ما شيڭرۇي، ەركىن تۇنياز تيانشاننىڭ سولتۇستىك بوكتەرىندەگى قالالار شوعىرىنىڭ اتموسفەرا ورتاسىن وڭاۋ قىزمەتىنە ىشكەرىلەي تەكسەرۋ ـ زەرتتەۋ جۇرگىزدى
ەگجەي ـ تەگجەيلى وڭاۋدى ىلگەرىلەتۋ جاعىندا اناعۇرلىم زور كۇش سالىپ، دامۋدىڭ ساپاسىن ۇزدىكسىز جوعارىلاتىپ، حالىق تۇرمىسى قۇت ـ ىرىسىن ارتتىرۋ كەرەك
تۇتاس شينجياڭداعى ٴار ۇلت كادر ـ بۇقاراسىنىڭ جاڭا جىلىنىڭ قۇتتى بولۋىن، شينجياڭنىڭ دامىپ، گۇلدەنىپ ـ كوركەيۋىن، حالىق تۇرمىسىنىڭ كۇننەن ـ كۇنگە جاقسارۋىن تىلەدى
2024 - جىلى 12 - ايدىڭ 31 - كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز ءۇرىمجى، ۋجياچۇي، سانجىدا تيانشاننىڭ سولتۇستىك بوكتەرىندەگى قالالار شوعىرىنىڭ اتموسفەرا ورتاسىن وڭاۋ قىزمەتى جونىندە تەكسەرۋ جۇرگىزدى. سۋرەتتە: ما شيڭرۇي، ەركىن تۇنياز ءۇرىمجى قالالىق ەكولوگيالىق ورتا مەكەمەسىندە اتموسفەرا ورتاسىن وڭاۋ قىزمەتى جونىندەگى مالىمەتتى مۇقيات تىڭداپ، لاستانۋ سەبەبىنە ءبىر - بىردەن تالداۋ جاساپ، قىزمەت شاراسىن اقىلداستى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 12 ـ ايدىڭ 31 ـ كۇنى ٴۇرىمجى \ ۋجياچۇي \ سانجىدان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز 2024 ـ جىلى 12 ـ ايدىڭ 31 ـ كۇنى ٴۇرىمجى، ۋجياچۇي، سانجىدا تيانشاننىڭ سولتۇستىك بوكتەرىندەگى قالالار شوعىرىنىڭ اتموسفەرا ورتاسىن وڭاۋ قىزمەتىنە تەكسەرۋ ـ زەرتتەۋ جۇرگىزىپ، جەكە ـ جەكە ٴۇش جەردىڭ قاتىستى جاۋاپتى جولداستارىمەن ىشكەرىلەي پىكىر اۋىستىرىپ، اڭگىمەلەستى، ماسەلەنى بەتپە ـ بەت تالداپ، اقىلداسىپ شەشتى. ما شيڭرۇي بىلاي دەپ باسا دارىپتەدى: شي جينپيڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، شىنايى تۇردە حالىقتىڭ قۇت ـ ىرىسىن ويلاپ، ٴوڭىردىڭ اتموسفەراسىنىڭ لاستانۋ ماسەلەسىن شەشۋدەگى سەنىمدى، بەكىمدى اناعۇرلىم نىعايتىپ، ەگجەي ـ تەگجەيلى وڭاۋ جاعىندا اناعۇرلىم زور كۇش سالىپ، لاستانۋدان ساقتانۋ جانە ونى وڭاۋدان قامال الۋ شايقاسىنىڭ جەڭىسىنە باتىل قول جەتكىزىپ، اسپانى ۇنەمى اشىق بولۋدى، اۋاسى ۇنەمى تازا بولۋدى قۇلشىنا جۇزەگە اسىرىپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتىپ، شينجياڭنىڭ جوعارى ساپالى دامۋىنىڭ نەگىزگى ٴتۇسىنىڭ اناعۇرلىم ايشىقتى بولۋىنا مۇمكىندىك جاساۋ كەرەك. جاڭا جىل كەلۋ قارساڭىندا ما شيڭرۇي، ەركىن تۇنياز شينجياڭداعى ٴار ۇلت كادر ـ بۇقاراسىنىڭ مەرەكەسىنىڭ قۇتتى بولۋىن، جاڭا ٴبىر جىلدا شينجياڭنىڭ دامىپ، گۇلدەنىپ ـ كوركەيۋىن، حالىق تۇرمىسىنىڭ كۇننەن ـ كۇنگە جاقسارۋىن تىلەدى.
