”توعىز ٴىرى كاسىپ سالاسى شوعىرىنىكى“ 80 پايىزعا تاياۋىن ۇستادى

　　انار بۇلت \ شينجياڭ گازەتىنىڭ ٴتىلشىسى حي حۇڭۋي 10 ـ ايدىڭ 26 ـ كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، بيىل شينجياڭداعى ٴار دارەجەلى ساۋداگەر شاقىرىپ قارجى ەنگىزۋ قىزمەت تاراۋلارى جوعارى ساپالى دامۋ نىساناسىن مىقتاپ ارقاۋ ەتىپ، سەرپىندى ۇزدىكسىز ارتتىرىپ، قىزمەتتى تىڭعىلىقتى ىلگەرىلەتىپ، كورنەكتى ونىمدىلىككە قول جەتكىزگەن. الدىڭعى ٴۇش ماۋسىمدا بۇكىل رايون بويىنشا 3758 ساۋداگەر شاقىرىپ قارجى ەنگىزۋ نىسانى تياناقتاندىرىلىپ، اتقارىلىپ، رايون سىرتىنان ەنگىزىپ تياناقتاندىرىلعان قارجى 716 ميلليارد 868 ميلليون يۋانعا جەتىپ، جىلدىق نىسانا ـ مىندەتتىڭ %80ى ورىندالعان.

　　دالمە ـ ٴدال ساۋداگەر شاقىرۋ جاعىندا، اۆتونوميالى رايوندىق ساۋدا ىستەرى مەڭگەرمەسى اۆتونوميالى رايوننىڭ ”توعىز ٴىرى كاسىپ سالاسى شوعىرى“ ٴتۇيىندى كاسىپ سالاسى تىزبەگىنىڭ سحەماسىن ىشكەرىلەي زەرتتەپ، ايماقتاردىڭ، وبلىستاردىڭ، قالالاردىڭ ٴوز كاسىپ سالاسىنىڭ دامۋ جاعدايىنا نەگىزدەلىپ، ساۋداگەر شاقىرۋ ٴتۇيىنىن، بەتالىسىن ايقىنداپ، كاسىپورىنداردىڭ شينجياڭعا كەلىپ قىزمەت تەكسەرۋىن، كەڭەسۋىن بەلسەنە ۇشتاستىرىپ، تىزبەكتى تولىقتاۋ، تىزبەكتى كۇشەيتۋ، تىزبەكتى ۇزارتۋ ارقىلى بۇكىل شينجياڭنىڭ جوعارى، ورتا، تومەنگى بۋىنداردا تىعىز سايكەسكەن كەمەلدى كاسىپ سالاسى تىزبەگىن قالىپتاستىرۋىن اناعۇرلىم جەبەۋگە جەتەكشىلىك ەتتى. 9 ـ ايعا دەيىن، بۇكىل رايوندا ”توعىز ٴىرى كاسىپ سالاسى شوعىرى“ بويىنشا 2637 نىسان تياناقتاندىرىلىپ، اتقارىلىپ، رايون سىرتىنان 563 ميلليارد 534 ميلليون يۋان قارجى ەنگىزىلىپ تياناقتاندىرىلدى، بۇل رايون سىرتىنان ەنگىزىلىپ تياناقتاندىرىلعان جالپى قارجىنىڭ %78.6ىن يەلەپ، شينجياڭنىڭ كاسىپ سالاسى شوعىرلى دامۋىنا بەرىك نەگىز قالاندى.

　　بيىل جىل باسىنان بەرى، اۆتونوميالى رايون ٴتۇرلى جاڭالىق اشۋ شارالارىن بەلسەنە قولدانىپ، ساۋداگەر شاقىرىپ قارجى ەنگىزۋ قىزمەتىنىڭ ۇزدىكسىز تىڭ ساتىعا كوتەرىلۋىن جەبەدى. ساۋداگەر شاقىرىپ قارجى ەنگىزۋ ايگىلى ماركا قيمىلىن سومداۋ ٴۇشىن، نازاردى چاڭجياڭ اتىراۋى، جۋجياڭ اتىراۋى (گۋاڭدۇڭ ـ شياڭگاڭ ـ اۋمىن ۇلكەن شىعاناق رايونى) سياقتى ٴتۇيىندى وڭىرلەرگە شوعىرلاندىرىپ، شاڭحاي مەن شىنجىندا شينجياڭ كاسىپ سالاسى سەلبەستىگى بويىنشا ساۋداگەر شاقىرۋ، تانىستىرۋ جينالىسىن اشىپ، جيىنى 36 نىسانعا قول قويىسىپ، قول قويىسقان توقتام جالپى سوماسى 16 ميلليارد 300 ميلليون يۋانعا جەتتى. 8 ـ كەزەكتى جۇڭگو _ ازيا ـ ەۆروپا كورمەسى كەزىندە ”شينجياڭعا قارجى قوسۋ“ _ كاسىپ سالاسى سەلبەستىگى بويىنشا تانىستىرۋ، ٴتۇيىلىستىرۋ قيمىلىن ورىستەتىپ، ساۋداگەر شاقىرىپ قارجى ەنگىزۋ بويىنشا 318 ٴتۇيىندى نىسانعا قول قويىسىپ، قول قويىسقان توقتام جالپى سوماسى 572 ميلليارد 200 ميلليون يۋانعا جەتىپ، شينجياڭ ەكونوميكاسىنىڭ دامۋىنا تىڭ ومىرشەڭ كۇش قوستى.

　　اۆتونوميالى رايوندىق ساۋدا ىستەرى مەڭگەرمەسى ساۋداگەر شاقىرۋ باسقارماسىنىڭ ورىنباسار باستىعى لين يفىڭ مىنالاردى ٴبىلدىردى: جاڭا جاعدايدا ساۋداگەر شاقىرىپ قارجى ەنگىزۋ قىزمەتىن ۇزدىكسىز كورنەكتى ورىنعا قويىپ ىلگەرىلەتەمىز جانە تياناقتاندىرامىز. ساۋداگەر شاقىرىپ قارجى ەنگىزۋ ارناسىن ونان ارى كەڭەيتىپ، ساۋداگەر شاقىرىپ قارجى ەنگىزۋدىڭ ساپاسىن، ونىمدىلىگىن جوعارىلاتىپ، ٴبىر تۇتاس جوسپارلاپ سايكەستىرۋدى، جەتەكشىلىك ەتۋدى كۇشەيتىپ، نىسان زاپاسىن ۇزدىكسىز ارتتىرىپ، ٴتۇيىندى نىسانداردىڭ ناقتىلانۋىن، تياناقتانۋىن ويداعىداي يگەرەمىز. تۇتاس جىلدا رايون سىرتىنان ەنگىزىپ تياناقتاندىرعان قارجىنى %8 ارتتىرۋعا كۇش سالىپ، ەكونوميكانىڭ، قوعامنىڭ جوعارى ساپالى دامۋىنا پارمەندى تىرەك ازىرلەيمىز.

جالعانىم