قيىندىققا قارسى اتتانىپ، رەفورمانىڭ، دامۋدىڭ تىڭ ٴورىسىن قۇلشىنا اشامىز
— باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ ـ تالقى كۋرسىنىڭ وقۋ باستاۋ سالتىندا سويلەگەن ماڭىزدى ٴسوزى رايونىمىزداعى جەر ـ جەردى ٴورىس اشا جاڭالىق اشۋعا ىنتالاندىردى
انار بۇلت \ شينجياڭ گازەتىنىڭ تىلشىلەرى
تاياۋ كۇندەردەن بەرى باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ ـ تالقى كۋرسىنىڭ وقۋ باستاۋ سالتىندا سويلەگەن ماڭىزدى ٴسوزى رايونىمىزدىڭ جەر ـ جەرىندە كۇشتى اڭىس قوزعادى. كوپشىلىك مىنالاردى ٴبىلدىردى: رەفورما ماڭگى جالعاسادى، رەفورما جولى داڭعىل بولمايدى، باس شۋجي شي جينپيڭنىڭ ماڭىزدى ٴسوزىنىڭ رۋحىن مۇقيات ۇيرەنىپ، دايەكتىلەندىرىپ، ساياسي جاۋاپكەرشىلىك سەزىمدى، تاريحي بورىشتىلىق سەزىمدى كۇشەيتىپ، قامال الىپ قيىندىقتى جەڭەتىن، قيىندىققا قارسى اتتاناتىن ساياسي باتىلدىقپەن رەفورمانىڭ، دامۋدىڭ جاڭا ٴورىسىن قۇلشىنا اشامىز.
”باس شۋجي شي جينپيڭ بىلاي دەپ اتاپ كورسەتتى: رەفورمانىڭ قوعامدىق پىكىر جەتەكشىلىگى قىزمەتىن شىنايى ويداعىداي ىستەپ، ۇنامدى ۇگىتتى كۇشەيتىپ، نەگىزگى اۋەندى اسقاقتاتىپ، وڭ ەنەرگيا جەتكىزۋ كەرەك. جالپى ٴماجىلىس «قاۋلىسىندا» العا قويىلعان كەيبىر كەلەلى نازاريالىق كوزقاراستاردى زەرتتەۋدى، ٴتۇسىندىرۋدى كۇشەيتىپ، اسىرەسە، نەگىزگى ساتىعا جانە بۇقاراعا باعىتتالعان ۇگىتتەۋدى، ٴتۇسىندىرۋدى كۇشەيتىپ، دەر كەزىندە كۇدىك ـ كۇماننان ارىلتىپ، قوعام ٴجىتى قاداعالاپ وتىرعان ىستەرگە جاۋاپ قايتارىپ، كەڭ كولەمدە ورتاق تانىم ۇيىستىرىپ، بۇكىل پارتيا، بۇكىل قوعام رەفورمانى بىرگە يگەرۋدىڭ يدەيالىق نەگىزىن، بۇقارالىق نەگىزىن بەكەمدەۋ كەرەك.
باس شۋجي شي جينپيڭنىڭ ماڭىزدى ٴسوزى ٴبىزدىڭ رەفورما ورتاق تانىمىن كەڭ كولەمدە ۇيىستىرىپ، جالپى ٴماجىلىس «قاۋلىسى» ورنالاستىرعان ٴتۇرلى رەفورما شارالارىنىڭ تياناقتانىپ ونىمدىلىك كورسەتۋىن ىلگەرىلەتۋىمىز جونىنەن ماڭىزدى مانگە يە“. 11 ـ ايدىڭ 3 ـ كۇنى اقسۋ ايماقتىق پارتكوم ساياسات زەرتتەۋ كەڭسەسى (رەفورما كەڭسەسى) رەفورمانى سايكەستىرۋ ٴبولىمىنىڭ باستىعى چيڭ يۇيلۇڭ بىلاي دەدى: اقسۋ ايماعى ينتەرنەت جەلىسىندە، ينتەرنەت جەلىسىنەن تىسقارى ٴتۇرلى تۇعىرلاردان تولىق پايدالانىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇگىتتەۋمەن بىرگە، نەگىزگى ساتىنىڭ ٴۇنىن تىڭداۋعا اناعۇرلىم باسا ٴمان بەرىپ، بۇقارا كوڭىل ٴبولىپ وتىرعان جۇمىستانۋ، شارۋاشىلىق قۇرۋ، وقۋ ـ اعارتۋ، ەمدەۋ سياقتى قولامتالى ماسەلەلەرگە مەڭزەس، قوعام ٴجىتى قاداعالاپ وتىرعان ىستەرگە دەر كەزىندە جاۋاپ قايتارىپ، قاتىستى رەفورما شارالارىنىڭ ىلگەرىلەتىلۋ جاعدايىن ىرىقتىلىقپەن اشىق جاريالاپ، ارناۋلى ارنا قۇرۋ ارقىلى كۇدىك ـ كۇماننان ارىلتىپ، ءار ۇلت كادر ـ بۇقاراسىنىڭ ويدى ٴبىر اراعا شوعىرلاندىرۋىنا، كۇشتى ٴبىر اراعا جۇمساۋىنا، بارلىق ادامنىڭ رەفورمانىڭ ات سالىسۋشىسى، ىلگەرىلەتۋشىسى بولۋىنا مۇمكىندىك جاساپ، بۇكىل ايماقتىڭ دامۋىنا سارقىلماس قوزعاۋشى كۇش ۇستەيدى.
