الدىڭعى 3 ماۋسىمدا شينجياڭنىڭ سىرتقى ساۋدا جالپـى قۇنى سايكەس مەزگىلدەگىدەن %29 ارتتى
ارتۋ قارقىنى بۇكىل ەل بويىنشا الدىڭعى ورىندا تۇردى
انار بۇلت \ شينجياڭ گازەتىنىڭ ٴتىلشىسى چىن چياڭۋي 10 ـ ايدىڭ 23 ـ كۇنى ۇرىمجىدەن حابارلايدى. ٴۇرىمجى كەدەنىنەن ۇعىسۋىمىزشا، الدىڭعى 3 ماۋسىمدا شينجياڭنىڭ سىرتقى ساۋدا يمپورت ـ ەكسپورت جالپى قۇنى 322 ميلليارد 390 ميلليون يۋان حالىق اقشاسى بولىپ، سايكەس مەزگىلدەگىدەن %29 ارتىپ، سىرتقى ساۋدا كولەمى تاريحتاعى سول تۇستاعى تىڭ دەڭگەيگە جەتىپ، ارتۋ قارقىنى بۇكىل ەل بويىنشا الدىڭعى ورىندا تۇرعان. شينجياڭنىڭ سىرتقى ساۋداسىندا ”مولشەرى ورنىقتى بولۋ، ساپاسى جوعارىلاۋ، اۋقىم قالىپتاستىرۋ“ سىندى دامۋ جاعدايى جارىققا شىققان.
الدىڭعى 3 ماۋسىمدا شينجياڭنىڭ ەكسپورت قۇنى 272 ميلليارد 780 ميلليون يۋان بولىپ، سايكەس مەزگىلدەگىدەن %29.6 ارتقان؛ يمپورت قۇنى 49 ميلليارد 610 ميلليون يۋان بولىپ، سايكەس مەزگىلدەگىدەن %26.1 ارتقان. جەر ـ جەر، تاراۋلار سىرتقى ساۋدانى ورنىقتىرۋدىڭ ٴتۇرلى ساياسات ـ شارالارىن بەلسەنە تياناقتاندىرىپ، شارۋاشىلىق ـ ساۋدا ورتاسىن ۇزدىكسىز ساپالىلاندىرىپ، سىرتقى ساۋدانى دامىتۋدىڭ جاڭا قوزعالىس قۋاتىن جەتىلدىردى. شينجياڭنىڭ سىرتقى ساۋداسى ٴۇرتىس ورنىقتى، ساپالى، جاقسارا دامۋعا بەت الدى.
الدىڭعى 3 ماۋسىمدا جۇڭگونىڭ شينجياڭى دۇنيە جۇزىندەگى 207 مەملەكەتپەن جانە رايونمەن ساۋدا بارىس ـ كەلىسىن جاساپ، ٴبىرىنشى ۇلكەن ساۋدا سەرىگى قازاقستانمەن يمپورت ـ ەكسپورت قۇنى سايكەس مەزگىلدەگىدەن %24.4 ارتقان، بۇل شينجياڭنىڭ سىرتقى ساۋدا يمپورت ـ ەكسپورت جالپى قۇنىنىڭ %39ىن يەلەگەن. جۇڭگونىڭ شينجياڭىنىڭ ”ٴبىر بەلدەۋ، ٴبىر جولدى“ بىرگە قۇراتىن ەلدەرمەن يمپورت ـ ەكسپورت قۇنى سايكەس مەزگىلدەگىدەن %25.8 ارتقان؛ ورتا ازياداعى 5 ەلمەن يمپورت ـ ەكسپورت قۇنى سايكەس مەزگىلدەگىدەن %11.1 ارتقان؛ وڭىرلىك جان ـ جاقتى ەكونوميكالىق سەرىكتەستىك قارىم ـ قاتىناس كەلىسىمىندەگى (RCEP) باسقا مۇشە ەلدەرمەن يمپورت ـ ەكسپورت قۇنى سايكەس مەزگىلدەگىدەن %223.7 ارتقان.
