انار بۇلت \ شينجياڭ گازەتىنىڭ ٴتىلشىسى سو رۇڭجى 12 ـ ايدىڭ 24 ـ كۇنى ۇرىمجىدەن حابارلايدى. اۆتونوميالى رايوندىق بازار باقىلاۋ ـ باسقارۋ مەكەمەسىنەن ۇعىسۋىمىزشا، 11 ـ ايدىڭ سوڭىنا دەيىن رايونىمىزدا تىركەۋگە الىنعان ٴتۇرلى شارۋاشىلىق تۇلعالارى 2 ميلليون 579 مىڭ 300گە (مۇنىڭ ىشىندە بيڭتۋانداعى 280 مىڭ 200 شارۋاشىلىق تۇلعاسى قامتىلادى) جەتىپ، سايكەس مەزگىلدەگىدەن %6.17 ارتقان. مۇنىڭ ىشىندە كاسىپورىن 579 مىڭ 700 بولىپ، سايكەس مەزگىلدەگىدەن %8.59 ارتقان؛ جەكە ونەركاسىپشىلەر مەن ساۋداگەرلەر ٴبىر ميلليون 954 مىڭ 900 بولىپ، سايكەس مەزگىلدەگىدەن %5.71 ارتىپ، شارۋاشىلىق تۇلعالارىنىڭ قۇرىلىمى ونان ارى ساپالىلانىپ، دامۋ ساپاسى ورنىقتىلىق بارىسىندا جاقسارعان.

　　الدىڭعى 11 ايدا شينجياڭدا جاڭادان 335 مىڭ 600 شارۋاشىلىق تۇلعاسى قۇرىلدى. 3 كاسىپ قۇرىلىمى تۇرعىسىنان قاراعاندا، 1 ـ كاسىپ سالاسىندا جاڭادان 9500دەن استام شارۋاشىلىق تۇلعاسى، 2 ـ كاسىپ سالاسىندا جاڭادان 23 مىڭنان استام شارۋاشىلىق تۇلعاسى، 3 ـ كاسىپ سالاسىندا جاڭادان 303 مىڭنان استام شارۋاشىلىق تۇلعاسى قۇرىلعان، جالپى تۇلعالىق جاقتان ايتقاندا، شارۋاشىلىق تۇلعالارىنىڭ كاسىپ قۇرىلىمى اۋەلگىدەي ورنىقتى بولعان.

　　بيىل جىل باسىنان بەرى، اۆتونوميالى رايون ”ٴبىر ٴىستى جوعارى ونىمدىلىكپەن ٴبىتىرۋدى“ تۇتقا ەتىپ، ”ٴبىر جەلىدە ٴبىر تۇتاس ٴبىتىرۋ“ ۇكىمەتتىك قىزمەت وتەۋ قابىلەتىن جوعارىلاتىپ، باستان ـ اياق حالىقتى وزەك ەتىپ، كاسىپورىندار، بۇقارا كوڭىل ٴبولىپ وتىرعان شۇعىل، قيىن، ۋايىمداعان، ٴزارۋ ماسەلەلەردى ويداعىداي شەشىپ، ۇكىمەتتىك قىزمەت وتەۋ ونىمدىلىگىن جوعارىلاتۋدى، قىزمەت وتەۋ قابىلەتىن جوعارىلاتۋدى ىلگەرىلەتىپ، قىزمەت وتەۋ قولدانىلىمىندا ۇزدىكسىز جاڭالىق اشىپ، بازارعا كىرۋگە رۇقسات ەتۋدىڭ، شارۋاشىلىق جۇرگىزۋگە رۇقسات ەتۋدىڭ تيپ وزگەرتىپ، دارەجەسىن جوعارىلاتۋىن جۇزەگە اسىردى.

