بوران ـ شاشىندى جانە ارايلى كۇندەردى بىرگە باسىپ ٴوتىپ، سۇبەلى تابىستارعا قول جەتكىزدى
— ٴتوراعا شي جينپيڭنىڭ جاڭا جىلدى قۇتتىقتاۋ ٴسوزى شينجياڭداعى قالىڭ كادر ـ بۇقارانى قول ۇستاسا ەكپىندەي ىلگەرىلەۋگە جىگەرلەندىردى
□ انار بۇلت \ شينجياڭ گازەتىنىڭ تىلشىلەرى
” 2024 ـ جىلى ٴبىز كوكتەمدى، جازدى، كۇزدى جانە قىستى بىرگە وتكەرىپ، بوران ـ شاشىندى جانە ارايلى كۇندەردى بىرگە باسىپ وتتىك، ٴاربىر ساتتەر وسى ٴبىر وزگەشە جىلدا ايشىقتالىپ جازىلىپ، ادام جانىن تەبىرەنتىپ ەستەن كەتپەستەي بولدى“.
جاڭا جىل قارساڭىندا مەملەكەت ٴتوراعاسى شي جينپيڭ 2025 ـ جىلعى جاڭا جىلدى قۇتتىقتاۋ ٴسوزىن سويلەدى. تەرەڭ سۇيىسپەنشىلىككە تولى ٴاربىر اماندىق سۇراۋ جۇرت جۇرەگىن جىلىتتى؛ ٴاربىر اۋىز ىقىلاستى تىلەك ادامدى ەكپىندەي ىلگەرىلەۋگە جىگەرلەندىرىپ، شينجياڭداعى قالىڭ كادر ـ بۇقارانىڭ ەكپىندەي ىلگەرىلەۋىنە اناعۇرلىم كۇش ـ قۋات ۇيىستىردى.
”ٴتوراعا شي جينپيڭنىڭ جاڭا جىلدى قۇتتىقتاۋ سوزىندە استىق ٴونىم مولشەرى ٴبىر تريلليون 400 ميلليارد جىڭنان اسىپ، جۇڭگونىڭ كەسەسىنە اناعۇرلىم كوپ جۇڭگو استىعى سالىندى دەلىندى“. بۇل اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسى ەگىمشىلىك ىستەرىن باسقارۋ مەكەمەسىنىڭ ورىنباسار باستىعى دۇڭ داۋفانى ايرىقشا شابىتتاندىردى. 2024 ـ جىل شينجياڭدا استىقتىڭ جالپى ٴونىم مولشەرى 46 ميلليارد 600 ميلليون جىڭ بولىپ، الدىڭعى جىلداعىدان 4 ميلليارد 220 ميلليون جىڭ ارتقان، ٴونىمنىڭ ارتۋ مولشەرى بۇكىل ەل بويىنشا 2 ـ ورىندا بولعان؛ مۋ باسىندىق بىرلىك ٴونىمى 524.8 كيلوگرامعا جەتىپ، بۇكىل ەل بويىنشا 1 ـ ورىنعا جەدەل كوتەرىلگەن؛ شينجياڭ ٴبيدايىنىڭ ازىق ـ تۇلىك حاۋىپسىزدىك كورسەتكىشىنىڭ تولىمدىلىق سالىستىرماسى، 1 ـ سورتتى ٴبيدايدىڭ ۇستايتىن سالىستىرماسى، ورتاشا سيىمدىلىق سالماعى سىندى ٴۇش تۇردەگى كورسەتكىش تۇگەلدەي بۇكىل ەل بويىنشا 1 ـ ورىنعا كوتەرىلگەن. ”2024 ـ جىل شينجياڭ استىق وندىرىسىندە تاريحي سيپاتتى ناتيجەگە قول جەتكىزگەن، جۇڭگونىڭ استىق كەسەسىن مىقتاپ ۇستاۋعا شينجياڭ كۇش ـ قۋاتىن ارناعان ٴبىر جىل بولدى دەپ ايتۋعا بولادى“. دۇڭ داۋفا بىلاي دەدى: 2025 ـ جىلى مەملەكەتتىڭ استىق حاۋىپسىزدىگىن قامتاماسىز ەتۋ ساياسي جاۋاپكەرشىلىگىن باتىل ارقالاپ، استىق ٴوندىرىس قۋاتىن ۇزدىكسىز جوعارىلاتىپ، مەملەكەتتىڭ استىق حاۋىپسىزدىگىن قامتاماسىز ەتۋگە شينجياڭ كۇش ـ قۋاتىن ارنايمىز.
