ما شيڭرۇي 10 ـ كەزەكتى اۆتونوميالى رايوندىق پارتكوم 5 ـ رەتكى شارلاۋ قىزمەتى جونىنەن شوعىرلى اڭىس ەتۋ ماجىلىسىندە جانە 6 ـ رەتكى شارلاۋ قىزمەتى جونىنەن اتتانىسقا كەلتىرۋ، ورنالاستىرۋ ماجىلىسىندە بىلاي دەپ باسا دارىپتەدى
جاڭا جورىقتا شارلاۋدىڭ وتكىر سەمسەرلىك رولىن اناعۇرلىم ويداعىداي ساۋلەلەندىرىپ، رەفورمانى ونان ارى جاپپاي تەرەڭدەتۋدى، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدى پارمەندى قامتاماسىز ەتۋ كەرەك
ەركىن تۇنياز باسقاردى، ٴزۇمىرات وبۇل، نۇرلان ٴابىلماجىن، حى جۇڭيوۋ، جاڭ جۋ قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 11 ـ ايدىڭ 2 ـ كۇنى ۇرىمجىدەن حابارلايدى. 10 ـ كەزەكتى اۆتونوميالى رايوندىق پارتكوم 5 ـ رەتكى شارلاۋ قىزمەتى جونىنەن شوعىرلى اڭىس ەتۋ ٴماجىلىسى جانە 6 ـ رەتكى شارلاۋ قىزمەتى جونىنەن اتتانىسقا كەلتىرۋ، ورنالاستىرۋ ٴماجىلىسى 11 ـ ايدىڭ 2 ـ كۇنى ۇرىمجىدە اشىلدى، اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ٴارى ٴسوز سويلەدى. ول بىلاي دەپ باسا دارىپتەدى: باس شۋجي شي جينپيڭنىڭ پارتيانىڭ وزىنە ـ ٴوزى توڭكەرىس جاساۋ جونىندەگى ماڭىزدى يدەياسى مەن شارلاۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، 20 ـ كەزەكتى ورتالىق كوميتەتتىڭ 4 ـ رەتكى شارلاۋ قىزمەتى جونىنەن اتتانىسقا كەلتىرۋ، ورنالاستىرۋ ٴماجىلىسىنىڭ رۋحىن دايەكتىلەندىرىپ، تياناقتاندىرىپ، دالمە ـ ٴدال شارا اتقارىپ، شارلاۋ بويىنشا رەتتەۋ ـ تۇزەتۋ قىزمەتىن ويداعىداي ىستەپ، جاڭا كەزەكتى شارلاۋ قىزمەتىن جوعارى ساپامەن ويداعىداي ىستەپ، ساياسي باقىلاۋدى دالمە ـ ٴدال، ٴونىمدى ورىستەتىپ، جاڭا جورىقتا شارلاۋدىڭ وتكىر سەمسەرلىك رولىن اناعۇرلىم ويداعىداي ساۋلەلەندىرىپ، رەفورمانى ونان ارى جاپپاي تەرەڭدەتۋدى، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدى پارمەندى قامتاماسىز ەتۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى جاڭ جۋ ماجىلىسكە قاتىناستى.
ٴماجىلىس 10 ـ كەزەكتى اۆتونوميالى رايوندىق پارتكومنىڭ 5 ـ رەتكى شارلاۋىندا بايقالعان كورنەكتى ماسەلەلەردى حابارلادى، 10 ـ كەزەكتى اۆتونوميالى رايوندىق پارتكوم 6 ـ رەتكى شارلاۋ گرۋپپاسىنىڭ باستىعىن، ورىنباسار گرۋپپا باستىعىن ۇقىق بەرىپ مىندەتكە تاعايىنداۋ جانە مىندەت ٴبولىسى جونىندەگى قاۋلىنى جاريالادى. 10 ـ كەزەكتى اۆتونوميالى رايوندىق پارتكومنىڭ 6 ـ رەتكى شارلاۋىندا اۆتونوميالى رايوننىڭ 4 باسشىلىق القا ورگانىنا، قوعامدىق ىستەرگە جانە حالىق تۇرمىسى تاراۋلارىنا، سونداي ـ اق بۇقارالىق توپتار مەن ۇيىمداردان جيىنى 34 تاراۋ مەن ورىنعا ٴتۇيىندى تۇردە داعدىلى شارلاۋ جۇرگىزىلەدى.
