ٴوز حابارىمىز. 2025 ـ جىلعى جاڭا جىل، كوكتەم مەرەكەسى تاياپ قالدى، اۆتونوميالى رايوندىق ٴتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى ورتالىقتىڭ 8 ٴتۇرلى بەلگىلەمەسىنىڭ رۋحىنا قايشىلىق جاساۋعا ساياتىن 6 تيپتىك ماسەلە جونىندە اشىق حابارلاندىرۋ شىعاردى. ناقتى جاعدايى تومەندەگىدەي:
اۆتونوميالى رايوندىق ساياسي كەڭەس ەكونوميكا كوميتەتى بولىمشە پارتيا باسشىلىق گرۋپپاسىنىڭ بۇرىنعى مۇشەسى، ورىنباسار مەڭگەرۋشى لي ۋىنزۋدىڭ بەلگىلەمەگە قايشىلىق جاساپ تارتۋ ـ تارالعى، سياقى قابىلداۋ، ۇكىمەت ٴىسىن ٴادىل اتقارۋعا ىقپالى ٴتيۋى مۇمكىن بولعان قوناعاسىنى قابىلداۋ، بەلگىلەمەگە قايشىلىق جاساپ اۆتوكولىك پايدالانۋ سياقتى ماسەلەلەرى. 2014 ـ جىلدان 2023 ـ جىلعا دەيىن، لي ۋىنزۋ اۆتونوميالى رايوندىق اۋىل ـ قىستاق امانات ـ قارىز كووپەراتيۆى بىرلەسكەن كووپەراتيۆىنىڭ پارتكوم شۋجيى، القا باستىعى بولىپ مىندەت وتەگەن كەزىندە، بەلگىلەمەگە قايشىلىق جاساپ كوپتەگەن باسقارۋ جانە قىزمەت وتەۋ وبيەكتىلەرى ۇسىنعان جوعارى سورتتى تەمەكى، اراق، تۇتىنۋ كارتچكاسى سياقتى تارتۋ ـ تارالعى، سياقىلاردى قابىلداعان، مۇنى اقشاعا سىندىرعاندا، جالپى 424 مىڭ 100 يۋان بولعان؛ كوپ رەت جەكە كاسىپورىن قوجايىندارى ورنالاستىرعان بەيجيڭ، شاڭحاي سياقتى جەرلەردەگى قوناعاسىلاردى قابىلداعان؛ جەكە كاسىپورىن قوجايىندارىنىڭ كولىگىن ۇزاق ۋاقىت اقىسىز پايدالانىپ، تۋىستارىنىڭ پايدالانۋىنا بەرگەن؛ لي ۋىنزۋدىڭ تاعى باسقا دا تارتىپكە، زاڭعا اۋىر قايشىلىق جاساۋ ماسەلەلەرى بار بولعاندىقتان، پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، قىلمىسقا ساياتىن ماسەلەلەرى پروكۋراتۋرا ورگانىنىڭ زاڭ بويىنشا تەكسەرىپ ايىپتاۋىنا تاپسىرىلدى.
