— ٴتوراعا شي جينپيڭنىڭ جاڭا جىلدى قۇتتىقتاۋ ٴسوزى رايونىمىزداعى پارتيا مۇشەلەرىن، كادرلاردى بۇقارانىڭ ٴىسىن كۇش سالا ويداعىداي شەشۋگە جىگەرلەندىردى
□ انار بۇلت \ شينجياڭ گازەتىنىڭ تىلشىلەرى
”وتباسى ٴىسى، مەملەكەت ٴىسى، الەم ىستەرىندە حالىقتى باقىتتى تۇرمىسقا كەنەلتۋ ماڭداي الدى ٴىرى ٴىس“.
”ٴبىز بىرگە قۇلشىنىپ، قوعامدىق قۇرىلىس جانە باسقارۋ دەڭگەيىن ۇزدىكسىز جوعارىلاتىپ، ۇزدىكسىز جاراسىمدى دا سيىسىمدى راي قالىپتاستىرىپ، بۇقارانىڭ ماڭايىنداعى ۇلكەندى ـ كىشىلى ىستەردى ويداعىداي شەشىپ، كوپشىلىكتى ٴتىپتى دە كوپ قۋانىشقا، مەرەيگە بولەۋىمىز كەرەك“.
ىقىلاسقا تولى سوزدەر بەينە كوكتەم شۋاعىنداي مەيىرگە بولەپ، شىنايى ىقىلاستى ٴۇمىت ەكپىندەي ىلگەرىلەۋگە جەبەدى. جاڭا جىل قارساڭىندا مەملەكەت ٴتوراعاسى شي جينپيڭ 2025 ـ جىلعى جاڭا جىلدى قۇتتىقتاۋ ٴسوزىن سويلەپ، وقۋ ـ اعارتۋ، قارتتاردى كۇتىمدەۋ سياقتىلاردى كوڭىل تورىنە قويۋى رايونىمىزداعى پارتيا مۇشەلەرىنىڭ، كادرلاردىڭ اراسىندا قىزۋ اڭىس قوزعادى. كوپشىلىك مىنالاردى ٴبىلدىردى: جاڭا ٴبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، رەفورمانى ونان ارى جاپپاي تەرەڭدەتىپ، حالىقتىڭ تاماشا تۇرمىسقا دەگەن تالپىنىسىن قاناعاتتاندىرۋدى باستان ـ اياق شىعار ٴتۇيىن جانە تابان تىرەر تياناق ەتىپ، قىزمەت ورنىن تياناق ەتىپ، وي جەلىسىندە جاڭالىق اشىپ، قايراتتانا ٴىس تىندىرىپ، جوعارى ساپالى دامۋ بارىسىندا حالىق تۇرمىسى قۇت ـ ىرىسىن ۇزدىكسىز ارتتىرامىز.
”حالىق تۇرمىسى وتباسى ىسىنە بايلانىستى، مەملەكەت ىسىمەن دە بايلانىسىپ جاتادى، حالىق قالاۋى ٴارى دامۋ قاجەتى“. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ شۋجيى چىن جىجياڭ مىنالاردى ٴبىلدىردى: ٴتوراعا شي جينپيڭنىڭ جاڭا جىلدى قۇتتىقتاۋ ٴسوزىن ەستىپ، جاۋاپكەرشىلىگىمىزدىڭ اۋىر ەكەندىگىن تەرەڭ سەزىندىم، نازاردى شينجياڭنىڭ مەملەكەتتىڭ جالپى جاعدايىنداعى ”بەس ۇلكەن ستراتەگيالىق ورىن تۇراقتاندىرۋىنا“ شوعىرلاندىرىپ، ادام كۇشى بايلىعى جانە قوعامدىق قامتاماسىزداندىرۋ سالاسىنداعى رەفورما مىندەتتەرىن كۇش سالا ىلگەرىلەتىپ، ورنىقتى جۇمىستاندىرۋ، دارىندىلاردى توپتاۋ، قامتاماسىزداندىرۋدى كۇشەيتۋ، جاراسىمدىلىقتى جەبەۋ، قىزمەت وتەۋدى ساپالىلاندىرۋ جاعىندا ناقتى ونىمدىلىككە قول جەتكىزۋگە كۇش سالىپ، حالىق تۇرمىسىن بار كۇشپەن قامتاماسىزداندىرىپ جانە جاقسارتىپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەمىز.
