شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 18 ـ رەتكى توپتىق ۇيرەنۋىندە بىلاي دەپ باسا دارىپتەدى
شەكارا ٴوڭىردى باسقارۋعا قاتىستى ٴتۇرلى قىزمەتتەردى ىشكەرىلەي ويداعىداي ىستەپ، شەكارا وڭىرلەردىڭ جوعارى ساپالى دامۋىن ىلگەرىلەتۋ كەرەك
شينحۋا اگەنتتىگىنىڭ 12 ـ ايدىڭ 10 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 12 ـ ايدىڭ 9 ـ كۇنى تۇستەن كەيىن ەلىمىز تاريحىنداعى شەكارا ٴوڭىردى باسقارۋ جونىندە 18 ـ رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: شەكارا ٴوڭىردى باسقارۋ جۇيەسى مەن باسقارۋ قابىلەتىنىڭ وسىزاماندانۋىن ىلگەرىلەتۋ _ جۇڭگو ۇلگىسىندەگى وسىزامانداندىرۋدىڭ تيەسەلى ٴمانى. پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن مۇقيات دايەكتىلەندىرىپ، پارتيا ورتالىق كوميتەتىنىڭ شەكارا ٴوڭىردى باسقارۋ جونىندەگى ٴتۇرلى شەشىمدەرىن، ورنالاستىرۋلارىن تياناقتاندىرىپ، شەكارا ٴوڭىردى باسقارۋعا قاتىستى ٴتۇرلى قىزمەتتەردى ىشكەرىلەي ويداعىداي ىستەپ، شەكارا وڭىرلەردىڭ جوعارى ساپالى دامۋىن ىلگەرىلەتۋ كەرەك.
جۇڭگو قوعامدىق عىلىمدار اكادەمياسى اكادەميكتەر ٴبولىمىنىڭ مۇشەسى، جۇڭگو تاريح زەرتتەۋ ورنىنىڭ ورىنباسار باستىعى لي گوچياڭ جولداس وسى ماسەلە جونىندە ٴتۇسىندىرۋ جاساپ، قىزمەت ۇسىنىسىن بەردى. ورتالىق كوميتەت ساياسي بيۋروسىنداعى جولداستار ٴتۇسىندىرۋدى مۇقيات تىڭدادى ٴارى تالقى جۇرگىزدى.
شي جينپيڭ ٴتۇسىندىرۋدى جانە تالقىنى تىڭداعاننان كەيىن ماڭىزدى ٴسوز سويلەدى. ول بىلاي دەپ اتاپ كورسەتتى: پارتيا 18 ـ قۇرىلتايىنان بەرى، پارتيا ورتالىق كوميتەتى مەملەكەتتى باسقارۋ ستراتەگيالىق جالپى جاعدايىن كوزدەپ، ”مەملەكەتتى باسقارۋدا، ٴسوز جوق، شەكارا ٴوڭىردى باسقارۋ“، ”شەكارا ٴوڭىردى گۇلدەندىرىپ، حالىقتى بايىتۋ، شەكارا ٴوڭىردى ورنىقتىرىپ، شەكارانى بەكەمدەۋ“ سىندى ٴبىر قىدىرۋ ماڭىزدى تۇجىرىمداردى، كەلەلى شارالاردى العا قويىپ، وڭىرلەردى سايكەستى دامىتۋ ستراتەگياسىنا، وڭىرلىك كەلەلى ستراتەگيالارعا تاباندى بولىپ جانە ونى كەمەلدەندىرىپ، شەكارا وڭىرلەردىڭ جوعارى ساپالى دامۋىن جەدەلدەتىپ، شەكارا وڭىرلەردىڭ بۇكىل ەلمەن بىرگە كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋىن، جاپپاي دوڭگەلەك داۋلەتتى قوعام ورناتۋىن، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاۋىن ىلگەرىلەتتى، شەكارا ٴوڭىردى باسقارۋدا تاريحي تابىستارعا قول جەتىپ، تاريحي وزگەرىستەر جارىققا شىقتى.
