شينجياڭنىڭ قوعامدىق قىزمەتىنىڭ جوعارى ساپالى دامۋىن تىڭعىلىقتى ىلگەرىلەتەيىك
گازەتىمىزدىڭ شولۋشىسى
اۆتونوميالى رايوندىق پارتكومنىڭ قوعامدىق قىزمەت ٴماجىلىسى پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ قوعامدىق قىزمەت جونىندەگى ماڭىزدى بايىمداۋلارىنىڭ جانە ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ورتالىقتىڭ قوعامدىق قىزمەت ٴماجىلىسىنىڭ ورنالاستىرۋلارىن تياناقتاندىرىپ، ناتيجەلەردى قورىتىندىلاپ، جاعدايعا تالداۋ جاساپ، كەزەكتەگى جانە بۇدان بىلايعى ٴبىر مەزگىلدەگى شينجياڭنىڭ قوعامدىق قىزمەتىن اقىلداستى، ورنالاستىردى، بۇل شينجياڭنىڭ قوعامدىق قىزمەتىنىڭ جوعارى ساپالى دامۋىن تىڭعىلىقتى ىلگەرىلەتۋدە ماڭىزدى مانگە يە.
قوعامدىق قىزمەت _ پارتيا مەن مەملەكەت قىزمەتىنىڭ ماڭىزدى قۇرامداس بولىگى، پارتيانىڭ ۇزاق ۋاقىت بيلىك جۇرگىزۋىنە جانە مەملەكەتتىڭ باياندى تىنىشتىعىنا سايادى، قوعامنىڭ جاراسىمدىلىعىنا، ورنىقتىلىعىنا جانە حالىقتىڭ باقىتىنا، اماندىعىنا سايادى. بيىل ورتالىق تۇڭعىش رەت قوعامدىق قىزمەت ٴماجىلىسىن اشىپ، باس شۋجي شي جينپيڭ قوعامدىق قىزمەت جونىندە ماڭىزدى نۇسقاۋ بەردى. ٴبىز باس شۋجي شي جينپيڭنىڭ ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى قوعامدىق قىزمەتتىڭ جالپى تالابىنا تۋرالانىپ، جوعارى ساپالى قوعامدىق قىزمەت ارقىلى جۇرت تىلەگىن ۇيىستىرىپ، ىنتىماقتى نىعايتۋعا دەم بەرىپ، شينجياڭ قوعامىنىڭ جاراسىمدىلىعىنا، ورنىقتىلىعىنا جانە ەكونوميكانىڭ جوعارى ساپالى دامۋىنا اناعۇرلىم ويداعىداي قىزمەت وتەۋىمىز كەرەك.
زەردەلىلەر زامانعا قاراي ٴادىس ـ امال قولدانادى، بىلىكتىلەر جاعدايعا قاراي ٴىس ىستەيدى. سوڭعى جىلدارى شينجياڭ قوعامدىق قىزمەتتە بەلسەندى ونىمدىلىككە قول جەتكىزىپ، ەكونوميكانىڭ، قوعامنىڭ جوعارى ساپالى دامۋىنا ماڭىزدى ۇلەس قوسىپ، جۇڭگوشا سوتسياليستىك قوعامدىق باسقارۋدىڭ وزگەشە باسىمدىعىن جانە تاسقىنداعان ومىرشەڭدىگىن تولىق ايگىلەدى. الايدا ٴبىز ەكونوميكانىڭ، قوعامنىڭ جەدەل دامۋىنا ىلەسە قوعامدىق قۇرىلىمدا تەرەڭ وزگەرىستەر تۋىلعاندىعىن، اسىرەسە، جاڭادان گۇلدەنگەن سالالار قارىشتاپ دامىپ، قوعامدىق قىزمەتكە جاڭا تالاپ قويىپ، قوعامدىق قىزمەتتى ونان ارى كۇشەيتۋدى شۇعىل قاجەت ەتەتىندىگىن سەرگەكتىكپەن تاني ٴبىلۋىمىز كەرەك. ٴبىز شينجياڭنىڭ قوعامدىق قىزمەتى ٴدوپ كەلگەن جاعداي مەن مىندەتتى دالمە ـ ٴدال يگەرىپ، جاڭا داۋىردەگى قوعامدىق قىزمەت جاۋاپكەرشىلىك سەزىمىن، بورىشتىلىق سەزىمىن شىن مانىندە كۇشەيتىپ، پارتيانىڭ ۇيىمدىق قامتۋىن جانە قىزمەت قامتۋىن ٴتۇرلى ۇيىمدارعا، ٴتۇرلى قاۋىمدارعا ٴونىمدى ۇلاستىرىپ، شينجياڭنىڭ باسقارۋ جۇيەسى مەن باسقارۋ قابىلەتىن وسىزامانداندىرۋ دەڭگەيىن ٴونىمدى جوعارىلاتىپ، پارتيانىڭ شينجياڭداعى بيلىك جۇرگىزۋ نەگىزىن ۇزدىكسىز بەكەمدەۋىمىز كەرەك.
