اۆتونوميالى رايوندىق پارتكومنىڭ قوعامدىق قىزمەت ٴماجىلىسى اشىلدى
جاڭا داۋىردەگى قوعامدىق قىزمەتتىڭ جوعارى ساپالى دامۋىن ىلگەرىلەتىپ، شينجياڭنىڭ قوعامدىق باسقارۋ جاڭا جاعدايىن ۇزدىكسىز اشۋ كەرەك
ما شيڭرۇي ٴسوز سويلەدى، ەركىن تۇنياز باسقاردى، حى جۇڭيوۋ، چىن ميڭگو قاتىناستى
12 - ايدىڭ 29 - كۇنى اۆتونوميالى رايوندىق پارتكومنىڭ قوعامدىق قىزمەت ءماجىلىسى ۇرىمجىدە اشىلدى، اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 12 ـ ايدىڭ 29 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ قوعامدىق قىزمەت ٴماجىلىسى 12 ـ ايدىڭ 29 ـ كۇنى اشىلدى، اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ٴارى ٴسوز سويلەدى. ول بىلاي دەپ باسا دارىپتەدى: باس شۋجي شي جينپيڭنىڭ قوعامدىق قىزمەت جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ورتالىقتىڭ قوعامدىق قىزمەت ٴماجىلىسىنىڭ ورنالاستىرۋلارىن تياناقتاندىرىپ، رەفورما جاساۋ، جاڭالىق اشۋ رۋحى ارقىلى جاڭا داۋىردەگى قوعامدىق قىزمەتتىڭ جوعارى ساپالى دامۋىن ىلگەرىلەتىپ، شينجياڭنىڭ قوعامدىق باسقارۋ جاڭا جاعدايىن ۇزدىكسىز اشۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ ماجىلىسكە قاتىناستى. اۆتونوميالى رايوندىق پارتكومنىڭ ورىنباسار شۋجيى، ساياسي ـ زاڭ كوميتەتىنىڭ شۋجيى چىن ميڭگو قورىتىندى ٴسوز سويلەدى.
ما شيڭرۇي بىلاي دەپ اتاپ كورسەتتى: پارتيا 18 ـ قۇرىلتايىنان بەرى، باس شۋجي شي جينپيڭ نە ٴۇشىن قوعامدىق قىزمەتتى كۇشەيتۋ كەرەك، قوعامدىق قىزمەتتى قالاي كۇشەيتۋ كەرەك دەگەندى توڭىرەكتەي وتىرىپ ٴبىر قىدىرۋ ماڭىزدى بايىمداۋ جاساپ، جاڭا يدەيالاردى، جاڭا كوزقاراستاردى، جاڭا تۇجىرىمداردى العا قويىپ، پارتيامىزدىڭ قوعامدىق قىزمەت زاڭدىلىعى جونىندەگى تانىمىن جاڭا دەڭگەيگە كوتەردى. ورتالىقتىڭ تۇڭعىش رەتكى قوعامدىق قىزمەت ٴماجىلىسى اشىلۋ قارساڭىندا، باس شۋجي ارناۋلى ماڭىزدى نۇسقاۋ بەرىپ، جۇڭگوشا سوتسياليستىك قوعامدىق باسقارۋ جولىمەن بۇلجىماي ٴجۇرۋ كەرەك دەپ باسا دارىپتەپ، جاڭا داۋىردەگى قوعامدىق قىزمەتتى ويداعىداي ىستەۋگە اناعۇرلىم ايقىن بەتالىس نۇسقادى. باس شۋجي شي جينپيڭنىڭ قوعامدىق قىزمەت جونىندەگى ماڭىزدى بايىمداۋلارىن ىشكەرىلەي ۇيرەنىپ، ەگجەي ـ تەگجەيلى ٴتۇسىنىپ، ادالدىقپەن اتقارىپ، ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، جاڭا داۋىردە قوعامدىق قىزمەتتى كۇشەيتۋدىڭ ماڭىزدىلىعىن، كوكەي تەستىلىگىن تەرەڭ تانىپ، قوعامدىق قىزمەتتىڭ ورنىن، رولىن، مىندەت جاۋاپكەرشىلىگىن، بورىشىن، جالپى تالابىن دالمە ـ ٴدال يگەرىپ، شينجياڭنىڭ قوعامدىق قىزمەتىن تەرەڭ، ناقتى، ەگجەي ـ تەگجەيلى ىستەۋ كەرەك.