حالىق سانى وزگەرىسىنە ۇيلەسەتىن وقۋ ـ اعارتۋ بايلىعىن ٴبىر تۇتاس جوسپارلاپ ورنالاستىرۋ مەحانيزمىن جەدەل اقاۋسىزداندىردى، جاڭا داۋىردەگى نەگىزدىك وقۋ ـ اعارتۋدىڭ باسىمدىعىن كەڭەيتىپ، ساپاسىن جوعارىلاتۋ ارەكەتىن اتقاردى، وڭتۇستىك شينجياڭنىڭ تولىق كۋرس وقۋ ـ اعارتۋىن تولىق قامتۋدى جۇزەگە اسىرۋدى ىلگەرىلەتتى... وتكەن ٴبىر جىلدا رايونىمىز ٴار دارەجەلى، ٴار ٴتۇرلى وقۋ ـ اعارتۋدىڭ اناعۇرلىم جوعارى دەڭگەيدە جالپىلاسۋىن، اناعۇرلىم جوعارى ساپادا دامۋىن جاپپاي ىلگەرىلەتىپ، وقۋ ـ اعارتۋدىڭ جوعارى ساپالى دامۋىنىڭ جاڭا كارتيناسىن كەسكىندەدى.
”ٴتوراعا شي جينپيڭنىڭ جاڭا جىلدى قۇتتىقتاۋ سوزىندەگى ’بارشا وتباسىلار بالالاردىڭ تاماشا وقۋ ـ اعارتۋدان يگىلىكتەنۋىن ٴۇمىت ەتەدى‘ دەگەن ٴسوزى اق نيەت، شىنايى ىقىلاسقا تولى بولىپ، ادامدى ەكپىندەي ىلگەرىلەۋگە جىگەرلەندىردى، بۇل ٴبىزدىڭ حالىق قالاۋىنان شىعاتىن وقۋ ـ اعارتۋدى ويداعىداي جۇرگىزۋىمىزگە اناعۇرلىم جوعارى تالاپ قويدى“. ٴۇرىمجى قالاسى جوعارى، جاڭا تەحنولوگيالىق كاسىپ سالاسىن اشۋ رايونى (جاڭا قالا رايونى) وقۋ ـ اعارتۋ مەكەمەسىنىڭ باستىعى جۋ جيڭميڭ مىنالاردى ٴبىلدىردى: وقۋ ـ اعارتۋدىڭ قامداۋ جاعىنداعى رەفورماسى وزەكتى بولىگىن كوزدەپ، مەكتەپكە دەيىنگى وقۋ ـ اعارتۋدىڭ الەۋمەتتىك قىزمەت وتەۋ تورىنىڭ كەمەلدەنۋىن، مىندەتتى وقۋ ـ اعارتۋدىڭ ساپالى، بىركەلكى بولۋىن جانە قالا مەن اۋىلدىڭ ٴبىر تۇلعالانۋىن، ادەتتەگى ورتا مەكتەپ ساپالى بايلىعىنىڭ كەڭەيۋىن ىلگەرىلەتىپ، توپتاندىرىپ وقۋ ـ اعارتۋ جۇرگىزۋ جەتىستىكتەرىن ونان ارى بەكەمدەپ، كەڭەيتىپ، ”ايگىلى مەكتەپ +“ وقىتۋ جۇرگىزۋ ۇلگىسىن بەلسەنە قاراستىرىپ، امالياتتا ايگىلەپ، وڭىرلىك ساپالى وقۋ ـ اعارتۋ بايلىعىنىڭ جالپى مولشەرى مەن كولەمىن ۇزدىكسىز زورايتىپ، اناعۇرلىم كوپ بالانىڭ ساپالى وقۋ ـ اعارتۋ بايلىعىنان يگىلىكتەنۋىنە مۇمكىندىك جاسايمىز.
شينجياڭ ساياسي ـ زاڭ شۋەيۋانىندا شينجياڭعا كومەككە كەلگەن وقىتۋشى لي ميڭ مىنالاردى ٴبىلدىردى: جاڭا ٴبىر جىلدا ۇيرەتۋ، كومەكتەسۋ، جەتەكتەۋ رولىن تولىق ساۋلەلەندىرىپ، شەكارا وڭىرگە قىزمەت وتەيتىن، شەكارا ٴوڭىردى كوركەيتەتىن، شەكارا ٴوڭىردى قورعايتىن اناعۇرلىم كوپ ساياسي ـ زاڭ دارىندىلارىن جەتىلدىرەمىز.
ٴۇرىمجى قالاسى تيانشان رايونى ىرداۋچياۋ ٴمالىسى گۋيۋانشياڭ الەۋمەتتىك اۋماعى پارتيا مۇشەلەرى مەن بۇقاراعا قىزمەت وتەۋ ورتالىعىندا سوناۋ الىستان ويناقى مۋزيكا ٴۇنى ەستىلەدى، ون نەشە الەۋمەتتىك اۋماق تۇرعىنى ادەمى ۇلتتىق كيىمدەرىن كيىپ، ٴان ايتىپ، بيگە باستى.