ٴداۋىر اعىمىندا قوعامدىق قىزمەتتە نازاردى ٴتۇيىندى مىندەتتەرگە شوعىرلاندىرىپ، رەفورما سىندى ”شەشۋشى شارادان“ ويداعىداي پايدالانساق، حالىقتىڭ كۇن سايىن ارتقان تاماشا تۇرمىس قاجەتىن قاناعاتتاندىرۋدا، رەفورما، دامۋ، ورنىقتىلىق ٴتۇرلى قىزمەتتەرىن ىلگەرىلەتۋدە اناعۇرلىم زور قۇنىمىزدى ايگىلەي الامىز. پارتيا قۇرىلىسىنىڭ نەگىزگى ساتىنى باسقارۋعا جانە نەگىزگى ساتى بيلىك قۇرىلىسىنا جەتەكشىلىك ەتۋىن كۇشەيتىپ، ٴۇرتىس ورنىقتى، ومىرشەڭ كۇشكە باي جاڭاشا نەگىزگى ساتى قوعامدىق باسقارۋ جۇيەسىن قۇرۋ كەرەك؛ جاڭا ەكونوميكالىق ۇيىمداردىڭ، جاڭا قوعامدىق ۇيىمداردىڭ، جاڭادان جۇمىستانعان قاۋىمنىڭ پارتيا قۇرىلىسى قىزمەتىن كورنەكتى ويداعىداي يگەرىپ، پارتيانىڭ جاڭادان گۇلدەنگەن سالالارداعى ۇندەۋ قۋاتىن، ۇيىستىرۋ قۋاتىن، ىقپال كۇشىن ۇزدىكسىز كۇشەيتۋ كەرەك؛ بۇقارانى ۇيىستىرۋ، بۇقاراعا قىزمەت وتەۋ قىزمەتىن تىڭعىلىقتى، ويداعىداي ىستەپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.
قوعامدىق قىزمەتتى ويداعىداي ىستەۋ _ بۇكىل پارتيانىڭ ورتاق جاۋاپكەرشىلىگى. ٴار دارەجەلى پارتيا ۇيىمدارى ساياسي جاۋاپكەرشىلىكتى ارقالاپ، قوعامدىق قىزمەتتى ماڭىزدى كەڭەستىك كۇن تارتىپكە قويىپ، قوعامدىق قىزمەتتىڭ ۇيىمدىق جۇيەسىن اقاۋسىزداندىرىپ، دارىندىلار قوسىنى قۇرىلىسىن كۇشەيتىپ، زاڭ ەرەجە، ٴتۇزىم جۇيەسىن كەمەلدەندىرىپ، شينجياڭنىڭ قوعامدىق قىزمەتىنىڭ تۇتاس تۇلعالىق ونىمدىلىگىن جوعارىلاتۋ كەرەك. ٴار دارەجەلى قوعامدىق قىزمەت تاراۋلارى وزىندىك قۇرىلىستى كۇشەيتۋگە ايرىقشا ٴمان بەرىپ، ساياسي ورگان تانىمىن كۇشەيتىپ، بۇقارانىڭ حال ـ جاعدايىن قاي ـ قاشان دا كوڭىل تورىنە قويىپ، فورماشىلدىقتان، تورەشىلدىكتەن قاتتى ساقتانىپ، پارتيا ورتالىق كوميتەتىنىڭ قوعامدىق قىزمەت جونىندەگى شەشىمدەرىن، ورنالاستىرۋلارىن ناقتى تياناقتاندىرۋعا شىنايى كەپىلدىك ەتۋ كەرەك.
جاڭا داۋىردەگى جاڭا جورىقتا قوعامدىق قىزمەتتە، ٴسوز جوق، جاڭا جاۋاپكەرشىلىك ارقالاۋ، جاڭا ىسكەرلىك كورسەتۋ ايگىلەنۋى كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، حالىقتى وزەك ەتۋگە تاباندى بولىپ، جاڭا داۋىردەگى پارتيانىڭ بۇقارالىق لۋشيانىن امالياتتا ايگىلەپ، جۇڭگوشا سوتسياليستىك قوعامدىق باسقارۋ جولىمەن بۇلجىماي ٴجۇرىپ، شينجياڭنىڭ قوعامدى باسقارۋ جاڭا جاعدايىن ۇزدىكسىز اشىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە اناعۇرلىم زور ۇلەس قوسۋىمىز كەرەك.