ەركىن تۇنياز ورتالىقتىڭ شينجياڭدا تۇراتىن ورىندارى مەن كاسىپورىندارى ۋاكىلدەرى اڭگىمە ٴماجىلىسىن باسقارىپ اشتى
ۇكىمەت قىزمەتىنەن بايانداما جونىندەگى پىكىر ـ ۇسىنىستارىن تىڭدادى
انار بۇلت \ شينجياڭ گازەتىنىڭ ٴتىلشىسى لي ياڭ 1 ـ ايدىڭ 6 ـ كۇنى ۇرىمجىدەن حابارلايدى. تاياۋدا اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز اڭگىمە ٴماجىلىسىن باسقارىپ اشىپ، ورتالىقتىڭ شينجياڭدا تۇراتىن ورىندارى مەن كاسىپورىندارى ۋاكىلدەرىنىڭ «ۇكىمەت قىزمەتىنەن بايانداما (پىكىر الۋ نۇسقاسى)» جونىندەگى پىكىر ـ ۇسىنىستارىن تىڭدادى.
اڭگىمە ٴماجىلىسى الاڭى قىزۋ مەرەيگە شومدى، ماجىلىسى قاتىناسقاندار وزدەرىنىڭ قىزمەت امالياتىمەن ۇشتاستىرىپ، بەلسەندى تۇردە ۇسىنىس قويىپ، كەڭەس بەردى. ورتالىقتىڭ شينجياڭدا تۇراتىن ورىندارى جانە كاسىپورىن ۋاكىلدەرىنەن 16 ادام شينجياڭنىڭ دامۋ ٴىس جۇزىندىگىمەن تىعىز بايلانىستىرىپ، جەكە ـ جەكە ساناق قىزمەتىن ويداعىداي ىستەۋ، تۇتىنۋدى جەبەۋ، جاڭاشا وندىرگىش كۇشتەردى جەتىلدىرۋ جانە دامىتۋ، شارۋاشىلىق ـ ساۋدا ورتاسىن ساپالىلاندىرۋ، كاپيتال بازارىنا قارجى قوسۋ، قارجى قۇراۋ جالپىلىق رەفورماسىن تەرەڭدەتۋ، اۋىل ـ قىستاق زات جىبەرۋ ـ جەتكىزۋ زات اينالىمى جۇيەسىن كەمەلدەندىرۋ، ەلەكتر قۋاتى بويىنشا ورتا، ۇزاق مەرزىمدىك ايىرباس مەحانيزمىن اقاۋسىزداندىرۋ، شينجياڭنىڭ اۋىل ـ قىستاق امانات ـ قارىز كووپەراتيۆى رەفورماسىن بەلسەنە ىلگەرىلەتۋ، وڭتۇستىك شينجياڭ جاڭاشا ەلەكتر قۋاتى جۇيەسى قۇرىلىسىن جەدەلدەتۋ، شينجياڭدى مادەنيەتپەن نارلەندىرۋ قىزمەتىن تەرەڭدەتۋ، ناقتىلاندىرۋ سياقتى جاقتاردا پىكىر ـ ۇسىنىستار قويدى.
سوزدەردى مۇقيات تىڭداعاننان كەيىن، ەركىن تۇنياز بىلاي دەپ اتاپ كورسەتتى: ۇزاق ۋاقىتتان بەرى ورتالىقتىڭ شينجياڭدا تۇراتىن ورىندارى مەن كاسىپورىندارى باستان ـ اياق اۆتونوميالى رايونمەن بىردەي سۇراۋعا بىرگە جاۋاپ قايتارىپ، سايكەستى قاداممەن ىلگەرىلەپ شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا دەم بەرۋ ٴۇشىن ماڭىزدى ۇلەس قوستى. كوپشىلىك مۇقيات، جاۋاپتى بولۋ پوزيتسياسىمەن، ٴارقايسىسى وزدەرىنىڭ سالالارىن شىعار ٴتۇيىن ەتىپ، ورتالىق پەن جەرگىلىكتى ورىندى اناعۇرلىم ويداعىداي توعىستىرۋ، ٴتۇيىلىستىرۋ، بىرىككەن كۇش قالىپتاستىرۋ، بىرگە يگىلىككە كەنەلۋدى جۇزەگە اسىرۋ تۇرعىسىنان تولعانىپ، ورتالىقتىڭ رۋحىمەن تىعىز بايلانىستىرىپ، شينجياڭنىڭ ٴىس جۇزىندىگىمەن تىعىز بايلانىستىرىپ، قۇندى پىكىر ـ ۇسىنىستاردى ورتاعا قويىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا قىزمەت وتەۋ سىندى جاۋاپكەرشىلىگى مەن مىندەت ارقالاۋىن ايگىلەدى. ٴبىز مۇقيات اقىلداسامىز، سونداي ـ اق وسى قۇندى ۇسىنىستاردى ۇكىمەت قىزمەتىنەن بايانداماعا ەنگىزىپ، 2025 ـ جىلعى قىزمەتتەردى ويداعىداي ىستەۋدەگى ناقتى شاراعا اينالدىرامىز.
ەركىن تۇنياز بىلاي دەپ اتاپ كورسەتتى: 2024 ـ جىل قاتاڭ دا كۇردەلى ىشكى ـ سىرتقى جاعداي الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم بۇكىل رايونداعى ٴار ۇلت كادر ـ بۇقاراسىن ىنتىماقتاستىرىپ جانە باستاپ، جاڭا دامۋ ۇستانىمىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قىزمەتتەردىڭ تىڭ ىلگەرىلەۋشىلىككە، تىڭ سەرپىلىسكە قول جەتكىزۋىن ىلگەرىلەتتى. وسى ناتيجەلەرگە قول جەتكىزۋدى ورتالىقتىڭ شينجياڭدا تۇراتىن ورىندارىنىڭ جانە كاسىپورىندارىنىڭ زور كۇشپەن قولداۋىنان بولە قاراۋعا بولمايدى. 2025 ـ جىل _ ”14 ـ بەسجىلدىق“ جوبا اياقتالىپ، ”15 ـ بەسجىلدىق“ جوبا جاسالاتىن جىل، ورتالىقتىڭ شينجياڭدا تۇراتىن ورىندارىنىڭ جانە كاسىپورىندارىنىڭ ساياساتتىق باسىمدىقتارىن، اقىل ـ پاراسات باسىمدىقتارىن، بايلىق باسىمدىقتارىن ۇزدىكسىز ساۋلەلەندىرىپ، شينجياڭنىڭ مەملەكەتتىڭ دامۋ كەلەلى جاعدايىنا اناعۇرلىم ويداعىداي قىزمەت وتەۋىنە دەم بەرۋ، ”ون ٴىرى كاسىپ سالاسى شوعىرى“ قۇرىلىسىن جەدەل ىلگەرىلەتۋ، جاڭاشا وندىرگىش كۇشتەردى جەتىلدىرۋ جانە دامىتۋ، كەلەلى نىسان قۇرىلىسى، دارىندىلاردى ەنگىزۋ، باۋلۋ سياقتى جاقتاردا قولداۋ سەرپىنىن ونان ارى ارتتىرۋىن ٴۇمىت ەتەمىز. ٴبىز قاتىستى قىزمەتتەردىڭ ورىستەتىلۋىنە ۇزدىكسىز تاماشا شارت ـ جاعداي جاراتىپ، پارمەندى قامتاماسىزدىق ازىرلەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن بىرگە ىلگەرىلەتۋگە اناعۇرلىم زور ۇلەس قوسامىز.
چىن ۋيجۇن اڭگىمە ماجىلىسىنە قاتىناستى.