ما شيڭرۇي بىلاي دەپ باسا دارىپتەدى: جۋىق جىلداردان بەرى، شينجياڭنىڭ قوعامدىق قىزمەتىندە بەلسەندى ناتيجەگە قول جەتكىزىلىپ، ەكونوميكانىڭ، قوعامنىڭ جوعارى ساپالى دامۋىنا ماڭىزدى ۇلەس قوسىلدى. جاۋاپكەرشىلىك سەزىمدى، بورىشتىلىق سەزىمدى اناعۇرلىم كۇشەيتىپ، ورتالىقتىڭ قوعامدىق قىزمەت ٴماجىلىسىنىڭ ورنالاستىرۋلارىنا تۋرالانىپ، رەفورما سىندى ”شەشۋشى شارادان“ ويداعىداي پايدالانىپ، زەيىن ـ زەردەنى، كۇش ـ قۋاتتى ۇيىستىرا وتىرىپ ماڭىزدى مىندەتتەردى تياناقتاندىرۋدى ويداعىداي يگەرۋ كەرەك. پارتيا قۇرىلىسى ارقىلى نەگىزگى ساتىنى باسقارۋعا جانە نەگىزگى ساتى بيلىك قۇرىلىسىنا جەتەكشىلىك ەتۋدى كۇشەيتىپ، ٴۇرتىس ورنىقتى، ومىرشەڭ كۇشكە باي جاڭاشا نەگىزگى ساتى قوعامدىق باسقارۋ جۇيەسىن ورناتۋ كەرەك. پارتيانىڭ باسشىلىعىن نەگىزگى ساتىنى باسقارۋدىڭ تۇتاس بارىسىنا، ٴارقايسى جاعىنا ساباقتاستىرىپ، قوعامدىق كەلەلى جاعدايدىڭ ورنىقتىلىعىن بار كۇشپەن قورعاۋ كەرەك. نەگىزگى ساتىنىڭ بيلىك قۇرىلىسىن كۇشەيتىپ، اۋىل، قالاشىق (ٴمالى) كۇشتەرىن كۇشەيتىپ ورنالاستىرىپ، نەگىزگى ساتىنى باسقارۋداعى ”كۇش از، جۇك اۋىر بولۋ“ سىندى كورنەكتى ماسەلەنى شەشۋ كەرەك. نەگىزگى ساتى قىزمەت وتەۋ جۇيەسى قۇرىلىسىن كۇشەيتىپ، ٴبىر تۇتاس جوسپارلاپ ىلگەرىلەتىپ، نەگىزگى ساتىعا قۋات ۇستەۋ جانە اۋىرتپالىعىن جەڭىلدەتۋ كەرەك. جاڭا ەكونوميكالىق ۇيىمداردىڭ، جاڭا قوعامدىق ۇيىمداردىڭ، جاڭادان جۇمىستانعان قاۋىمنىڭ پارتيا قۇرىلىسى قىزمەتىن كورنەكتى تۇردە ويداعىداي يگەرىپ، پارتيانىڭ جاڭادان گۇلدەنگەن سالالارداعى ۇندەۋ قۋاتىن، ۇيىستىرۋ قۋاتىن، ىقپال كۇشىن ۇزدىكسىز كۇشەيتۋ كەرەك. پارتيانىڭ ۇيىمدىق قامتۋى مەن قىزمەت قامتۋىن ىلگەرىلەتىپ، جالپىلىق مەنشىككە جاتپايتىن كاسىپورىنداردىڭ پارتيا قۇرىلىسى قىزمەت تەبىنىن ارتتىرىپ، ارالاس مەنشىكتەگى كاسىپورىنداردىڭ پارتيا قۇرىلىسى قىزمەتى جولى جونىندە ىزدەنىس جاساپ، تۇعىر، كاسىپورىنداردىڭ پارتيا قۇرىلىسى قىزمەتىن كۇشەيتىپ، جاڭا قوعامدىق ۇيىمداردىڭ پارتيا قۇرىلىسى قىزمەتىنىڭ جالپى تۇلعالىق دەڭگەيىن جوعارىلاتىپ، جاڭادان