شينجياڭ فيلوسوفيا-قوعامدىق عىلىمدار تورابى
اۆتونوميالى رايوندىق ۇكىمەت ۇنەمىلىك ىستەر ٴماجىلىسىن اشتى
   ۋاقىتى:2024-07-08   |  كەلۋ قاينارى: شينجياڭ گازەتى

  ٴتۇيىندى نىسان قۇرىلىستارىن جەدەل ىلگەرىلەتۋ سياقتى قىزمەتتەردى اقىلداستى

  انار بۇلت \ شينجياڭ گازەتىنىڭ ٴتىلشىسى لي ياڭ 7 ـ ايدىڭ 6 ـ كۇنى ۇرىمجىدەن حابارلايدى. 7 ـ ايدىڭ 6 ـ كۇنى تۇستەن بۇرىن اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ٴماجىلىسىن باسقارىپ اشتى، ٴماجىلىس باس شۋجي شي جينپيڭنىڭ تاياۋداعى ماڭىزدى قۇتتىقتاۋ حاتىنىڭ، ٴۇمىت ارتقان ٴسوزىنىڭ، جاۋاپ حاتىنىڭ رۋحىن جەتكىزدى، ۇيرەندى، اۆتونوميالى رايوندىق پارتكومنىڭ ورنالاستىرۋى بويىنشا، ٴتۇيىندى نىسان قۇرىلىستارىن جەدەل ىلگەرىلەتۋ، جەر سىلكىنىسىنەن ساقتانىپ، اپات زيانىن ازايتۋ جالپىلىق قابىلەتىن جوعارىلاتۋ، ۇكىمەت ىستەرىن جاريا ۇستاۋ سياقتى قىزمەتتەردى اقىلداستى.

  ٴ ماجىلىس مىنالاردى باسا دارىپتەدى: ”10 تور“ سياقتى نەگىزدىك قۇرىلعىلار قۇرىلىسىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىنا بەرىك نەگىز قالاۋ كەرەك. ٴبىر تۇتاس سايكەستىرۋدى اناعۇرلىم كۇشەيتىپ، جوبا ارقىلى جەتەكشىلىك ەتۋگە تاباندى بولىپ، ٴتۇيىندى مىندەتتەردى ناقتىلاندىرىپ، ٴاربىر تور قۇرىلىسىنىڭ ٴتۇيىنى، تۇتقاسى، ۋاقىت شەگى، جوسپارى بولۋىنا، تياناقتاندىرىلۋىنا شىنايى كەپىلدىك ەتۋ كەرەك. سالىنىپ جاتقان نىسانداردى جەدەل ىلگەرىلەتىپ، بەلگىلەنگەن ۋاقىتتىڭ جارتىسى وتكەندە، مىندەتتىڭ تەڭ جارتىسىنان استامىن ورىنداۋ تالابىنا ساي، نىسان قۇرىلىسى مىندەتىن ماۋسىمعا، ايعا دەيىن اشالاپ، اي ارقىلى ماۋسىمدىق، ماۋسىم ارقىلى جىلدىق مىندەتتى جەبەپ، ورنالاستىرۋ مەن جەتەكشىلىك ەتۋدى كۇشەيتىپ، نىسان قۇرىلىسىنداعى توسقاۋىل تۇيىندەردى، بوگەتتى تۇيىندەرى دەر كەزىندە سايكەستىرىپ شەشىپ، جىلدىق مىندەتتى ورىنداۋعا شىنايى كەپىلدىك ەتۋ كەرەك. ۇزاق بولاشاقتى تياناق ەتۋگە، ۇيلەسىمدى الدىعا وتۋگە، ونىمدىلىككە ٴمان بەرۋگە تاباندى بولىپ، تۇتاس رايونىمىزدىڭ نەگىزدىك قۇرىلعى تورىنىڭ ورنالاسۋىن ۇزدىكسىز ساپالىلاندىرىپ، كەمەلدەندىرىپ، ٴبىر توپ زاپاس نىساندى عىلمي جوسپارلاپ، الدىڭعى مەرزىمدىك قىزمەتتەردى ناقتى، ەگجەي ـ تەگجەيلى ىستەۋ كەرەك.