قاشقار ايماقتىق پارتكومنىڭ بۇرىنعى مۇشەسى ۋىن فۋلايدىڭ بەلگىلەمەگە قايشىلىق جاساپ تارتۋ ـ تارالعى، سياقى قابىلداۋ، بەلگىلەمەگە قايشىلىق جاساپ اۆتوكولىك پايدالانۋ، ۇكىمەت ٴىسىن ٴادىل اتقارۋعا ىقپالى ٴتيۋى مۇمكىن بولعان ساياحاتتىق ورنالاستىرۋلاردى قابىلداۋ ماسەلەلەرى. 2013 ـ جىلدان 2022 ـ جىلعا دەيىن، ۋىن فۋلاي بەلگىلەمەگە قايشىلىق جاساپ كوپتەگەن باسقارۋ جانە قىزمەت وتەۋ وبيەكتىلەرى ۇسىنعان قىمبات باعالى كيىم ـ كەشەك، القا ـ مونشاق قاتارلى تارتۋ ـ تارالعى، سياقىلاردى قابىلداعان، مۇنى اقشاعا سىندىرعاندا، جالپى 604 مىڭ يۋان بولعان؛ جەكە كاسىپورىن قوجايىنىن اۆتوكولىك شىعارىپ تۋىس ـ تۋعاندارىن شىنجىننان قاشقارعا الىپ قايتۋعا ورنالاستىرعان، قاتىستى قاراجاتتاردى جەكە كاسىپورىن قوجايىنى كوتەرگەن؛ جەكە كاسىپورىن قوجايىنىن تۋىس ـ تۋعاندارىن شاڭحاي، جىجياڭ سياقتى جەرلەرگە ساياحاتتاتۋعا ورنالاستىرعان، قاتىستى قاراجاتتاردى جەكە كاسىپورىن قوجايىنى تولەگەن. ۋىن فۋلايدىڭ تاعى باسقا دا تارتىپكە، زاڭعا اۋىر قايشىلىق جاساۋ ماسەلەلەرى بار بولعاندىقتان، پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، قىلمىسقا ساياتىن ماسەلەلەرى پروكۋراتۋرا ورگانىنىڭ زاڭ بويىنشا تەكسەرىپ ايىپتاۋىنا تاپسىرىلدى.
اراسان اۋداندىق پارتكومنىڭ بۇرىنعى شۋجيى جىڭ بيننىڭ بەلگىلەمەگە قايشىلىق جاساپ تارتۋ ـ تارالعى، سياقى قابىلداۋ، ۇكىمەت ٴىسىن ٴادىل اتقارۋعا ىقپالى ٴتيۋى مۇمكىن بولعان قوناعاسىنى قابىلداۋ سياقتى ماسەلەلەرى. 2013 ـ جىلدان 2024 ـ جىلعا دەيىن، جىڭ بين بەلگىلەمەگە قايشىلىق جاساپ كوپتەگەن باسقارۋ جانە قىزمەت وتەۋ وبيەكتىلەرى ۇسىنعان جوعارى سورتتى تەمەكى، اراق، تۇتىنۋ كارتچكاسى سياقتى تارتۋ ـ تارالعى، سياقىلاردى قابىلداعان، مۇنى اقشاعا سىندىرعاندا، جالپى 307 مىڭ 900 يۋان بولعان؛ كوپ رەت جەكە كاسىپورىن قوجايىنىنىڭ ٴۇرىمجى قالاسى، بۇراتالا قالاسى سياقتى جەرلەردەگى قوناعاسىلارىن قابىلداعان. جىڭ بيننىڭ تاعى باسقا دا تارتىپكە، زاڭعا اۋىر قايشىلىق جاساۋ ماسەلەلەرى بار بولعاندىقتان، پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، قىلمىسقا ساياتىن ماسەلەلەرى پروكۋراتۋرا ورگانىنىڭ زاڭ بويىنشا تەكسەرىپ ايىپتاۋىنا تاپسىرىلدى.
تۇرپان قالالىق ۇيعۇر شيپاگەرلىگى شيپاحاناسى پارتكومىنىڭ بۇرىنعى ورىنباسار شۋجيى، شيپاحانا باستىعى ساتتار قۇرباننىڭ بەلگىلەمەگە قايشىلىق جاساپ تارتۋ ـ تارالعى، سياقى قابىلداۋ ماسەلەسى. 2013 ـ جىلدان 2023 ـ جىلعا دەيىن، ساتتار قۇربان بەلگىلەمەگە قايشىلىق جاساپ كوپتەگەن باسقارۋ جانە قىزمەت وتەۋ وبيەكتىلەرى ۇسىنعان جوعارى سورتتى تەمەكى، اراق، تۇتىنۋ كارتچكاسى سياقتى تارتۋ ـ تارالعى، سياقىلاردى قابىلداعان، مۇنى اقشاعا سىندىرعاندا، جالپى 72 مىڭ 300 يۋان بولعان؛ ساتتار قۇرباننىڭ تاعى باسقا دا تارتىپكە، زاڭعا اۋىر قايشىلىق جاساۋ ماسەلەلەرى بار بولعاندىقتان، پارتيادان ايداۋ جازاسى بەرىلدى، بەلگىلەمە بويىنشا ونىڭ يگىلىكتەنەتىن مامىلەلەرى كۇشىنەن قالدىرىلدى، قىلمىسقا ساياتىن ماسەلەلەرى پروكۋراتۋرا ورگانىنىڭ زاڭ بويىنشا تەكسەرىپ ايىپتاۋىنا تاپسىرىلدى.