سانجى حۇيزۋ اۆتونوميالى وبلىستىق پارتكوم ۇگىت ٴبولىمىنىڭ ۇنەمىلىك ىستەرگە جاۋاپتى ورىنباسار باستىعى ۋاڭ جيانجۇڭ مىنالاردى ٴبىلدىردى: حالىق _ رەفورمانىڭ، دامۋدىڭ نەگىزگى كۇشى، رەفورمانى جاپپاي تەرەڭدەتۋدە، ٴسوز جوق، جالپى حالىقتىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرۋ كەرەك. سانجى وبلىسى الداعى جەردە پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىمەن يدەيانى بىرلىككە كەلتىرۋگە، كۇش ـ قۋاتتى ۇيىستىرۋعا كۇش سالادى. مادەنيەت ٴتۇزىلىس رەفورماسى مىندەتىن ارقاۋ ەتىپ، توعىسپالى مەديا رەفورماسىن، مادەنيەت ورىندارىنىڭ ٴتۇزىم رەفورماسىن ىلگەرىلەتىپ، مادەنيەت كاسىپ سالاسىنىڭ دامۋ كومەسكى قۋاتى مەن ومىرشەڭ قۋاتىن قاۋلاتادى. ٴتۇرلى جاڭا مەديا تۇعىرلارىنان تولىق، ويداعىداي پايدالانىپ، بۇقارانىڭ ماڭىنداعى حيكايالاردان پايدالانىپ رەفورمانىڭ ۇلكەن قاعيداسىن ويداعىداي باياندايدى.
باس شۋجي شي جينپيڭ بىلاي دەپ باسا دارىپتەدى: ساياسي جاۋاپكەرشىلىك سەزىمدى، تاريحي بورىشتىلىق سەزىمدى كۇشەيتىپ، قامال الىپ قيىندىقتاردى جەڭەتىن، قيىندىقتارعا قارسى اتتاناتىن ساياسي باتىلدىقپەن، قايشىلىققا، ماسەلەلەرگە ٴدوپ كەلگەندە تايساقتاماي، ٴسىڭىستى كىناراتتار مەن قاساڭ دەرتتەردى الاستاۋدا جاسقانباي، حاۋىپ ـ قاتەرگە، سىن ـ سايىستارعا توتەپ بەرۋدە شەگىنشەكتەمەي، رەفورمانىڭ، دامۋدىڭ جاڭا ٴورىسىن قۇلشىنا اشۋ كەرەك.
”باس شۋجي شي جينپيڭنىڭ ماڭىزدى ٴسوزى ايقىن تىڭعىلىقتى ىستەۋ باعدارىن جەتكىزدى. ٴبىز ماكرولىق باسقارۋ مەن ەكونوميكانى جالپىلىق سايكەستىرۋ تاراۋلارىنىڭ مىندەت جاۋاپكەرشىلىگىن تياناق ەتىپ، اۆتونوميالى رايوندىق پارتكومنىڭ قارامايلىعا جۇكتەگەن ’ٴۇرىمجى _ قارامايلى _ سانجىنىڭ‘ جوعارى ساپالى دامۋىنداعى ’ٴبىرىنشى تىركەسپەلى توپ‘ ورنىن كوزدەپ، رەفورمانى ونان ارى جاپپاي تەرەڭدەتۋدىڭ جارامدى اتقارۋشىلارى، ارەكەت جاساۋشىلارى، ىسكەرلەرى بولامىز“. قارامايلى قالالىق ۇكىمەتتىڭ ورىنباسار باس حاتشىسى، قالالىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى ۋاڭ شياۋلين بىلاي دەدى: قارامايلى قالاسى الداعى جەردە فاكتورلاردى بازارلاندىرا ۇلەستىرۋ رەفورماسىن تەرەڭدەتىپ، ەكونوميكالىق دامۋدىڭ ىشكى قوزعاۋشى قۋاتى مەن ومىرشەڭ كۇشىن ۇزدىكسىز قاۋلاتادى؛ جاڭا ەنەرگيا، ەسەپتەۋ قۋاتى سياقتى جاڭادان گۇلدەنگەن كاسىپ سالالارىن ٴۇرتىس زورايتىپ، دامۋدىڭ جاڭا قوزعالىس قۋاتىن، جاڭا باسىمدىعىن ۇزدىكسىز سومدايدى. سونىمەن بىرگە جوعارى ٴونىمدى، ىركىلىسسىز اينالىم جۇيەسى مەن جالپىلىق قاتىناس جۇيەسىن جەدەل قۇرىپ، جالپىعا ٴتيىمدى، نەگىزدىك، تۇبەسەلى حالىق تۇرمىسى قۇرىلىسىن كۇشەيتەدى.