  ٴماجىلىس مىنالاردى اتاپ كورسەتتى: شينجياڭ _ ەلىمىزدەگى كوپ جەر سىلكىنەتىن ولكەلەردىڭ ٴبىرى، تۇتاس قوعامنىڭ جەر سىلكىنىسىنەن ساقتانىپ، اپات زيانىن ازايتۋ جالپىلىق قۋاتىن جوعارىلاتۋدى كۇش سالۋ ٴتۇيىنى ەتىپ، جۇڭگو جەر سىلكىنىسىن باقىلاۋ مەكەمەسىمەن سەلبەستىكتى كۇشەيتىپ، شينجياڭنىڭ جەر سىلكىنىسىنەن ساقتانىپ، اپات شىعىنىن ازايتۋ ىستەرىن وسىزامانداندىرۋ قۇرىلىسىن ىلگەرىلەتۋ كەرەك. نازاردى ”ٴبىر بەلدەۋ، ٴبىر جول“، شينجياڭ ەركىن ساۋدا سىناق رايونى قۇرىلىسى سياقتى مەملەكەتتىڭ كەلەلى ستراتەگيالارىنا شوعىرلاندىرىپ، جاۋاپكەرشىلىكتى باتىلدىقپەن ارقالاپ، ىرىقتىلىقپەن ىسكەرلىك كورسەتىپ، اپاتتان ساقتانۋ، اپات شىعىنىن ازايتۋ، اپاتتان قۇتقارۋ قابىلەتى قۇرىلىسىن كۇشەيتىپ، اۋىر، ەرەكشە اۋىر جەر سىلكىنىسى اپاتى حاۋىپ ـ قاتەرىنەن ساقتانۋ جانە ونى جويۋ قابىلەتىن ۇزدىكسىز جوعارىلاتىپ، حالىق بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىن بار كۇشپەن قورعاۋ كەرەك. جەر سىلكىنىسى عىلىم ـ تەحنيكا سەلبەستىگىن كۇشەيتىپ، شينجياڭنىڭ جەر سىلكىنىسىن باقىلاۋ ـ ولشەۋ، الدىن الا مالىمەت بەرۋ، ساقتاندىرۋ قابىلەتىن، اپات حاۋىپ ـ قاتەرىنەن ساقتانۋ ـ تىزگىندەۋ قابىلەتىن، جەر سىلكىنىسىنەن ساقتانىپ، اپات شىعىنىن ازايتۋ الەۋمەتتىك قىزمەت وتەۋ قابىلەتىن، عىلىم جالپىلاستىرۋ ـ ۇگىتتەۋ قابىلەتىن جوعارىلاتىپ، حاۋىپسىزدىك قورعانىس شەبىن بەلسەنە بەكەمدەۋ كەرەك.

  ٴماجىلىس مىنالاردى اتاپ كورسەتتى: جاڭا داۋىردەگى ۇكىمەت ىستەرىن جاريا ۇستاۋ قىزمەتىن جاپپاي ىلگەرىلەتۋ حالىق بۇقاراسىنىڭ زاڭ بويىنشا ۇكىمەت ينفورماتسياسىنا يە بولۋىن قامتاماسىز ەتۋ، ۇكىمەت قىزمەتىنىڭ جاريالىلىعىن جوعارىلاتۋ، زاڭمەن باسقارىلاتىن ۇكىمەت قۇرۋ جونىنەن ماڭىزدى ٴمان الادى. ۇكىمەت جۇيەسى ساياسي دەڭگەيدى جوعارىلاتىپ، قىزمەت شارالارىن اشالاپ، نازاردى شارۋاشىلىق ساۋدا ورتاسى، وقۋ ـ اعارتۋ، ەمدەۋ سياقتى ٴتۇيىندى قولامتالى سالالارعا شوعىرلاندىرىپ، ساياساتتىق حۇجاتتاردى جاريالاۋدى جانە ٴتۇسىندىرۋدى ۇزدىكسىز ويداعىداي ىستەپ، بۇقارانىڭ كوڭىل ٴبولىپ وتىرعان ماسەلەلەرىنە دەر كەزىندە جاۋاپ قايتارىپ، ساياساتتىڭ كاسىپورىندارعا، بۇقاراعا تىكە جەتۋىنە شىنايى كەپىلدىك ەتۋ كەرەك. ٴتۇزىم قۇرىلىسىن مىقتى يگەرىپ، سيفرلانۋعا تيپ جاڭالاۋىن جەدەلدەتىپ، ۇكىمەت ىستەرىن جاريا ۇستاۋدى سايكەستى ىلگەرىلەتۋ مەحانيزمىن كەمەلدەندىرىپ، باقىلاۋ ـ تەكسەرۋدى، باعالاۋدى كۇشەيتىپ، قىزمەت جاۋاپكەرشىلىگىن اناعۇرلىم قاتايتىپ، ناقتىلاندىرىپ، ٴار دارەجەلى ۇكىمەتتەردىڭ شەشىم جاساۋى مەن باسقارۋ، قىزمەت وتەۋىنىڭ اناعۇرلىم جاريا، جۇيەلى بولۋىن جەبەۋ كەرەك.

  ٴماجىلىس باسقا دا ىستەردى اقىلداستى.

جالعانىم


جاۋاپتى رەداكتورى: 沙衣力克·达拉力汉