شينجياڭداعى نەگىزگى ساۋدا تاسىلدەرىنىڭ دامۋى اناعۇرلىم تەپە ـ تەڭ بولعان. ادەتتەگى ساۋدانىڭ ارتۋ جاعدايى كورنەكتى بولىپ، يمپورت ـ ەكسپورت قۇنى سايكەس مەزگىلدەگىدەن %84 ارتىپ، %33.8تى يەلەپ، بىلتىرعى سول تۇستاعىدان 10.1 پايىز جوعارىلاعان. ادەتتەگى ساۋدا كاسىپ سالاسى تىزبەگى اناعۇرلىم ۇزارىپ، كاسىپورىنداردىڭ دەربەس دامۋ قۋاتى مەن جاساۋ كاسىبىنىڭ دەڭگەيىن اناعۇرلىم بەينەلەدى.
الدىڭعى 3 ماۋسىمدا شينجياڭنىڭ تاس جول، سۋ جولى، تەمىر جول، اۆياتسيا يمپورت ـ ەكسپورت قۇنى جەكە ـ جەكە سايكەس مەزگىلدەگىدەن %7.7 ، %171.3 ، %37.2 ، %21.3 ارتقان، ستەرەولدى حالىقارالىق زات اينالىمى جۇيەسى جەدەل قالىپتاسۋدا.
الدىڭعى 3 ماۋسىمدا جۇڭگو (شينجياڭ) ەركىن ساۋدا سىناق رايونىنىڭ جالپى يمپورت ـ ەكسپورت قۇنى 130 ميلليارد 490 ميلليون يۋان بولىپ، سىرتقى ساۋدا يمپورت ـ ەكسپورت جالپى قۇنىنىڭ %40.5ىن يەلەگەن. قاشقار، قورعاس، الاتاۋ ساعاسى، ٴۇرىمجى سىندى 4 كەشەندى قورعامالى باجى اۋماعىنىڭ جالپى يمپورت ـ ەكسپورت قۇنى 132 ميلليارد 600 ميلليون يۋان بولىپ، سايكەس مەزگىلدەگىدەن %28.7 ارتىپ، سىرتقى ساۋدا يمپورت ـ ەكسپورت جالپى قۇنىنىڭ %41.1ىن يەلەگەن. ەركىن ساۋدا سىناق رايونى، كەشەندى قورعامالى باجى اۋماعى شينجياڭنىڭ سىرتقى ساۋداسىن جەبەيتىن ماڭىزدى قوزعالتقىشقا اينالعان.
الدىڭعى 3 ماۋسىمدا شينجياڭدا يمپورت ـ ەكسپورتتا ناقتى ناتيجەسى بار سىرتقى ساۋدا كاسىپورىندارى 3065كە جەتىپ، بىلتىرعى سول تۇستاعىدان %21.2 ارتقان. مۇنىڭ ىشىندە شارۋاشىلىق يكەمدىلىگى جوعارى، بازارعا ۇيلەسكىشتىگى كۇشتى حالىقتىق كاسىپورىنداردىڭ يمپورت ـ ەكسپورت قۇنى سايكەس مەزگىلدەگىدەن %28.2 ارتىپ، سىرتقى ساۋدانىڭ جالىندى كۇش رولى اناعۇرلىم كورنەكتىلەنگەن. مەملەكەت مەنشىگىندەگى كاسىپورىنداردىڭ ارتۋ قارقىنى ەڭ تەز بولىپ، يمپورت ـ ەكسپورت قۇنى سايكەس مەزگىلدەگىدەن %42.6 ارتقان، مۇنىڭ ىشىندە ەكسپورت قۇنى سايكەس مەزگىلدەگىدەن %96.3 ارتقان.
ايماق، وبلىس، قالالاردىڭ سىرتقى ساۋدانى دامىتۋ تەبىنى ارتا تۇسكەن. الدىڭعى 3 ماۋسىمدا ىلە قازاق اۆتونوميالى وبلىسى بۇكىل شينجياڭنىڭ سىرتقى ساۋداسىندا ”ەڭ مىقتى“ بولىپ، يمپورت ـ ەكسپورت قۇنى سايكەس مەزگىلدەگىدەن %45.7 ارتقان. سىرتقى ساۋدا كولەمى جەكە ـ جەكە 2 ـ، 3 ـ ورىندى يەلەگەن قاشقار ايماعىنىڭ، ٴۇرىمجى قالاسىنىڭ يمپورت ـ ەكسپورت قۇنى سايكەس مەزگىلدەگىدەن جەكە ـ جەكە %31.2 ، %16.9 ارتقان.