”جاڭا جىلدى قۇتتىقتاۋ سوزىندە جاسىل، تومەن كومىر قىشقىل گازدى دامۋ تەرەڭدەي ىلگەرىلەتىلىپ، كورىكتى جۇڭگو كارتيناسى بىرتىندەپ جايىلعانى ايرىقشا تىلگە الىندى. بۇل سانجى قالاسىنىڭ جاڭا ٴبىر جىلداعى دامۋىنا ايقىن باعدار كورسەتتى“. سانجى حۇيزۋ اۆتونوميالى وبلىستىق پارتكومنىڭ تۇراقتى مۇشەسى، سانجى قالالىق پارتكومنىڭ شۋجيى لي چاڭجياڭ بىلاي دەدى: ”ٴبىز ٴداستۇرلى كاسىپ سالاسىن جەدەل جاڭالاپ، دارەجەسىن جوعارىلاتىپ، اشىق اسپاندى، تۇنىق سۋدى، تازا توپىراقتى قورعاۋ شايقاسىن ۇزدىكسىز جوعارى ساپامەن ويداعىداي جۇرگىزىپ، ەكونوميكالىق، قوعامدىق دامۋدىڭ جاپپاي جاسىل تيپ جاڭالاۋىنا بەرىك ەكولوگيالىق ورتا تىرەگىن ازىرلەيمىز“.
ٴتوراعا شي جينپيڭنىڭ جاڭا جىلدى قۇتتىقتاۋ سوزىندە جەرگىلىكتى جاعدايعا قاراي جاڭاشا وندىرگىش كۇشتەردى جەتىلدىرۋدى تىلگە تيەك ەتكەنى جۇڭگو لۇيفا شينجياڭ جۇڭلۇي ەلەكتر تەحنولوگياسى شەكتى سەرىكتەستىگىنىڭ ورىنباسار باس ديرەكتورى، حاۋىپسىزدىك باس باقىلاۋشىسى گو فاندۇڭنىڭ قىزمەت جىگەرىن ونان ارى جاني ٴتۇستى. وتكەن ٴبىر جىلدا سەرىكتەستىك وسى نىسانادان جازباي ۇدايى العا ىلگەرىلەپ، جاڭا ەنەرگياعا قارجى قوسۋ قۇرىلىس اياق الىسىن ۇزدىكسىز جەدەلدەتتى. ”ٴبىز شينجياڭنىڭ جەل، كۇن نۇرى بايلىق ارتىقشىلىعىن تياناق ەتىپ، ’فوتوۆولت ارقىلى قۇمدى تىزگىندەۋ‘، ’مال شارۋاشىلىعى مەن فوتوۆولت ٴوزارا تولىقتاۋ‘ سياقتى ۇلگىلەردى تولىق دامىتىپ، بەس جاڭا ەنەرگيا بازاسىن قۇرۋدى جوسپارلادىق“. گو فاندۇڭ بىلاي دەدى: 2024 ـ جىلى سەرىكتەستىكتىڭ جاڭادان ارتقان جاڭا ەنەرگيا گەنەراتورلار كولەمى 12 ميلليون كيلوۆاتتان استى، 2025 ـ جىلى نىسانداردىڭ قالعان بولىگىنىڭ ارت ـ ارتىنان جەلىگە قوسىلۋىنا ساي، سەرىكتەستىكتىڭ شينجياڭداعى جاڭا ەنەرگيا گەنەراتورلارىنىڭ جەلىگە قوسىلۋ جالپى كولەمى 14 ميلليون 500 مىڭ كيلوۆاتقا جەتىپ، كورىكتى شينجياڭ قۇرىلىسىنا ۇزبەي جاڭا قوزعالىس قۋاتىن ۇستەيدى.
