تۇرعىنداردىڭ كىرىسى ەداۋىر تەز ارتىپ، ىشكى سۇرانىستىڭ كومەسكى كۇشى ۇزدىكسىز جارىققا شىقتى
□ انار بۇلت \ شينجياڭ گازەتىنىڭ ٴتىلشىسى حي حۇڭۋي
بيىل جىل باسىنان بەرى، شينجياڭنىڭ جەر ـ جەرى، تاراۋلارى ىشكى سۇرانىستى كەڭەيتۋ ستراتەگياسىن تاباندىلىقپەن اتقارىپ، ىشكى سۇرانىستى كەڭەيتۋدى ارقاۋ ەتە وتىرىپ ٴبىر قىدىرۋ باعىتتامالى سيپاتى جانە كەشەندى سيپاتى كۇشتى ساياسات ـ شارا شىعاردى. ٴتۇرلى ساياساتتاردىڭ ۇزدىكسىز دەم بەرىپ، كورنەكتى ونىمدىلىك كورسەتۋىنە ىلەسە، تۇتىنۋ سۇرانىسى جالعاستى قالپىنا كەلىپ، شينجياڭنىڭ ادام اعىنى، زات اينالىمى تەبىنى كۇشەيىپ، شينجياڭنىڭ ارتۋدى ورنىقتىرۋ، جۇمىستاندىرۋدى ورنىقتىرۋ ساياساتىنىڭ اتقارىلۋ ونىمدىلىگى كورنەكتى بولىپ، اۋىل ـ قىستاقتى جاپپاي گۇلدەندىرۋدى ىلگەرىلەتۋ پارمەندى، ٴونىمدى بولىپ، مادەنيەت ـ ساياحات تۇتىنۋى ۇزدىكسىز جاندانىپ، تۇرعىندار كىرىسىنىڭ ەداۋىر تەز ارتۋىن جەبەدى. ساندى مالىمەتتە كورسەتىلۋىنشە، الدىڭعى جارتى جىلدا رايونىمىزداعى تۇرعىنداردىڭ جان باسىندىق ورتاشا قولداعى تابىسى 12 مىڭ 192 يۋان بولىپ، سايكەس مەزگىلدەگىدەن % 7.2 ارتقان.
”ەكونوميكانىڭ دامۋى جالعاستى جاقسارۋعا بەت الىپ، تۇرعىندار كىرىسىنىڭ ەداۋىر تەز ارتۋىن جەبەدى“. اۆتونوميالى رايوندىق ساناق مەكەمەسىنىڭ ورىنباسار باستىعى حاۋ جۇنچيڭ بىلاي دەدى: سۇرانىستىڭ ارتۋىنىڭ ىشكى كومەسكى كۇشى ۇزدىكسىز كۇشەيدى، جەر ـ جەردىڭ تۇتىنۋ شارت ـ جاعدايىن كۇش سالا جاقسارتۋى، تۇتىنۋ جاعدايىندا جاڭالىق اشۋى، تۇتىنۋمەن قامداۋدى ساپالىلاندىرۋى، تۇتىنۋدىڭ ومىرشەڭدىك كۇشىن جارىققا شىعارۋى تۇتىنۋدىڭ جالعاستى ورنىقتى ارتۋىن جەتەكتەۋگە پايدالى بولدى.
كىرىس كوپ نەگىزدى بولدى
تۇتىنۋدىڭ كومەسكى كۇشى ۇزدىكسىز جارىققا شىقتى
سەيىل ـ سەرۋەن ساياحاتى، شەكارا اتتاعان ساياحات، زات ساتىپ الۋ ساياحاتى... جازعى دەمالىس كەزىندە شينجياڭنىڭ ٴارقايسى ٴىرى كورىنىس ٴوڭىرى، كورىنىس تۇيىندەرى ساياحاتشىلار قايشالىسقان قاۋىرت مەزگىلدى ارت ـ ارتىنان قارسى الدى.
