انار بۇلت \ شينجياڭ گازەتىنىڭ ٴتىلشىسى سو رۇڭجى 1 ـ ايدىڭ 8 ـ كۇنى ۇرىمجىدەن حابارلايدى. اۆتونوميالى رايوندىق بازار باقىلاۋ ـ باسقارۋ مەكەمەسىنەن ۇعىسۋىمىزشا، 2024 ـ جىلى 12 ـ ايدىڭ سوڭىنا دەيىن بۇكىل رايوندا تىركەۋگە الىنعان ٴتۇرلى شارۋاشىلىق تۇلعالارى 2 ميلليون 594 مىڭ 700گە (بيڭتۋانداعى 281 مىڭ 600 شارۋاشىلىق تۇلعاسىن قامتيدى) جەتىپ، سايكەس مەزگىلدەگىدەن %6.08 ارتقان.
«اۆتونوميالى رايوننىڭ شارۋاشىلىق ـ ساۋدا ورتاسىن ساپالىلاندىرىپ، دەڭگەيىن جوعارىلاتۋدىڭ 3 جىلدىق ارەكەت جوباسىن (2025 _ 2022 ـ جىل)» جەتەكشى ەتىپ، اۆتونوميالى رايون شارۋاشىلىق ـ ساۋدا ورتاسىنىڭ جەتەكتەۋ سيپاتتى، شەشۋشى سيپاتتى، بەلگى سيپاتتى رەفورمالارىنان ٴبىر توبىن كۇش سالا ىلگەرىلەتىپ، ٴبىر قىدىرۋ ناقتى رەفورما شارالارىن قولدانىپ، شارۋاشىلىق ـ ساۋدا ورتاسىنىڭ ۇزدىكسىز ساپالىلانۋىن ىلگەرىلەتىپ، شارۋاشىلىق تۇلعالارىنىڭ ومىرشەڭدىگىن قاۋلاتتى.
2024 ـ جىلى رايونىمىز ٴادىل، ادىلەتتى، باسەكەلى، ٴتارتىپتى بازار ورتاسىن جەدەل قالىپتاستىردى. بازارعا كىرۋگە رۇقسات ەتۋ بويىنشا قىزمەت وتەۋدى ساپالىلاندىرىپ، زەردەلىلەنگەن، ٴبىر تۇلعالانعان، سايكەستىرىلگەن، ۇيرەنۋگە وڭتايلى تىزىمدەلۋ، تىركەلۋ، ٴوتىنىش ەتۋ جۇيەسى قۇرىلىسىن ۇزدىكسىز ىلگەرىلەتىپ، كاسىپتى لوگيكالىق تۇجىرىمداۋ ەرەجەسى سياقتىلاردى كەمەلدەندىرىپ، شارۋاشىلىق تۇلعالارىن تىركەۋگە الۋعا قولايلىلىق تۋدىردى. شارۋاشىلىق تۇلعالارىنىڭ تيبىن جاڭالاپ، دارەجەسىن جوعارىلاتۋدى ىلگەرىلەتىپ، ”جەكە ساۋدا ـ ونەركاسىپشىدەن كاسىپورىنعا اينالۋ“ تىركەۋ رەفورماسىن تەرەڭدەتتى؛ كاسىپورىن ينفورماتسياسىن وزگەرتۋ، اس ـ سۋ دۇكەنىن اشۋ، كاسىپورىنداردى تىركەۋدەن ٴوشىرۋ سياقتى جوعارى جيىلىكتەگى ىستەرگە مەڭزەس، بازارعا كىرۋگە رۇقسات ەتۋ، شارۋاشىلىق جۇرگىزۋگە رۇقسات ەتۋ، شەگىنىپ شىعۋ سياقتى ”ٴىستى جوعارى ونىمدىلىكپەن ٴبىتىرۋ“ رەفورماسىن تەرەڭدەتتى؛ ۇكىمەت ىستەرى تەرەزەسىنىڭ كاسىپتىك ستيل قۇرىلىسىن كۇشەيتىپ، شارۋاشىلىق تۇلعالارىنىڭ رازىلىعىن جاپپاي جوعارىلاتتى.