جۇمىستانعان قاۋىمنىڭ پارتيا قۇرىلىسى قىزمەتىنەن شوعىرلى قامال الۋدى ورىستەتىپ، جاڭادان گۇلدەنگەن سالالاردىڭ پارتيا ۇيىمىن بەرىك جاۋىنگەر قامال ەتىپ قۇرىپ شىعۋ كەرەك. بۇقارانى ۇيىستىرۋ، بۇقاراعا قىزمەت وتەۋ قىزمەتىن تىڭعىلىقتى، ويداعىداي ىستەپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. جاڭا داۋىردەگى پارتيانىڭ بۇقارالىق لۋشيانىمەن ويداعىداي ٴجۇرىپ، ”ٴتورتتى نەگىزگى ساتىعا ٴتۇسىرۋ“ ٴتۇزىمىن تياناقتاندىرىپ، قوعام جاعدايىن، حالىق اۋانىن توپتاۋدىڭ ارناسىن ىركىلىسسىزدەندىرۋ كەرەك. كۇشار ”كۇسان شاعىن كوشەسى“ سياقتى تاڭداۋلى تاجىريبە ادىستەرىن قورىتىندىلاپ، جالپىلاستىرىپ، ىنتىماقتاسا وتىرىپ ناقتى ىستەۋ ارقىلى ٴار ۇلت بۇقاراسىنىڭ دامۋ ورتاق تانىمىن ۇيىستىرۋ كەرەك. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، ارىز ـ ارمان قىزمەتىنىڭ زاڭمەن باسقارىلۋىن ىلگەرىلەتىپ، قايشىلىقتان قاينارىنان ساقتانۋدى جانە ونى شەشۋدى كۇشەيتىپ، ورەسكەل ۋاقيعالاردىڭ تۋىلۋىنان قاتاڭ ساقتانۋ كەرەك. ەرىكتى قىزمەت وتەۋ باسشىلىق ٴتۇزىلىسىن جانە قىزمەت مەحانيزمىن كەمەلدەندىرىپ، باتىس بولىك جوسپارى ەرىكتىلەر قوسىنىنان ويداعىداي پايدالانىپ، ەرىكتى قىزمەت وتەۋدىڭ ساپاسىن، ونىمدىلىگىن جوعارىلاتۋ كەرەك.
ما شيڭرۇي بىلاي دەپ باسا دارىپتەدى: ٴار دارەجەلى پارتكوم (پارتيا باسشىلىق گرۋپپاسى) تۇلعالىق جاۋاپكەرشىلىكتى تياناقتاندىرىپ، قوعامدىق قىزمەتتى ماڭىزدى كەڭەستىك كۇن تارتىپكە قويىپ، قوعامدىق قىزمەتتىڭ ۇيىمدىق جۇيەسىن اقاۋسىزداندىرىپ، دارىندىلار قوسىنى قۇرىلىسىن كۇشەيتىپ، زاڭ ەرەجە، ٴتۇزىم جۇيەسىن كەمەلدەندىرىپ، شينجياڭنىڭ قوعامدىق قىزمەتىنىڭ تۇتاس تۇلعالىق ونىمدىلىگىن جوعارىلاتۋى كەرەك. ٴار دارەجەلى قوعامدىق قىزمەت تاراۋلارى وزىندىك قۇرىلىستى كۇشەيتۋگە ايرىقشا ٴمان بەرىپ، ساياسي ورگان تانىمىن كۇشەيتىپ، بۇقارانىڭ حال ـ جاعدايىن قاي ـ قاشان دا كوڭىل تورىنە قويىپ، فورماشىلدىقتان، تورەشىلدىكتەن قاتتى ساقتانىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ ونىمدىلىك كورسەتۋىن ىلگەرىلەتۋى كەرەك.