مەيتۋاننىڭ جاريالاعان ساندى مالىمەتىنە قاراعاندا، الدىڭعى جارتى جىلدا شينجياڭنىڭ مادەنيەت ـ ساياحات بازارى ۇزدىكسىز دۋماندى بولىپ، مادەنيەت ـ ساياحات تۇرىندەگى تاپسىرىستىڭ ارتۋى سايكەس مەزگىلدەگىدەن %20تەن اسىپ، شينجياڭدا ساياحاتتاۋدا مەيتۋان تۇعىرىندا ٴتىنتۋ مولشەرى سايكەس مەزگىلدەگىدەن %70كە جۋىق ارتقان.
تۇتىنۋ _ ەكونوميكانىڭ ارتۋىن ىلگەرىلەتەتىن ماڭىزدى قوزعالتقىش. بيىل جىل باسىنان بەرى، شينجياڭ ىشكى سۇرانىستى كەڭەيتۋدى، تۇتىنۋدى جەبەۋدى ورنىقتى ىلگەرىلەتىپ، ٴبىر قىدىرۋ ۇتىمدى ماكرولىق ساياسات ۇزدىكسىز دەم بەرىپ، بازاردىڭ ومىرشەڭدىك كۇشىن تاسقىنداتتى. الدىڭعى جارتى جىلدا شينجياڭ جۇزەگە اسىرعان قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 174 ميلليارد 166 ميلليون يۋان بولىپ، نەگىزگى تۇرمىستىق تۇرىندەگى تاۋارلاردىڭ ساتىلۋى ەداۋىر تەز ارتتى.
تۇتىنۋ ورنىقتى كەڭەيدى _
”اۋىل ـ قىستاق تۇرعىندارىنىڭ كىرىسى ۇزدىكسىز ارتقان، اۋدان ٴوڭىرى ساۋدا جۇيەسى قۇرىلىسى ۇزدىكسىز ىلگەرىلەگەن، ت .ب پايدالى فاكتورلاردىڭ جەتەكتەۋىندە، اۋىل ـ قىستاق بازارى تۇتىنۋىنىڭ ارتۋى قالا ـ قالاشىقتان تەز بولدى“، ـ دەدى حاۋ جۇنچيڭ.
ساندى مالىمەتتە كورسەتىلۋىنشە، الدىڭعى جارتى جىلدا شينجياڭدا تۇرعىنداردىڭ جان باسىندىق ورتاشا تۇرمىستىق تۇتىنۋ شىعىسى 11 مىڭ 92 يۋان بولىپ، سايكەس مەزگىلدەگىدەن %8.6 ارتقان، باعا فاكتورىن شىعارىپ تاستاعاندا، ٴىس جۇزىندىك ارتۋى %8.7 بولعان. قاتىناس، حابارلاسۋ، وقۋ ـ اعارتۋ، مادەنيەت، كوڭىل اشۋ سياقتى تۇرعىنداردىڭ تۇتىنۋىنداعى سەگىز ٴىرى تاۋار جانە قىزمەت وتەۋ جاپپاي ارتقان. الدىڭعى جارتى جىلدا رايونىمىز تۇرعىندارىنىڭ جان باسىندىق ورتاشا قىزمەت وتەۋ سيپاتىنداعى تۇتىنۋ شىعىسى %10.3 ارتىپ، تۇرعىنداردىڭ تۇتىنۋ شىعىسىندا يەلەگەن سالىستىرماسى %40.5 بولىپ، وتكەن جىلداعىدان 0.6 پايىز جوعارىلاعان.
كىرىس ٴبولىسى قۇرىلىمى ۇزدىكسىز ساپالىلاندى _
تۇتىنۋدى كەڭەيتۋدىڭ ەڭ ٴتۇبىرلى شاراسى _ كىرىس ٴبولىسى قۇرىلىمىن ساپالىلاندىرىپ، ورتاشا كىرىستەگى شوعىردى كەڭەيتىپ، تۇرعىنداردىڭ كىرىسىن ارتتىرۋ ارقىلى تۇتىنۋ قۋاتىن جوعارىلاتۋ.
