ەلدەرگە ”بەيبىت قاتار تۇرۋدىڭ بەس پرينسيبى ۇزدىك وقۋ سيلىعى“ بويىنشا 1000 سان بەرەدى، ٴبىلىم اسىرۋ، باۋلۋ بويىنشا 100 مىڭ سان بەرەدى ٴارى ”الەمنىڭ وڭتۇستىگى“ جاس كوشباسشىلار جوسپارىن باستايدى. جۇڭگو _ بىرلەسكەن مەملەكەتتەر ۇيىمى بەيبىتشىلىك جانە دامۋ قورىنان، الەمدىك دامۋ جانە تۇستىك ەلدەر سەلبەستىك قورىنان، كليمات وزگەرىسى جونىندەگى تۇستىك ەلدەر سەلبەستىك قورىنان ۇزدىكسىز ويداعىداي پايدالانىپ، قاتىستى جاقتارمەن بىرگە الەمدىك دامۋ باستاماسىن تياناقتاندىراتىن ٴۇش جاق سەلبەستىگى ۇلگى ورتالىعىن قۇرادى، حالىقارالىق اۋىل شارۋاشىلىعىن دامىتۋ قورىندا تۇستىك ەلدەر جانە ٴۇش جاق سەلبەستىك قورىن ۇزدىكسىز قۇرادى. جۇڭگو جاق اناعۇرلىم كوپ ”الەمنىڭ وڭتۇستىگىندەگى“ ەلدەرمەن ەركىن ساۋدا ورنالاستىرۋى جونىندە كەڭەس وتكىزۋدى قالايدى، دۇنيە جۇزىلىك ساۋدا ۇيىمى العا قويعان ساۋدانى جەبەۋ بويىنشا كومەك بەرۋ باستاماسىن ۇزدىكسىز قولدايدى ٴارى ”جۇڭگو نىسانىنا“ ۇزدىكسىز قارجى قوسادى، اناعۇرلىم كوپ ”الەمنىڭ وڭتۇستىگىندەگى“ ەلدەردىڭ «سيفرلى ەكونوميكا جانە جاسىل دامۋ حالىقارالىق ەكونوميكا ـ ساۋدا سەلبەستىگى جۇلگەلىك باستاماسىنا» قاتىناسۋىن قارسى الادى.
شي جينپيڭ بىلاي دەپ باسا دارىپتەدى: بەيبىت قاتار تۇرۋدىڭ بەس پرينسيبى الدەقاشان جۇڭگونىڭ نەگىزگى زاڭىنا ەنگىزىلىپ، جۇڭگونىڭ دەربەس، ٴوز ـ وزىنە قوجايىن بولۋ بەيبىت ديپلوماتيالىق ساياساتىنىڭ ىرگە تاسىنا اينالدى. جۇڭگونىڭ بەيبىت دامۋ جولىمەن ٴجۇرۋ بەكىمى وزگەرمەيدى، ٴار ەلمەن دوستىق سەلبەستىك جاساۋ بەكىمى وزگەرمەيدى، دۇنيە ٴجۇزىنىڭ بىرگە دامۋىن جەبەۋ بەكىمى وزگەرمەيدى. جۇڭگو بەيبىت قاتار تۇرۋدىڭ بەس پرينسيبىن ۇزدىكسىز اسقاقتاتىپ، ٴار ەلمەن قول ۇستاسا وتىرىپ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، دۇنيە ٴجۇزىنىڭ بەيبىتشىلىگىن قورعاۋعا، بىرگە دامۋدى جەبەۋگە تىڭ دا اناعۇرلىم زور ۇلەس قوسادى.
شي جينپيڭ سوڭىندا بىلاي دەپ اتاپ كورسەتتى: بۇگىنگى تاڭدا، ادامزاتتىڭ بەيبىتشىلىگى مەن دامۋ ىستەرىن ىلگەرىلەتۋدىڭ ۇتىلامالى تاياقشاسى تاريحي تۇردە ٴبىز وسى بۋىنداعىلارعا تابىستالدى. ٴبىز بەيبىت قاتار تۇرۋدىڭ بەس پرينسيبى جاريالانعاندىعىنىڭ 70 جىلدىعىن ەسكە ٴتۇسىرۋدى باستاما ەتىپ، تاريحي بورىش ارقالاپ، قول ۇستاسا ەرلىكپەن العا باسىپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتىپ، ادامزات قوعامىنىڭ اناعۇرلىم كوركەم بولاشاعىن اشايىق!
لي چياڭ ەسكە ٴتۇسىرۋ جينالىسىن باسقاردى.
ساي چي، ۋاڭ ي، لي شۋلەي، جياڭ شينجى قاتارلىلار قاتىناستى.
ۆيەتنام كوممۋنيستىك پارتياسى ورتالىق كوميتەتىنىڭ بۇرىنعى باس شۋجيى نۇڭ دىمىڭ، بيرمانىڭ بۇرىنعى زۇڭتۇڭى دىڭشىڭ، برازىليانىڭ بۇرىنعى زۇڭتۇڭى، جاڭا وركەندەتۋ بانكەسىنىڭ باستىعى روسسەۆ، وڭتۇستىك افريكانىڭ بۇرىنعى زۇڭتۇڭى موتلانتي، ەفيوپيانىڭ بۇرىنعى زۇڭتۇڭى مۋراتو، شريلانكانىڭ بۇرىنعى زۇڭتۇڭى راجاپاكاسا، جاپونيانىڭ بۇرىنعى باس ٴۋازىرى جيۋشان يوۋجيفۋ، يتاليانىڭ بۇرىنعى زۇڭليى دالايما، فرانسيانىڭ بۇرىنعى زۇڭليى دەۆيرپان، كورەيانىڭ بۇرىنعى زۇڭليى لي حايزان قاتارلى ساياسي قايراتكەرلەر، سونداي ـ اق جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى، مەملەكەتتىك كەڭەس، مەملەكەتتىك ساياسي كەڭەس سياقتى قاتىستى تاراۋلاردىڭ جاۋاپتىلارى، حالىقارالىق جانە وڭىرلىك ۇيىمداردىڭ ۋاكىلدەرى، 100دەن استام ەلدىڭ جۇڭگودا تۇراتىن ەلشىلەرى، جۇڭگولىق، شەتەلدىك مامان ـ وقىمىستىلار، دوس قايراتكەرلەر، مەديا جانە ونەركاسىپ ـ ساۋدا سالاسىنىڭ ۋاكىلدەرىنەن جيىنى 600دەن استام ادام قاتىناستى.