مەملەكەتتىڭ ٴبىر توپ تىڭنان قوسىلعان ساياساتىن تياناقتاندىرۋ سياقتىلاردى اقىلداستى
انار بۇلت \ شينجياڭ گازەتىنىڭ ٴتىلشىسى لي ياڭ 11 ـ ايدىڭ 2 ـ كۇنى ۇرىمجىدەن حابارلايدى. 11 ـ ايدىڭ 2 ـ كۇنى تۇستەن كەيىن اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ٴماجىلىسىن باسقارىپ اشىپ، باس شۋجي شي جينپيڭنىڭ تاياۋداعى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن جەتكىزدى، ۇيرەندى، اۆتونوميالى رايوندىق پارتكومنىڭ ورنالاستىرۋى بويىنشا، مەملەكەتتىڭ ٴبىر توپ تىڭنان قوسىلعان ساياساتىن تياناقتاندىرۋ، قالانىڭ قاتىناس نەگىزدىك قۇرىلعىلارىن جوبالاۋ، قۇرۋ ىستەرىن جۇيەلىلەندىرۋ، تۇتاس رايوننىڭ حالىق ىستەرى قىزمەتىن ويداعىداي ىستەۋ سياقتىلاردى اقىلداستى.
ٴماجىلىس مىنالاردى اتاپ كورسەتتى: مەملەكەتتىڭ ٴبىر توپ تىڭنان قوسىلعان ساياساتىن مۇقيات تياناقتاندىرىپ، ساياسات ـ شارالاردىڭ باعىتتامالىلىعىن، ونىمدىلىگىن ونان ارى جوعارىلاتىپ، ارتۋ قوزعالىس قۋاتىن اناعۇرلىم ويداعىداي قاۋلاتىپ، تۇتاس جىلدىق ەكونوميكالىق، قوعامدىق دامۋ نىسانا ـ مىندەتتەرىن قۇلشىنا ورىنداۋ كەرەك. نىسانا ـ مىندەتتەرگە تۋرالانىپ، بەلگى سيپاتتى ٴبىر توپ كەلەلى ينجەنەريالاردىڭ اياق الىسىن جەدەل ىلگەرىلەتىپ، نەگىزدىك قۇرىلعى ”10 تورى“ قۇرىلىسى جانە 100 ميلليارد يۋاندىق دەڭگەيدەگى، 10 ميلليارد يۋاندىق دەڭگەيدەگى ينجەنەريالار نىسانى تىزىمدىگىن تولىقتاپ، كەمەلدەندىرىپ، ”شينجياڭنىڭ ەلەكترىن سىرتقا جەتكىزۋ“ 4 ـ ارنا جەلىسى ينجەنەرياسى سياقتى جاڭادان سالىنعان نىسانداردىڭ قۇرىلىس باستاۋىن شارت ـ جاعداي جاراتىپ ىلگەرىلەتىپ، 4 ـ ماۋسىمدىق قارجى قوسۋ قىزمەتىن بارىنشا ىلگەرىلەتۋ كەرەك. ”ەكى جاڭا“ ساياساتىن ويداعىداي تياناقتاندىرىپ، تۇتىنۋ كومەسكى كۇشىن ۇزدىكسىز شىعارىپ، كەشكى تۇتىنۋ كاسىپ كۇيى جاعدايىندا جاڭالىق اشىپ، تۇتىنۋدىڭ قاۋىرت مەزگىلىن مىقتى يگەرىپ، كوپ نەگىزدەنگەن تۇتىنۋدى جەبەۋ قيمىلدارىن ورىستەتۋ كەرەك. قار ـ مۇز ەكونوميكاسى تۇتاس كاسىپ سالاسى تىزبەگىنىڭ دامۋ دەڭگەيىن جوعارىلاتىپ، نەگىزدىك قۇرىلعىلاردى كەمەلدەندىرىپ، قار ـ مۇز تۇتىنۋ ونىمدەرىن مولايتىپ، اناعۇرلىم كوپ ساياحاتشىنى قىس ماۋسىمىندا شينجياڭعا ساياحاتتاي كەلۋگە باۋراپ، قار ـ مۇز ەكونوميكاسىنىڭ جاڭا ارتۋ تۇيىنىنە اينالۋىن جەبەۋ كەرەك. كاسىپورىندارعا كومەكتەسۋ، سۇيەمەلدەۋ تەبىنىن ارتتىرىپ، كاسىپورىنداردىڭ قارجى قۇراۋى قيىن بولۋ، قارجى قۇراۋى قىمبات بولۋ ماسەلەسىن كۇش سالا شەشىپ، حالىقتىق شارۋاشىلىقتىڭ دامۋىن، زورايۋىن ۇزدىكسىز جەبەۋ كەرەك. ٴار دارەجەلى ۇكىمەتتەر ”ٴۇشتى قامتاماسىز ەتۋ“ جاۋاپكەرشىلىگىن قاتايتىپ، ”ٴۇشتى قامتاماسىز ەتۋ“ باسقارۋ ٴتۇزىمىن اقاۋسىزداندىرىپ، نەگىزگى ساتىعا باعىتتالعان قازىنادان اۋدارىپ تولەۋ تەبىنىن ارتتىرۋ كەرەك. بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن ۇزدىكسىز تۇلعالاپ، زاڭ اتقارۋ ٴتاسىلىن جۇيەلىلەندىرىپ، سيىسىمدى، بايىپتى باقىلاۋ ـ باسقارۋ مەن يكەمدى زاڭ اتقارۋدى كوبىرەك قولدانىپ، بەتالدى اقى الۋدى، بەتالدى ايىپ سالۋدى، بەتالدى سالىق سالۋدى باتىل تيۋ كەرەك. ۇگىتتەۋ، جەتەكشىلىك ەتۋ جانە ساياساتتى ٴتۇسىندىرۋدى كۇشەيتىپ، ساياساتتى ٴبىلۋ سالىستىرماسىن جانە قامتۋ كولەمىن جوعارىلاتىپ، قوعامنىڭ ٴارقايسى جاعىنىڭ سەنىمىن سەرپىلتۋ كەرەك.