الدىڭعى جارتى جىلدا تۇتاس رايونداعى قالا ـ قالاشىق تۇرعىندارىنىڭ جان باسىندىق ورتاشا قولداعى تابىسى سايكەس مەزگىلدەگىدەن %6 ارتقان؛ اۋىل ـ قىستاق تۇرعىندارىنىڭ جان باسىندىق ورتاشا قولداعى تابىسى سايكەس مەزگىلدەگىدەن %9.2 ارتقان. تۇتاس رايونداعى تۇرعىنداردىڭ جان باسىندىق ورتاشا تۇرمىستىق تۇتىنۋ شىعىسىنىڭ اتامالى ارتۋ قارقىنى تۇرعىنداردىڭ جان باسىندىق ورتاشا قولداعى تابىسىنىڭ ارتۋ قارقىنىنان 1.4 پايىز جوعارى بولعان.
الدىڭعى جارتى جىلدا تۇتاس رايونداعى تۇرعىنداردىڭ جان باسىندىق ورتاشا قولداعى تابىسىنىڭ ٴتورت ٴتۇرلى قۇرامى جاپپاي ارتقان. مۇنىڭ ىشىندە ەڭبەكاقى سيپاتتى كىرىسى مەن تيجاراتتىق تازا كىرىس تۇرعىندار كىرىسىنىڭ ورنىقتى ارتۋىنا تىرەك جانە جەبەۋ بولعان ماڭىزدى فاكتور. تۇتاس رايون ەكونوميكاسىنىڭ دامۋى قالپىنا كەلۋ، جاقسارۋعا بەت الۋ كۇيىن ساقتاپ، جۇمىستانۋ جاعدايى ورنىقتىلىق بارىسىندا جاقسارىپ، تولايىم، بولشەك ساتۋ، قونالقى، اس ـ سۋ، قاتىناس ـ تاسىمال سياقتى كاسىپتەردىڭ دامۋى تەزدەپ، ەڭبەكاقى سيپاتتى كىرىس پەن تيجاراتتىق تازا كىرىستىڭ قولداعى تابىستى ارتتىرۋعا قوسقان ۇلەس مولشەرى %84.1كە جەتىپ، تۇرعىندار كىرىسىنىڭ ارتۋ سەرپىمدىلىگى ۇزدىكسىز كۇشەيدى.
ساندى مالىمەتتەردىڭ جالىندى بەينەسى بازاردىڭ قالپىنا كەلۋى كۇشتى بولعان، ەكونوميكانىڭ ورنىقتى تۇردە قايتا ارتقان بەلسەندى سيگنالىن تاراتتى.
”بۇل قالا، اۋىل تۇرعىندارىنىڭ تۇرمىس ساپاسىنىڭ ۇزدىكسىز جوعارىلاعانىن اڭعارتادى“. مەملەكەتتىك ساناق مەكەمەسى شينجياڭ تەكسەرۋ باس اترەتىنىڭ ورىنباسار باستىعى ۋاڭ ۋي مىنالاردى ٴبىلدىردى: تۇرعىندار كىرىسىنىڭ ەداۋىر تەز ارتۋىنا، سونداي ـ اق شينجياڭنىڭ ٴتۇرلى تۇتىنۋدى كەڭەيتۋ شارالارىنىڭ ۇزدىكسىز تياناقتانۋىنا ىلەسە، تاۋارلاردىڭ ساتىلۋىن جەبەۋ، كونەسىن جاڭاسىنا اۋىستىرۋ، مادەنيەت ـ ساياحات تىنىعۋى، اس ـ سۋ، جاتىن ورىن سياقتى تۇتىنۋ بازارىنىڭ ۇزدىكسىز جاندانۋىن جەبەپ، تۇرعىنداردىڭ تۇتىنۋ شىعىسى ەداۋىر تەز ارتۋدى ساقتادى.
جاعدايدا جاڭالىق اشتى
جاڭاشا تۇتىنۋ قارىشتاپ دامىدى
”جازعى ەكونوميكانى“ ارقاۋ ەتە وتىرىپ، شينجياڭنىڭ ٴارقايسى ۇلكەن ساۋدا شەڭبەرى، ماڭىزدى ساۋدا كوشە اۋماقتارى، ٴىرى ساۋدا كەشەندەرى فورماسى الۋان ٴتۇرلى تۇتىنۋ قوسىمشا قاراجاتىن بەرۋ جانە تۇتىنۋدى جەبەۋ قيمىلدارىن ورىستەتتى.