الەۋمەتتىك اۋماق قالانىڭ ەڭ كىشكەنە ”كلەتكاسى“، ونى باسقارۋ ورەسى بۇقارانىڭ باقىتىنىڭ تاتىمىنا تىكە سايادى. سوڭعى 2 جىلدا گۋيۋانشياڭ الەۋمەتتىك اۋماعى حالىق تۇرمىسى ينجەنەرياسى قۇرىلىسى تەبىنىن ۇزدىكسىز زورايتتى، الەۋمەتتىك اۋماقتىڭ بەت ـ بەينەسى جاڭاردى. گۋيۋانشياڭ الەۋمەتتىك اۋماعى پارتيا باس ياچەيكاسىنىڭ شۋجيى جاڭ ياۋۋىن مىنالاردى ٴبىلدىردى: جاڭا ٴبىر جىلدا اۋەلگىدەي سانسىزداعان وتباسىلارىنا بارىپ، سانسىزداعان وتباسىنىڭ قيىنشىلىعىن شەشىپ، بۇقارانىڭ ماڭىنداعى ۇلكەندى ـ كىشىلى ىستەردى ويداعىداي شەشىپ، كوپشىلىكتى ونان ارى شاتتاندىرىپ، كوڭىلىن ونان ارى مەيىرگە بولەيمىز.
ٴتوراعا شي جينپيڭنىڭ جاڭا جىلدى قۇتتىقتاۋ ٴسوزىن تىڭداعاننان كەيىن جاڭاشار اۋداندىق پارتكوم كەڭسەسىنىڭ قىزمەتكەرى شيۇڭ يشىن ايرىقشا شابىتتاندى: ”نەگىزگى ساتى قىزمەتكەرى رەتىندە، جاڭا ٴبىر جىلدا ٴتوراعا شي جينپيڭنىڭ ىقىلاستى تاپسىرماسىن ەستە بەرىك ساقتاپ، نەگىزگى ساتىنى تياناق ەتىپ، اتىز باسىنا، بۇقارا وتباسىنا ىشكەرىلەي بارىپ حالىق تىلەگىنە قۇلاق اسىپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن شىنايى ويداعىداي شەشەمىن“.
پوسكام اۋدانى ميڭيۋان الەۋمەتتىك اۋماعىنىڭ كۇندەلىكتى كۇتىمدەۋ ورتالىعىندا قارتتار اسحاناسى، تۇرمىستىق ەرەن بازار، قارتا، شاحمات ٴۇيى، ساۋىقتىرۋ، ينەمەن ەمدەۋ بولمەسى سياقتىلاردىڭ بارلىعى تولىق، قارتتاردىڭ كوپ ساتىلى، سان الۋان قارتتاردى كۇتىمدەۋگە قىزمەت وتەۋ قاجەتىن جان ـ جاقتى قاناعاتتاندىرا الادى. ”كۇندەلىكتى كۇتىمدەۋ ورتالىعىنىڭ شارت ـ جاعدايى توتەنشە جاقسى، الەۋمەتتىك اۋماق قىزمەتكەرلەرى مەن ەرىكتىلەردىڭ قىزمەت وتەۋى دە كوڭىلدەگىدەي، بۇل ارادا الاڭسىز تۇرىپ جاتىرمىز“، ـ دەدى الەۋمەتتىك اۋماق تۇرعىنى بۇھاشي قۇربان.
”ٴتوراعا شي جينپيڭ بۇقارانىڭ مۇڭ ـ مۇقتاجىن قاشاندا كوڭىل تورىنە قويىپ، ٴبىزدى قارتتاردى كۇتىمدەۋگە قىزمەت وتەۋ قىزمەتىن دەن قويا، سۇيىسپەنشىلىكپەن، كۇش سالا ىستەۋگە جىگەرلەندىردى“. پوسكام اۋداندىق حالىق ىستەرى مەكەمەسىنىڭ ورىنباسار باستىعى ايگۇل قادىر بۇدان بىلاي الەۋمەتتىك اۋماقتىڭ وتباسىندا قارتتاردى كۇتىمدەۋگە قىزمەت وتەۋىن اناعۇرلىم تىڭعىلىقتى، اناعۇرلىم ەگجەي ـ تەگجەيلى، اناعۇرلىم ناقتى ىستەپ، قارتتاردىڭ سوڭعى ومىرلەرىن باقىتتى وتكىزۋىنە مۇمكىندىك جاسايتىندىقتارىن ايتتى.
(ٴتىلشى جاۋ شييا، قاتىناسقان تىلشىلەر جاۋ چۇنحۋا، جاڭ دۇڭمەي، لي لين)