ەركىن تۇنياز ٴماجىلىستى باسقارعاندا بىلاي دەپ اتاپ كورسەتتى: جەر ـ جەر، تاراۋلار، اسىرەسە، قوعامدىق قىزمەت جۇيەسىندەگى باسشى كادرلار قوعامدىق قىزمەتكە قاتىستى نازاريا جۇيەسىن، ساياسات، زاڭ ەرەجەلەردى، كاسىپتىك بىلىمدەردى ۇيرەنۋدى، زەرتتەۋدى كۇشەيتىپ، يدەيانى ازات ەتىپ، تۋراشىلدىقتان اينىماي جاڭالىق اشىپ، نازاردى ماڭىزدى تۇيىندەرگە شوعىرلاندىرىپ تياناقتاندىرۋدى يگەرىپ، قابىلەتتى جوعارىلاتىپ تياناقتاندىرۋدى يگەرىپ، سەلبەسە ـ سايكەسە وتىرىپ تياناقتاندىرۋدى يگەرىپ، اۆتونوميالى رايوندىق پارتكومنىڭ ٴتۇرلى ورنالاستىرۋلارىن شىن مانىندە ناقتى، ەگجەي ـ تەگجەيلى، تىڭعىلىقتى تياناقتاندىرۋى كەرەك.
چىن ميڭگو قورىتىندى سوزىندە بىلاي دەپ اتاپ كورسەتتى: ٴماجىلىس رۋحىن دايەكتىلەندىرۋدى، تياناقتاندىرۋدى قاز ـ قالپىندا ويداعىداي يگەرىپ، ٴتۇزىلىس ـ مەحانيزمدى كەمەلدەندىرىپ، نەگىزگى قوسىندى كۇشەيتىپ قۇرىپ، سيفرمەن قۋات ۇستەۋدى كۇشەيتىپ، قۋزاۋ، تياناقتاندىرۋدى مىقتاپ يگەرىپ، قوعامدىق قىزمەتتىڭ جوعارى ساپالى دامۋىن ىلگەرىلەتۋ كەرەك.
اۆتونوميالى رايوندىق پارتكومنىڭ شتات كەڭسەسى، اۆتونوميالى رايوندىق بازاردى باقىلاۋ ـ باسقارۋ مەكەمەسى، اۆتونوميالى رايوندىق وداق كوميتەتى، ٴۇرىمجى قالاسى، بۇراتالا موڭعۇل اۆتونوميالى وبلىسى، اقسۋ ايماعى پىكىر اۋىستىرىپ ٴسوز سويلەدى.
تيان شياڭلي، چىن ۋيجۇن، ۋاڭ جيانشين، ٴيۇسۇپجان مامەت، ەلزات احمەتجان، قادەن كابەن، ۋاڭ لين، اۆتونوميالى رايوندىق حالىق قۇرىلتايى تۇراقتى كوميتەتىنىڭ، ۇكىمەتتىڭ، ساياسي كەڭەستىڭ قاتىستى باسشىلارى، اۆتونوميالى رايوندىق سوت مەكەمەسىنىڭ، پروكۋراتۋرانىڭ جانە قاتىستى ورىنداردىڭ جاۋاپتى جولداستارى، ٴارقايسى ايماق، وبلىس، قالالىق پارتكومنىڭ سالاعا جاۋاپتى جولداستارى جانە قوعامدىق قىزمەت ٴبولىمىنىڭ جاۋاپتى جولداستارى نەگىزگى ٴماجىلىس الاڭىندا ماجىلىسكە قاتىناستى. ايماق، وبلىس، قالالاردا، اۋدان، قالا، رايونداردا بولىمشە ٴماجىلىس الاڭى ورنالاستىرىلدى.