ما شيڭرۇي بىلاي دەپ اتاپ كورسەتتى: پارتيا 18 ـ قۇرىلتايىنان بەرى باس شۋجي شي جينپيڭ شارلاۋ قىزمەتىنە ايرىقشا ٴمان بەرىپ، كوپ رەت ماڭىزدى ٴسوز سويلەپ، ايقىن تالاپتار قويىپ، شارلاۋ قىزمەتىندە نازاريادا جاڭالىق اشۋدى، امالياتتا جاڭالىق اشۋدى، تۇزىمدە جاڭالىق اشۋدى ىلگەرىلەتۋگە ۇزدىكسىز جەتەكشىلىك ەتتى جانە ونى ىلگەرىلەتتى. باس شۋجي شي جينپيڭنىڭ پارتيانىڭ وزىنە ـ ٴوزى توڭكەرىس جاساۋ جونىندەگى ماڭىزدى يدەياسىن جانە شارلاۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، ٴتۇسىنىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، جاڭادان وزگەرىس ەنگىزىلگەن «جۇڭگو كوممۋنيستىك پارتياسىنىڭ شارلاۋ قىزمەتى ەرەجەسىن» دايەكتىلەندىرىپ، تياناقتاندىرىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە شوعىرلاندىرىپ، رەفورما رۋحىمەن جانە قاتاڭ ولشەممەن پارتيانى باسقارۋعا، پارتيانى جونگە سالۋعا تاباندى بولىپ، ساياسي باقىلاۋدىڭ ناقتىلانۋىن، دالمە ـ ٴدال بولۋىن، ۇدايىلانۋىن ۇزدىكسىز ىلگەرىلەتىپ، جاڭا جورىقتا شينجياڭنىڭ شارلاۋ قىزمەتىنىڭ جوعارى ساپالى دامۋىن ىلگەرىلەتۋ كەرەك.
ما شيڭرۇي بىلاي دەپ باسا دارىپتەدى: شارلاۋدا اڭىس ەتىلگەن ماسەلەلەردى رەتتەۋ ـ تۇزەتۋگە ايرىقشا ٴمان بەرىپ، شارلاۋ جۇرگىزىلگەن پارتيا ۇيىمدارىنىڭ شارلاۋدا اڭىس ەتىلگەن ماسەلەلەردى رەتتەۋ ـ تۇزەتۋ تۇلعالىق جاۋاپكەرشىلىگىن قاتايتىپ، ناقتىلاندىرىپ، ٴتۇزىلىس ـ مەحانيزمدى كەمەلدەندىرۋدەن باستاپ كىرىسۋگە تاباندى بولىپ، جالپىلىق ماسەلەلەردى جۇيەلى باسقارۋدى ىلگەرىلەتىپ، ٴتۇيىندى، قيىن ماسەلەلەردى جوعارى ـ تومەن بىرلەسىپ شەشىپ، تۇبەگەيلى وزىنە ـ ٴوزى توڭكەرىس جاساۋ رۋحىمەن شارلاۋدىڭ ”كەيىنگى كەزەڭدەگى جۇمىستارىن“ ويداعىداي ىستەۋ كەرەك. بايلانىس جاساۋعا جاۋاپتى ولكە دارەجەلى باسشىلار ”ٴبىر قىزمەت ورنىندا ەكى جاۋاپكەرشىلىك ارقالاۋدى“ مۇقيات اتقارىپ، شارلاناتىن ورىنداردىڭ رەتتەۋ ـ تۇزەتۋدى تياناقتاندىرۋدى ۇدايى، باياندى، ويداعىداي يگەرۋىنە كومەكتەسۋى كەرەك. ٴار دارەجەلى تاراۋلار ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، رەتتەۋ ـ تۇزەتۋدى كۇندەلىكتى قىزمەتپەن توعىستىرىپ، فۋنكتسيالىق قىزمەت جاۋاپكەرشىلىگىمەن توعىستىرىپ، تەرەڭ قاتپارلى قايشىلىقتار مەن ماسەلەلەردى كۇش سالا شەشۋى كەرەك.
