اۆتونوميالى رايوندىق ۇكىمەت ۇنەمىلىك ىستەر ٴماجىلىسىن اشتى
قوعام حاۋىپسىزدىگى، ورنىقتىلىعى قىزمەتىن ويداعىداي ىستەۋ سياقتىلاردى اقىلداستى
انار بۇلت \ شينجياڭ گازەتىنىڭ ٴتىلشىسى لي ياڭ 12 ـ ايدىڭ 1 ـ كۇنى ۇرىمجىدەن حابارلايدى. 11 ـ ايدىڭ 30 ـ كۇنى تۇستەن بۇرىن اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ٴماجىلىسىن باسقارىپ اشىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، مەملەكەتتىك كەڭەس ۇنەمىلىك ىستەر ٴماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋى بويىنشا، قوعام حاۋىپسىزدىگى، ورنىقتىلىعى قىزمەتىن ويداعىداي ىستەۋ، «ماناس» ەپوسىن قورعاۋ، جالعاستىرۋ، جۇڭگو قوعامدىق عىلىمدار اكادەمياسىمەن اكادەميا ـ اۆتونوميالى رايون سەلبەستىگىن ورىستەتۋدى تەرەڭدەتۋ سياقتىلاردى اقىلداستى.
ٴماجىلىس مىنالاردى اتاپ كورسەتتى: تومەنگى شەكتە ويلاۋدى ونان ارى كۇشەيتىپ، نازاردى ٴتۇيىندى وڭىرلەرگە، ٴتۇيىندى ادامدارعا جانە ٴالسىز بۋىندارعا شوعىرلاندىرىپ، جاپپاي ٴبىر ـ بىردەن تەكسەرىپ، حاۋىپ ـ قاتەرلەردى، كومەسكى كىناراتتاردى بار كۇشپەن حويىپ، كەزەكتەگى قوعام حاۋىپسىزدىگى، ورنىقتىلىعى قىزمەتىن شىن مانىندە ويداعىداي ىستەۋ كەرەك. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، حالىق تۇرمىسىن قامتاماسىز ەتۋدى جانە جاقسارتۋدى قوعامدىق قايشىلىقتاردان، حاۋىپ ـ قاتەرلەردەن ساقتانۋ جانە ونى شەشۋدىڭ نەگىزدىك قىزمەتى ەتىپ، قوعامدىق پسيحولوگيالىق قىزمەت وتەۋ جۇيەسى قۇرىلىسىن كۇشەيتىپ، بۇقارانىڭ تالاپ ـ تىلەكتەرىن ٴبىلدىرۋ، مۇددەلەرىن سايكەستىرۋ، ۇقىق ـ مۇددەسىن قامتاماسىز ەتۋ ارناسىن ىركىلىسسىزدەندىرىپ جانە جۇيەلىلەندىرىپ، قوعامدىق قايشىلىقتاردان، داۋ ـ شارلاردان كوپ نەگىزدى ساقتانۋ جانە ولاردى جاراستىرۋ، شەشۋ كەرەك. قاداعالاۋ، ساقتاندىرۋ جانە تالداۋ جاساۋ، تۇجىرىمداۋ قابىلەتىن جوعارىلاتىپ، جول ـ قاتىناس، تاۋ ـ كەن، ساياحات، ٴورت ٴسوندىرۋ، ورتتەن ساقتانۋ سياقتى ٴتۇيىندى سالالارداعى حاۋىپسىزدىك ساقتانۋ ـ تىزگىندەۋىن كۇشەيتىپ، قارلى بوران، توڭ ٴجۇرۋ اپاتى حاۋىپ ـ قاتەرىنەن، كومەسكى كىناراتىنان ساقتانۋدى كۇشەيتىپ، اۋىر، ەرەكشە اۋىر ٴوندىرىس حاۋىپسىزدىگى شىرعالاڭدارىنىڭ تۋىلۋىن باتىل تەجەۋ كەرەك. ازىق ـ تۇلىك حاۋىپسىزدىگى تومەنگى شەگىن مىقتى ساقتاپ، مەكتەپتەردىڭ ازىق ـ تۇلىكتەرىن، ەت تۇرلەرى ونىمدەرىن ارناۋلى رەتتەۋ ـ وڭاۋدى تىڭعىلىقتى ورىستەتىپ، جالپىلىق باقىلاۋ ـ باسقارۋ قابىلەتىن، ورەسىن جوعارىلاتىپ، ازىق ـ تۇلىك حاۋىپسىزدىگىنە ساياتىن زاڭعا قايشى قىلمىستارعا بار كۇشپەن سوققى بەرۋ كەرەك. مەكتەپتەردىڭ حاۋىپسىزدىگىن ويداعىداي يگەرىپ، جاتاقحانا حاۋىپسىزدىگى، ٴورت ٴسوندىرۋ، ورتتەن ساقتانۋ حاۋىپسىزدىگى، قىس ماۋسىمىنداعى جىلىنۋ حاۋىپسىزدىگى جانە وقۋشىلاردىڭ وقۋعا بارۋ ـ كەلۋ جول قاتىناس حاۋىپسىزدىگى سياقتىلارعا مەڭزەس، ٴار دارەجەلى، ٴار ٴتۇرلى مەكتەپتەردى حاۋىپسىزدىك كومەسكى كىناراتتارىن ٴبىر ـ بىردەن تەكسەرۋگە ۇيىمداستىرىپ، شۇعىل جاعدايعا توتەپ بەرۋ جوباسىن جاساپ، كۇندەلىكتى جاتتىعۋدى كۇشەيتىپ، مەكتەپ حاۋىپسىزدىك ۇگىتىن كەڭ كولەمدە ورىستەتۋ كەرەك.
