حى جۇڭيوۋ، جاڭ جۋ قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 11 ـ ايدىڭ 2 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز 11 ـ ايدىڭ 2 ـ كۇنى ۇرىمجىدە شينجياڭعا قارجى قوسۋعا، تەكسەرۋ جۇرگىزۋگە كەلگەن جارناسى بازارعا سالىنعان 24 سەرىكتەستىكتىڭ، 6 باس كاسىپورىننىڭ، ”ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان“ 8 كاسىپورىننىڭ جاۋاپتىلارىمەن جانە قاتىستى ماماندارمەن كەزدەسىپ، باسىمدىقتاردى ٴتۇيىلىستىرۋدى كۇشەيتۋ، قارجى قوسۋ سەلبەستىگىن تەرەڭدەتۋ توڭىرەگىندە پىكىر اۋىستىردى.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى جاڭ جۋ قاتىناستى.
كەڭەستە ما شيڭرۇي اۆتونوميالى رايوندىق پارتكوم، ۇكىمەت، بيڭتۋان اتىنان كاسىپورىنشىلاردىڭ كەلگەندىگىن قارسى الدى، كاسىپورىنداردىڭ ۇزاق ۋاقىتتان بەرى شينجياڭنىڭ ەكونوميكالىق، قوعامدىق دامۋىنا زور كۇشپەن قولداۋ كورسەتكەندىگىنە العىس ايتتى. ول بىلاي دەدى: پارتيا 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە ەرەكشە قامقورلىق جاساپ، قويۋ سۇيىسپەنشىلىك ارنادى. باس شۋجي شي جينپيڭ شينجياڭ قىزمەتىنە ٴوزى جوبا جاساپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تۇراقتاندىرىپ، مەملەكەتتىڭ جالپى جاعدايىندا شينجياڭعا ەرەكشە ماڭىزدى ستراتەگيالىق ورىن بەلگىلەپ، شينجياڭنىڭ جوعارى ساپالى دامۋىنا پارمەندى قوزعاۋشى كۇش ۇستەدى. سوڭعى جىلدارى شينجياڭ جوعارى ساپالى دامۋ سىندى ماڭداي الدى مىندەتتى مىقتى يگەرىپ، وزگەشە جاعراپيالىق ورىن، ابزال بايلىق ارتىقشىلىعى سياقتى جاقتارداعى باسىمدىقتارىن تولىق ساۋلەلەندىرىپ، ەرەكشەلىككە، باسىمدىققا يە كاسىپ سالالارى شوعىرىن تىرەك ەتكەن وسى زامانعى كاسىپ سالاسى جۇيەسىن جەدەل ورناتىپ، ”ٴبىر بەلدەۋ، ٴبىر جولدى“ بىرگە قۇراتىن ەلدەرگە، اسىرەسە، ورتا ازياداعى 5 ەلگە باعىتتاپ، سىرتقا ەسىك اشۋدى بەلسەنە كەڭەيتتى، ٴار سالاداعى دامۋ تەبىنى كۇشتى بولىپ، جوعارى ساپالى دامۋدىڭ ماڭىزدى ستراتەگيالىق وراي مەزگىلىن قارسى الدى. شينجياڭنىڭ ورايى _ قالىڭ كاسىپورىنداردىڭ دا ورايى. كاسىپورىنشىلاردىڭ شينجياڭدا ىشكەرىلەي تەكسەرۋ جۇرگىزىپ، كاسىپورىننىڭ ارتىقشىلىعى مەن شينجياڭنىڭ ابزالدىلىعىنىڭ ۇشتاسۋ ٴتۇيىنىن بەلسەنە قاراستىرىپ، نىساندى دالمە ـ ٴدال تاڭداپ، ٴوزارا تيىمدىلىك جاساۋ سەلبەستىگىن تەرەڭدەتۋىن شىن ىقىلاسپەن قارسى الامىز. شينجياڭ بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن جەدەل تۇلعالاپ، كاسىپورىنداردىڭ شينجياڭدا جاڭالىق اشىپ، شارۋاشىلىق قۇرۋىنا، قارجى قوسىپ دامۋىنا بار كۇشپەن ٴورىستى تۇعىر تۇلعالاۋدا، ساپالى قىزمەت وتەۋ ازىرلەۋدە. كوپشىلىكتىڭ وسى رەتكى تەكسەرۋ جۇرگىزۋدە اناعۇرلىم كوپ قارجى قوسۋ سەلبەستىگىن جاساۋىن، شينجياڭدا قارجى قوسىپ دامۋدا اناعۇرلىم كوپ ناقتى جەتىستىكتەرگە قول جەتكىزۋىن ٴۇمىت ەتەمىن.
