شينجياڭ ەركىن ساۋدا سىناق رايونى قۇرىلىسى قىزمەتىن ورنالاستىرۋ ٴماجىلىسى مىنالاردى باسا دارىپتەدى
يدەيانى ونان ارى ازات ەتىپ، رەفورما جاساپ، جاڭالىق اشىپ، قامال الىپ قيىنشىلىقتاردى جەڭۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 12 ـ ايدىڭ 29 ـ كۇنى ۇرىمجىدەن حابارلايدى. جاقىندا اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز شينجياڭ ەركىن ساۋدا سىناق رايونى قۇرىلىسى قىزمەتىن ورنالاستىرۋ ٴماجىلىسىن باسقارىپ اشتى. ول بىلاي دەپ باسا دارىپتەدى: باس شۋجي شي جينپيڭنىڭ ەركىن ساۋدا سىناق رايونى قۇرىلىسىن ىشكەرىلەي ىلگەرىلەتۋ جونىندەگى ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت تالابى بويىنشا، يدەيالىق جاقتا تاعى دا باسا ٴمان بەرىپ، شارا جاعىنان تاعى دا بەكەمدەپ، سەرپىندى تاعى دا ارتتىرىپ، شينجياڭ ەركىن ساۋدا سىناق رايونى قۇرىلىسىنىڭ ساپاسىن جوعارىلاتىپ، ونىمدىلىگىن ارتتىرۋدى ۇزدىكسىز ىلگەرىلەتۋ كەرەك.
ەركىن تۇنياز شينجياڭ ەركىن ساۋدا سىناق رايونى قۇرىلىسى تۇتاس تۇلعالىق قىزمەتىنىڭ ىلگەرىلەۋ جاعدايى، 3 اۋماق قۇرىلىسىنىڭ جاعدايى، ٴبىر بولىم ارناۋلى گرۋپپالار قىزمەتىنىڭ جاعدايى جونىندەگى مالىمەتتى تىڭدادى. ول بىلاي دەپ اتاپ كورسەتتى: شينجياڭ ەركىن ساۋدا سىناق رايونى بەكىتىلىپ قۇرىلعان ٴبىر جىلدان استام ۋاقىتتان بەرى، رەفورما سىناق ٴتۇيىنى مىندەتى ورنىقتى قاداممەن ىلگەرىلەپ، ەكونوميكالىق اينالىم جاعدايى جاقسى بولىپ، تۇزىمدە جاڭالىق اشۋدا بەلسەندى ىلگەرىلەۋشىلىكتەرگە قول جەتىپ، ٴبىر توپ بەلگى سيپاتتى شارالار تياناقتانىپ ونىمدىلىك كورسەتتى. الايدا، كەزەكتە تەرەڭ قاباتتاعى جاڭالىق اشۋ جونىندەگى ىزدەنىس جاساۋدىڭ جەتىسپەۋى، كاسىپ سالاسىنىڭ شوعىرلانۋىنىڭ جەتەرسىز بولۋى، شارۋاشىلىق ـ ساۋدا ورتاسىنىڭ ساپالى بولماۋى، وڭىرلىك سايكەستىكتىڭ جوعارى ٴونىمدى بولماۋى سياقتى ماسەلەلەردىڭ ٴالى دە ورىن تەۋىپ وتىرعاندىعىن كورە ٴبىلۋىمىز كەرەك. يدەيانى ونان ارى ازات ەتىپ، رەفورما جاساپ، جاڭالىق اشىپ، قامال الىپ قيىنشىلىقتاردى جەڭىپ، شينجياڭ ەركىن ساۋدا سىناق رايونى قۇرىلىسىندا ٴتىپتى دە زور ناتيجە جاراتۋدى ىلگەرىلەتۋ كەرەك.