كەزەكتە شينجياڭداعى حالىقتىق شارۋاشىلىق تۇلعالارىنىڭ دامۋى ٴدوپ كەلىپ وتىرعان بوگەتتەرگە، قيىن ماسەلەلەرگە مەڭزەس، 2024 ـ جىلى 3 ـ ايدا اۆتونوميالى رايوندىق بازار باقىلاۋ ـ باسقارۋ مەكەمەسى حالىقتىق شارۋاشىلىقتىڭ دامۋىن جەبەۋدىڭ 19 تارماقتى شاراسىن شىعاردى، بۇل حالىقتىق شارۋاشىلىقتىڭ دامۋ ورتاسىن ۇزدىكسىز ساپالىلاندىرۋ، ساياساتتىق قولداۋ تەبىنىن ارتتىرۋ، زاڭمەن باسقارۋدى قامتاماسىز ەتۋدى كۇشەيتۋ، حالىقتىق شارۋاشىلىقتىڭ جوعارى ساپالى دامۋىن ىلگەرىلەتۋ، حالىقتىق شارۋاشىلىق تۇلعالارىمەن ۇنەمىلىك بايلانىس جاساۋ ارناسىن ىركىلىسسىزدەندىرۋ سياقتى 5 جاقتى قامتيدى.
رايونىمىزداعى جەكە ساۋدا ـ ونەركاسىپشىلەردىڭ سانى ەرەسەن كوپ، ٴتۇيىنى كوپ، كولەمى كەڭ، مۇددە، تالاپ ـ تىلەك كوپ نەگىزدەنۋ، دامۋ دەڭگەيى پارىقتى بولۋ سياقتى ەرەكشەلىكتەرگە ساي، شينجياڭ 42 تارماقتى شارانى اتقارىپ، تيپكە، تۇرگە ٴبولىپ، جەكە ساۋدا ـ ونەركاسىپشىلەردى دالمە ـ ٴدال كومەكتەسىپ سۇيەمەلدەدى. ”ۇكىمەت پەن بانكەنىڭ“ جۇپ قۇراۋ سەلبەستىگىن تىعىز ورىستەتۋ ارقىلى جەكە ساۋدا ـ ونەركاسىپشىلەرگە بارىپ ناقتى قارجى قۇراۋ قاجەتىن ۇعىسىپ، باعىتتامالى فينانستىق قىزمەت وتەپ، اينالىم بارىسىنداعى قيىن ماسەلەلەردى شەشۋگە، فينانس بىلىمدەرىن ۇگىتتەۋگە، كەڭەس بەرۋ قىزمەت وتەۋىمەن قامداۋعا كومەكتەستى.
بازاردى باقىلاۋ ـ باسقارۋ ونىمدىلىگىن جوعارىلاتۋ جاعىندا، بۇكىل رايوندا باعانى باقىلاۋ ـ تەكسەرۋ، قورعاۋ ارەكەتىن ورىستەتىپ، كاسىپورىندارعا ساياتىن بەلگىلەمەگە قايشى اقى الۋدى ارناۋلى وڭاۋدى ۇزدىكسىز ىشكەرىلەي ورىستەتتى؛ مونوپوليالاۋعا قارسى زاڭ اتقارۋ ارناۋلى ارەكەتىن، ورىنسىز باسەكەگە قارسى تۇرۋدى“ ”قورعاۋ“ ارناۋلى ارەكەتىن ىشكەرىلەي ورىستەتتى؛ نازاردى ەمدەۋ، ٴدارى ـ دارمەك، وقۋ ـ اعارتۋ، الەۋمەتتىك ىستەر، كۇندەلىكتى تۇتىنۋ بۇيىمدارى سياقتى ٴتۇيىندى سالالارعا شوعىرلاندىرىپ، ىقپالدى تيپتىك دەلولاردان ٴبىر توبىن شوعىرلى تەكسەرىپ ٴبىر جاقتى ەتىپ، ٴادىل باسەكەلى بازار ٴتارتىبىن شىنايى قورعادى.