ىلە وبلىستىق سايشين قارجىنى اينالىمعا سالۋعا، قارجى توپتاۋعا كەپىل بولۋ شەكتى سەرىكتەستىگىنىڭ بۇرىنعى ورىنباسار باس ديرەكتورى لين فىڭنىڭ بەلگىلەمەگە قايشىلىق جاساپ تارتۋ ـ تارالعى، سياقى قابىلداۋ، ۇكىمەت ٴىسىن ٴادىل اتقارۋعا ىقپالى ٴتيۋى مۇمكىن بولعان ساياحات ورنالاستىرۋىن قابىلداۋ سياقتى ماسەلەلەرى. 2013 ـ جىلدان 2021 ـ جىلعا دەيىن، لين فىڭ بەلگىلەمەگە قايشىلىق جاساپ كوپتەگەن باسقارۋ جانە قىزمەت وتەۋ وبيەكتىلەرى ۇسىنعان جوعارى سورتتى تەمەكى، اراق، تۇتىنۋ كارتچكاسى سياقتى تارتۋ ـ تارالعى، سياقىلاردى قابىلداعان، مۇنى اقشاعا سىندىرعاندا، جالپى 165 مىڭ 900 يۋان بولعان؛ شيامىندا كۋرسقا قاتىناسقان كەزىندە، جەكە كاسىپورىن قوجايىنىنىڭ ورنالاستىرۋىمەن گۋتيان سياقتى جەرلەرگە بارىپ ساياحاتتاعان، قاتىستى قاراجاتتاردى جەكە كاسىپورىن قوجايىنى تولەگەن؛ لين فىڭنىڭ تاعى باسقا دا تارتىپكە، زاڭعا اۋىر قايشىلىق جاساۋ ماسەلەلەرى بار بولعاندىقتان، پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، قىلمىسقا ساياتىن ماسەلەلەرى پروكۋراتۋرا ورگانىنىڭ زاڭ بويىنشا تەكسەرىپ ايىپتاۋىنا تاپسىرىلدى.
قارامايلى قالالىق پارتكوم ۇگىت ٴبولىمىنىڭ بۇرىنعى ۇنەمىلىك ىستەرگە جاۋاپتى ورىنباسار باستىعى، 1 ـ دارەجەلى تەكسەرىپ زەرتتەۋشى دۋ يدىڭ بەلگىلەمەگە قايشىلىق جاساپ تارتۋ ـ تارالعى، سياقى قابىلداۋ ماسەلەسى. 2016 ـ جىلدان 2024 ـ جىلعا دەيىن، دۋ ي بەلگىلەمەگە قايشىلىق جاساپ كوپتەگەن باسقارۋ جانە قىزمەت وتەۋ وبيەكتىلەرى ۇسىنعان جوعارى سورتتى تەمەكى، اراق سياقتى تارتۋ ـ تارالعى، سياقىلاردى قابىلداعان، مۇنى اقشاعا سىندىرعاندا، جالپى 313 مىڭ يۋان بولعان. دۋ يدىڭ تاعى باسقا دا تارتىپكە، زاڭعا اۋىر قايشىلىق جاساۋ ماسەلەلەرى بار بولعاندىقتان، پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، قىلمىسقا ساياتىن ماسەلەلەرى پروكۋراتۋرا ورگانىنىڭ زاڭ بويىنشا تەكسەرىپ ايىپتاۋىنا تاپسىرىلدى.
