انار بۇلت \ شينجياڭ گازەتىنىڭ ٴتىلشىسى لۋ فىڭباۋ 7 ـ ايدىڭ 27 ـ كۇنى ۇرىمجىدەن حابارلايدى. جۇڭگو تەمىر جولى ٴۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، بيىل 7 ـ ايدىڭ 26 ـ كۇنىنە دەيىن ”جۇڭگو _ قىرعىزستان _ وزبەكستان“ تاس جول ـ تەمىر جول بىرلەسكەن تاسىمالى كەزەكشى پويەزىنىڭ قاتىناۋى 100 كەزەككە جەتىپ، سايكەس مەزگىلدەگىدەن %103.94 ارتقان.

　　سول كۇنى ”جۇڭگو _ قىرعىزستان _ وزبەكستان“ تاس جول ـ تەمىر جول بىرلەسكەن تاسىمال كەزەكشى پويەزىنە كەزدەمە، ەلەكتر جابدىقتار بولشەكتەرى، ٴۇي جيھازدارى، مەتال بۇيىمدار سياقتى ٴتۇرلى بۇيىمدار تولتىرا تيەلىپ، قاشقار سولتۇستىك ۆوگزالىنا جەتكەننەن كەيىن، اۆتوكولىككە اۋىستىرىپ تيەلىپ، وزبەكستانعا جونەلتىلدى، بۇل بيىل جىل باسىنان بەرى قاتىناعان 100 ـ ”جۇڭگو _ قىرعىزستان _ وزبەكستان“ تاس جول ـ تەمىر جول بىرلەسكەن تاسىمال كەزەكشى پويەزى سانالادى.

　　”ٴبىر بەلدەۋ، ٴبىر جولدى“ جوعارى ساپامەن بىرگە قۇرۋدىڭ ىشكەرىلەي ىلگەرىلەتىلۋىنە بايلانىستى، يمپورت ـ ەكسپورت ساۋداسىنىڭ سۇرانىسى كۇشەيدى. 7 ـ ايدان بەرى تەمىر جول ارقىلى قاشقارعا جەتكىزىلگەننەن كەيىن، اۋىستىرىپ تيەلىپ شەكارادان شىعارىلاتىن زاتتاردىڭ تاسىمال مولشەرىندە ارتۋ جاعدايى جارىققا شىقتى، قاشقار سولتۇستىك ۆوگزالىنا كۇنىنە ورتا ەسەپپەن 2 كەزەكشى پويەز كەلىپ، ۇدايىلانعان، كولەمدەنگەن اينالىم ۇلگىسىن قالىپتاستىردى.

　　سوڭعى جىلدارى شينجياڭنىڭ تەمىر جول تاراۋلارى زات اينالىمى بازاسى قۇرىلىسىن زور كۇشپەن ىلگەرىلەتىپ، تاسىمال قۋاتى، بەكەت ـ الاڭداردى جاڭالاۋ، قۇرىلعى ـ جابدىقتار سياقتى جاقتاردا وڭتۇستىك شينجياڭ وڭىرىنە بەيىمدەلىپ، قاشقار سولتۇستىك ۆوگزالىنىڭ جۇك الاڭىن جانە 2 كاسىپورىندار ارناۋلى جەلىسىن قۇرىپ، بەكەت ـ الاڭداردىڭ يقۋاتىن اناعۇرلىم جوعارىلاتتى.

　　”اناعۇرلىم كوپ سىرتقى ساۋدا كاسىپورىندارى زاتتاردى قاشقاردان اۋىستىرىپ تيەپ شەكارادان شىعارۋدى تاڭدادى، بيىلدىڭ وزىندە جاڭادان قوسىلعان ەل ىشىندەگى شانشي، شاندۇڭ سياقتى 4 ولكەنىڭ 20دان استام تەمىر جول جونەلتۋ بەكەتى شەكارا اتتايتىن زاتتاردى قاشقارعا جەتكىزىپ اۋىستىرىپ تيەپ تاسىمالدادى“، ـ دەدى جۇڭگو تەمىر جولى ٴۇرىمجى مەكەمەسى توبى شەكتى سەرىكتەستىگى كورلا تەمىر جول زات اينالىم ورتالىعى قاشقار تيجارات ٴبولىمىنىڭ ديرەكتورى چاڭ جۇن. قازىرگە دەيىن بيىل قاشقار ارقىلى شەكارادان جونەلتىلگەن زاتتاردىڭ تاسىمال مولشەرى 108 مىڭ 700 تونناعا جەتىپ، بىلتىرعى سول تۇستاعىدان 53 مىڭ 300 توننا ارتتى.