كەريا اۋداندىق دامۋ جانە رەفورما كوميتەتىنىڭ مەڭگەرۋشىسى يان چىڭشياڭ مىنالاردى ٴبىلدىردى: يدەيا مەن ارەكەتتى باس شۋجي شي جينپيڭنىڭ ماڭىزدى ٴسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ماسەلەنى باعدار ەتۋگە باستان ـ اياق تاباندى بولىپ، ماسەلەگە بەتپە ـ بەت كەلىپ، تايساقتامايمىز، جالتارمايمىز؛ ماسەلەگە عىلمي تالداۋ جاساپ، ىشكەرىلەي تەكسەرۋ ـ زەرتتەۋ جۇرگىزىپ، ماسەلەنىڭ تۇيىنشەگى قايدا ەكەندىگىن دالمە ـ ٴدال تابامىز؛ ماسەلەنى شەشۋگە شەبەر بولىپ، رەفورمانىڭ تياناقتانۋىن شەگە قاعۋ رۋحىمەن ويداعىداي يگەرىپ، كوپتەن كەڭەس الىپ، شارانى دالمە ـ ٴدال اتقارىپ، رەفورما شارالارىنىڭ ناقتىلانۋىنا، ەگجەي ـ تەگجەيلىلەنۋىنە، تياناقتانۋىنا شىنايى كەپىلدىك ەتىپ، حالىق بۇقاراسىن شىن مانىندە ناقتى يگىلىككە كەنەلدىرىپ، ەكونوميكالىق، قوعامدىق دامۋعا جاڭا ومىرشەڭ كۇش ۇستەيمىز.
”باس شۋجي شي جينپيڭ ماڭىزدى سوزىندە رەفورمانى ونان ارى جاپپاي تەرەڭدەتۋدىڭ كەلەلى پرينسيبىن ايقىن ٴتۇسىندىردى، رەفورمانى ىلگەرىلەتۋدىڭ جولى مەن ٴادىسىن عىلمي اشىپ كورسەتتى، ول وتە كۇشتى يدەيالىق جەتەكتەۋ سيپاتىنا، ستراتەگيالىق جەتەكشىلىك سيپاتقا جانە رەال باعىتتامالىلىق سيپاتقا يە“. بۇراتالا موڭعۇل اۆتونوميالى وبلىستىق پارتكومنىڭ تۇراقتى مۇشەسى، الاتاۋ قالالىق پارتكومنىڭ شۋجيى ۋاڭ حۇڭجىڭ بىلاي دەدى: باس شۋجي شي جينپيڭنىڭ ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، فۋنكتسيانى، مىندەت جاۋاپكەرشىلىگىن تياناق ەتىپ، تاسىمال مولشەرىنىڭ قۋات دارەجەسىن بۇلجىماي جوعارىلاتىپ، ”زات اينالىمى تورابىن“ بەتكە الىپ جوعارى ساپالى داميمىز؛ ساۋدانىڭ قۋات دارەجەسىن بۇلجىماي جوعارىلاتىپ، ”جاڭا كاسىپ كۇيىن“ بەتكە الىپ جوعارى ساپالى داميمىز؛ كاسىپ سالاسىنىڭ قۋات دارەجەسىن بۇلجىماي جوعارىلاتىپ، ”ىرگە تەپكەن وڭدەۋدى“ بەتكە الىپ جوعارى ساپالى داميمىز؛ قالانىڭ قۋات دارەجەسىن بۇلجىماي جوعارىلاتىپ، ”حالىقارالىق ۇلگىنى“ بەتكە الىپ جوعارى ساپالى داميمىز؛ حالىق تۇرمىسىنىڭ قۋات دارەجەسىن بۇلجىماي جوعارىلاتىپ، ”ورتاق بايۋدى“ بەتكە الىپ جوعارى ساپالى داميمىز.
(ٴتىلشىمىز جاڭ جىلي، قاتىناسقان تىلشىلەر گى يوۋجۇن، ٴپاريزات ابدۇل، باي سۋجۇن، چىن جياڭلين، ەرىكتى تىلشىلەر چىن ۋىنشۋان، ياڭ حى، جاڭ يۇن، ٴماتنۇر ٴماتروزى)