بۇرىس ستيل مەن شىرىكتەسۋ ٴبىر تۇلعالانعان جوعارىداعى 6 تيپتىك دەلو مىسالدارى ”ٴتورت بۇرىس ستيل“ ماسەلەسىنىڭ ٴۇزىلدى ـ كەسىلدى تازالانباعاندىعىن، تيىم سالىنسا دا تۇبەگەيلى جويىلماعاندىعىن، تەگەۋرىندى جاعداي استىندا قاسارىسىپ تارتىپكە قايشىلىق جاساۋ ارەكەتىنىڭ ٴالى دە تۋىلىپ وتىرعاندىعىن، كەيبىرەۋى مەرەكە كەزىن پايدالانىپ سيعا سي جاساۋدى جەلەۋ ەتىپ تارتۋ ـ تارالعى، سياقى قابىلداعاندىعىن، كەيبىرى سالىمىن سىناۋ ويىندا بولىپ بەلگىلەمەگە قايشىلىق جاساپ قوناعاسى قابىلداعاندىعىن، ساياحاتتاعاندىعىن بىلدىرەدى. بۇل ”ٴتورت بۇرىس ستيل“ ماسەلەسىنىڭ قيىن دا كۇردەلى ەكەندىگىن، ٴسوز جوق، تاباندىلىقتى ساقتاپ، تيتتەي دە جول بەرمەۋ كەرەكتىگىن اڭعارتادى.
ستيل قۇرىلىسى _ قامال الۋ شايقاسى، ۇزاققا سوزىلاتىن شايقاس، تەك جالعاسا بەرەدى، اياقتامايدى. ٴتۇيىندى كەزەڭ _ تەكسەرۋ كەزى، پارتيالى باسشى كادرلاردىڭ ساياسي ٴتارتىپ پەن ساياسي قاعيداعا قاتاڭ بويسۇناتىن ـ بويسۇنبايتىندىعىن سىننان وتكىزەتىن، ورتالىقتىڭ 8 ٴتۇرلى بەلگىلەمەسىنىڭ رۋحىن تياناقتاندىراتىن ماڭىزدى كەزەڭ ٴارى كادرلاردىڭ، بۇقارانىڭ پارتيا ستيلىن، ۇكىمەت ستيلىن باقىلاۋداعى، قوعامدىق سالتتى، حالىقتىق سالتتى سەزىنۋدەگى ماڭىزدى باعىت كورسەتكىشى. جاڭا جىل، كوكتەم مەرەكەسى تاياپ قالدى، ٴار دارەجەلى پارتيا ۇيىمدارى پارتيانى جاپپاي قاتاڭ باسقارۋ تۇلعالىق جاۋاپكەرشىلىگىن قاتاڭ تياناقتاندىرىپ، تۇبەگەيلى وزىنە ـ ٴوزى توڭكەرىس جاساۋ رۋحىمەن ستيل قۇرىلىسىن تاباندىلىقپەن ىلگەرىلەتىپ، پارتيا ٴتارتىبىن ۇيرەنۋ تاربيەسى جەتىستىكتەرىن ۇزدىكسىز بەكەمدەپ، تەرەڭدەتىپ، ۇدايىلىق پەن باياندىلىققا، قاتاڭدىق پەن شىنايىلىققا، تەرەڭدىك پەن ەگجەي ـ تەگجەيلىلىككە كۇش سالىپ، قايتا ـ قايتا يگەرىپ، قايتالانۋدى يگەرىپ، باسقارۋ ارقىلى ادەت قالىپتاستىرىپ، مىقتى يگەرۋ ارقىلى ناتيجە شىعارىپ، پارتيالى كادرلاردى بەلسەندى دە اقاۋسىز تۇرمىس اۋەسىن، قاتاڭ دا تۋراشىل تۇرمىس ستيلىن جەتىلدىرۋگە ۇزدىكسىز جەتەكتەپ، ورتالىقتىڭ 8 ٴتۇرلى بەلگىلەمەسى رۋحىنىڭ ايتقاندى ورىنداپ سەنىمگە يە بولۋدان ادام تاربيەلەپ جاڭا سالت ورناتۋعا بەتتەۋىن