شينجياڭ 10 تارماقتى شارا شىعاردى
جوعارى دەڭگەيلى دارىندىلاردىڭ كاسىپورىندارعا بارىپ ەسە قوسىپ، ەڭبەك سىڭىرۋىنە قولداۋ كورسەتىلەدى
انار بۇلت \ شينجياڭ گازەتىنىڭ ٴتىلشىسى جاۋ چۇنحۋا 11 ـ ايدىڭ 26 ـ كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىمىزشا، جوعارى دەڭگەيلى دارىندىلاردىڭ كاسىپورىندارعا بارىپ ەسە قوسىپ، ەڭبەك سىڭىرۋىنە قولداۋ كورسەتىپ، كاسىپ سالاسىندا جاڭالىق اشۋدى جەدەل ىلگەرىلەتىپ، جاڭاشا وندىرگىش كۇشتەردىڭ دامۋىن جەبەۋ ٴۇشىن، تاياۋدا رايونىمىز «جوعارى دەڭگەيلى دارىندىلاردى كاسىپورىندارعا قىزمەت وتەۋگە ىنتالاندىرۋ جونىندەگى 10 تارماقتى قولداۋ شاراسىن» (تومەندە قىسقارتىلىپ «شارا» دەلىنەدى) باسىپ تاراتىپ، قاراجاتتىق قولداۋ، دارىندىلاردى ەنگىزۋ، دارىندىلاردى باۋلۋ، دارىندىلاردى باعالاۋ سياقتى كوپتەگەن جاقتان جوعارى دەڭگەيلى دارىندىلاردىڭ كاسىپورىندارعا بارىپ دامۋىنا جان ـ جاقتى قولداۋ كورسەتكەن.
«شارادا» مىنالار ايقىندالدى: كاسىپورىنداردىڭ دارىندىلاردى باۋلۋ، شوعىرلاندىرۋ دانەكەرىن قۇرۋىنا جەتەكشىلىك ەتىپ، كومەكتەسىپ، كاسىپورىنداردا جاڭادان قۇرىلعان مەملەكەت دارەجەلى پوست دوكتور عىلمي زەرتتەۋ قىزمەت پۋنكتىنە 500 مىڭ يۋاندىق سيلىق ـ جاردەم قارجىسى قولداۋى كورسەتىلەدى؛ جاڭادان قۇرىلعان اۆتونوميالى رايون دارەجەلى پوست دوكتور جاڭالىق اشۋ امالياتتىق بازاسىنا 300 مىڭ يۋاندىق سيلىق ـ جاردەم قارجىسى قولداۋى كورسەتىلەدى؛ جاڭادان اشىلعان ماماندار قىزمەت وتەۋ بازاسىنا 100 مىڭ يۋاندىق قاراجاتتىق قولداۋ كورسەتىلەدى؛ اۆتونوميالى رايونداعى ٴتۇيىندى كاسىپ سالالارىن، ٴتۇيىندى كاسىپورىنداردى مەملەكەت دارەجەلى جانە اۆتونوميالى رايون دارەجەلى جوعارى تەحنيكالىق قابىلەتكە يە دارىندىلاردى باۋلۋ بازاسىن جانە تەحنيكا ۇستالارى جۇمىس كەڭسەسىن بەلسەنە اشۋعا ىنتالاندىرىپ، كاسىپورىنداردىڭ جاڭالىق اشۋ بىرلەسكەن تۇلعاسى قۇرىلىسىن ىلگەرىلەتىپ، ٴوندىرىس، وقىتۋ، زەرتتەۋدىڭ تەرەڭدەي توعىسۋى جەبەلەدى.
«شارادا» جوعارى مەكتەپ، عىلمي زەرتتەۋ اكادەميا ورىندارى سياقتىلاردى عىلمي زەرتتەۋ قىزمەتكەرلەرىن كاسىپورىندارعا بارىپ قىزمەت ىستەۋگە نەمەسە نىسان سەلبەستىگىنە ات سالىسۋعا تاڭداپ جىبەرىپ، يكەمدى قىزمەت ۋاقىتىن اتقارىپ، جىبەرگەن ورىننىڭ باعالاۋ جۇرگىزۋىنە ىنتالاندىرۋ جانە قولداۋ كورسەتىلدى. جوعارى دەڭگەيلى دارىندىلار كاسىپورىننىڭ ٴتۇيىندى نىسانىن ارقاۋ ەتىپ بىرلەسىپ قامال الۋعا، ”القىمداعان“ شەشۋشى، وزەكتى تەحنيكالاردا ”قابىلەتتىلەر باستاماشى بولىپ ىستەۋگە“ ىنتالاندىرىلدى، جەتەكشىلىك ەتىلدى. جوعارى مەكتەپتەردى، عىلمي زەرتتەۋ اكادەميا ورىندارىن ماندىك ٴوندىرىس، وقىتۋ، زەرتتەۋ بىرلەستىگى قۇرىلىسىنا قولداۋ كورسەتىپ، كاسىپورىنداردى شىن مانىندەگى تەحنيكادا جاڭالىق اشۋدىڭ نەگىزگى تۇلعاسىنا اينالدىرۋعا جەتەكشىلىك ەتىلدى.