حۇيجياشىداي سانجى زات ساتۋ ورتالىعى ەرەكشەلىككە يە اس ـ سۋ، جاڭاشا بولشەك ساتۋ، بالامەن بىرگە بولعان ساتتەر سياقتى كاسىپ كۇيىمەن ورگانيكالى توعىستىرىپ، جاس، زاماناۋي، اعىمعا ىلەسكەن ساۋدا جەر بەلگىسىن تۇلعالاۋعا كۇش سالدى. وسى زات ساتۋ ورتالىعىنىڭ باس ديرەكتورى پان دايوۋ بىلاي دەپ تانىستىردى: زات ساتۋ ورتالىعى ورىستەتكەن قالادا تۇنەۋ، بارىنشا ىقپالداسا سەزىنۋ سياقتى قيمىلداردى جاستار قاتتى ۇناتتى، الدىڭعى جارتى جىلدا وسى ورتالىق قابىلداعان قاريدار 4 ميلليوننان (رەت) استى.
سەزىنۋ ەكونوميكاسىنىڭ گۇلدەنۋىنە ىلەسە، قولونەرDIY كۇن سايىن شينجياڭداعى جاس تۇتىنۋشىلاردىڭ قىزعىندى كوڭىل كوتەرۋ تاسىلىنە اينالدى. مەيتۋاننىڭ ساندى مالىمەتىندە كورسەتىلۋىنشە، بيىل 1 ـ ايدان 6 ـ ايعا دەيىن قولونەر DIY بۇيىمىنىڭ ساۋدا سوماسىنىڭ ارتۋ قارقىنى بىلتىرعى سايكەس مەزگىلدەگىدەن ەسەلەپ ارتقان، 30 جاستان تومەنگى تۇتىنۋشىلاردىڭ تاپسىرىس مولشەرىنىڭ يەلەيتىن سالىستىرماسى %60تەن اسقان.
ٴتىلشىنىڭ بايقاۋىنشا، جەر ـ جەر جەرگىلىكتى جاعدايعا قاراي ىستەپ، تۇتىنۋ جاعدايىنا جاڭالىق اشىپ تۇتىنۋدىڭ جاڭا ارتۋ ٴتۇيىنىن تۇلعالاپ، شينجياڭنىڭ تۇتىنۋىن جوعارىلاتۋدى ىلگەرىلەتۋدەگى شەشۋشى فاكتورعا اينالعان. سونىمەن قاتار جاڭاشا تۇتىنۋ ۇزدىكسىز كەڭەيىپ، سيفرلى تۇتىنۋ، جاسىل تۇتىنۋ، سالاماتتى تۇتىنۋ جاڭا اۋقىمعا اينالىپ، زەردەلى ٴۇي جيھازدارى، مادەنيەت كوڭىل اشۋ ساياحاتى، وتاندىق تاۋارلارداعى ”جاڭاشا ونىمدەر“ جاڭا ارتۋ تۇيىنىنە اينالعان.
_ دارەجەسى جوعارىلاعان تاۋارلاردىڭ ارتۋ جاعدايى ٴبىرشاما جاقسى بولدى. ساياساتتىڭ دەمەۋى، كىرىس قۇرىلىمىنىڭ ساپالىلانۋى، شارۋاشىلىق ـ ساۋدا ورتاسىنىڭ جاقسارۋى سياقتى كوپتەگەن فاكتورلاردىڭ اسەرىندە شينجياڭنىڭ تۇتىنۋ بازارى جاڭا ٴبىر رەتكى كەڭەيۋدى باستادى، تۇرعىنداردىڭ ساپالى، دارا، كوپ نەگىزدى سۇرانىسى ٴونىمدى جارىققا شىعىپ، دارەجەسى جوعارىلاعان تاۋارلاردى تۇتىنۋى ۇزدىكسىز كەڭەيدى. ساندى مالىمەتتە كورسەتىلۋىنشە، الدىڭعى جارتى جىلدا شينجياڭدا دارەجەسى جوعارىلاعان ٴىشىنارا تاۋارلاردىڭ ساتىلۋى ەداۋىر تەز ارتقان، دەنە تاربيە، كوڭىل اشۋ بۇيىمدارىنىڭ، حابارلاسۋ جابدىقتارىنىڭ بولشەك ساتىلۋ سوماسى جەكە ـ جەكە 5.3 ەسە، %61 ارتقان.