شي جينپيڭ بىلاي دەپ باسا دارىپتەدى: پارتيانىڭ جالپى بەتتىك باسشىلىعىن شەكارا ٴوڭىردى باسقارۋدىڭ ٴار جاعىندا، تۇتاس بارىسىندا تياناقتاندىرۋعا تاباندى بولۋ كەرەك. ستراتەگيالىق جوبالاۋدى جانە ٴبىر تۇتاس جوسپارلاپ سايكەستىرۋدى كۇشەيتىپ، شەكارا ٴوڭىردى باسقارۋدى ٴار جاقتاعى ىستەردىڭ دامۋىمەن ورگانيكالى توعىستىرۋ كەرەك. قاتىستى تاراۋلار ٴوز جاۋاپكەرشىلىگىن ارقالاپ، باتىلدىقپەن جاۋاپكەرشىلىك ارقالاپ، تىعىز سايكەسىپ، بىرىككەن كۇش قالىپتاستىرۋى كەرەك. شەكارا وڭىرلەردەگى ٴار دارەجەلى پارتيا ۇيىمدارى دايەكتى تۇردە پارتيا ورتالىق كوميتەتىنىڭ رۋحى بويىنشا ولشەمگە، تالاپقا تۋرالانۋى ٴارى جوبالاردى، زاڭ ەرەجەلەردى، ساياساتتاردى، نىسانداردى ناقتى جوسپارلاۋ جانە اتقارۋ بارىسىندا تياناقتاندىرۋى كەرەك.
شي جينپيڭ بىلاي دەپ اتاپ كورسەتتى: جۇڭگو ۇلگىسىندەگى وسىزامانداندىرۋدى ىلگەرىلەتۋدە شەكارا وڭىرلەردىڭ بىردە ـ بىرەۋىن قاعىس قالدىرۋعا بولمايدى. شەكارا وڭىرلەردىڭ دامۋىن جۇڭگو ۇلگىسىندەگى وسىزامانداندىرۋ ستراتەگيالىق جالپى جاعدايىنا ەنگىزىپ، وڭىرلەردى سايكەستى دامىتۋ ستراتەگياسىنا، وڭىرلىك كەلەلى ستراتەگيالارعا ەنگىزىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، شەكارا وڭىرلەردىڭ ٴوز شارت ـ جاعدايىن، ارتىقشىلىعىن سۇيەنىش ەتىپ، جاڭا دامۋ ارناسىمەن توعىسۋ بارىسىندا، بۇكىل ەلدىڭ ٴبىر تۇتاس ٴىرى بازارىمەن توعىسۋ بارىسىندا ٴوزىنىڭ جوعارى ساپالى دامۋىن جۇزەگە اسىرۋىنا قولداۋ كورسەتۋ كەرەك. رەفورما جاساۋ، ەسىك اشۋ ارقىلى قوزعاۋشى كۇشتى ارتتىرۋعا، ومىرشەڭدىك ۇستەۋگە تاباندى بولىپ، شەكارا وڭىرلەردىڭ تەڭىز جاعالاۋىندا، شەكارا بويىندا بولۋى سياقتى باسىمدىقتارىن ساۋلەلەندىرىپ، الۋان ٴتۇرلى قالىپ ـ كۇيدەگى ەسىك اشۋ بيىگىن تۇلعالاپ، قۇرلىق پەن تەڭىز، ٴىش پەن سىرت بىرلەسىپ ارەكەتتەنەتىن، شىعىس پەن باتىس قوس باعىتتا ٴوزارا كومەكتەسەتىن جاپپاي ەسىك اشۋ جاعدايىن قالىپتاستىرۋ كەرەك. قالا مەن اۋىلدىڭ توعىسپالى دامۋىنا تاباندى بولىپ، اۋدان ورتالىعىن ماڭىزدى دانەكەر ەتكەن جاڭاشا قالا ـ قالاشىقتاندىرۋ قۇرىلىسىن نىق قاداممەن ىلگەرىلەتىپ، اۋىل ـ قىستاقتى جاپپاي گۇلدەندىرۋدى ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، كولەمدى قايتا كەدەيلەسۋدەن، كەدەيلەسۋدەن ٴونىمدى ساقتانۋ كەرەك. دامۋدا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، شەكارا وڭىرلەردىڭ ٴوندىرىس، تۇرمىس شارت ـ جاعدايىن ۇزدىكسىز جاقسارتىپ، نەگىزدىك قۇرىلعىلار مەن نەگىزگى الەۋمەتتىك قىزمەت وتەۋدەگى ولقىلىقتاردى جەدەل تولىقتاۋ كەرەك.