ەركىن تۇنياز بىلاي دەپ باسا دارىپتەدى: ساياسي دەڭگەيدى جوعارىلاتىپ، شينجياڭ ەركىن ساۋدا سىناق رايونى قۇرىلىسىنىڭ كەلەلى ٴمانىن تەرەڭ تانىپ، شينجياڭ ەركىن ساۋدا سىناق رايونىن يدەيانى ازات ەتۋدەگى باستاماشى ٴوڭىر، تۇزىمدە جاڭالىق اشۋداعى سىناق اتىزى، كاسىپ سالالارىن شوعىرلاندىرۋداعى ارتۋ ۇيەگى، ەسىك اشۋدى كەڭەيتۋدەگى جاڭا بيىك، شارۋاشىلىق ـ ساۋدا ورتاسىنىڭ ۇلگى رايونى ەتىپ تۇلعالاۋعا قۇلشىنۋىمىز كەرەك. كاسىپ سالالارىن شوعىرلاندىرۋدى كۇشەيتىپ، اۆتونوميالى رايوننىڭ ”ون ٴىرى كاسىپ سالاسى شوعىرى“ قۇرىلىسىن ارقاۋ ەتىپ، ٴبىرسىپىرا ەرەكشەلىگى كورنەكتى، باسىمدىعى ايقىن كەلەلى نىسانداردى جوسپارلاپ اتقارىپ، كاسىپ سالاسى ارقىلى شينجياڭعا كومەكتەسۋ باسىمدىعىن ساۋلەلەندىرىپ، سىرتقى ساۋدادا جاڭالىق اشا دامۋدى كۇش سالا ىلگەرىلەتىپ، سيفرلى ساۋدا، بازاردان ساتىپ الۋ ساۋدا ـ ساتتىعى، شەكارا اتتاعان ەلەكتروندى ساۋدا سياقتى جاڭا كاسىپ كۇيىن، جاڭا ۇلگىنى جەدەل جەتىلدىرىپ، شينجياڭ ەرەكشەلىگىندەگى اشىق تيپتەگى كاسىپ سالاسى جۇيەسىن جەدەل قۇرۋ كەرەك. ەۆروپا مەن ازيانى تۇتاستىراتىن كەشەندى زات اينالىمى تورابىن تۇلعالاۋدى جەدەلدەتىپ، شەكارا وتكەلدەرىنىڭ نەگىزدىك قۇرىلعىلارىن كەمەلدەندىرىپ، سيفرمەن قۋات ۇستەۋدى كۇشەيتىپ، شەكارا جەلىسىندەگى وڭىرلەردىڭ كوپ ۇلگىدەگى بىرىككەن تاسىمالىن دامىتۋ ەرەكشەلىگىنە ۇيلەسەتىن كاسىپ ۇلگىسىن جانە ەرەجە ـ ولشەمىن ورناتۋعا ىزدەنىس جاساپ، حالىقارالىق بىرىككەن تاسىمال ەرەجەسىمەن ٴتۇيىلىسۋدى جانە ولشەمدى ٴوزارا مويىنداۋدى جەدەلدەتۋ كەرەك.
ەركىن تۇنياز بىلاي دەپ باسا دارىپتەدى: شارۋاشىلىق ـ ساۋدا ورتاسىن بازارلاندىرۋ، زاڭمەن باسقارۋ، حالىقارالاندىرۋ دەڭگەيىن كۇش سالا جوعارىلاتىپ، ٴتىپتى دە كوپ اكىمشىلىك ۇقىقتى تومەنگە بەرۋدى ىلگەرىلەتىپ، مەملەكەت جانە اۆتونوميالى رايون ۇسىنعان تۇزىمدە جاڭالىق اشۋ جەتىستىكتەرىن بەلسەنە كوشىرىپ، جالپىلاستىرىپ، حالىقارالىق جوعارى ولشەمدى ەكونوميكا ـ ساۋدا ەرەجەسىمەن ىرىقتىلىقپەن ٴتۇيىلىسىپ، ورنىقتى، جاريا، مەجەلەۋگە بولاتىن ٴتۇزىم ورتاسىن تۇلعالاۋ كەرەك. شينجياڭ ەركىن ساۋدا سىناق رايونىنىڭ جوعارى دەڭگەيدەگى اقىلماندار قويماسىن جەدەل ورناتىپ، ٴبىر توپ قولدانىلمالى تەحنولوگيالىق دارىندىلاردى باۋلىپ، زاپاس ساقتاپ، ەركىن ساۋدا سىناق رايونى قۇرىلىسىنا پارمەندى اقىل ـ پاراسات تىرەگىن ازىرلەۋ كەرەك.
ەركىن تۇنياز بىلاي دەپ باسا دارىپتەدى: شينجياڭ ەركىن ساۋدا سىناق رايونى قۇرىلىسى _ جۇيەلى ينجەنەريا. بيڭتۋان مەن جەرگىلىكتى ورىندار، تاراۋلار، مەكەمە ـ ورىندار بەلگىلى مەرزىمدە اقىلداسۋ ـ سەلبەسۋ مەحانيزمىن ورناتىپ، ٴبىر تۇتاس جوسپارلاپ سايكەسۋدى كۇشەيتىپ، بىرلەسىپ ارەكەتتەنۋدى، سايكەسۋدى جيىلەتىپ، پارمەندى قىزمەت بىرىككەن كۇشىن قالىپتاستىرۋ كەرەك.
جۋ ليفان ماجىلىسكە قاتىناستى.