”پاريج وليمپيادا سپورت جارىسى الاڭىندا ەلىمىزدىڭ دەنە تاربيە ساڭلاقتارى ەرلىكپەن العا ۇمتىلىپ، شەكارا سىرتىندا جارىسقا قاتىناسۋداعى ەڭ تاماشا ناتيجەگە قول جەتكىزىپ، جاس ۇرپاقتىڭ اسقاق ارىنمەن العا ىلگەرىلەگەن، وزىنە سەنىمدى ٴارى شۋاقتى بەينەسىن ايگىلەدى“. ٴتوراعا شي جينپيڭنىڭ جاڭا جىلدى قۇتتىقتاۋ سوزىنەن اۆتونوميالى رايون اۋىر اتلەتيكا سپورتى ماشىق ورتالىعىنىڭ ورىنباسار مەڭگەرۋشىسى چيۋ ۋىنجۇن وتكەن ٴبىر جىلدا شينجياڭ دەنە تاربيە ساڭلاقتارىنىڭ ەرلىكپەن سايىسقانىن ەسىنە الدى. ”بۇل ٴبىز سياقتى دەنە تاربيە قىزمەتكەرلەرى جونىنەن تۇراقتاندىرۋ جانە شابىتتاندىرۋ بولدى“. چيۋ ۋىنجۇن بىلاي دەدى: اۆتونوميالى رايون اۋىر اتلەتيكا سپورتى ماشىق ورتالىعىنداعى ٴار تۇردەگى سپورت اترەتىندەگىلەر وليمپيادا رۋحىن ۇزبەي ۇستانىپ، جۇڭگو دەنە تاربيە ىستەرىنىڭ دامۋىنا كۇش ـ قۋات ارنايدى.
ٴتوراعا شي جينپيڭنىڭ ٴسوزى قورعاس اۋدانى لۋساۋگوۋ قالاشىعى سىگۇڭ قىستاعىنىڭ تۇرعىنى نيگارا ابدۇنابيدىڭ جۇرەگىن مەيىرگە بولەدى. سىگۇڭ قىستاعىنىڭ قازىر حۋاڭحۋاڭ قىستاعى دەگەن تانىمال اتى بار. جاڭا عانا وتكەن 2024 ـ جىلدا حۋاڭحۋاڭ قىستاعى مۋزيكا ماۋسىمى، ”قىستاق “BA باسكەتبول جارىسى سياقتى باي مازمۇندى قيمىلدار وتكىزىپ، ەل ٴىشى ـ سىرتىنداعى قىرۋار ساياحاتشىنى ارت ـ ارتىنان ات باسىن بۇرۋعا باۋرادى. ”تۇرمىسىمىز جاقساردى، كوڭىل كۇيىمىز دە كوتەرىڭكى، تەك قاجىماي ـ تالماي كۇرەس جاساساق بولعانى، تۇرمىسىمىز، ٴسوز جوق، ونان ارى باقىتتى بولا تۇسەدى“. نيگارانىڭ جانارىنان بولاشاقتان زور ٴۇمىت كۇتەتىنى مەن مۇندالادى.
(ٴتىلشى جاڭ يۇنمەي، قاتىناسقان تىلشىلەر ليۋ ـ ي، گى يوۋجۇن، يۇي جياڭيان، دۇڭ لياڭ، ياڭ شۋحان، سى لۋلۋ، سۇڭ ۋيگو، ەرىكتى تىلشىلەر لياڭ حۇڭتاۋ، ديڭ لەي، دۇڭ لەيلەي)