انار بۇلت \ شينجياڭ گازەتىنىڭ ٴتىلشىسى ۋاڭ يايۇن 10 ـ ايدىڭ 20 ـ كۇنى ۇرىمجىدەن حابارلايدى. اۆتونوميالى رايوندىق جاراتىلىستىق بايلىق مەڭگەرمەسىنەن ۇعىسۋىمىزشا، 2025 ـ جىلى اۆتونوميالى رايوندىق قازىنا 650 ميلليون يۋان قارجى شىعارىپ 144 گەولوگيالىق بارلاۋ نىسانىنا قولداۋ كورسەتەدى ەكەن. مۇندا 23 نەگىزدىك گەولوگيالىق نىسان، 111 مەتال ـ مەتاللۋيد كەنىن بارلاۋ نىسانى، 10 ەنەرگيا كەن ونىمدەرىن بارلاۋ نىسانى قامتىلعان.
”نىسانداردا جالپى تۇلعالىق جاقتان نازاردى ستراتەگيالىق كەندەرگە شوعىرلاندىرۋ، وڭتۇستىك شينجياڭدا ورنالاستىرۋدى كەڭەيتۋ، عىلىم ـ تەحنيكادا جاڭالىق اشىپ جەتەكشىلىك ەتۋ سىندى 3 ۇلكەن ەرەكشەلىك ايگىلەنگەن“. اۆتونوميالى رايوندىق جاراتىلىستىق بايلىق مەڭگەرمەسى گەولوگيالىق بارلاۋدى باسقارۋ باسقارماسىنىڭ باستىعى ىردىمتۋ بىلاي دەپ تانىستىردى: اۆتونوميالى رايون قازىناسىنىڭ قولداۋ كورسەتۋ سەرپىنى اناعۇرلىم كۇشەيىپ، نىسان سانى اناعۇرلىم كوپ بولىپ، ٴىرى بايلىق بازاسىن قالىپتاستىرۋعا جانە بەكەمدەۋگە قامتاماسىزدىق ازىرلەپ، اۆتونوميالى رايوننىڭ ”9 ٴىرى كاسىپ سالاسى شوعىرىنىڭ“ دامۋىنا تىرەك ازىرلەيدى.
ۇعىسۋعا قاراعاندا، 2025 ـ جىلى اۆتونوميالى رايون قازىناسى قولداۋ كورسەتەتىن گەولوگيالىق بارلاۋ نىساندارىندا مۇناي ـ تابيعي گاز، تاقتاتاس گازى، كومىر قاباتى گازى، تەمىر، مارگانەتس، حروم، مىس، التىن سياقتى تاپشى كەندەر مەن ۆولفرام، موليبدەن سياقتى باسىمدىققا يە كەندەردى بارلاۋدى كۇشەيتۋگە دەن قويىلادى ەكەن. قىزمەت رايونى تۇرعان وڭىرلەردىڭ تارالۋىنا قاراي التاي تاۋى وڭىرىندە 16 نىسانعا، كۇنلۇن _ التىنتاۋ وڭىرىندە 60 نىسانعا، تارىم ويپاتىندا جانە جيەگىندە 27 نىسانعا، تيانشان _ بايتىك تاۋى وڭىرىندە 29 نىسانعا، جوڭعار ويپاتىندا جانە جيەگىندە 12 نىسانعا قولداۋ كورسەتىلەدى. مۇنىڭ ىشىندە وڭتۇستىك شينجياڭداعى نىسان سانى 87 بولىپ، جالپى نىسان سانىنىڭ %60ىنەن اسقان؛ قارجىسى 408 ميلليون يۋانعا جەتىپ، يەلەيتىن سالىستىرماسى جالپى قارجىنىڭ %60ىنەن استامىن يەلەگەن.
اۆتونوميالى رايون قازىناسى تاعى ” 14 ـ بەسجىلدىق“ جوبا نىساناسىنىڭ ورىندالۋ جاعدايىنا نەگىزدەلىپ، نەگىزدىك گەولوگيالىق تەكسەرۋ قىزمەتىن ورنالاستىرۋدى كۇشەيتىپ، ٴوڭىردىڭ كەن ىزدەۋىنە تۇساۋ بولاتىن ەلەۋلى ماسەلەلەردى جەدەل شەشىپ، گەولوگيالىق زەرتتەۋ دەڭگەيىن جوعارىلاتىپ، كەن ىزدەۋدەگى نىسانالى وڭىرلەردى ازىرلەدى. تەڭىز دەڭگەيىنەن بيىك، تەرەڭ كەسىلەتىن، قامتىمى تاياز مەتال كەندەرىن بارلاۋ ٴوڭىرى مەن مۇناي ـ تابيعي گاز، كومىر قاباتى گازى، كالي تۇزى شوعىرلانعان ويپاتتارعا مەڭزەس، ۇشقىش اپپارات، پورتتىق جارىق سپەكترى، اۆياتسيالىق ەلەكتر ـ ماگنيت، ۇلكەن قۋاتتى ٴۇش ولشەمدى لازەر، جەڭىل، قولايلى بۇرعى سياقتى ”اۆياتسيا، اسپان، جەردى“ ٴبىر تۇلعالاندىرعان بارلاۋ جابدىقتارىن، تەحنيكالارىن جالپىلاستىرىپ، بارلاۋ ونىمدىلىگىن جوعارىلاتتى.
قازىر نىساندارعا مەردىگەر شاقىرۋ قىزمەتى اۆتونوميالى رايوندىق ۇكىمەتتىك قىزمەت وتەۋ جانە الەۋمەتتىك بايلىق ساۋدا ورتالىعىندا باستالدى. 10 ـ ايدىڭ سوڭىندا مەردىگەر شاقىرۋ قىزمەتى اياقتاپ، 12 ـ ايدىڭ سوڭىنان ىلگەرى دالادا قۇرىلىس جۇرگىزۋدىڭ الدىڭعى مەرزىمدىك تەحنيكالىق دايىندىق قىزمەتى اياقتايدى.