ما شيڭرۇي بىلاي دەپ باسا دارىپتەدى: ۇيىمدىق باسشىلىقتى كۇشەيتىپ، ٴبىر تۇتاس جوسپارلاپ سايكەستىرىپ، 6 ـ رەتكى شارلاۋ قىزمەتىن جوعارى ساپامەن ويداعىداي ىستەۋ كەرەك. شارلاۋ جۇرگىزىلەتىن ورىنداردىڭ فۋنكتسيالىق جاۋاپكەرشىلىگىن دالمە ـ ٴدال يگەرىپ، نازاردى پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن، اسىرەسە، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن تياناقتاندىرۋ جاعدايىنا شوعىرلاندىرىپ، نازاردى پارتيانى جاپپاي قاتاڭ باسقارۋ تۇلعالىق جاۋاپكەرشىلىگى مەن باقىلاۋ جاۋاپكەرشىلىگىن تياناقتاندىرۋ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىلگەرىلەتۋ جاعدايىنا شوعىرلاندىرىپ، نازاردى جاڭا داۋىردەگى پارتيانىڭ ۇيىمدىق لۋشيانىن تياناقتاندىرىپ، باسشىلىق القاسى مەن كادر ـ دارىندىلار قوسىنى قۇرىلىسىن، نەگىزگى ساتى پارتيا ۇيىمى قۇرىلىسىن كۇشەيتۋ جاعدايىنا شوعىرلاندىرىپ، نازاردى شارلاۋ باقىلاۋىندا جانە باسقا دا باقىلاۋدا بايقالعان ماسەلەلەردى رەتتەۋ ـ تۇزەتۋ جاعدايىنا شوعىرلاندىرىپ، ساياسي باقىلاۋدى دالمە ـ ٴدال، پارمەندى ورىستەتۋ كەرەك. پارتيا ورتالىق كوميتەتىنىڭ رەفورمانى ونان ارى جاپپاي تەرەڭدەتۋ جونىندەگى كەلەلى ستراتەگيالىق ورنالاستىرۋىن تياناقتاندىرۋ، بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن شەشۋدى جەبەۋ سياقتى ٴتۇيىندى قىزمەتتەردى ارقاۋ ەتىپ، ساياسي اۋىتقۋدى ىشكەرىلەي تاۋىپ جانە تۇزەتىپ، پارتيا 20 ـ قۇرىلتايى مەن 20 ـ كەزەكتى ورتالىق كوميتەت ٴۇشىنشى جالپى ٴماجىلىسىنىڭ شەشىمدەرى مەن ورنالاستىرۋلارىنىڭ تياناقتانىپ، ونىمدىلىك كورسەتۋىن بار كۇشپەن قامتاماسىز ەتۋ كەرەك. ”ٴبىرىنشى باسشىنى“ باقىلاۋدى كورنەكتىلەندىرىپ، ماسەلەنى باعدار ەتۋدەن جازباي، ساياسي ٴتارتىپ پەن ساياسي قاعيداعا قاتاڭ بويسۇنۋ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋ سياقتى جاقتارداعى جاعدايلاردى ٴجىتى قاداعالاپ، ٴتۇيىندى ادامداردى، ٴتۇيىندى ىستەردى، ٴتۇيىندى سالالاردى ٴجىتى قاداعالاپ، جوعارى ساپالى شارلاۋ ارقىلى رەفورمانى تەرەڭدەتۋدى، ساڭلاۋلاردى بىتەۋدى، تۋ باستان وڭاۋدى جەبەپ، شينجياڭنىڭ پارتيانى جاپپاي قاتاڭ باسقارۋىنىڭ تەرەڭدەي ىلگەرىلەۋىن جەبەۋ كەرەك.
تيان شياڭلي، چىن ۋيجۇن، چىن ميڭگو، ۋاڭ جيانشين، ٴيۇسۇپجان مامەت، ەلزات احمەتجان، قادەن كابەن، ۋاڭ لين، اۆتونوميالى رايوندىق ۇكىمەت باسشىلىق القاسىنىڭ مۇشەلەرى، اۆتونوميالى رايوندىق پارتكوم شارلاۋ قىزمەتى باسشىلىق گرۋپپاسىنىڭ مۇشەلەرى، 10 ـ كەزەكتى اۆتونوميالى رايوندىق پارتكوم 5 ـ رەتكى، 6 ـ رەتكى شارلاۋ گرۋپپالارىنىڭ باستىقتارى، ورىنباسار باستىقتارى جانە شارلاۋ جۇرگىزىلەتىن ورىندارداعى جاۋاپتى جولداستار، اۆتونوميالى رايوندىق ٴتارتىپ تەكسەرۋ كوميتەتىنىڭ، باقىلاۋ ـ تەكسەرۋ كوميتەتىنىڭ، اۆتونوميالى رايوندىق پارتكوم ۇيىمداستىرۋ ٴبولىمىنىڭ القا مۇشەلەرى، اۆتونوميالى رايوندىق پارتكوم شارلاۋ كەڭسەسىندەگى قاتىستى جولداستار، اۆتونوميالى رايوننىڭ قاتىستى تاراۋلارىنداعى جاۋاپتى جولداستار ماجىلىسكە قاتىناستى.