ينتەرنەت جەلىسىندە جانە جەلىدەن تىس جەدەل توعىستى. ساياحات كاسىبى، قونالقى، اس ـ سۋ كاسىبى تيجاراتىنىڭ كۇسەت بولۋىنا ىلەسە، جاڭا فورماداعى، جاڭا كاسىپ كۇيىندەگى ساۋدا قيمىلدارى كەڭ كولەمدە ورىستەتىلىپ، مادەنيەت ـ ساياحات ـ دەنە تاربيە قيمىلدارى ىركەس ـ تىركەس وتكىزىلىپ، ٴىرى ساۋدا سارايلارىنىڭ، ەرەن بازارلاردىڭ، ناقتى زات دۇكەندەرىنىڭ ينتەرنەت جەلىسىندە زات ساتۋى جوعارىلاپ، جاقسارۋعا بەت الىپ، تۇرعىنداردىڭ جەلىدەن تىس تاسىلمەن تۇتىنۋ سالىستىرماسى كورنەكتى جوعارىلادى. ساندى مالىمەتتە كورسەتىلۋىنشە، تۇتاس رايوندا شەكتى سومادان جوعارعى تولايىم، بولشەك ساتۋ كاسىپورىندارىنىڭ الەۋمەتتىك ينتەرنەت ارقىلى ساتقان تاۋارى سايكەس مەزگىلدەگىدەن 1 .1 ەسە ارتقان.
_ قىزمەت وتەۋ تۇتىنۋى ەداۋىر تەز ارتتى. اس ـ سۋ، قاتىناس، مادەنيەت ـ ساياحات سياقتى قاتىستى قىزمەت وتەۋ تۇتىنۋىنىڭ ارتۋ كۇيى تاماشا بولىپ، تۇرعىنداردىڭ تۇتىنۋ سۇرانىسى ۇزدىكسىز جارىققا شىقتى. ساندى مالىمەتتە كورسەتىلۋىنشە، تۇتاس رايوندا شەكتى سومادان جوعارعى جاتىن جانە اسۋ ـ سۋ ورىندارىنىڭ الەۋمەتتىك ينتەرنەت ارقىلى جۇزەگە اسىرعان اس ـ سۋ كىرىسى سايكەس مەزگىلدەگىدەن %15.3 ارتقان.
بازاردىڭ ومىرشەڭدىك كۇشىن ۇزدىكسىز قاۋلاتۋ ٴۇشىن، شينجياڭ ىشكى سۇرانىستى كەڭەيتۋدى، تۇتىنۋدى جەبەۋدى ورنىقتى ىلگەرىلەتتى. بيىل اۆتونوميالى رايوندىق ساۋدا ىستەرى مەڭگەرمەسى 14 ايماق، وبلىس، قالانى ٴبىر تۇتاس جوسپارلاپ، بىرگە ارەكەتتەندىرىپ، ”2024 تۇتىنۋدى جەبەۋ جىلى“ قيمىلىن ٴبىر ۋاقىتتا باستادى، شينجياڭنىڭ جەر ـ جەرى تۇتىنۋدىڭ كومەسكى كۇشىن جانداندىرۋدىڭ ٴبىرسىپىرا ساياسات ـ شارالارىن شىعارىپ، تۇتىنۋ شارت ـ جاعدايىن جاقسارتىپ، تۇتىنۋ جاعدايىندا جاڭالىق اشىپ، تۇتىنۋ رايىن قالىپتاستىرىپ، تۇتىنۋ سەنىمىن سەرپىلتىپ، بولشەك ساتۋ بازارىنىڭ جاڭا كاسىپ كۇيى، جاڭا ۇلگىسى ۇزدىكسىز جارىققا شىعىپ، ىشكى سۇرانىس كومەسكى كۇشىنىڭ قاۋلاۋىن جەدەل جەبەپ، تۇتىنۋدىڭ قالپىنا كەلۋىن، جاقسارۋىن جەتەكتەدى.