ٴماجىلىس «اۆتونوميالى رايوننىڭ قالا قاتىناس نەگىزدىك قۇرىلعىلارىن جوبالاۋ قۇرىلىسىن ونان ارى جۇيەلىلەندىرۋ جونىندەگى تياناقتاندىرۋ شارالارىن» اقىلداسىپ، مىنالاردى باسا دارىپتەدى: اۆتونوميالى رايوننىڭ قالا قاتىناس نەگىزدىك قۇرىلعىلارىن جوبالاۋ قۇرىلىسىن ونان ارى جۇيەلىلەندىرىپ، وسى زامانعى قالا جالپىلىق قاتىناس جۇيەسىن قۇرۋدى جەبەپ، قالا قاتىناس ورتاسىن ۇزدىكسىز جاقسارتىپ، تۇرعىنداردىڭ ٴجۇرىس ـ تۇرىس قاجەتىن ٴونىمدى قاناعاتتاندىرۋ كەرەك. مەملەكەت جەرى كەڭىستىگىن قورعاۋمەن، اشۋمەن ٴوزارا ۇيلەسەتىن قالا قاتىناس نەگىزدىك قۇرىلعىلار تىرەكتىك جۇيەسىن ىرىقتىلىقپەن قۇرىپ، قالانىڭ جالپىلىق قاتىناس جۇيەسى جوباسىن عىلمي، ۇيلەسىمدى جاساپ، الدىمەن جوبالاپ، سوڭىنان اتقارۋعا تاباندى بولىپ، جوسپاردىڭ اتقارىلۋ جونىندەگى باقىلاۋ ـ تەكسەرۋدى جانە جاۋاپقا تارتۋدى كۇشەيتۋ كەرەك. قالانىڭ جالپىلىق قاتىناس تورابى قۇرىلىسىن كۇشەيتىپ، جەر بەتىن، جەر استىن، سونداي ـ اق توڭىرەكتەگى وڭىرلەردى ٴبىر تۇلعالاندىرىپ كەشەندى پايدالانۋدى، اشۋدى جەدەلدەتىپ، قالانىڭ سالىنىپ بولعان وڭىرلەرىنىڭ جول تورابى جيىلىگىن جانە جول جەر اۋدانىن ونان ارى جوعارىلاتىپ، الەۋمەتتىك قاتىناستى الدىمەن دامىتىپ، كولىك توقتاتۋ قۇرىلعىلارى كەمدىگىن تولىقتاۋ كەرەك. سايكەستى ەنەرگيا قۇرىلعىلارى مەن قالا قاتىناس نەگىزدىك قۇرىلعىلارىن سايكەستىرە سالۋدى جەبەپ، قالانىڭ ماي قۇيۋ، گاز قۇيۋ پۋنكتى، زاريادتاۋ ـ باتارەيا اۋىستىرۋ پۋنكتى، ۋنيۆەرسال ەنەرگيا پۋنكتى سياقتى قۇرىلىس ورنالاسىمىن ساپالىلاندىرىپ، بۇقارانىڭ ٴجۇرىس ـ تۇرىسىنا قولايلىلىق جاراتۋ كەرەك.
ٴماجىلىس مىنالاردى باسا دارىپتەدى: تۇتاس رايوننىڭ حالىق ىستەرى قىزمەتىن كۇش سالا ويداعىداي ىستەپ، حالىق تۇرمىسى سالاسى ۇسىنىلىمىن ۇزدىكسىز ارتتىرىپ، جالپىعا ٴتيىمدى، نەگىزدىك، تۇبەسەلى حالىق تۇرمىسى قۇرىلىسىن كۇشەيتۋ كەرەك. شينجياڭنىڭ ٴىس جۇزىندىگىن تياناق ەتىپ، حالىق ىستەرى سالاسىنداعى ساياسات، ٴتۇزىم جۇيەسىن، قىزمەت وتەۋ، قامتاماسىز ەتۋ جۇيەسىن، باقىلاۋ ـ باسقارۋ جۇيەسىن، قوعامنىڭ ات سالىسۋ جۇيەسىن كەمەلدەندىرىپ، قوعامدىق قۇتقارۋ ـ كومەكتەسۋ، قوعامدىق يگىلىك، قوعامدىق ىستەر، قوعامدىق باسقارۋ قىزمەت دەڭگەيىن جوعارىلاتۋ كەرەك. 2024 ـ جىلعى حالىق تۇرمىسىنداعى 10 ناقتى ٴىستى تىڭعىلىقتى ىلگەرىلەتىپ، حالىق بۇقاراسى ٴۇشىن بەلسەندىلىكپەن، ىرىقتىلىقپەن جاقسى ٴىس، ناقتى ٴىس ىستەپ، قيىن ىستەردى شەشىپ، دامۋ جەتىستىكتەرىنىڭ ورنىقتىلىقتى جەبەۋ، حالىق تۇرمىسىن جاقسارتۋ، جۇرت تىلەگىن ۇيىستىرۋ جاعىندا تياناقتانۋىن جەبەۋ كەرەك.
ٴماجىلىس باسقا دا ىستەردى اقىلداستى.