ىلگەرىلەتۋ كەرەك. قالىڭ پارتيالى باسشى كادرلار يدەيالىق تانىمدى تەرەڭدەتىپ، دەلونى اينا ەتىپ ساباق قابىلداپ، ”يدەياداعى شاڭ ـ توزاڭدى“ ۇنەمى قاعىپ، ”پاسىق ويدى“ دامىلسىز جويىپ، شىن مانىندە ٴتارتىپتى دارىپتەۋدى، قاعيداعا بويسۇنۋدى ٴوزىن ـ ٴوزى قادىرلەۋدىڭ ەرەجەسى، ٴوزىن تەكسەرۋدىڭ ايناسى، ٴوزىن سەرگىتۋدىڭ ولشەمى ەتىپ، ٴوزىن قاتاڭ تارتىپكە سالىپ، ٴوز جاۋاپكەرشىلىگىن قاتاڭ ارقالاپ، قاراستىلىعىنداعىلاردى قاتاڭ باسقارىپ، ورتالىقتىڭ 8 ٴتۇرلى بەلگىلەمەسىنىڭ رۋحىن باستاماشىلدىقپەن تياناقتاندىرىپ، ٴبىر دارەجە ٴبىر دارەجەگە ۇلگى كورسەتىپ، ٴبىر دارەجە ٴبىر دارەجەنى باستاپ ىستەپ، ستيل قۇرىلىسىنىڭ تەرەڭدەۋىن، تياناقتانۋىن ىلگەرىلەتۋ كەرەك. ٴار دارەجەلى ٴتارتىپ تەكسەرۋ، باقىلاۋ ـ تەكسەرۋ ورگاندارى جىل وتكەلىندە ستيلدەن قامال الۋ شايقاسىن جاقسى جۇرگىزىپ، جىل ٴولاراسىنداعى ”ٴتورت بۇرىس ستيل“ ماسەلەلەرىنىڭ ەرەكشەلىگىن دۇرىس مەڭگەرىپ، باتىل تۇردە قاتاڭ شارالاردى تياناقتاندىرىپ، قاتاڭ بولۋ سيگنالىن تاراتىپ، تاسقا تاڭبا، تەمىرگە تاپ قالدىراتىن ارىنمەن باقىلاۋدى، ٴتارتىپ اتقارۋدى، جاۋاپقا تارتۋدى كۇشەيتىپ، ساقتاندىرۋ، سەس كورسەتۋ تەبىنىن كۇشەيتىپ، بەلگىلەمەگە، تارتىپكە قايشىلىق جاساۋ ارەكەتتەرىن تەز تەكسەرىپ، تەز ٴبىتىرىپ، قاتاڭ تەكسەرۋگە تاباندى بولىپ، قاتاڭ ٴبىتىرىپ، بۇرىس ستيل مەن شىرىكتەسۋدى قاتار تەكسەرۋگە تاباندى بولىپ، شىرىكتەسۋ جايتتەرىندەگى بۇرىس ستيلدى قاتاڭ تەكسەرىپ، راحاتقۇمارلىقتىڭ، استا ـ توك ىسىراپشىلدىقتىڭ ارتىنداعى تاپسىرىپ جۇمىس ٴبىتىرتۋ، مۇددە بايلانىسى، ۇقىق ـ اقشا ساۋداسى قاتارلى شىرىكتەسۋ ماسەلەلەرىن ىشكەرىلەي تابۋ كەرەك. تۇزەتۋ مەن ۇلگى ورناتۋدى قاتار جۇرگىزۋگە، ىركىلىسسىزدەندىرۋ مەن تيۋدى ۇشتاستىرۋعا تاباندى بولىپ، ٴتۇيىندى كەزەڭ ورايىنان پايدالانىپ، ستيل قۇرىلىسىن كۇشەيتۋدى پاك مادەنيەت قۇرىلىسىن ىلگەرىلەتۋمەن ساباقتاستىرىپ، ”ٴتورت بۇرىس ستيلدى“ تۇزەتۋدى جاڭا سالت ورناتۋمەن بىرلەستىرىپ، پارتيانىڭ داڭقتى ٴداستۇرى مەن تاڭداۋلى ستيلىن بار كۇشپەن اسقاقتاتىپ، ستيلى پاك، سالتى دۇرىس مەرەكە رايىن كۇش سالا قالىپتاستىرۋ كەرەك.