چيانشيحى، گۋاڭدۇڭ حۇڭدا جارنا تىزگىندەۋ، گۋاڭجوۋ كى ـ ي فوتو ـ ەلەكتر، جۇڭگو ەنەرگيا ۇنەمدەۋ، قورشاعان ورتانى قورعاۋ توبى كۇن ەنەرگياسى سەرىكتەستىگى، يپۋلي، لۇڭپيڭ جوعارى عىلىم ـ تەحنيكاسى، سىچۋان سارى التىنى، لۇينىڭ حۇيچۇڭ، يۇيحىتيان، جۇڭلۋ جارناسى، شىنجىن قالالىق حۋاشىڭچاڭ عىلىم ـ تەحنيكاسى، گۋاڭدۇڭ جىڭحى قارجى قوسۋى سياقتى كاسىپورىنداردىڭ جاۋاپتىلارى جانە قاتىستى مامان ـ وقىمىستىلاردىڭ ۋاكىلدەرى لەبىز ٴبىلدىرىپ، كاسىپورىننىڭ دامۋى جانە شينجياڭدا كاسىپ سالاسىن ورنالاستىرۋ احۋالىن تانىستىرىپ، كەلەسى قادامدا شينجياڭدا قارجى قوسۋ ورنالاسىمىن كۇشەيتۋ جونىندە پىكىر اۋىستىردى. كوپشىلىك شينجياڭنىڭ سوڭعى جىلدارداعى دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى ٴبىر تۇتاس جوسپارلاپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدە قول جەتكىزگەن كورنەكتى ناتيجەلەرىنە جوعارى باعا بەردى. كوپشىلىك مىنالاردى ٴبىلدىردى: قازىرگى شينجياڭدا بارلىق جەردە دامۋ ورايى بار، بولاشاق كومەسكى كۇشى وراسان زور، كەلەشەگى كەڭ. وسى رەتكى تەكسەرۋ جۇرگىزۋدى وراي ەتىپ، كاسىپورىننىڭ وزىندىك باسىمدىعىن ساۋلەلەندىرىپ، ەنەرگيا، كەن بايلىعىن اشۋ، وسى زامانعى ەگىن، مال شارۋاشىلىعى، جاڭا ماتەريال، جاڭا تەحنيكا سياقتى سالالاردى ارقاۋ ەتىپ، شينجياڭداعى سەلبەستىك نىساندارىن بەلسەنە ٴتۇيىلىستىرىپ، ٴوزارا تيىمدىلىك جاساپ، بىرگە يگىلىككە كەنەلۋ بارىسىندا شينجياڭنىڭ جوعارى ساپالى دامۋىن ىلگەرىلەتەمىز.
چىن ۋيجۇن، قادەن كابەن، اۆتونوميالى رايوندىق ۇكىمەتتەگى، ساياسي كەڭەستەگى، بيڭتۋانداعى قاتىستى باسشىلار، اۆتونوميالى رايوننىڭ قاتىستى ورىندارىنداعى جانە كاسىپورىندارداعى جاۋاپتى جولداستار كەزدەسۋگە قاتىناستى.
وسى رەت تۇڭعىش توپتا شينجياڭعا كەلىپ تەكسەرۋ جۇرگىزىپ، سەلبەستىكتى تۇيىلىستىرگەن كاسىپورىن جيىنى 72، الداعى بىرنەشە كۇندە، كاسىپورىنشىلار اۆتونوميالى رايوننىڭ جانە بيڭتۋاننىڭ قاتىستى باقشا رايوندارى، كاسىپورىندارى سياقتى جەرلەردى ىشكەرىلەي ارالاپ، ەكسكۋرسيالاپ، تەكسەرۋ جۇرگىزۋ، تانىستىرۋ جاساپ، پىكىر اۋىستىرۋ، كاسىپ سالالارى شوعىرى بويىنشا قارجى قوسۋدى ٴتۇيىلىستىرۋ سياقتى ٴبىر قىدىرۋ قيمىلدار ورىستەتەدى.