　　تەمىر جول تاسىمالىنان تاس جول ارقىلى شەكارادان شىعۋعا دەيىن، تاس جولدان تەمىر جولعا اۋىستىرۋ جانە كەدەنگە مالىمدەۋ ارقىلى شەكارادان شىعارۋ _ ”جۇڭگو _ قىرعىزستان _ وزبەكستان“ تاس جول ـ تەمىر جول بىرلەسكەن تاسىمال ارناسىنىڭ شەكارا اتتاعان تاسىمالىنىڭ ەڭ شەشۋشى بۋىنى. 3 ـ ايدا قاشقار كەدەنى تۇڭعىش رەت شەكارا وتكەلدەرى مەن ”قاراستى جەر بويىنشا توتە جەتكىزۋ“ ۇلگىسىن اتقارىپ، زاتتاردى قاشقار كەدەنىنە جەتكىزگەننەن كەيىن، ”كورنەكى“ جول ۇستىندەگى باقىلاۋ ـ باسقارۋ جانە ”يندۋكتيۆسىز“ كەدەننەن وتكىزۋ ارقىلى 2 رەت تەكسەرۋدەن كەشىرىم ەتتى، كەدەننەن ٴوتۋ ۋاقىتى بۇرىنعى 3 _ 5 كۇننەن قازىرگى 6 _ 8 ساعاتقا قىسقارىپ، زاتتاردىڭ كەدەننەن ٴوتۋ ونىمدىلىگى جوعارىلادى.

　　”جۇڭگو _ قىرعىزستان _ وزبەكستان“ تاس جول ـ تەمىر جول بىرلەسكەن تاسىمال ارناسى، ياعني جۇڭگو، قىرعىزستان جانە وزبەكستان ٴۇش ەل قالىپتاستىرعان تاس جول ـ تەمىر جول كوپ فورمالى بىرلەسىپ تاسىمالداۋ زات جەتكىزۋ نەگىزگى جەلىسى. بۇل كەزەكشى پويەز تۇتاس بارىستا كونتەينەرمەن ”تەمىر جول ـ تاس جول“ بويىنشا تاسىمالداۋ سىندى حالىقارالىق كوپ فورمالى بىرلەسىپ تاسىمالداۋ ٴتاسىلىن قولدانىپ، تەمىر جول ارقىلى قاشقار سولتۇستىك ۆوگزالىنا جەتكىزىلگەننەن كەيىن، اۆتوكولىك تاسىمالىمەن ەركەشتام شەكارا وتكەلىندە اۋىستىرىپ تيەپ شەكارادان شىعارىلىپ، قىرعىزستان، وزبەكستان سياقتى ەلدەرگە جەتكىزىلەدى.

　　وسى ارنا ىسكە قوسىلعان 5 جىلدان بەرى، گۋاڭدۇڭ _ شياڭگاڭ _ اۋمىن ۇلكەن شىعاناق رايونى، بەيجيڭ _ تيانجين _ حىبەي رايونى، سىچۋان، جياڭسۋ سياقتى جەرلەر ىركەس ـ تىركەس كەزەكشى پويەزبەن قاشقارعا جەتكىزىپ، ورتا جولدا اۋىستىرىپ تيەدى، زات تۇرلەرى دە ەڭ العاشقى كيىم ـ كەشەك، مەتال قۇرالدارى سياقتى 30 نەشە تۇردەن جاڭا ەنەرگيالى اۆتوموبيل، ماشينا بولشەكتەرى سياقتىلاردى قامتىعان 300 نەشە تۇرگە كەڭەيىپ، ورتا، باتىس ازيانى تۇتاستىراتىن، ەۆروپانى شارپيتىن حالىقارالىق ساۋدانىڭ جاڭا ارناسىن اشتى.

جالعانىم