ما شيڭرۇي، ەركىن تۇنياز ىلگەرىندى ـ كەيىندى ٴۇرىمجى قالالىق ەكولوگيالىق ورتا مەكەمەسىنە، ۋجياچۇي قالالىق ەكولوگيالىق ورتا مەكەمەسىنە، سانجى حۇيزۋ اۆتونوميالى وبلىستىق ەكولوگيالىق ورتا مەكەمەسىنە باردى، ٴاربىر جەرگە بارعاندا اتموسفەرا ورتاسىن وڭاۋ قىزمەتى جونىندەگى مالىمەتتى مۇقيات تىڭداپ، جەرگىلىكتى ورىنداعى قاتىستى جاۋاپتى جولداستارمەن بىرگە قازىرگى اۋا ساپاسىن تۇجىرىمداپ، لاستانۋ سەبەبىنە ٴبىر ـ بىردەن تالداۋ جاساپ، قىزمەت شاراسىن اقىلداستى. ما شيڭرۇي بىلاي دەدى: ”ٴۇرىمجى _ سانجى _ شىحىزى“ ٴوڭىرى _ تيانشاننىڭ سولتۇستىك بوكتەرىندەگى قالالار شوعىرىنىڭ اتموسفەرا ورتاسىن وڭاۋدا اسا ماڭىزدى ورىندا تۇرادى. ۇزدىكسىز قۇلشىنىس جاساۋ ارقىلى ٴوڭىردىڭ اتموسفەراسىنىڭ لاستانۋىن وڭاۋدا كورنەكتى ونىمدىلىككە قول جەتتى، ناتيجە تۇراقتاندىرۋعا تاتيدى. جەر ـ جەر، تاراۋلار، ٴارقايسى جاقتار تەبىندى ساقتاۋدان بوساڭسىماي، نىسانادان جازباي، قامال الىپ قيىنشىلىقتاردى جەڭىپ، لاستانۋدى دالمە ـ ٴدال وڭاۋدى، لاستانۋدى عىلمي وڭاۋدى، لاستانۋدى زاڭ بويىنشا وڭاۋدى ۇزدىكسىز ىلگەرىلەتىپ، ٴوڭىردىڭ اۋا ورتا ساپاسىن ۇزدىكسىز جاقسارتۋدى تاباندىلىقپەن ىلگەرىلەتۋى كەرەك.
ما شيڭرۇي بىلاي دەپ باسا دارىپتەدى: ٴار دارەجەلى پارتكوم، ۇكىمەت، اسىرەسە، ەكولوگيالىق قورشاعان ورتا تاراۋلارى ماسەلەنى زەرتتەۋ، ماسەلەنى شەشۋ قابىلەتىن كۇش سالا جوعارىلاتىپ، بەلسەندىلىكپەن، ىرىقتىلىقپەن ىسكەرلىك كورسەتىپ، شىنايى تۇردە وڭىرلەر اتموسفەراسىنىڭ لاستانۋىن تۋدىراتىن وزەكتى سەبەپكە دالمە ـ ٴدال تالداۋ جاساپ، جەتە زەرتتەپ، نەگىزگى لاستايتىن زات قاينارى، سەبەبى سياقتىلار جونىندە كوڭىلدە سان بولىپ، ماسەلەنىڭ شەشۋشى ٴتۇيىنىن شىنايى ٴدال تاۋىپ، پارمەندى شارالاردى اتقارۋ ارقىلى شەشۋ كەرەك.
ما شيڭرۇي بىلاي دەپ باسا دارىپتەدى: ىشكەرىلەي تالداۋ جاساۋ، دالمە ـ ٴدال تۇجىرىم جاساۋ نەگىزىندە اتموسفەرا ورتاسىن وڭاۋدىڭ ٴتۇيىندى سالالارعا جانە شەشۋشى فاكتورلارعا قاراي اناعۇرلىم شوعىرلانۋىن ىلگەرىلەتۋ قاجەت. ونەركاسىپ قاينارىندىق لاستانۋدى تەرەڭدەي وڭاۋدى ٴۇرتىس كۇشەيتىپ، ٴتۇيىندى سالالار مەن كاسىپورىنداردى ٴجىتى قاداعالاپ، يكەمدى باقىلاپ، دالمە ـ ٴدال تالداۋ جاساپ، ”ٴبىر كاسىپورىنعا ٴبىر شارا“ بويىنشا نىسانالى وڭاۋدى ىلگەرىلەتىپ، ٴتۇيىندى كاسىپورىنداردىڭ كومىر قىشقىل گازىن ەرەكشە از شىعارۋ بويىنشا جاڭالانۋىن ٴۇرتىس كۇشەيتىپ، وتىندىق كومىر كاسىپورىندارىنىڭ ونەركاسىپ باقشا رايونىنا شوعىرلانۋىن ىلگەرىلەتۋ كەرەك. جىلجىمالى قاينارلار بويىنشا لاستانۋدى وڭاۋدى ماڭىزدى ورىنعا قويىپ، موتورلى كولىكتەردى، داڭعىل جولدا قاتىنامايتىن جىلجىمالى ماشينالاردى، ت . ب باقىلاۋ ـ باسقارۋدى كۇشەيتۋدى ارقاۋ ەتىپ، ٴتۇيىندى شارالاردى ىلگەرىلەتۋدى ىشكەرىلەي اقىلداسىپ، جىلجىمالى قاينارلار بويىنشا ورتانى باسقارۋ دەڭگەيىن جوعارىلاتىپ، لاستاۋشى زاتتاردىڭ شىعارىلۋىن ٴونىمدى ازايتۋ كەرەك. باقىلاۋ ـ ولشەۋ، باقىلاۋ ـ باسقارۋ دەڭگەيىن بار كۇشپەن جوعارىلاتىپ، اتموسفەرا ورتاسىن ەگجەي ـ تەگجەيلى باقىلاۋ ـ باسقارۋ تۇعىرى قۇرىلىسىن ىلگەرىلەتىپ، وزىق تەحنولوگيالىق ٴتاسىلدى قولدانۋدى كۇشەيتىپ، اۋا ساپاسىن يكەمدى باقىلاۋ ـ ولشەۋ تورىن ۇزدىكسىز كەمەلدەندىرۋ؛ باقىلاۋ ـ باسقارۋ بويىنشا زاڭ اتقارۋ سەرپىنىن ارتتىرىپ، قورشاعان ورتاعا ساياتىن زاڭعا قايشى ارەكەتتەرگە قاتاڭ سوققى بەرۋ كەرەك. ۇزاق بولاشاقتى كوزدەپ، ۇزدىكسىز قاجىماي كۇش سالىپ، وڭاۋدى يگەرىپ، كاسىپ سالاسى قۇرىلىمىن، ەنەرگيا قۇرىلىمىن، قاتىناس قۇرىلىمىن ساپالىلاندىرۋ قاتارلى ٴتۇيىندى مىندەتتەردى تياناقتاندىرىپ، نازاردى قىستا جىلۋمەن قامداۋدا اتموسفەرا لاستانۋىنىڭ قاۋىرت مەزگىلىنە شوعىرلاندىرىپ، جان ـ جاقتى وڭاۋدى ٴۇرتىس كۇشەيتىپ، ”كومىردىڭ ورنىنا ەلەكتر پايدالانۋ“، ”كومىردىڭ ورنىنا گاز پايدالانۋ“ سياقتى تازا ەنەرگيانىڭ ورىن باسۋىن بەلسەنە ىلگەرىلەتۋ كەرەك.
ما شيڭرۇي بىلاي دەپ باسا دارىپتەدى: ٴوڭىر اتموسفەرا ورتاسىن وڭاۋدى ىلگەرىلەتۋ جۇيەلى قىزمەت، استە ٴبىر ٴوڭىردىڭ نەمەسە ٴبىر تاراۋدىڭ ٴىسى ەمەس، بيڭتۋان مەن جەرگىلىكتى ورىننىڭ سايكەسۋىن، وڭىرلەردىڭ سەلبەسۋىن، تاراۋلاردىڭ بىرگە ارەكەتتەنۋىن، ٴسوز جوق، شىن مانىندە كۇشەيتىپ، قىزمەت بىرىككەن كۇشىن قالىپتاستىرۋ كەرەك. ٴار دارەجەلى تاراۋلار، ايماق، وبلىس، قالالار جانە بيڭتۋاننىڭ شى، قالالارى ۇقساس جاۋاپكەرشىلىكتى بىرگە ارقالاۋعا، ۇقساس سۇراۋعا بىرگە جاۋاپ قايتارۋعا تاباندى بولىپ، اتموسفەرا ورتاسى بويىنشا بىرلەسىپ ساقتانۋ، بىرلەسىپ تىزگىندەۋ جانە لاستانۋعا توتەپ بەرۋ مەحانيزمىن ٴۇرتىس كەمەلدەندىرىپ، ٴتۇيىندى شارالاردى ەگجەي ـ تەگجەيلى، ناقتى تياناقتاندىرۋدى ىلگەرىلەتۋى كەرەك. ٴار دارەجەلى باسشى كادرلار، اسىرەسە، پارتكوم مەن ۇكىمەتتەگى نەگىزگى جاۋاپتى جولداستار باسا ٴمان بەرىپ، بارىنە ٴوزى كىرىسىپ، ويلاۋ تاسىلىندە، قىزمەت تاسىلىندە بۇرىلىس جاساپ، قىزمەتتى سيىر قۇيمىشاقتاتۋدان، قاراپايىمداندىرۋدان، ٴبارىن ٴبىر شىبىقپەن ايداۋدان، ساتىلار بويىنشا اۋىرتپالىق قوسۋدان باتىل ساقتانىپ، فورماشىلدىقتى، تورەشىلدىكتى باتىل تيىپ، شىنايى يگەرىپ ناقتى ىستەپ، تيانشاننىڭ سولتۇستىك بوكتەرىندەگى قالالار شوعىرى اتموسفەرا ورتاسىن وڭاۋدا ۇزدىكسىز تىڭ ونىمدىلىكتەرگە قول جەتكىزۋدى ىلگەرىلەتۋى كەرەك.
قادەن كابەن، جۋ ليفان، لي يۇڭحۇڭ قاتىستى تەكسەرۋ ـ زەرتتەۋگە قاتىناستى.