«شارادا» اۆتونوميالى رايوننىڭ ٴتۇيىندى كاسىپ سالالارىن، ٴتۇيىندى سالالارىن ارقاۋ ەتىپ، دارىندىلار سۇرانىسى مازمۇنىن جاساپ جاريالاپ، دارىندىلاردى ٴتۇيىندى كاسىپ سالالارىنا، كاسىپورىندارعا قاراي شوعىرلانۋعا، بارۋعا جەتەكشىلىك ەتىلدى. قاتىستى بەلگىلەمەلەر بويىنشا دارىندىلاردى باۋراۋ ناتيجەسى كورنەكتى بولعان ادام كۇشى بايلىعى قىزمەت وتەۋ كاسىپورىندارىنا 50 مىڭ يۋاننان اسپايتىن ٴبىر رەتتىك سيلىق اقشا بەرىلەدى. كاسىپورىندارداعى ”بوعدا دارىندىلارىن“ ەنگىزۋ جوسپارىنىڭ جاس دوكتورلار نىسانىنا تاڭدالعان دارىندىلاردىڭ اربىرىنە 200 مىڭ يۋاندىق ٴبىر رەتتىك تۇرمىس كومەك قاراجاتى بەرىلەدى جانە ٴار جىلى، ەڭ جوعارى بولعاندا، 300 مىڭ يۋاندىق قىزمەت قاراجاتى قولداۋى كورسەتىلەدى (قىزمەتتەگى پوست دوكتورلار قامتىلمايدى)، ٴۇرتىس 3 جىل قولداۋ كورسەتىلەدى (پوست دوكتورلاردى قولداۋ مەرزىمى 2 جىل). كاسىپورىنداعى پوست دوكتورلاردىڭ پۋنكتكە كىرۋ جاسى 40 جاسقا دەيىن كەڭەيتىلەدى.
«شارادا» مىنالار اتاپ كورسەتىلدى: كاسىپورىنداردىڭ جوعارى تەحنيكالىق قابىلەتكە يە دارىندىلاردى باۋلۋ ورىستەتۋىنە قولداۋ كورسەتىلەدى. «شينجياڭ ۇستالارى» دارىندىلار نىسانى ۇزدىكسىز اتقارىلادى، نىسان اينالىمى ىشىندە ٴار ادامعا، ەڭ جوعارى بولعاندا، 300 مىڭ يۋاندىق نىسان قاراجات قولداۋى كورسەتىلەدى؛ كاسىپورىنداردىڭ جۇڭگوشا ەرەكشەلىككە يە كاسىپورىنداردىڭ جاڭاشا شاكىرت تۇزىمىندەگى باۋلۋ ورىستەتۋىنە قولداۋ كورسەتىلىپ، ورتا دارەجەلى جۇمىسشى شاكىرتتەردىڭ اربىرىنە ٴار جىلى 5000 يۋان قوسىمشا قاراجات بەرىلەدى، جوعارى دارەجەلى جۇمىسشى جانە ودان جوعارى شاكىرتتەردىڭ اربىرىنە ٴار جىلى 6000 يۋان قوسىمشا قاراجات بەرىلەدى؛ كاسىپورىنداردىڭ ەرەكشە دارەجەلى شەبەرلەردى باعالاۋ، ۇسىنىس ەتۋ قىزمەتىن جالپى بەتتىك ورىستەتۋىنە قولداۋ كورسەتىلەدى. كاسىپورىنداردىڭ تەحنيكادا جاڭالىق اشۋ، جەتىستىكتەردى كادەگە جاراتۋ، تەحنيكا جالپىلاستىرۋ، ولشەم جاساۋ سياقتىلار ينجەنەريا تۇرىندەگى، قولدانۋ تۇرىندەگى دارىندىلاردى باعالاۋدىڭ ماڭىزدى مازمۇنى ەتىلەدى. كەلەلى زەرتتەۋ جەتىستىگىنە قول جەتكىزگەن جانە الدىڭعى لەكتەگى تەحنيكادان قامال العان، كەلەلى ينجەنەريالىق تەحنيكالىق قيىن ماسەلەنى شەشىم ەتكەن جوعارى دەڭگەيلى دارىندىلاردى وقۋ ماعلۇماتى، قىزمەت ستاجى، كاسىپتىك اتاق دارەجەسىنىڭ شەكتەمەسىنە ۇشىراتپاي، ەرەكشە دارىندىلاردى مويىنداۋ ادىسىمەن جوعارى دارەجەلى كاسىپ اتاعىن تىكە مويىنداۋعا بولادى. جوعارى دارەجەلى كاسىپتىك اتاق باعالاۋ ۇقىعىن بىرتىندەپ شارتقا ۇيلەسەتىن ٴىرى كاسىپورىندارعا جانە دارىندىلار پاراساتى شوعىرلانعان باسقا كاسىپورىندارعا ٴتۇسىرىپ، كاسىپورىنداردىڭ دارىندىلار قوسىنى قۇرىلىسىنىڭ قاجەتىمەن ۇشتاستىرىپ، كاسىپتىك اتاق باعالاۋ قىزمەتىن دەربەس ورىستەتۋىنە قولداۋ كورسەتىلەدى.