كومەسكى قۋاتتى تەرەڭ اشتى
قوزعالىس قۋاتىنىڭ تەبىنىن ”مازداتتى“
كونەنىڭ ورنىنا جاڭاسىن اۋىستىرۋ _ الدىڭعى جارتى جىلداعى تۇتىنۋ بازارىنداعى ٴبىر ۇلكەن جارقىن ٴتۇيىن بولدى. تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ ساياساتى تۇرعىنداردى تۇتىنۋ كومەسكى كۇشىن ٴۇرتىس جارىققا شىعارۋعا جەتەكتەپ، اۆتوكولىك، ٴۇي ەلەكتر جابدىقتارى سياقتى ٴتوزىمدى تۇتىنۋ بۇيىمدارىنىڭ ارتۋىن جەدەلدەتۋ رولىن اتقاردى. جەر ـ جەردىڭ جاڭا ەنەرگيالى اۆتوكولىك دۇكەندەرىندە، ٴىرى ساۋدا سارايلارىنداعى اۆتوكولىك كورمە زالدارىندا تۇتىنۋشىلاردىڭ اياعى ۇزىلمەدى.
جيكى اۆتوكولىك ٴۇرىمجى ٴماجىلىس ـ كورمە ۋ ـ يۋە الاڭى دۇكەنىنىڭ باستىعى جاڭ كىپىڭ بىلاي دەپ تانىستىردى: ساتىلىپ جاتقان 4 اۆتوكولىك ۇلگىسى تۇگەلدەي تۇتاس ەلەكترلى جاڭا ەنەرگيالى اۆتوكولىك، ەڭ جوعارى بولعاندا 30 مىڭ يۋان تيىمدىلىك جاسالادى، ايىنا ورتا ەسەپپەن 120 اينالاسىندا اۆتوكولىك ساتىلادى.
6 ـ ايدىڭ سوڭىندا شينجياڭدا تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ ارەكەتى باستالدى، ساياساتتىڭ دەم بەرۋىندە شينجياڭنىڭ جەر ـ جەرىندە اۆتوكولىك، ٴۇي ەلەكتر جابدىقتارى بازارى جاسىل تۇتىنۋدىڭ ”شاعىن ورلەۋىن“ كوتەردى.
”جاڭا ەنەرگيالى اۆتوكولىك اناعۇرلىم جاسىل، زەردەلى، ونىڭ ۇستىنە كونەسىنىڭ ورنىنا جاڭاسىن اۋىستىرۋ ساياساتى بار، تاياۋدا جانار ماي اۆتوكولىگىمدى جاڭا ەنەرگيالى اۆتوكولىككە اۋىستىرماقشى بولىپ وتىرمىن“، ـ دەدى ٴۇرىمجى قالاسىنىڭ تۇرعىنى ۋاڭ مىڭچي. ول مىناداي ەسەپ سوقتى: جاڭا ۇلگىدەگى اۆتوكولىكتىڭ يقۋاتى جاپپاي جوعارىلاتىلعان، باعاسى 30 مىڭ يۋاننان استام ارزاندادى. وعان كونەسىنىڭ ورنىنا جاڭاسىن اۋىستىرۋ تولىقتاما قاراجاتىن قوسساق، باعاسى ٴتىپتى دە ٴتيىمدى بولادى.
بيىل اۆتونوميالى رايون كونەسىنىڭ ورنىنا جاڭاسىن اۋىستىرۋ سىندى ٴتيىمدى ساياساتتى ىشكى سۇرانىستى كەڭەيتۋدىڭ، جوعارى ساپالى دامۋدى ىلگەرىلەتۋدىڭ قوزعالىس قۋاتىنا بەلسەنە اينالدىرىپ، شارالاردى اناعۇرلىم اشالاپ، تۇتىنۋ اسەرىن جوعارىلاتىپ، اۆتوكولىك تۇتىنۋىنىڭ كومەسكى قۋاتىن مازداتىپ، ەكونوميكانىڭ قايتا ورلەۋ، جاقسارۋ جاعدايىن ۇزدىكسىز بەكەمدەدى جانە كۇشەيتتى.