ٴماجىلىس مىنالاردى باسا دارىپتەدى: «ماناس» ەپوسى سياقتى بەيزاتتىق مادەنيەت مۇرالارىن قورعاۋدىڭ، جالعاستىرۋدىڭ ماڭىزدى ٴمانىن تولىق تانىپ، «ماناس» ەپوسىن تەكسەرۋ، ەستەلىككە الۋ، رەتتەۋ، زەرتتەۋ، ايگىلەۋ، تاراتۋ، جالعاستىرۋ سياقتى قىزمەتتەردى ويداعىداي ورىستەتىپ، «ماناس» ەپوسى ادەبيەت ـ كوركەمونەر جاسامپازدىعىن سۇيەمەلدەۋدى كۇشەيتىپ، «ماناس» ەپوسى دارىندىلارىن دايىنداۋ، جىگەرلەندىرۋ مەحانيزمىن اقاۋسىزداندىرۋ كەرەك. مادەنيەت پەن ساياحاتتى توعىستىرا دامىتۋعا تاباندى بولىپ، «ماناس» ەپوسىن ايتۋ، ايگىلەۋ قيمىلىن ىشكەرىلەي ورىستەتىپ، بەيزاتتىق مادەنيەت مۇرالارىن قورعاۋ ورتالىعىن، قورعاۋ، زەرتتەۋ قۇرىلىمىن، ۋاكىلدىك سيپاتتى جالعاستىرۋشى جانە ساياحات كورىنىس وڭىرلەرىن (ٴتۇيىن) سايكەستى دامۋعا ىنتالاندىرۋ جانە ونى قولداۋ كەرەك. حالىقارالىق مادەنيەت اۋىس ـ كۇيىسىن، سەلبەستىگىن كۇشەيتىپ، بەيزاتتىق مادەنيەت مۇرالارىنان ويداعىداي پايدالانىپ، شينجياڭ حيكاياسىن ويداعىداي بايانداۋ كەرەك.
ٴماجىلىس مىنالاردى اتاپ كورسەتتى: جۇڭگو قوعامدىق عىلىمدار اكادەمياسىمەن اكادەميا ـ اۆتونوميالى رايون سەلبەستىگىن ورىستەتۋدى ونان ارى تەرەڭدەتىپ، نازاردى شينجياڭنىڭ ۇزاق بولاشاقتىق دامۋىنا ساياتىن كەلەلى ستراتەگيالىق ماسەلەلەرگە شوعىرلاندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى، ٴار داۋىردەگى ورتالىق اكىمياتتاردىڭ شينجياڭدى باسقارعاندىعىن، جونگە سالعاندىعىن تاريحي تۇرعىدان دالەلدەۋدى، سونداي ـ اق ەكونوميكالىق دامۋ، قوعامدىق باسقارۋ، سىرتقا ەسىك اشۋ، سەلبەسۋ سالالارىنداعى ٴتۇيىندى ماسەلەلەردى ارقاۋ ەتىپ، ٴبىر توپ كەلەلى تاقىرىپتى جوسپارلاپ، ٴبىر توپ كەلەلى نىساندى ىلگەرىلەتىپ، ەكى جاق ماماندارىنىڭ باسىمدىقتارىن ساۋلەلەندىرۋىن، تىعىز ىستەستىك جاساۋىن، بىرلەسىپ قامال الۋىن قولداۋ كەرەك. قوعامدىق عىلىمدار دارىندىلارىن بىرلەسىپ باۋلىپ، عىلمي اۋىس ـ كۇيىستى، زەرتتەۋ ـ تالقىلاۋدى كۇشەيتىپ، ارحەولوگيالىق قازۋدى، زەرتتەۋدى سەلبەسىپ ورىستەتىپ، اقىل ـ پاراسات قويماسىنىڭ كەڭەس بەرۋ رولىن ساۋلەلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋدىڭ ٴونىمدى ٴادىسى جونىندە بەلسەنە ىزدەنىس جاساۋ كەرەك.
ٴماجىلىس باسقا دا ىستەردى اقىلداستى.