شي جينپيڭ بىلاي دەپ باسا دارىپتەدى: جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى شەكارا وڭىردەگى ۇلتتار ٴوڭىرى قىزمەتىنىڭ نەگىزگى جەلىسى ەتۋگە تاباندى بولۋ كەرەك. سوتسياليستىك وزەكتى قۇن كوزقاراسىن كەڭ كولەمدە امالياتتا ايگىلەپ، شەكارا وڭىرلەردەگى ٴار ۇلت بۇقاراسىن ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋدى ۇزدىكسىز كۇشەيتۋگە جەتەكتەپ، جۇڭحۋا ۇلتىنىڭ ورتاق رۋحاني مەكەنىن قۇرۋ كەرەك. ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، ٴار ۇلت بۇقاراسىنىڭ زاڭدى ۇقىق ـ مۇددەسىن قامتاماسىز ەتۋ كەرەك. مەملەكەتتە ٴبىر تۇتاس قولدانىلاتىن ٴتىل ـ جازۋدى جالپىلاستىرۋدى جاپپاي كەڭەيتىپ، مەملەكەت ٴبىر تۇتاس قۇراستىرعان وقۋلىقتاردى قولدانۋدى جاپپاي اتقارۋ كەرەك. ۇلتتار ىنتىماعى، العاباسارلىعىندا وزات ورىن قۇرۋ قىزمەتىن ٴۇرتىس تەرەڭدەتىپ، كىرىكپەلى قوعامدىق قۇرىلىم مەن الەۋمەتتىك اۋماق ورتاسىن بەلسەنە قۇرىپ، ۇلتتاردىڭ اناردىڭ دانىندەي تىعىز ۇيىسۋىن جەبەۋ كەرەك.
شي جينپيڭ بىلاي دەپ اتاپ كورسەتتى: مەملەكەت حاۋىپسىزدىگى مەن قوعام ورنىقتىلىعىن قورعاۋدى شەكارا ٴوڭىردى باسقارۋداعى تومەنگى شەك تالابى ەتۋگە تاباندى بولۋ كەرەك. بىرگە قۇراتىن، بىرگە باسقاراتىن، بىرگە يگىلىكتەنەتىن قوعامدىق باسقارۋ ٴتۇزىمىن كەمەلدەندىرىپ، نەگىزگى ساتى نەگىزىن ۇزدىكسىز بەكەمدەپ، شەكارا وڭىرلەردىڭ قوعامدىق باسقارۋ ونىمدىلىگىن جوعارىلاتۋ كەرەك. نەگىزدىك قۇرىلعىلار قۇرىلىسىن كۇشەيتىپ، عىلىم ـ تەحنيكا ارقىلى قۋات ۇستەۋدى كۇشەيتىپ، وتاندى قورعاۋ، شەكارانى كۇزەتۋ جالپىلىق قابىلەتىن جوعارىلاتۋ كەرەك.
شي جينپيڭ بىلاي دەپ باسا دارىپتەدى: شەكارا ٴوڭىردى باسقارۋدى ىلگەرىلەتۋ نازاريا تىرەگىن كۇشەيتۋ كەرەك. شەكارا ٴوڭىر تاريحىنا جانە شەكارا ٴوڭىردى باسقارۋعا قاتىستى كوپ پاندەر زەرتتەۋىن كۇشەيتىپ، جۇڭگونىڭ دەربەس شەكارا ٴوڭىر ٴىلىمى ٴبىلىم جۇيەسىن جەدەل ورناتۋ كەرەك. شەكارا ٴوڭىردى باسقارۋداعى كەلەلى نازاريا جانە رەال ماسەلەلەر زەرتتەۋىن تەرەڭدەتىپ، ىقپالعا، يلاندىرۋ قۋاتىنا يە اناعۇرلىم كوپ زەرتتەۋ جەتىستىكتەرىن ۇسىنۋ كەرەك. شەكارا ٴوڭىردى زەرتتەۋ جەتىستىكتەرىنەن ويداعىداي پايدالانىپ، جاڭا داۋىردەگى جۇڭگونىڭ شەكارا ٴوڭىردى باسقارۋ حيكاياسىن ويداعىداي بايانداۋ كەرەك. ساياسي تۇرعىسى بەرىك، نازاريالىق جەتىلىم جانە جالپىلىق ساپا جاعىندا شىڭدالعان شەكارا ٴوڭىردى باسقارۋدى زەرتتەۋ قوسىنىن تۇلعالاۋ كەرەك.