تۇتىنۋشىلاردىڭ جاڭا ەنەرگيالى اۆتوكولىك تۇتىنۋ سۇرانىس مولشەرى كۇن سايىن ارتتى، ساندى مالىمەتتە كورسەتىلۋىنشە، الدىڭعى جارتى جىلدا شينجياڭدا جاڭا ەنەرگيالى اۆتوكولىكتىڭ ساتىلۋى جوعارى قارقىندى ارتۋدى ساقتاعان: جاڭا ەنەرگيالى اۆتوكولىكتىڭ بولشەك ساتىلۋ سوماسى 10 ميلليارد 3 ميلليون يۋان بولىپ، سايكەس مەزگىلدەگىدەن 1.7 ەسە ارتقان.
”جاڭا ەنەرگيالى اۆتوكولىك كاسىپ سالاسىنىڭ جوعارى قارقىنمەن دامۋى قالا، اۋىلداردىڭ تۇتىنۋ كومەسكى قۋاتىن جارىققا شىعارۋدا ماڭىزدى ارنا جانە كەڭ ٴورىس ازىرلەدى“، ـ دەدى شينجياڭ جاڭا ەنەرگيالى اۆتوكولىكتى دامىتۋ قوعامىنىڭ باستىعى جاۋ حايبين.
جاڭا ەنەرگيالى اۆتوكولىكتىڭ جالپىلاسۋىن ىلگەرىلەتۋ ٴۇشىن، جاڭا ەنەرگيالى اۆتوكولىك ساتىپ الۋ قوسىمشا قاراجاتىن ارتتىرۋدان سىرت، اۆتونوميالى رايون تاعى جاڭا ەنەرگيالى اۆتوكولىك كاسىپ سالاسى تىزبەگىنىڭ جوعارعى، تومەنگى بۋىندارىن بەلسەنە ورنالاستىرىپ، زاريادتاۋ باعاناسىن ورناتۋ سياقتى سايكەستى قۇرىلعىلارعا قولداۋ كورسەتىپ، جاڭا ەنەرگيالى اۆتوكولىك تۇتىنۋ ٴورىسىن كەڭەيتتى.
حاۋ جۇنچيڭ مىنالاردى ٴبىلدىردى: ساياسات اسەرىنىڭ ٴۇرتىس جارىققا شىعۋىنا ىلەسە، ەكونوميكالىق اينالىمداعى بەلسەندى فاكتورلاردىڭ جينالۋى، جارقىن تۇيىندەردىڭ ارتۋى شينجياڭ ەكونوميكاسىنىڭ دامۋ سەرپىمدىلىگىن، كومەسكى كۇشىن جانە ومىرشەڭدىك كۇشىن ونان ارى ايگىلەدى. كەلەسى ساتىدا، تۇتىنۋ ونىمدەرى مەن قىزمەت وتەۋىندە جاڭالىق اشۋ قادامىن ٴۇرتىس تەزدەتىپ، تۇتىنۋ بازارىنىڭ ساپالى قامداۋىن ارتتىرىپ، تۇتىنۋ كومەسكى كۇشىن اناعۇرلىم زور كولەمدە، اناعۇرلىم تەرەڭ ساتىدا جارىققا شىعارۋعا دەم بەرۋ كەرەك. ەكونوميكانىڭ قايتا ورلەۋ، جاقسارۋ جاعدايىن ۇزدىكسىز بەكەمدەپ جانە كۇشەيتىپ، ەكونوميكانىڭ ساپا جاعىندا ٴونىمدى ارتۋىن جانە سان جاعىندا ۇيلەسىمدى ارتۋىن جۇزەگە اسىرۋدى ٴۇرتىس ىلگەرىلەتۋ كەرەك.