　　اۆتونوميالى رايوندىق بازار باقىلاۋ ـ باسقارۋ مەكەمەسى عىلىم ـ تەحنولوگيا جانە ينفورماتسيالاندىرۋ باسقارماسىنىڭ باستىعى حى سۇڭتاۋ بىلاي دەپ تانىستىردى: سوڭعى جىلداردان بەرى، رايونىمىز ۇكىمەتتىك قىزمەت وتەۋ جۇيەسىن ينفورماتسيالاندىرىپ دارەجەسىن جوعارىلاتۋدى ۇزدىكسىز كۇشەيتىپ، ساندى مالىمەتتى كوپ قولدانىمعا ٴتۇسىرىپ، كاسىپورىندى كوپ سابىلتپاۋعا مۇمكىندىك جاسادى، جەلىدە ٴبىتىرۋ مولشەرى 2019 ـ جىلعى %9.17تەن %93.6كە جوعارىلاپ، كاسىپورىن قۇرۋ جانە قاراپايىم كۇشىنەن قالدىرۋ بلوكچەين تەحنيكاسىن تۇيىندە سىناق ەتۋ قولدانىلىمى مەملەكەتتىڭ ۇكىمەتتىك قىزمەت وتەۋ ونىمدىلىگىن جوعارىلاتۋداعى تيپتىك مىسال رەتىندە تاڭدالدى.

　　سونىمەن بىرگە رايونىمىز ەلەكتروندى شارۋاشىلىق كۋالىگىن بۇكىل رايون بويىنشا ٴوزارا مويىنداۋ قابىلەتىن كۇشەيتىپ، ەلەكتروندى شارۋاشىلىق كۋالىگىنىڭ سالىق، ادام كۇشى بايلىعى جانە قوعامدىق قامتاماسىزداندىرۋ، ەمدەۋ قامسىزداندىرۋى جانە ينجەنەريا قۇرىلىسىنا مەردىگەر شاقىرۋ، مەردىگەرلىككە مالىمدەلۋ سياقتى سالالاردا ىقپالداسىپ قولدانىلۋىن جۇزەگە اسىرىپ، ەلەكتروندى شارۋاشىلىق كۋالىگى بويىنشا قىزمەت وتەۋدەگى سيفرلى ۇكىمەت رەفورماسىنىڭ تىرەكتىك قابىلەتىن جوعارىلاتتى. ەلەكتروندى شارۋاشىلىق كۋالىگىندە ەكىلىك كودتى سكانەرلەپ تىركەلگەن جالپى رەت سانى 16 ميلليون 702 مىڭ رەتكە جەتتى.

　　جەلىدە ٴىس ٴبىتىرۋدى قولايلىلاستىرۋ قابىلەتىن جوعارىلاتىپ، اۆتونوميالى رايوننىڭ ”شينجياڭ ۇكىمەتتىك قىزمەت وتەۋ بويىنشا توردا جۇمىس ٴبىتىرۋ زالى“، ”شينجياڭ كاسىپورىن ىستەرىن توردا ٴبىتىرۋ زالى“ APPلەرىنىڭ جىلجىمالى تەرمينالىن قولدانۋىمەن ۇشتاستىرىپ، ”جەكە ساۋدا ـ ونەركاسىپشىلەردىڭ كاسىپ اشۋى“، ”اس ـ سۋ ٴىسى“، ”كاسىپورىنداردىڭ ٴبىر ٴىستى كۇشىنەن قالدىرۋى“ سياقتى جىلجىمالى تەرمينالىنا كىرىپ 32 ٴتۇرلى جۇمىستى بىتىرۋگە بولادى، قولدانۋ جاعدايىن ”جەلىدە بىتىرۋدەن“ ”قول تەلەفوندا بىتىرۋگە“ قاراي دارەجەسىن جوعارىلاتىپ، ٴىس بىتىرەتىن بۇقاراعا قولايلى بولۋ دەڭگەيىن جانە ولاردىڭ تابىس سەزىمىن جوعارىلاتتى. ”ٴبىر ٴىستى جوعارى ونىمدىلىكپەن ٴبىتىرۋدى“ تياناقتاندىرىپ، بازار باقىلاۋ ـ باسقارۋ سالاسىنا ساياتىن 7 ” ٴبىر ٴىس“ جۇمساق بولشەگىن اشۋدى ۇشتاستىرۋدى جوعارى ساپامەن ورىنداپ، ۇكىمەتتىك قىزمەت وتەۋدىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتتى، مۇنىڭ ىشىندە اس ـ سۋ دۇكەنىن اشۋداعى ”ٴبىر ٴىس“ شينجياڭداعى بىردەن ـ ٴبىر مىسال رەتىندە، مەملەكەتتىك كەڭەس جاعىنان ”ٴبىر ٴىستى جوعارى ونىمدىلىكپەن ٴبىتىرۋ“ ٴتۇيىندى ىستەرىنىڭ تيپتىك مىسالدارى قاتارىنا ەنگىزىلدى.

جالعانىم