انار بۇلت \ شينجياڭ گازەتىنىڭ ٴتىلشىسى گاۋ فىڭ 11 ـ ايدىڭ 9 ـ كۇنى ۇرىمجىدەن حابارلايدى. مەملەكەتتىك ساناق مەكەمەسى شينجياڭ تەكسەرۋ باس اترەتىنەن ۇعىسۋىمىزشا، الدىڭعى ٴۇش ماۋسىمدا شينجياڭدا تۇرعىنداردىڭ جان باسىندىق ورتاشا قولداعى تابىسى 18 مىڭ 811 يۋانعا جەتىپ، بىلتىرعى سول تۇستاعىدان اتاعىندا %6.8 ارتقان، باعا فاكتورىن شىعارىپ تاستاعاندا، ناقتى %6.5 ارتقان، اتاعىنداعى جانە ناقتى ارتۋ قارقىنى تۇگەلدەي بۇكىل ەل تۇرعىندارىنىكىنەن 1.6 پايىز تەز بولعان.

　　قالا مەن اۋىل بويىنشا ايتقاندا، قالا ـ قالاشىق تۇرعىندارىنىڭ جان باسىندىق ورتاشا قولداعى تابىسى 32 مىڭ 142 يۋان بولىپ، باعا فاكتورىن شىعارىپ تاستاعاندا، بىلتىرعى سول تۇستاعىدان ناقتى %5.2 ارتىپ، ناقتى ارتۋ قارقىنى بۇكىل ەلدەگى قالا ـ قالاشىق تۇرعىندارىنىكىنەن ٴبىر پايىز تەز بولعان؛ اۋىل ـ قىستاق تۇرعىندارىنىڭ جان باسىندىق ورتاشا قولداعى تابىسى 6173 يۋان بولىپ، باعا فاكتورىن شىعارىپ تاستاعاندا، بىلتىرعى سول تۇستاعىدان ناقتى %8.8 ارتىپ، ناقتى ارتۋ قارقىنى بۇكىل ەلدەگى اۋىل ـ قىستاق تۇرعىندارىنىكىنەن 2.5 پايىز تەز بولعان.

　　ەڭبەكاقىلىق كىرىستىڭ ارتۋى _ تۇرعىندار كىرىسىنىڭ ورنىقتى ارتۋىنا تىرەك بولعان باستى فاكتور. الدىڭعى ٴۇش ماۋسىمدا قىزمەت وتەۋ كاسىبى ۇزدىكسىز قالپىنا كەلىپ، جۇمىسقا ورنالاسۋ جاعدايى جالپى جاقتان ورنىقتى بولدى، بۇكىل رايونداعى تۇرعىنداردىڭ جان باسىندىق ەڭبەكاقىلىق كىرىسى 12 مىڭ 141 يۋانعا جەتىپ، بىلتىرعى سول تۇستاعىدان %7.6 ارتقان. قالا مەن اۋىل بويىنشا ايتقاندا، قالا ـ قالاشىق تۇرعىندارى مەن اۋىل ـ قىستاق تۇرعىندارىنىڭ جان باسىندىق ورتاشا ەڭبەكاقىلىق كىرىسى سايكەس مەزگىلدەگىدەن جەكە ـ جەكە %6.3 جانە %10.3 ارتقان.

　　بۇكىل رايونداعى شارۋا جۇمىسكەرلەر باقىلاۋ ـ تەكسەرۋىنە نەگىزدەلگەندە، 3 ـ ماۋسىمنىڭ سوڭىندا سىرتقا شىعىپ جۇمىس ىستەگەن ەڭبەككۇشتەردىڭ كولەمى %16.2 ارتىپ، ايلىق ورتاشا كىرىسى %1.7 ارتقان.

　　شارۋاشىلىق تازا كىرىسىنىڭ ارتۋ قارقىنى ەڭ تەز بولعان. الدىڭعى ٴۇش ماۋسىمدا تۇرعىنداردىڭ مەرەكە، دەمالىس كۇندەرى جانە جازعى دەمالىس كەزىندە ساياحاتتاۋ، ٴجۇرىس ـ تۇرىس، مادەني كوڭىل اشۋ قيمىلدارىنىڭ سۇرانىسى ارتىپ، تولايىم ساتۋ، بولشەك ساتۋ، جاتاق، اس ـ سۋ، مادەنيەت، دەنە تاربيە، كوڭىل اشۋ كاسىبى سياقتى كاسىپتەردىڭ شارۋاشىلىق جاعدايى جاقسى بولىپ، بۇكىل رايونىمىزداعى تۇرعىنداردىڭ جان باسىندىق شارۋاشىلىق تازا كىرىسى 1461 يۋان بولىپ، سايكەس مەزگىلدەگىدەن %8.3 ارتقان. قالا مەن اۋىلعا ٴبولىپ قاراعاندا، قالا ـ قالاشىق تۇرعىندارى مەن اۋىل ـ قىستاق تۇرعىندارىنىڭ جان باسىندىق شارۋاشىلىق تازا كىرىسى سايكەس مەزگىلدەگىدەن جەكە ـ جەكە %7.2 جانە %12.5 ارتقان. اۋىل ـ قىستاق ساياحات بازارىنىڭ ۇزدىكسىز جاندانۋىنىڭ جەبەۋىندە، اۋىل ـ قىستاق تۇرعىندارىنىڭ جان باسىندىق 3 ـ كاسىپ شارۋاشىلىق تازا كىرىسى %7.1 ارتقان.

　　وتكەرمەلەنگەن تازا كىرىس پەن قازىنا ـ مۇلىك تازا كىرىسى ارتۋدى ساقتاعان. الدىڭعى ٴۇش ماۋسىمدا ٴتۇرلى حالىق تۇرمىسىن قامتاماسىز ەتۋ ساياساتتارىنىڭ قولداۋىندا، تۇتاس رايونىمىزداعى تۇرعىنداردىڭ جان باسىندىق وتكەرمەلەنگەن تازا كىرىسى 4482 يۋانعا جەتىپ، سايكەس مەزگىلدەگىدەن %4.9 ارتقان. قالا مەن اۋىلعا ٴبولىپ قاراعاندا، قالا ـ قالاشىق تۇرعىندارى مەن اۋىل ـ قىستاق تۇرعىندارىنىڭ جان باسىندىق ورتاشا وتكەرمەلەنگەن تازا كىرىسى سايكەس مەزگىلدەگىدەن جەكە ـ جەكە %4 جانە %5.6 ارتقان. نەگىزدىك زەينەتاقى ولشەمىنىڭ جوعارىلاۋىنا بايلانىستى، زەينەتاقى نەمەسە زەينەت ـ دەمالىس اقىسى الدىڭعى جىلعى سول تۇستاعىدان %8.8 ارتقان. بۇكىل رايونداعى تۇرعىنداردىڭ جان باسىندىق قازىنا ـ مۇلىك تازا كىرىسى 727 يۋانعا جەتىپ، الدىڭعى جىلعى سول تۇستاعىدان %2.6 ارتقان.

جالعانىم